ಡೇಂಜರ್ ಝೋನ್​ನಲ್ಲಿ SKY.. ಟೀಂ ಇಂಡಿಯಾದ ಆತಂಕ ಹೆಚ್ಚಿಸಿದ ಸೂರ್ಯ..!

ಫಿಯರ್​ಲೆಸ್ ಬ್ಯಾಟರ್.. ಪವರ್ ಹಿಟ್ಟರ್.. ಸ್ಟ್ರೀಟ್ ಸ್ಮಾರ್ಟ್ ಕ್ರಿಕೆಟರ್.. ಮಿಸ್ಟರ್ 360 ಎಂದೆಲ್ಲಾ ಕರೆಸಿಕೊಳ್ಳುವ ಸೂರ್ಯಕುಮಾರ್ ಯಾದವ್​ಗೆ, ಅದೇನು ಆಗಿದಿಯೋ ಗೊತ್ತಿಲ್ಲ. ಒಂದೆರಡು ಮ್ಯಾಚ್​ಗಳಲ್ಲಿ ಫ್ಲಾಪ್ ಆದ್ರೆ ಪರ್ವಾಗಿಲ್ಲ. ವರ್ಷವಿಡೀ ಆಡಿರೋ ಎಲ್ಲಾ ಮ್ಯಾಚ್​ಗಳಲ್ಲೂ ಸೂರ್ಯ ಅಟ್ಟರ್ ಫ್ಲಾಪ್ ಆಗಿದ್ದಾರೆ. 

ಟಿ-20 ವಿಶ್ವಕಪ್​​​​​ಗೆ ಕೇವಲ ಎರಡೇ ಎರಡು ತಿಂಗಳು ಮಾತ್ರ ಬಾಕಿ ಉಳಿದಿದೆ. ಟಿ-20 ತಂಡದ ನಾಯಕ ಸೂರ್ಯಕುಮಾರ್ ಯಾದವ್ ಫಾರ್ಮ್​​, ಕೋಚ್ ಗೌತಮ್ ಗಂಭೀರ್​​ಗೆ ಟೆನ್ಶನ್ ನೀಡಿದೆ. ಸೂರ್ಯ ಫಾರ್ಮ್​​ ಕಳೆದುಕೊಂಡಿದ್ದು ಇದೊಂದೇ ವರ್ಷ ಅಲ್ಲ. ಸತತ 2ನೇ ವರ್ಷ ಸೂರ್ಯ ಬ್ಯಾಟಿಂಗ್​ನಲ್ಲಿ ಫುಲ್​ ಡಲ್ ಆಗ್ಬಿಟ್ಟಿದ್ದಾರೆ.

ಇದನ್ನೂ ಓದಿ: ಸೂರ್ಯನ ರಣತಂತ್ರಕ್ಕಿಲ್ಲ ಪ್ರತಿತಂತ್ರ; ಟೀಂ ಇಂಡಿಯಾದ ಸ್ಟ್ರೆಂಥ್ ಹೇಗಿದೆ ಗೊತ್ತಾ..?

 
2024ರಲ್ಲಿ ಸೂರ್ಯಕುಮಾರ್ ಯಾದವ್ ರನ್​ಗಳಿಸೋದಕ್ಕೆ ಪರದಾಡ್ತಿದ್ರು. ಸೂರ್ಯ ಗಳಿಸ್ತಿದ್ದ ಒಂದೊಂದು ರನ್ ಶತಕ ಸಿಡಿಸಿದಂತಿತ್ತು. ಬ್ಯಾಡ್ ಫಾರ್ಮ್​​, ಲೋ ಕಾನ್ಫಿಡೆನ್ಸ್​ನಿಂದ ಸೂರ್ಯ, ಬ್ಯಾಟಿಂಗ್​ನಲ್ಲಿ ಮಂಕಾಗಿದ್ರು. ಆ ವರ್ಷ ಸೂರ್ಯ ಬ್ಯಾಟಿಂಗ್ ಸರಾಸರಿ, ಜಸ್ಟ್ 25.55

2025 ಸೂರ್ಯ ಪಾಲಿಗೆ ಅತ್ಯಂತ ಕರಾಳ ವರ್ಷವಾಗಿದೆ. ಕಳೆದ ವರ್ಷ ಸೂರ್ಯ ಬ್ಯಾಟಿಂಗ್ ಸರಾಸರಿ ಅಟ್ಲೀಸ್ಟ್ 20 ದಾಟಿತ್ತು. ಈ ವರ್ಷ ಸೂರ್ಯ ಬ್ಯಾಟಿಂಗ್ ಌವರೇಜ್ 15ಕ್ಕಿ ಬಂದು ಕುಸಿದಿದೆ. ಕಳೆದೆರಡು ವರ್ಷಗಳಲ್ಲಿ ಸೂರ್ಯ ಬ್ಯಾಟಿಂಗ್ ಯಾವ ಮಟ್ಟಕ್ಕೆ ಕುಸಿದಿದೆ ಅಂದ್ರೆ ಊಹಿಸಿಕೊಳ್ಳೋಕೂ ಸಾಧ್ಯವಿಲ್ಲ.

ಇದನ್ನೂ ಓದಿ:  ಆಸ್ಟ್ರೇಲಿಯಾದ ಮ್ಯಾಥ್ಯೂ ಹೇಡನ್‌ ಬೆತ್ತಲೆ ಓಡುವುದನ್ನು ತಪ್ಪಿಸಿದ ಜೋ ರೂಟ್‌! ಜೋ ರೂಟ್‌ಗೆ ಗ್ರೇಸ್ ಹೇಡನ್ ರಿಂದ ಧನ್ಯವಾದ!

2025ರಲ್ಲಿ ಸೂರ್ಯ ಅಟ್ಟರ್ ಫ್ಲಾಪ್

ಈ ವರ್ಷ 15 ಇನ್ನಿಂಗ್ಸ್​ಗಳನ್ನ ಆಡಿರುವ ಸ್ಕೈ 15.3ರ ಬ್ಯಾಟಿಂಗ್ ಸರಾಸರಿಯಲ್ಲಿ 184 ರನ್​ ಕಲೆಹಾಕಿದ್ದಾರೆ. 3 ಬಾರಿ ಡಕ್​ಔಟ್ ಆಗಿರುವ ಸೂರ್ಯ ಬೆಸ್ಟ್ ಸ್ಕೋರ್ 47 ರನ್ ನಾಟೌಟ್. ಸೂರ್ಯಕುಮಾರ್ ಆಟಗಾರನಾಗಿ ಒಳ್ಳೆ ರನ್ ಸ್ಕೋರ್ ಮಾಡಿದ್ದಾರೆ. ಆದ್ರೆ ನಾಯಕನಾಗಿ ಮುಂಬೈಕರ್ ರನ್ ಗಳಿಸಿಸೋದ್ರಲ್ಲಿ ಹಿಂದೆ ಬಿದ್ದಿದ್ದಾರೆ.

ಸೂರ್ಯ ಬ್ಯಾಟಿಂಗ್ ಸಾಧನೆ

ನಾಯಕತ್ವದ ಒತ್ತಡಕ್ಕೆ ಸಿಲುಕಿದ್ರಾ ಸೂರ್ಯ?

ಆಟಗಾರನಾಗಿ ಉತ್ತಮ ಬ್ಯಾಟಿಂಗ್ ಟ್ರ್ಯಾಕ್ ರೆಕಾರ್ಡ್ ಹೊಂದಿರುವ ಸೂರ್ಯ, ಸಾರಥಿ ಆದಮೇಲೆ ಮಂಕಾಗಿದ್ದೇಕೆ ಅನ್ನೋದು ಅಭಿಮಾನಿಗಳ ಪ್ರಶ್ನೆ. ಆದ್ರೆ ಸೂರ್ಯ ನಾಯಕತ್ವದ ಜವಾಬ್ದಾರಿ ಹೊತ್ತ ಮೇಲೆ, ಒತ್ತಡಕ್ಕೆ ಸಿಲುಕಿದ್ದಾರೆ ಅನ್ನೋದು ಸದ್ಯದ ಉತ್ತರ. ಒತ್ತಡದಲ್ಲೇ ಬ್ಯಾಟಿಂಗ್​ಗಿಳಿಯೋ ಸೂರ್ಯ, ಕ್ರೀಸ್​​ಗೆ ಗೆಸ್ಟ್ ಅಪಿಯರೆನ್ಸ್ ಮಾಡಿ ಹೋಗ್ತಾರೆ. ಒಟ್ನಲ್ಲಿ ಸೂರ್ಯಕುಮಾರ್​​​ ಯಾದವ್​ ಸದ್ಯ ಡೇಂಜರ್ ಝೋನ್​ನಲ್ಲಿದ್ದಾರೆ. ಮುಂದಿನ ದಿನಗಳಲ್ಲಿ ಸೂರ್ಯ ಮತ್ತೆ ಬ್ಯಾಟಿಂಗ್​ನಲ್ಲಿ ಫ್ಲಾಪ್ ಆದ್ರೆ ಸೂರ್ಯ ಕತ್ತಲಾಗೋ ಸಾಧ್ಯತೆ ಹೆಚ್ಚಿದೆ.

ಇದನ್ನೂ ಓದಿ: ಬೇರೆ ಕೋರ್ಟ್ ಗೆ ಕೇಸ್ ವರ್ಗಾವಣೆ ಕೋರಿದ್ದ ಪ್ರಜ್ವಲ್ ರೇವಣ್ಣ ಅರ್ಜಿ ಸುಪ್ರೀಂಕೋರ್ಟ್ ನಲ್ಲಿ ವಜಾ : ಪ್ರಜ್ವಲ್‌ಗೆ ಹಿನ್ನಡೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ