ಹೆಚ್ಚಾಯಿತು ಗಿಲ್ ಡಿಮ್ಯಾಂಡ್.. ಬ್ರ್ಯಾಂಡ್‌ಗಳ ಪಾಲಿನ ಹೊಸ ಕೊಹ್ಲಿ ಆಗ್ತಾರಾ ಶುಭ್​ಮನ್..?

ಶುಭ್​ಮನ್ ಗಿಲ್ ಟೀಮ್ ಇಂಡಿಯಾ ಟೆಸ್ಟ್​ ತಂಡದ ನಾಯಕನಾಗಿದ್ದೇ ಆಗಿದ್ದು, ಆತನ ಚರೀಷ್ಮಾನೇ ಬದಲಾಗಿದೆ. ಆನ್​​​ ಫೀಲ್ಡ್​ನಲ್ಲಿ ನಯಾ ಕೊಹ್ಲಿ ಎನಿಸಿಕೊಳ್ತಿರುವ ಶುಭ್​ಮನ್, ಆಪ್ ದಿ ಫೀಲ್ಡ್​ನಲ್ಲೂ ವಿರಾಟ್ ಹಾದಿಯಲ್ಲೇ ಸಾಗಿದ್ದಾರೆ. ಆದ್ರೆ, ಇದೇ ಈಗ ವಿರಾಟ್ ಕೊಹ್ಲಿಗೆ ಹಿನ್ನಡೆಯಾಗುತ್ತಾ ಎಂಬ ಪ್ರಶ್ನೆ ಹುಟ್ಟುಹಾಕಿದೆ. ಅದು ಯಾವ ವಿಚಾರಕ್ಕೆ?. 

ವಿಶ್ವ ಕ್ರಿಕೆಟ್​ ಲೋಕದಲ್ಲಿ ಶುಭ್​ಮನ್ ಗಿಲ್​​ ಯುಗಾರಂಭ ಶುರುವಾಗಿದೆ. ಇಂಗ್ಲೆಂಡ್ ಪ್ರವಾಸದಲ್ಲಿ ನಾಯಕನಾಗಿ ಆನ್​ಫೀಲ್ಡ್​ನಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದ ಪಂಜಾಬ್ ಪುತ್ತರ್​, ರನ್​​​​ ಹೊಳೆಯನ್ನೇ ಹರಿಸಿದ್ದಾರೆ. ಶತಕಗಳ ಮೇಲೆ ಶತಕ ಸಿಡಿಸಿ ದಿಗ್ಗಜರ ದಾಖಲೆಗಳನ್ನೇ ಉಡೀಸ್ ಮಾಡಿದ್ದಾರೆ. 4ನೇ ಕ್ರಮಾಂಕದಲ್ಲಿ ಬರೋಬ್ಬರಿ 754 ರನ್ ಕೊಳ್ಳೆ ಹೊಡೆದಿದ್ದ ಶುಭ್​ಮನ್ ಗಿಲ್, ಟೀಮ್ ಇಂಡಿಯಾದ ಹೊಸ ರನ್ ಮಷಿನ್ ಎನಿಸಿಕೊಂಡಿದ್ದಾರೆ. ವಿರಾಟ್ ಕೊಹ್ಲಿಯ ಹಾದಿಯಲ್ಲೇ ಮುನ್ನಡೆದಿರುವ ಶುಭಮನ್​, ಆನ್​ಫೀಲ್ಡ್​ನಲ್ಲೇ ಅಲ್ಲ, ಆಫ್​ ದಿ ಫೀಲ್ಡ್​ನಲ್ಲೂ ವಿರಾಟ್ ಕೊಹ್ಲಿಯಂತೆಯೇ ಸಾಗ್ತಿದ್ದಾರೆ.

ಬ್ರ್ಯಾಂಡ್‌ಗಳ ಪಾಲಿನ ಹೊಸ ಕೊಹ್ಲಿ ಶುಭ್​ಮನ್ ಗಿಲ್..!

ಶುಭ್​ಮನ್ ಗಿಲ್​​​, ಟೆಸ್ಟ್​ ಕ್ಯಾಪ್ಟನ್ ಪಟ್ಟವೇರಿದ್ದೇ ಏರಿದ್ದು. ಟೀಮ್ ಇಂಡಿಯಾದ ನಯಾ ರನ್ ಮಷಿನ್ ಆಗಿದ್ದಾರೆ. ಆದ್ರೆ, ಆನ್​ ಫೀಲ್ಡ್​ನಲ್ಲಿ ರನ್ ಮಷಿನ್ ಆಗಿರುವ ಶುಭ್​ಮನ್, ಈಗ ಆಲ್​​ ಫಾರ್ಮೆಟ್​ ಕ್ಯಾಪ್ಟನ್ ಆಗುವ ಬಗ್ಗೆ ವದಂತಿಗಳು ಕೇಳಿ ಬರ್ತಿವೆ. ಇದೇ ಕಾರಣಕ್ಕೆ ಏಷ್ಯಾಕಪ್​​ನಲ್ಲಿ ಉಪ ನಾಯಕನ ಪಟ್ಟ ಕಟ್ಟಲಾಗಿದೆ ಎನ್ನಲಾಗ್ತಿದೆ. ಆದ್ರೀಗ ಶುಭ್​ಮನ್​ ಗಿಲ್​​, ಟೆಸ್ಟ್​ ತಂಡದ ನಾಯಕನಾದ್ಮೇಲೆ ಚರೀಷ್ಮಾನೆ ಬದಲಾಗಿದೆ. ಯಾಕಂದ್ರೆ, ಶುಭಮನ್​​ ಗಿಲ್​, ಈಗ ಕಾರ್ಪೋರೇಟ್​ ಜಗತ್ತಿನ ಹೊಸ ವಿರಾಟ್​ ಕೊಹ್ಲಿಯಾಗಿದ್ದಾರೆ.  

ವಿರಾಟ್​ ಕೊಹ್ಲಿ, ವಿಶ್ವ ಕ್ರಿಕೆಟ್​​ನ ಕಿಂಗ್ ಮಾತ್ರವಲ್ಲ, ಕಾರ್ಪೋರೇಟ್​ ಜಗತ್ತಿನ ಕಿಂಗ್ ಕೂಡ ಆಗಿದ್ದರು. ಆದ್ರೀಗ ಇದೇ ಹಾದಿಯಲ್ಲೇ ಶುಭ್​ಮನ್ ಗಿಲ್ ಹೆಜ್ಜೆ ಹಾಕ್ತಿದ್ದಾರೆ. ಇದಕ್ಕೆ ಕಾರಣ ಇಂಗ್ಲೆಂಡ್ ಪ್ರವಾಸದ ಬಳಿಕ ಶುಭ್​ಮನ್ ಗಿಲ್​​ಗೆ ಹೆಚ್ಚಾಗಿರುವ ಡಿಮ್ಯಾಂಡ್.

ಫುಲ್​​ ಡಿಮ್ಯಾಂಡ್​.. ಪ್ರಿನ್ಸ್​ಗಾಗಿ ಜಾಹೀರಾತು ಕಂಪನಿಗಳ ಕ್ಯೂ!

ಇಂಗ್ಲೆಂಡ್​ ಸರಣಿಯಲ್ಲಿ ಫ್ಯಾನ್ಸ್​ ಮನ ಗೆದ್ದಿದ್ದ ಶುಭ್​ಮನ್, ಮತ್ತೊಂದಡೆ ಬ್ರ್ಯಾಂಡ್​​ಗಳ ಹೃದಯ ಗೆಲ್ತಿದ್ದಾರೆ. ಕಾರ್ಪೊರೇಟ್ ಕಂಪನಿಗಳ ನಯಾ ಡಾರ್ಲಿಂಗ್ ಆಗಿರುವ ಶುಭ್​ಮನ್​, ಈಗ ನ್ಯೂ ಬ್ರ್ಯಾಂಡ್ ಮಷಿನ್ ಆಗುವತ್ತ ಹೆಜ್ಜೆ ಹಾಕಿದ್ದಾರೆ. ಶುಭ್​ಮನ್ ಗಿಲ್​​ಗಾಗಿ ಪ್ರಖ್ಯಾತ ಬ್ರ್ಯಾಂಡ್ ಕಂಪನಿಗಳೇ ಕ್ಯೂ ನಿಲ್ತಿವೆ. ಅದು ಎಷ್ಟರ ಮಟ್ಟಿಗೆ ಅಂದ್ರೆ, ಹಿಂದೆ ತಿಂಗಳಿಗೆ ನಾಲ್ಕೈದು ಕಂಪನಿಗಳು ಕಾಯ ತೊಡಗಿದ್ರೆ. ಈಗ ಬರೋಬ್ಬರಿ 10 ರಿಂದ 15ಕ್ಕೆ ಏರಿಕೆಯಾಗಿವೆ. ಇದು ಶುಭ್​ಮನ್​​ ಡಿಮ್ಯಾಡ್​​​​ ಎಷ್ಟರ ಮಟ್ಟಿಗೆ ಇದೆ ಅನ್ನೋದಕ್ಕೆ ಎಕ್ಸಾಂಪಲ್.

ಶುಭ್​ಮನ್ ಗಿಲ್​​ ವಾಲ್ಯೂನಲ್ಲಿ ಶೇ.40ರಷ್ಟು ಹೆಚ್ಚಳ..!

ಕಾರ್ಪೋರೇಟ್ ಜಗತ್ತಿನ ನಯಾ ಡಾರ್ಲಿಂಗ್ ಶುಭ್​​ಮನ್ ಗಿಲ್​​, ಈಗ ಫುಲ್ ಕಾಸ್ಟ್ಲಿಯಾಗಿದ್ದಾರೆ. ಇಷ್ಟು ದಿನ ಬ್ರ್ಯಾಂಡ್​ಗಳ ಒಪ್ಪಂದಗಳಿಗಾಗಿ ಸುಮಾರು 4 ಕೋಟಿ ಪಡೀತ್ತಿದ್ದ ಶುಭ್​ಮನ್ ಗಿಲ್​​​, ಇನ್ಮುಂದೆ 7 ರಿಂದ 8 ಕೋಟಿ ರೂಪಾಯಿ ಚಾರ್ಜ್ ಮಾಡ್ತಾರೆ. ಅಂದ್ರೆ, ಈ ಹಿಂದೆ ಪಡೀತಿದ್ದ ಹಣಕ್ಕಿಂತ ದುಪ್ಪಟ್ಟು ಹಣ ಶುಭ್​ಮನ್ ಜೇಬಿಗಿಳಿಸ್ತಾರೆ. 

2024ರಲ್ಲಿ ಬ್ರ್ಯಾಂಡ್​​ ಎಂಡೋರ್ಸ್‌ಮೆಂಟ್​​​​ನಿಂದ 40 ಕೋಟಿ ಹಣ

MRF, ನೈಕಿ, ಟಾಟಾ ಕ್ಯಾಪಿಟಲ್ಸ್,  ಕೋಕಾ-ಕೋಲಾ, ಬಜಾಜ್ ಅಲಿಯಾನ್ಸ್, ಆಪಲ್ ಒಡೆತನದ ಬೀಟ್ಸ್ ಎಲೆಕ್ಟ್ರಾನಿಕ್ಸ್ ಸೇರಿದಂತೆ ಪ್ರಖ್ಯಾತ ಬ್ರ್ಯಾಂಡ್​​ಗಳ ಪ್ರಚಾರಕನಾಗಿರುವ ಶುಭ್​ಮನ್, 2023ರ ಅಂತ್ಯದಲ್ಲಿ ಕೇವಲ 8 ಬ್ರ್ಯಾಂಡ್​​​​ಗಳ ರಾಯಭಾರಿಯಾಗಿದ್ದರು. ಆದ್ರೀಗ ಇದರ ಸಂಖ್ಯೆ ಬರೋಬ್ಬರಿ 19ಕ್ಕೆ ಏರಿಕೆಯಾಗಿದೆ. ಇದು ಶುಭ್​ಮನ್ ಗಿಲ್​​, ಡಿಮ್ಯಾಂಡ್​​ ಅನ್ನೇ ಪ್ರತಿ ಸೂಚಿಸುತ್ತೆ. 

ಬ್ರ್ಯಾಂಡ್​​​ ಎಂಡೋರ್ಸ್‌ಮೆಂಟ್​​ನಿಂದ ಶುಭ್​ಮನ್, 2024ರಲ್ಲಿ 40 ಕೋಟಿ ಗಳಿಸಿದ್ದಾರೆ. ಇದೀಗ ಈ ಆದಾಯ ಡಬಲ್ ಆಗೋದು ಗ್ಯಾರಂಟಿ. ಯಾಕಂದ್ರೆ, ಶುಭ್​ಮನ್​ಗಾಗಿ ಮತ್ತಷ್ಟು ಬ್ರ್ಯಾಂಡ್​ಗಳು ಕ್ಯೂ ನಿಂತಿವೆ. ಶೀಘ್ರದಲ್ಲೇ ಇನ್ನಷ್ಟು ಕಂಪನಿಗಳ ಜೊತೆ ಒಪ್ಪಂದ ಮಾಡಿಕೊಳ್ಳಲಿದ್ದಾರೆ. ಹೀಗಾಗಿ ಶುಭ್​ಮನ್ ಆದಾಯದಲ್ಲಿ ಗಣನೀಯ ಏರಿಕೆ ಆಗೋದ್ರಲ್ಲಿ ಡೌಟೇ ಇಲ್ಲ.

ಇದನ್ನೂ ಓದಿ:ಕುರಿ ಕಾಯೋರಿಗೆ ಗನ್​ ಲೈಸೆನ್ಸ್​ ಕೊಡಬೇಕು.. ಸಚಿವ ಭೈರತಿ ಸುರೇಶ್ ಇನ್ನೇನು ಹೇಳಿದರು?

ಕಿಂಗ್​ ಕೊಹ್ಲಿಗೆ ಹಿನ್ನಡೆಯಾಗುತ್ತಾ ಶುಭ್​ಮನ್ ಪ್ರವರ್ಧಮಾನ..?

ಟಿ20, ಟೆಸ್ಟ್​ ಕ್ರಿಕೆಟ್​​​ನಿಂದ ವಿರಾಟ್ ಕೊಹ್ಲಿ ನಿವೃತ್ತಿಯಾಗಿದ್ದಾರೆ. ಆದ್ರೆ, ಬ್ರ್ಯಾಂಡ್​​​ ಎಂಡೋರ್ಸ್‌ಮೆಂಟ್ ವಿಚಾರದಲ್ಲಿ ಇವತ್ತಿಗೂ ಕೊಹ್ಲಿಯೇ ಕಿಂಗ್ ಆಗಿದ್ದಾರೆ. ಪ್ರತಿ ಬ್ರ್ಯಾಂಡ್​ನ ಒಪ್ಪಂದಕ್ಕೆ 7.5 ಕೋಟಿಯಿಂದ  10 ಕೋಟಿ ಚಾರ್ಚ್ ಮಾಡ್ತಾರೆ. 42ಕ್ಕೂ ಅಧಿಕ ಬ್ರ್ಯಾಂಡ್​​ಗಳ ಪ್ರಮೋಟರ್ ಆಗಿದ್ದಾರೆ. ವಾರ್ಷಿಕ ಬ್ರ್ಯಾಂಡ್​​ ಎಂಡೋರ್ಸ್‌ಮೆಂಟ್​​ ಫೀಸ್​ನಿಂದಲೇ 200 ಕೋಟಿಗೂ ಅಧಿಕ ಹಣ ಗಳಿಸ್ತಾರೆ. 

ಆದ್ರೆ, ವಿರಾಟ್​ ಕೊಹ್ಲಿ ಕ್ರಿಕೆಟ್​ನಿಂದ ತೆರೆಮರೆಗೆ ಸರಿಯುತ್ತಿದ್ದಾರೆ. ಮತ್ತೊಂದ್ಕಡೆ ಶುಭ್​​ಮನ್ ಪ್ರವರ್ಧಮಾನಕ್ಕೆ ಬಂದಿದ್ದಾರೆ. ಸೂಪರ್ ಸ್ಟಾರ್ ಅಂತಾನೇ ಬಿಂಬಿಸಲಾಗ್ತಿದೆ. ಇದಲ್ಲವೂ ಕೊಹ್ಲಿಗೆ ಪೆಟ್ಟಾಗೋದ್ರಲ್ಲಿ ಅನುಮಾನ ಇಲ್ಲ. ಆನ್​ಫೀಲ್ಡ್​ ಆಟಕ್ಕೆ ತಕ್ಕಂತೆ ನೇಮ್ ಫೇಮ್ ಮಾತ್ರವೇ ಅಲ್ಲ, ಬ್ರ್ಯಾಂಡ್ ವಾಲ್ಯೂ ಏರುತ್ತೆ. ಇದಕ್ಕೆ ಬೆಸ್ಟ್ ಎಕ್ಸಾಂಪಲ್​​  ಶುಭ್​ಮನ್​ ಗಿಲ್. 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ