ಆನ್​ಲೈನ್​ ಬೆಟ್ಟಿಂಗ್​; ಕೊಹ್ಲಿ, ರೋಹಿತ್, ಧೋನಿ ಸೇರಿ ಕೋಟಿ ಕೋಟಿ ಹಣ ಕಳೆದುಕೊಳ್ಳಲಿರೋ ಕ್ರಿಕೆಟರ್ಸ್​

ಭಾರತದ ಕ್ರೀಡಾ ಉದ್ಯಮದ ಮೇಲೆ ಆನ್‌ಲೈನ್ ಗೇಮಿಂಗ್ ಪ್ರಚಾರ ಮತ್ತು ನಿಯಂತ್ರಣ ಮಸೂದೆ 2025, ಭಾರೀ ದೊಡ್ಡ ಪ್ರಮಾಣದಲ್ಲಿ ಪರಿಣಾಮ ಬೀರುತ್ತಿದೆ. ಈ ಒಂದು ಮಸೂದೆಯಿಂದ ಬಿಸಿಸಿಐ ಅಷ್ಟೇ ಅಲ್ಲ, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಬೂಮ್ರಾ ಸೇರಿದಂತೆ ಟೀಮ್ ಇಂಡಿಯಾದ ಯುವ ಆಟಗಾರರಿಗೆ ಆರ್ಥಿಕವಾಗಿ ಈ ಮಸೂದೆ ಪೆಟ್ಟು ಕೊಡುತ್ತಿದೆ ಎಂದು ಹೇಳಲಾಗುತ್ತಿದೆ. 

ಇತ್ತೀಚೆಗೆ ಸಂಸತ್ತಿನಲ್ಲಿ ಆನ್‌ಲೈನ್ ಗೇಮಿಂಗ್ ಪ್ರಚಾರ ಮತ್ತು ನಿಯಂತ್ರಣ ಮಸೂದೆ, 2025 ರ ಅಂಗೀಕಾರ ಮಾಡಲಾಗಿದೆ. ಆನ್‌ಲೈನ್ ಬೆಟ್ಟಿಂಗ್ ಆಪ್‌ಗಳು ಮತ್ತು ರಿಯಲ್ ಮನಿ ಗೇಮ್‌ಗಳನ್ನು ನಿಷೇಧ ಮಾಡಲಾಗಿದೆ. ಇದರ ಬೆನ್ನಲ್ಲೇ ಟೀಮ್ ಇಂಡಿಯಾದ ಸ್ಪಾನ್ಸರ್​ಶಿಪ್​ನಿಂದ ಫಾಂಟಸಿ ಸ್ಪೋರ್ಟ್ಸ್​ ಫ್ಲಾಟ್​ಫಾರ್ಮ್​ ಡ್ರೀಮ್-11 ಹಿಂದೆ ಸರಿದಿದೆ ಎಂದು ಹೇಳಲಾಗಿದೆ. ಇದರಿಂದ ಬಿಸಿಸಿಐಗೆ ನಷ್ಟವೇ ಹೆಚ್ಚಾಗಲಿದೆ. 

ಒಂದು ವೇಳೆ ಏಷ್ಯಾಕಪ್ ಟೂರ್ನಿ ಸೆಪ್ಟೆಂಬರ್ 9ರ ಒಳಗಾಗಿ ಬಿಸಿಸಿಐ, ಹೊಸ ಸ್ಪಾನ್ಸರ್​ಶಿಪ್ ಪಡೆಯಲು ವಿಫಲರಾದರೆ, ಟೀಮ್ ಇಂಡಿಯಾ ಪ್ರಾಯೋಜಕರು ಇಲ್ಲದೇ ಏಷ್ಯಾಕಪ್ ಆಡಲಿದೆ. ಇದು ಕೇವಲ ಬಿಸಿಸಿಐಗೆ ಮಾತ್ರವಲ್ಲ, ಟೀಮ್ ಇಂಡಿಯಾದ ಆಟಗಾರರಿಗೆ ಆರ್ಥಿಕ ನಷ್ಟ ಉಂಟು ಮಾಡಲಿದೆ. ಈಗಾಗಲೇ ಕೆಲವು ಬೆಟ್ಟಿಂಗ್ ಆ್ಯಪ್​ಗಳು, ಆನ್‌ಲೈನ್ ಗೇಮಿಂಗ್ ಪ್ರಚಾರದ ಜೊತೆ ಆಟಗಾರರು ಮಾಡಿಕೊಂಡಿರುವ ಒಪ್ಪಂದಗಳು, ಅನುಮೋದನೆಗಳನ್ನು ಕಳೆದುಕೊಳ್ಳುವ ಭೀತಿಯಲ್ಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಜಡ್ಜ್​ ಮನೆಯಲ್ಲೇ 29 ಲಕ್ಷ ಮೌಲ್ಯದ ವಜ್ರ, ಚಿನ್ನಾಭರಣಗಳು ಸೇರಿ 50 ಸಾವಿರ ನಗದು ಕಳ್ಳತನ

ಯಾವ ಯಾವ ಪ್ಲೇಯರ್ ಎಷ್ಟೆಷ್ಟು ಹಣ ಕಳೆದುಕೊಳ್ಳಲಿದ್ದಾರೆ ಎಂದು ನೋಡುವುದಾದರೆ, ವಿರಾಟ್ ಕೋಹ್ಲಿ ವಾರ್ಷಿಕವಾಗಿ 10 ರಿಂದ 12 ಕೋಟಿ ರೂಪಾಯಿಗಳನ್ನು ಕಳೆದುಕೊಳ್ಳಲಿದ್ದಾರೆ. ರೋಹಿತ್ ಶರ್ಮಾ ಹಾಗೂ ಧೋನಿ ವರ್ಷಕ್ಕೆ 6 ರಿಂದ 7 ಕೋಟಿ ನಷ್ಟವಾಗುತ್ತಾರೆ. ಪಾಂಡ್ಯ ಸಹೋದರರಿಗೆ ನಷ್ಟ ಆಗುತ್ತದೆ. ಕೆಲ ಯುವ ಕ್ರಿಕೆಟರ್ಸ್​ ಎಂದರೆ ರಿಂಕು ಸಿಂಗ್, ಮೊಹಮ್ಮದ್ ಸಿರಾಜ್, ಶುಭ್​ಮನ್ ಗಿಲ್​ ಸೇರಿ ಇತರೆ ಪ್ಲೇಯರ್ಸ್​ ಒಂದೊಂದು ಕೋಟಿ ಕಳೆದುಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ