ಮಿನರ್ವಾ ಪಬ್ಲಿಕ್ ಸ್ಕೂಲ್​​​ ಸುಬ್ರೋತೋ ಕಪ್ ಚಾಂಪಿಯನ್

64ನೇ ಸುಬ್ರೋತೋ ಕಪ್ ಸಬ್ ಜೂನಿಯರ್ U-15 ವಿಭಾಗದಲ್ಲಿ ಮಿನರ್ವಾ ಪಬ್ಲಿಕ್ ಸ್ಕೂಲ್ ಫುಟ್‌ಬಾಲ್ ಚಾಂಪಿಯನ್ ಪಟ್ಟ ಆಲಂಕರಿಸಿದೆ. 

ಸುಬ್ರೋತೋ ಕಪ್ ಅಂತರರಾಷ್ಟ್ರೀಯ ಫುಟ್‌ಬಾಲ್ ಟೂರ್ನಮೆಂಟ್‌ನ ಸಬ್ ಜೂನಿಯರ್ ಬಾಲಕರ ವಿಭಾಗದ ಫೈನಲ್​​​​ ಪಂದ್ಯದಲ್ಲಿ ಮೋಹಾಲಿಯ ಮಿನರ್ವಾ ಪಬ್ಲಿಕ್ ಸ್ಕೂಲ್ ತಂಡ 6-0 ಅಂತರದಿಂದ ಬಿಹಾರದ ವಿದ್ಯಾಚಲ್ ಇಂಟರ್‌ನ್ಯಾಷನಲ್ ಸ್ಕೂಲ್ ಮುಜಫರ್‌ಪುರ್ ವಿರುದ್ಧ ಭರ್ಜರಿ ಜಯ ಸಾಧಿಸಿತು. 

ಫೈನಲ್​ ಪಂದ್ಯಕ್ಕೆ ಪ್ರಮುಖ ಅತಿಥಿಯಾಗಿ ಏರ್ ಮಾರ್ಷಲ್ ತೇಜಿಂದರ್ ಸಿಂಗ್, ಭಾರತದ ಹಾಕಿ ತಂಡದ ಮಾಜಿ ಗೋಲ್ ಕೀಪರ್​​ ಪಿ.ಆರ್. ಶ್ರೀಜೇಶ್ ಪಾಲ್ಗೊಂಡಿದ್ದರು. ಈ ವೇಳೆ ತಂಡಗಳ ಬಾಲಕರಿಗೆ ಹಸ್ತಲಾಘವ ನೀಡಿ ಎಲ್ಲರಿಗೂ ಶುಭಾ ಹಾರೈಸಿದರು. 

ಇದನ್ನೂ ಓದಿ: ಭಾರತ-ಪಾಕ್ ಮಧ್ಯೆ ಪಂದ್ಯ.. ಹುಸಿಯಾದ ನಿರೀಕ್ಷೆ! ಯಾಕೆ ಹೀಗೆ ಆಯ್ತು..?

ಭಾರತ ಹಾಕಿ ತಂಡ ಮಾಜಿ ಆಟಗಾರ ಪಿಆರ್​ ಶ್ರೀಜೇಶ್ ಅವರು ಮಾತನಾಡಿ, ಟೂರ್ನ್​ಮೆಂಟ್​ ಅನ್ನು ಅದ್ಭುತವಾಗಿ ಆಯೋಜನೆ ಮಾಡಲಾಗಿದೆ. ನನಗೆ ಶಾಕ್ ಆಯಿತು ಅಷ್ಟೊಂದು ಸುಂದರವಾಗಿ ಟೂರ್ನ್​ಮೆಂಟ್​ ರೆಡಿ ಮಾಡಿದ್ದಾರೆ. ಒಳ್ಳೆಯ ಗ್ರೌಂಡ್, ಕ್ರೌಡ್ ಕೂಡ ಜಾಸ್ತಿ ಇದೆ. ಬಾಲಕರು ಅತ್ಯುತ್ತಮ ರೀತಿಯಲ್ಲಿ ಆಡುತ್ತಿದ್ದಾರೆ. 15 ವರ್ಷದ ಒಳಗಿನ ಈ ಫುಟ್​ಬಾಲ್ ಪಂದ್ಯ ಭಾರತದ ಫುಟ್​ಬಾಲ್​ಗೆ ಉತ್ತಮವಾದ ಅಡಿಪಾಯದಂತೆ ಇದೆ ಎಂದು ಹೇಳಿದ್ದಾರೆ.   

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ