/newsfirstlive-kannada/media/media_files/2025/08/08/rishabh_pant-5-2025-08-08-11-04-19.jpg)
ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿ ಬಳಿ ಭಾರತ ಟೆಸ್ಟ್ ತಂಡದ ಹಂಗಾಮಿ ನಾಯಕ ರಿಷಬ್ ಪಂತ್ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳುವ ಭೀತಿ ಎದುರಿಸುತ್ತಿದ್ದಾರೆ. ಇಂಜುರಿಯಿಂದ ಕಮ್​ಬ್ಯಾಕ್ ಮಾಡಿದ್ದ ಪಂತ್​ ಮೇಲೆ, ಬೆಟ್ಟದಷ್ಟು ನಿರೀಕ್ಷೆ ಇತ್ತು. ಆದ್ರೆ ಬೇಜವಾಬ್ದಾರಿಯುತ ಆಟ, ವಿಕೆಟ್ ಕೀಪರ್ ಬ್ಯಾಟರ್ ಕರಿಯರ್​ಗೆ ಕುತ್ತು ತರೋ ಸಾಧ್ಯತೆ ಇದೆ.
ಟೀಮ್ ಇಂಡಿಯಾದ ಯಂಗ್ ಅಂಡ್ ಡೈನಾಮಿಕ್ ಪ್ಲೇಯರ್ ರಿಷಭ್ ಪಂತ್ ಈಗ ಎಲ್ಲರ ಕೇಂದ್ರಬಿಂದುವಾಗಿದ್ದಾರೆ. ಗಿಲ್ ಅಲಭ್ಯತೆಯಲ್ಲಿ ಸೌತ್ ಆಫ್ರಿಕಾ ವಿರುದ್ಧ ತಂಡವನ್ನ ಮುನ್ನಡೆಸಿದ್ದ ಪಂತ್, ವ್ಯಾಪಕ ಟೀಕೆಗೂ ಗುರಿಯಾಗಿದ್ದಾರೆ. ಟೀಮ್ ಇಂಡಿಯಾದ ಫಿಯರ್​ಲೆಸ್ ಕ್ರಿಕೆಟರ್ ಅಂತಾನೇ ಗುರುತಿಸಿಕೊಂಡಿದ್ದ ಪಂತ್ ಇದೀಗ ತಾವೇ ಫಿಯರ್​ಗೆ ಒಳಗಾಗಿದ್ದಾರೆ.
ಇದನ್ನೂ ಓದಿ:ಶ್ರೇಯಾಂಕನೂ ಅಲ್ಲ, ಮಂದಾನನೂ ಅಲ್ಲ.. ಆರ್​ಸಿಬಿಯಲ್ಲೀಗ ಹೊಸ ಕ್ರಷ್..!
/filters:format(webp)/newsfirstlive-kannada/media/media_files/2025/11/17/rishab-panth-2025-11-17-10-08-12.jpg)
ಇಂಗ್ಲೆಂಡ್ ಟೆಸ್ಟ್ ಸರಣಿಯಲ್ಲಿ ಗಾಯಗೊಂಡಿದ್ದ ಪಂತ್ ಸೌತ್ ಆಫ್ರಿಕಾ 'ಎ' ವಿರುದ್ಧ ಡೀಸೆಂಟ್ ಕಮ್​ಬ್ಯಾಕ್ ಮಾಡಿದ್ರು. ಆದ್ರೆ ಕೊಲ್ಕತ್ತಾ ಟೆಸ್ಟ್ ಮತ್ತು ಗುವಾಹಟಿ ಟೆಸ್ಟ್ ಪಂದ್ಯದಲ್ಲಿ ಪಂತ್, ಪಂಚರ್ ಆದ್ರು. 4 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್ ಬೀಸಿದ್ದ ಪಂತ್, ಗಳಿಸಿದ್ದು ಕೇವಲ 49 ರನ್ ಮಾತ್ರ. ಪಂತ್ ಫ್ಲಾಪ್ ಶೋ, ಇದೀಗ ಚರ್ಚೆಗೆ ಗ್ರಾಸವಾಗಿದೆ.
ದಂಡಂ ದಶಗುಣಂ..! ಇದು ಪಂತ್ ಮಂತ್ರ. ಟೆಸ್ಟ್ ಇರ್ಲಿ, ಏಕದಿನ ಇರ್ಲಿ, ಟಿ-ಟ್ವೆಂಟಿ ಯಾವುದೇ ಫಾರ್ಮೆಟ್ ಇರ್ಲಿ, ಪಂತ್​​​ ಆಕ್ರಮಣಕಾರಿ ಬ್ಯಾಟಿಂಗ್​ ತಡೆಯೋರೇ ಇಲ್ಲ. ಆದ್ರೆ ಟೆಸ್ಟ್ ಕ್ರಿಕೆಟ್​​ನಲ್ಲಿ ಪಂತ್ ಅತಿಯಾದ ಅಗ್ರೆಸಿವ್​ನೆಸ್, ತಂಡಕ್ಕೆ ಹಿನ್ನಡೆ ಉಂಟುಮಾಡಿದೆ. ಅದ್ರಲ್ಲೂ ಪಂತ್ ಶಾಟ್ ಸೆಲೆಕ್ಷನ್ ಬಗ್ಗೆ, ಭಾರೀ ವಿರೋಧ ವ್ಯಕ್ತವಾಗ್ತಿದೆ.
ಪಂತ್ ಟೀಮ್ ಇಂಡಿಯಾದ ಆಲ್​ಫಾರ್ಮೆಟ್ ಕ್ಯಾಪ್ಟನ್ ಆಗಬೇಕಿತ್ತು. ಆದ್ರೆ ಪಂತ್ ತನ್ನಲ್ಲಿದ್ದ ನಾಯಕತ್ವದ ಗುಣಗಳನ್ನ ಸೂಕ್ತ ರೀತಿಯಲ್ಲಿ ಬಳಸಿಕೊಳ್ತಿಲ್ಲ. ಮ್ಯಾಚ್ ಟ್ಯಾಕ್ಟಿಕ್ಸ್, ಸ್ಟ್ರಾಟಜಿ, ಗೇಮ್ ಪ್ಲಾನ್, ಇವೆಲ್ಲವನ್ನ ಪಂತ್ ಸರಿಯಾಗಿ ಮಾಡದ ಕಾರಣ, ನಿರೀಕ್ಷಿತ ಫಲಿತಾಂಶ ಸಿಗುತ್ತಿಲ್ಲ. ಕೊಲ್ಕತ್ತಾ ಮತ್ತು ಗುವಾಹಟಿ ಟೆಸ್ಟ್ ಪಂದ್ಯದ ಸೋಲಿಗೆ, ಪಂತ್​ ನಾಯಕತ್ವವೇ ಕಾರಣ ಅಂದ್ರೆ ತಪ್ಪಾಗೋದಿಲ್ಲ.
ಇದನ್ನೂ ಓದಿ:KSCA ಚುನಾವಣೆಗೆ ಮತ್ತೆ ಟ್ವಿಸ್ಟ್.. ಹೈಕೋರ್ಟ್​ನಿಂದ ಮಹತ್ವದ ಆದೇಶ
/filters:format(webp)/newsfirstlive-kannada/media/post_attachments/wp-content/uploads/2025/07/rishabh_pant_new.jpg)
ಸೌತ್ ಆಫ್ರಿಕಾ ವಿರುದ್ಧ ಟೆಸ್ಟ್ ಸರಣಿ ಸೋಲಿನ ಬಳಿಕ, ರಿಷಭ್ ಪಂತ್ ಸಾಮಾಜಿಕ ಜಾಲತಾಣದಲ್ಲಿ ಕ್ಷಮೇ ಕೋರಿದ್ದಾರೆ. ವೈಟ್​ವಾಶ್ ಬಳಿಕ ಪಂತ್ ಕ್ಷಮೆ ಕೋರಿದ್ದು ಸರಿನೇ. ಆದ್ರೆ ಮೈದಾನದಲ್ಲಿ ನಾಯಕನಾಗಿ ಹಾಗೆ ಆಟಗಾರನಾಗಿ ಜವಾಬ್ದಾರಿಯುತ ಆಟವಾಡಿದ್ದಿದ್ರೆ, ಕ್ಷಮೆ ಕೇಳೋ ಅವಶ್ಯಕತೆ ಇತ್ತಾ..?
ಪಂತ್​ ಎದೆಯಲ್ಲಿ ಢವ ಢವ ಶುರು..?
ಟೀಮ್ ಇಂಡಿಯಾ ಟೆಸ್ಟ್ ತಂಡದಲ್ಲಿ ರಿಷಭ್ ಪಂತ್ ಸ್ಥಾನ, ಅಲುಗಾಡುತ್ತಿದೆ. ಪಂತ್​ಗೆ ತಂಡದಲ್ಲಿ ಸಿಕ್ಕಾಪಟ್ಟೆ ಕಾಂಪಿಟೇಟರ್ಸ್ ಇದ್ದಾರೆ. ವೈಟ್​ಬಾಲ್ ಕ್ರಿಕೆಟ್​ನಲ್ಲಿ ಕೆಲವರಿದ್ರೆ, ರೆಡ್​ಬಾಲ್ ಕ್ರಿಕೆಟ್​ನಲ್ಲಿ ಕೆ.ಎಲ್.ರಾಹುಲ್, ಧೃವ್ ಜುರೆಲ್​ರಂತಹ ವಿಕೆಟ್ ಕೀಪರ್ ಬ್ಯಾಟರ್ಸ್​, ವಿಕೆಟ್ ಕೀಪಿಂಗ್ ಸ್ಥಾನ ಆಕ್ರಮಿಸಿಕೊಳ್ಳಲು ತುದಿಗಾಲಲ್ಲಿ ನಿಂತಿದ್ದಾರೆ.
ಬೇಜವಾಬ್ದಾರಿ ಬಿಟ್ಟು ಪಂತ್ ಮೈದಾನದಲ್ಲಿ ಹೋರಾಟ ನಡೆಸಬೇಕಿದೆ. ಪಂತ್ ಆದಷ್ಟು ಬೇಗ ತನ್ನ ತಪ್ಪುಗಳನ್ನ ತಿದ್ದುಕೊಳ್ಳಬೇಕಿದೆ. ಒಂದು ವೇಳೆ ಪಂತ್ ಆಟ ಹೀಗೆ ಮುಂದುವರೆದ್ರೆ ಮುಂದೊಂದು ದಿನ ಟೀಮ್ ಇಂಡಿಯಾದಲ್ಲಿ ಸ್ಥಾನ ಕಳೆದುಕೊಂಡು ಪಶ್ಚಾತಾಪ ಪಡಬೇಕಾಗುತ್ತದೆ. ಎಚ್ಚರ ಪಂತ್.. ಎಚ್ಚರ...!
ಇನ್ನಷ್ಟು ಮಾಹಿತಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ
/newsfirstlive-kannada/media/agency_attachments/2025/07/28/2025-07-28t072019657z-newsfirst_banner_logo-2025-07-28-12-50-19.png)
Follow Us