2025ರ ಮಹಿಳಾ ವಿಶ್ವಕಪ್; ಅತಿ ಹೆಚ್ಚು ರನ್​ ಗಳಿಸಿದವರು ಯಾರು.. ಸ್ಮೃತಿ ಮಂದಾನ ಸ್ಥಾನ?

13ನೇ ಐಸಿಸಿ ಮಹಿಳಾ ವಿಶ್ವಕಪ್ 2025 ಇದೇ ಸೆಪ್ಟೆಂಬರ್​ 30 ರಂದು ಆರಂಭವಾಗಿತ್ತು. ಸದ್ಯ ಮುಗಿಯುವ ಹಂತಕ್ಕೆ ಬಂದಿದ್ದು ಇಂದು ಫೈನಲ್​ ಫೈಟ್​ನಲ್ಲಿ ಟೀಮ್ ಇಂಡಿಯಾ ಹಾಗೂ ದಕ್ಷಿಣ ಆಫ್ರಿಕಾ ನಡುವೆ ಮಹಾಕದನ ನಡೆಯಲಿದೆ. ಈ ಮಹತ್ವದ ಟೂರ್ನಿಯನ್ನು ಭಾರತ ಹಾಗೂ ಶ್ರೀಲಂಕಾದಲ್ಲಿ ಆಯೋಜನೆ ಮಾಡಲಾಗಿತ್ತು. ಇದು ಈಗಿರುವಾಗ ಈ ವಿಶ್ವಕಪ್​ನಲ್ಲಿ ಹೆಚ್ಚು ರನ್ ಗಳಿಸಿದ ಆಟಗಾರ್ತಿ ಯಾರು?. 

ಈ ಬಾರಿಯ ವಿಶ್ವಕಪ್​ನಲ್ಲಿ ನ್ಯೂಜಿಲೆಂಡ್​ ವಿರುದ್ಧ ಆಸ್ಟ್ರೇಲಿಯಾದ ಬ್ಯಾಟರ್​ ಆಶ್ಲೀ ಗಾರ್ಡ್ನರ್ ಮೊದಲ ಸೆಂಚುರಿ ಬಾರಿಸಿದರು. ಇದೇ ಪಂದ್ಯದಲ್ಲಿ ನ್ಯೂಜಿಲೆಂಡ್​ ಆಲ್​ರೌಂಡರ್ ಕೂಡ ಸಿಡಿಲಬ್ಬರದ ಶತಕ ಬಾರಿಸಿದ್ದರು. ಕಳೆದ ಬಾರಿ, 2022ರ ವಿಶ್ವಕಪ್​ನಲ್ಲಿ ಆಸ್ಟ್ರೇಲಿಯಾದ ನಾಯಕಿ ಅಲಿಸಾ ಹೀಲಿ ಅವರು 56.55 ಸರಾಸರಿಯಲ್ಲಿ 509 ರನ್​ ಗಳಿಸಿದ್ದರು. 

ಈ ಬಾರಿಯು ಪಂದ್ಯದ ಆರಂಭದಿಂದಲೂ ಬಿರುಸಿನ ಬ್ಯಾಟಿಂಗ್ ಮಾಡಿಕೊಂಡು ಬಂದ ಆಫ್ರಿಕಾ ತಂಡದ ನಾಯಕಿ ಲಾರಾ ವೋಲ್ವಾರ್ಡ್ ಹೆಚ್ಚು ರನ್ ಬಾರಿಸಿದ್ದಾರೆ. ಇವರ ನಂತರದ ಸ್ಥಾನದಲ್ಲಿ ಸ್ಮೃತಿ ಮಂದಾನ ಅವರು ಇದ್ದಾರೆ. ಈ ಇಬ್ಬರಿಗೂ 81 ರನ್​ಗಳ ಅಂತರವಿದೆ. ಒಂದು ವೇಳೆ ಇಂದಿನ ಫೈನಲ್​ ಕಾದಾಟದಲ್ಲಿ ಲಾರಾ ವೋಲ್ವಾರ್ಡ್ ಹೆಚ್ಚು ರನ್​ ಗಳಿಸದೇ ಔಟ್ ಆಗಿ, ಸ್ಮೃತಿ ಮಂದಾನ ಅವರು ಶತಕ ಬಾರಿಸಿದರೆ ಇಡೀ ಟೂರ್ನಿಯಲ್ಲಿ ಅತ್ಯಧಿಕ ರನ್ ಗಳಿಸಿದ ಖ್ಯಾತಿಗೆ ಪಾತ್ರರಾಗಲಿದ್ದಾರೆ.  

ಪ್ರತಿಕಾ ರಾವಲ್ ಕೂಡ ಟಾಪ್​ 5 ಪಟ್ಟಿಯಲ್ಲಿ ಇದ್ದರು. ಆದರೆ ಅವರು ಪಂದ್ಯದ ವೇಳೆ ಫೀಲ್ಡಿಂಗ್ ಮಾಡುವಾಗ ಗಂಭೀರವಾದ ಕಾಲಿನ ಗಾಯಕ್ಕೆ ಒಳಗಾಗಿದ್ದರಿಂದ ಟೂರ್ನಿಯಿಂದಲೇ ಔಟ್ ಆಗಿದ್ದಾರೆ. 308 ರನ್ ಗಳಿಸಿರುವ ಪ್ರತಿಕಾ ರಾವಲ್ ಅದ್ಭುತ ಬ್ಯಾಟಿಂಗ್ ಮಾಡಿದ್ದರು. ಆದರೆ ದುರದೃಷ್ಟವಶಾತ್ ಇಂಜುರಿಯಿಂದ ಅವರು ಈಗ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇದನ್ನೂ ಓದಿ: IND vs RSA; ಇಂದಿನ ಫೈನಲ್​ ಮ್ಯಾಚ್​ಗೆ ಮಳೆ ಬಂದ್ರೆ ಹೇಗೆ.. ವರ್ಲ್ಡ್​​​ಕಪ್ ಯಾರ ಪಾಲಾಗುತ್ತೆ..?

​ವಿಶ್ವಕಪ್​ ಪಂದ್ಯಗಳಲ್ಲಿ ತಂಡಗಳ ಜೊತೆ ಕಾದಾಡಿ ಭಾರತ ಹಾಗೂ ಆಫ್ರಿಕಾ ಫೈನಲ್​ಗೆ ಬಂದಿವೆ. ಇವತ್ತು ಯಾವ ಟೀಮ್ ಗೆಲ್ಲುತ್ತದೆಯೋ ಅದು ಮೊದಲ ಬಾರಿಗೆ ವಿಶ್ವಕಪ್​ ಅನ್ನು ಮುಡಿಗೇರಿಸಿಕೊಳ್ಳಲಿದೆ. ಏಕೆಂದರೆ ಈವರೆಗೂ ಈ ಎರಡು ತಂಡಗಳು ವಿಶ್ವಕಪ್​ ಗೆದ್ದುಕೊಂಡಿಲ್ಲ. ಹೀಗಾಗಿ ಇಂದು ನಡೆಯುವ ಫೈನಲ್ ಮ್ಯಾಚ್ ಎರಡು ತಂಡಗಳಿಗೂ ಅತ್ಯಂತ ಮುಖ್ಯವಾಗಿದೆ.  

ಸದ್ಯ ವಿಶ್ವಕಪ್​ನಲ್ಲಿ ಹೆಚ್ಚು ರನ್​ ಗಳಿಸಿದ ಆಟಗಾರ್ತಿಯರು

• ಲಾರಾ ವೋಲ್ವಾರ್ಡ್ (ಆಫ್ರಿಕಾ)- 470 ರನ್​ಗಳು
• ಸ್ಮೃತಿ ಮಂದಾನ (ಭಾರತ)- 389 
• ಆಶ್ಲೀ ಗಾರ್ಡ್ನರ್ (ಆಸ್ಟ್ರೇಲಿಯಾ)- 328
• ಪ್ರತೀಕಾ ರಾವಲ್ (ಭಾರತ)- 308
• ಫೋಬೆ ಲಿಚ್‌ಫೀಲ್ಡ್ (AUS) 304

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ