ಹ್ಯಾಂಡ್​ಶೇಕ್​ ಮಾಡದ ಟೀಮ್ ಇಂಡಿಯಾ.. ಮ್ಯಾಚ್​ ರೆಫರಿ ವಜಾಕ್ಕೆ ಪಾಕಿಸ್ತಾನ ಡಿಮ್ಯಾಂಡ್

ಪಾಕಿಸ್ತಾನನ ವಿರುದ್ಧ ಸೂರ್ಯಕುಮಾರ್ ನೇತೃತ್ವದ ಟೀಮ್ ಇಂಡಿಯಾ ಅಮೋಘವಾದ ಗೆಲುವು ಪಡೆಯಿತು. ಈ ಗೆಲುವನ್ನು ಪಹಲ್ಗಾಮ್ ದಾಳಿಯಲ್ಲಿ ಮೃತಪಟ್ಟವರಿಗೆ ಹಾಗೂ ಇಂಡಿಯನ್ ಆರ್ಮಿಗೆ ಅರ್ಪಿಸಲಾಯಿತು. ಪಂದ್ಯದ ವೇಳೆ ಪಾಕಿಸ್ತಾನದ ಆಟಗಾರರ ಜೊತೆ ಭಾರತದ ಆಟಗಾರರು ಹ್ಯಾಂಡ್​ಶೇಕ್ ಮಾಡದೇ ಇರುವುದು ದೊಡ್ಡಮಟ್ಟದಲ್ಲಿ ಸದ್ದು ಮಾಡುತ್ತಿದೆ. 

ಸದ್ಯ ಈ ಸಂಬಂಧ ಪಾಕಿಸ್ತಾನ ಕ್ರಿಕೆಟ್​ ಮಂಡಳಿ (ಪಿಸಿಬಿ) ಇಂಟರ್​ನ್ಯಾಷನಲ್ ಕ್ರಿಕೆಟ್​ ಕೌನ್ಸಿಲ್​ (ಐಸಿಸಿ) ಕದ ತಟ್ಟಿದ್ದು ಮ್ಯಾಚ್ ರೆಫರಿ ಆಂಡಿ ಪೈಕ್ರಾಫ್ಟ್ ಅವರನ್ನ ವಜಾಗೊಳಿಸುವಂತೆ ಪಟ್ಟು ಹಿಡಿದಿದೆ. ಟಾಸ್ ಹಾಕಿದ ಮೇಲೆ ಪಾಕ್​ ಕ್ಯಾಪ್ಟನ್​ ಸಲ್ಮಾನ್ ಅಲಿ ಆಘಾ ಜೊತೆ ಸೂರ್ಯಕುಮಾರ್ ಹಸ್ತಲಾಘವ ಮಾಡದೇ ಇರುವುದರ ನಂತರ ಪಿಸಿಬಿ ದೂರು ನೀಡಿದೆ. ಐಸಿಸಿಗೆ ದೂರು ನೀಡಿರುವ ಪಿಸಿಬಿ ಮ್ಯಾಚ್ ರೆಫರಿ ಅವರನ್ನು ತೆಗೆದು ಹಾಕಬೇಕು ಎಂದು ಹೇಳಿದೆ.  

ಇದನ್ನೂ ಓದಿ:ಹೊಸ ಗರ್ಲ್​ಫ್ರೆಂಡ್​ ಜೊತೆ ಸ್ಟಾರ್ ಆಲ್​​ರೌಂಡರ್​ ಹಾರ್ದಿಕ್ ಪಾಂಡ್ಯ.. ಯಾರು ಈ ಬ್ಯೂಟಿ?

ಪಿಸಿಬಿ ಹಾಗೂ ಎಸಿಸಿ ಅಧ್ಯಕ್ಷರಾಗಿರುವ ಮೊಹ್ಸಿನ್ ನಖ್ವಿ, ಈ ಸಂಬಂಧ ದೂರು ನೀಡಿರುವುದರ ಪತ್ರವನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಕ್ರಿಕೆಟ್​ಗೆ ಸಂಬಂಧಿಸಿದಂತೆ ಐಸಿಸಿ ನೀತಿ ಸಂಹಿತೆ ಮತ್ತು ಎಂಸಿಸಿ ಕಾನೂನುಗಳ ಉಲ್ಲಂಘನೆ ಮಾಡಲಾಗಿದೆ. ಹೀಗಾಗಿ ತಕ್ಷಣಗಿಂದಲೇ ಮ್ಯಾಚ್ ರೆಫರಿನ ತೆಗೆದು ಹಾಕುವಂತೆ ಮನವಿ ಮಾಡಲಾಗಿದೆ. 

ಏಷ್ಯಾನ್ ಕ್ರಿಕೆಟ್​ ಕೌನ್ಸಿಲ್​ ಮೂಲಗಳ ಪ್ರಕಾರ ಮ್ಯಾಚ್ ರೆಫರಿ ಆಂಡಿ ಪೈಕ್ರಾಫ್ಟ್ ಅವರು ಹ್ಯಾಂಡ್​ಶೇಕ್ ಮಾಡುವುದಿಲ್ಲ ಎನ್ನುವ ಪ್ರೋಟೋಕಾಲ್ ಹೇಳುವುದನ್ನು ಮರೆತ್ತಿದ್ದಾರೆ. ಪಂದ್ಯದ ಕೊನೆಯಲ್ಲಿ ಪಾಕಿಸ್ತಾನದ ಆಟಗಾರರಿಗೆ ಹ್ಯಾಂಡ್​ಶೇಕ್ ಪ್ರೋಟೋಕಾಲ್ ಹೇಳುವುದನ್ನ ಮರೆತ್ತಿದ್ದಾರೆ ಎನ್ನಲಾಗಿದೆ. ಈ ಸಂಬಂಧ ರೆಫರಿ ಆಂಡಿ ಪೈಕ್ರಾಫ್ಟ್, ಪಾಕಿಸ್ತಾನ ತಂಡಕ್ಕೆ ಕ್ಷೆಮೆ ಕೇಳಿದ್ದಾರೆ. ಆದರೂ ಅವರನ್ನ ವಜಾ ಮಾಡಿ ಎಂದು ಪಿಸಿಬಿ ಹೇಳುತ್ತಿದೆ. 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ