RCB ಆಟಗಾರರ ಡೆಡ್ಲಿ ಬ್ಯಾಟಿಂಗ್.. ರಜತ್​, ಸಾಲ್ಟ್​, ಟಿಮ್ ಡೇವಿಡ್, ಬೆಥಲ್ ಸಿಡಿಲಬ್ಬರ.!

ಐಪಿಎಲ್ ಮುಗಿದು ಎಲ್ಲರು ತಣ್ಣಗಾಗಿದ್ದಾರೆ. ಆದ್ರೆ, ಸೀಸನ್​​-18 ಐಪಿಎಲ್​​ನ ಚಾಂಪಿಯನ್ ಆರ್​ಸಿಬಿ ತಂಡದ ಆಟಗಾರರು ಮಾತ್ರ, ಫೈರಿ ಮೂಡ್​​ನಲ್ಲಿದ್ದಾರೆ. ದಿನೇ ದಿನೇ ಆರ್​ಸಿಬಿ ಆಟಗಾರರ ಅಬ್ಬರ ಹೆಚ್ಚಾಗ್ತಾನೇ ಇದೆ. ವಿಶ್ವ ಕ್ರಿಕೆಟ್ ಲೋಕದಲ್ಲಿ ಹೊಸ ಹವಾ ಸೃಷ್ಟಿಸಿದ್ದಾರೆ. ವಿಶ್ವ ಕ್ರಿಕೆಟ್​ನಲ್ಲಿ ಹೇಗಿದೆ ಆರ್​ಸಿಬಿ ಆಟಗಾರರ ಅಬ್ಬರ?. 

ಸೀಸನ್​​-18 ಐಪಿಎಲ್ ಮುಗಿದು ಮೂರು ತಿಂಗಳೇ ಆಗಿದೆ. ಸೀಸನ್​-19ರ ಐಪಿಎಲ್ ಟೂರ್ನಿಗಾಗಿ ಫ್ರಾಂಚೈಸಿಗಳು ತೆರೆ ಮರೆಯಲ್ಲಿ ಪ್ಲಾನ್ ರೂಪಿಸ್ತಿವೆ. ಈ ವಿಚಾರದಲ್ಲಿ ಆರ್​ಸಿಬಿ ಸೈಲೆಂಟ್ ಆಗಿದ್ರೂ, ಆರ್​ಸಿಬಿ ಆಟಗಾರರು ಮಾತ್ರ ಫುಲ್ ವೈಲೆಂಟ್ ಮೂಡ್​​ನಲ್ಲಿದ್ದಾರೆ. ಭರ್ಜರಿ ಫಾರ್ಮ್​ನಲ್ಲಿರುವ ಆರ್​ಸಿಬಿ ಆಟಗಾರರು, ಐಪಿಎಲ್ ಮುಗಿದ್ಮೇಲೆ ಬಿರುಗಾಳಿ ಎಬ್ಬಿಸ್ತಿದ್ದಾರೆ. ಆಟದಿಂದಲೇ ವಿಶ್ವ ಕ್ರಿಕೆಟ್ ಲೋಕದಲ್ಲಿ ಹವಾ ಸೃಷ್ಟಿಸಿದ್ದಾರೆ. ಈ ಪೈಕಿ ಫಸ್ಟ್ ಒನ್ ಫಿಲ್ ಸಾಲ್ಟ್​.

ಐಪಿಎಲ್​ ಬಳಿಕವೂ ನಿಂತಿಲ್ಲ ಫಿಲ್ ಸಾಲ್ಟ್​ ಅಬ್ಬರ..!

ಐಪಿಎಲ್​​ನಲ್ಲಿ ಆರ್​ಸಿಬಿ ಪರ ಅಬ್ಬರಿಸಿದ್ದ ಫಿಲ್​ ಸಾಲ್ಟ್​, ವಿಶ್ವ ಕ್ರಿಕೆಟ್​​ನಲ್ಲೂ ಬ್ಯಾಟಿಂಗ್ ದಂಡಯಾತ್ರೆ ಮುಂದುವರಿಸಿದ್ದಾರೆ. ಐಪಿಎಲ್ ಬಳಿಕ ದಿ ಹೆಂಡ್ರೆಡ್ ಲೀಗ್​​​ನಲ್ಲಿ ಬ್ಯಾಟಿಂಗ್ ದರ್ಬಾರ್ ನಡೆಸಿದ್ದ ಫಿಲ್​ ಸಾಲ್ಟ್​, ಈಗ  ಸೌತ್ ಆಫ್ರಿಕಾ ಎದುರಿನ ಪಂದ್ಯದಲ್ಲೂ ರೌದ್ರವತಾರ ಮರೆದಿದ್ದಾರೆ.

ಸೌತ್ ಆಫ್ರಿಕಾ ಎದುರಿನ 2ನೇ ಟಿ20 ಪಂದ್ಯದಲ್ಲಿ ಬೌಂಡರಿ, ಸಿಕ್ಸರ್​​ಗಳ ಮಳೆ ಸುರಿಸಿದ ಫಿಲ್ ಸಾಲ್ಟ್​, 39 ಎಸೆತಗಳಲ್ಲೇ ಶತಕ ಪೂರ್ಣಗೊಳಿಸಿದ್ದಾರೆ. ಶತಕದ ಬಳಿಕವೂ ಅಬ್ಬರಿಸಿರುವ ಸಾಲ್ಟ್​, 60 ಎಸೆತಗಳಲ್ಲಿ 15 ಬೌಂಡರಿ, 8 ಸಿಕ್ಸರ್‌ನೊಂದಿಗೆ ಅಜೇಯ 141 ರನ್ ಚಚ್ಚಿದ್ದಾರೆ. ಸಾಲ್ಟ್​ರ ಈ ಸೌತ್ ಆಫ್ರಿಕಾ ಸ್ಟನ್ ಆಗಿದೆ.

ಬೀಸ್ಟ್​ ಮೂಡ್​​ನಲ್ಲಿ ಆರ್​ಸಿಬಿಯ ಜೇಕಬ್ ಬೆಥಲ್..!

ಜೇಕಬ್ ಬೆಥಲ್, ಐಪಿಎಲ್​ನಲ್ಲಿ ಸಿಕ್ಕ 2 ಅವಕಾಶಗಳಲ್ಲೂ ಅದ್ಬುತ ಆಟವಾಡಿದ್ದರು. ಸ್ಪೋಟಕ ಬ್ಯಾಟಿಂಗ್​ನಿಂದ ಎಲ್ಲರ ಮನ ಗೆದ್ದಿದ್ದ ಬೆಥಲ್​, ಸದ್ಯ ಸೌತ್ ಆಫ್ರಿಕಾ ಎದುರಿನ ಸರಣಿಯಲ್ಲಿ ಬೀಸ್ಟ್​ ಮೂಡ್​ನಲ್ಲಿ ಬ್ಯಾಟಿಂಗ್ ನಡೆಸ್ತಿದ್ದಾರೆ. ಸೌತ್ ಆಫ್ರಿಕಾ ಎದುರಿನ ಏಕದಿನ ಸರಣಿಯಲ್ಲಿ 1 ಶತಕ, 1 ಅರ್ಧಶತಕ ಸಿಡಿಸಿದ್ರು. ಸೌತಾಂಪ್ಟನ್​​ನಲ್ಲಿ ಸಿಡಿಸಿದ್ದ 110 ರನ್​​ಗಳ ಸ್ಪೋಟಕ ಆಟ ಅದ್ಭುತವಾಗಿತ್ತು. ಸದ್ಯ ಟಿ20 ಸರಣಿಯಲ್ಲೂ  14 ಎಸೆತಗಳಲ್ಲಿ ಬೆಥಲ್, 26 ರನ್ ಚಚ್ಚಿದ್ದಾರೆ.

5 ಪಂದ್ಯ.. 282 ರನ್​.. ಟಿಮ್​ ಡೇವಿಡ್ ಡೆಡ್ಲಿ ಬ್ಯಾಟಿಂಗ್..!

ಫಿಲ್ ಸಾಲ್ಟ್​ ಬಳಿಕ ವಿಶ್ವ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಸದ್ದು ಮಾಡಿದ್ದು, ಆಸ್ಟ್ರೇಲಿಯಾದ ಟಿಮ್ ಡೇವಿಡ್.. ಆರ್​ಸಿಬಿ ಪರ ರಣಭೀಕರ ಬ್ಯಾಟಿಂಗ್ ನಡೆಸಿದ್ದ ಟಿಮ್ ಡೇವಿಡ್, ವೆಸ್ಟ್​ ಇಂಡೀಸ್​, ಸೌತ್ ಆಫ್ರಿಕಾ ಎದುರಿನ ಟಿ20 ಸರಣಿಗಳಲ್ಲಿ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದ್ದಾರೆ. ವಿಂಡೀಸ್ ಎದುರು ಕೇವಲ 37 ಎಸೆತಗಳಲ್ಲೇ 102 ರನ್ ಚಚ್ಚಿದ್ದ ಟಿಮ್ ಡೇವಿಡ್, ಕೊನೆ 5 ಪಂದ್ಯಗಳಿಂದ ಗಳಿಸಿದ ರನ್ 282 ಹಾಗೂ ಸ್ಟ್ರೈಕ್​ರೇಟ್  210.44 ಇದೆ.

ದುಲೀಪ್ ಟ್ರೋಫಿಯಲ್ಲಿ ಧೂಳ್ ಎಬ್ಬಿಸ್ತಿದ್ದಾರೆ ರಜತ್!

ಆರ್​ಸಿಬಿಯ ಫಿಲ್ ಸಾಲ್ಟ್​, ಜೇಕಬ್ ಬೆಥಲ್ ವಿಶ್ವ ಕ್ರಿಕೆಟ್​ನಲ್ಲಿ ಅಬ್ಬರಿಸ್ತಿದ್ರೆ. ನಾಯಕ ರಜತ್ ಪಾಟಿದಾರ್ ದೇಶಿ ಕ್ರಿಕೆಟ್​​ನಲ್ಲಿ ಧೂಳ್ ಎಬ್ಬಿಸ್ತಿದ್ದಾರೆ. ನಾರ್ಥ್​ ಈಸ್ಟ್​ ಝೋನ್ ಎದುರು ಕ್ರಮವಾಗಿ 125, 66 ರನ್ ಗಳಿಸಿದ್ದ ರಜತ್​, ವೆಸ್ಟ್ ಝೋನ್ ಎದುರಿನ ಪಂದ್ಯದಲ್ಲೂ 77 ರನ್ ಚಚ್ಚಿದ್ದಾರೆ. ಫೈನಲ್​ ಪಂದ್ಯದಲ್ಲಿ ಸೌತ್​ ಝೋನ್ ವಿರುದ್ಧ 101 ರನ್​ ಚಚ್ಚಿ ಟ್ರೋಫಿಗೆ ಮುತ್ತಿಕ್ಕಿದ್ದಾರೆ. ಅಷ್ಟೇ ಅಲ್ಲ, ನಾಯಕನಾಗಿಯೂ ತಂಡವನ್ನು ಯಶಸ್ಸಿನ ದಡ ಸೇರಿಸಿದ್ದಾರೆ. 

ಇದನ್ನೂ ಓದಿ:ಹೊಸ ಗರ್ಲ್​ಫ್ರೆಂಡ್​ ಜೊತೆ ಸ್ಟಾರ್ ಆಲ್​​ರೌಂಡರ್​ ಹಾರ್ದಿಕ್ ಪಾಂಡ್ಯ.. ಯಾರು ಈ ಬ್ಯೂಟಿ?

ಮಹಾರಾಜ ಟ್ರೋಫಿಯಲ್ಲಿ ದೇವದತ್ ದರ್ಬಾರ್!

ಇಂಜುರಿಯಿಂದ ಅರ್ಧಕ್ಕೆ ಟೂರ್ನಿಯನ್ನು ಮೊಟಕುಗೊಳಿಸಿದ್ದ ದೇವದತ್ ಪಡಿಕ್ಕಲ್, ಮಹಾರಾಜ ಟ್ರೋಫಿಯಲ್ಲಿ ರನ್ ಸುನಾಮಿ ಎಬ್ಬಿಸಿದ್ದಾರೆ. 12 ಪಂದ್ಯಗಳಿಂದ 449 ರನ್ ಕೊಳ್ಳೆ ಹೊಡೆದಿದ್ದ ಪಡಿಕ್ಕಲ್, 154ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಮಹಾರಾಜ ಟೂರ್ನಿಯ ರನ್​ ಮಹಾರಾಜನಾಗಿ ಮರೆದಾಡಿದ್ದಾರೆ. 

ಇವ್ರಷ್ಟೇ ಅಲ್ಲ, ಐಪಿಎಲ್​ನಲ್ಲಿ ಕಂಪ್ಲೀಟ್ ಫೇಲ್ ಆಗಿದ್ದ ಲಿಯಾಮ್ ಲಿವಿಂಗ್ ಸ್ಟೋನ್ ಸಹ ಬ್ಯಾಕ್ ಟು ಫಾರ್ಮ್​ ಆಗಿದ್ದಾರೆ. ದಿ ಹಂಡ್ರೆಡ್ ಲೀಗ್​​ನಲ್ಲಿ ಅಬ್ಬರಿಸಿದ್ದ ಸ್ಟೋನ್, ಈಗ ಟಿ20 ಬ್ಲಾಸ್ಟ್​ನಲ್ಲೂ 180.47ರ ಸ್ಟ್ರೈಕ್​​ರೇಟ್​ನಲ್ಲಿ ಬ್ಯಾಟ್ ಬೀಸ್ತಿದ್ದಾರೆ. ವಿಕೆಟ್ ಬೇಟೆಯಾಡುತ್ತಾ ತಂಡದ ಗೆಲುವಿನಲ್ಲಿ ಪಾತ್ರವಹಿಸ್ತಿದ್ದಾರೆ. ಐಪಿಎಲ್​​​​ನಲ್ಲಿ ಆರ್​ಸಿಬಿ ಚಾಂಪಿಯನ್ ಆಗುವಲ್ಲಿ ಶ್ರಮವಹಿಸಿದ್ದ ಈ ಆಟಗಾರರು, ಈಗ ವಿಶ್ವ ಕ್ರಿಕೆಟ್​​ನಲ್ಲೂ ಅದೇ ಲಯ ಮುಂದುವರಿಸುತ್ತಾ ಸೆನ್ಸೇಷನ್ ಸೃಷ್ಟಿಸಿರುವುದು ಸುಳ್ಳಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ