ಹಿಟ್​ಮ್ಯಾನ್​ ರೋಹಿತ್, ಅಯ್ಯರ್ ಬ್ಯಾಟಿಂಗ್ ಅಬ್ಬರ.. ಆಸಿಸ್​ಗೆ ಬಿಗ್ ಟಾರ್ಗೆಟ್​

ಆಸಿಸ್​ ವಿರುದ್ಧ ನಡೆಯುತ್ತಿರುವ 2ನೇ ಒಡಿಐ ಪಂದ್ಯದಲ್ಲಿ ಶುಭ್​ಮನ್ ಗಿಲ್ ನೇತೃತ್ವದ ಟೀಮ್ ಇಂಡಿಯಾ ದೊಡ್ಡ ಮೊತ್ತಕ್ಕೆ ಆಲೌಟ್ ಆಗಿದೆ. ರೋಹಿತ್ ಶರ್ಮಾ, ಶ್ರೇಯಸ್ ಅಯ್ಯರ್ ಅರ್ಧಶತಕದ ನೆರವಿನಿಂದ 265 ರನ್​ಗಳ ಟಾರ್ಗೆಟ್​ ಅನ್ನು ಆಸ್ಟ್ರೇಲಿಯಾಗೆ ನೀಡಿದೆ.   

ಆಸ್ಟ್ರೇಲಿಯಾದ ಅಡಿಲೇಡ್ ಓವಲ್​ ಮೈದಾನದಲ್ಲಿ ನಡೆಯುತ್ತಿರುವ 2ನೇ ಏಕದಿನ ಪಂದ್ಯದಲ್ಲಿ ಆಸಿಸ್​ ನಾಯಕ ಮಿಚೆಲ್ ಮಾರ್ಷ್ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿದ್ದರಿಂದ ಟೀಮ್ ಇಂಡಿಯಾ ಮೊದಲ ಬ್ಯಾಟಿಂಗ್ ಮಾಡಿತು. ಆರಂಭದಲ್ಲೇ ಟೀಮ್ ಇಂಡಿಯಾ ಕ್ಯಾಪ್ಟನ್ ಗಿಲ್ ಔಟ್ ಆಗಿ ನಿರಾಸೆ ಮೂಡಿಸಿದರು. ಇವರ ಬೆನ್ನಲ್ಲೇ ವಿರಾಟ್ ಕೊಹ್ಲಿ ಕೂಡ ಡಕೌಟ್​ ಆಗಿ ಈ ಸರಣಿಯಲ್ಲಿ ಎರಡನೇ ಬಾರಿ ಸೊನ್ನೆ ಸುತ್ತಿದರು. 

ಇದನ್ನೂ ಓದಿ:ಟ್ರ್ಯಾಕ್​ಗೆ ಮರಳಿದ ರೋಹಿತ್, ನಿಧಾನವಾದ ಅರ್ಧಶತಕ.. ಶ್ರೇಯಸ್​ ಅಯ್ಯರ್​ ಕೂಡ ಫಿಫ್ಟಿ!

ಆದರೆ ಇನ್ನೊಂದೆಡೆ ಬಲಿಷ್ಠ ಬ್ಯಾಟಿಂಗ್ ಪ್ರದರ್ಶಿಸಿದ ಓಪನರ್ ರೋಹಿತ್ ಶರ್ಮಾ ಆಸಿಸ್​ ಬೌಲರ್​ಗಳಿಗೆ ಬೆವರಿಳಿಸಿದರು. 74 ಎಸೆತಗಳಲ್ಲಿ 4 ಬೌಂಡರಿ, 2 ಸಿಕ್ಸರ್​ನಿಂದ ಫಿಫ್ಟಿ ಸಿಡಿಸಿದರು. ಇದು ರೋಹಿತ್ ಅವರ 2015ರ ನಂತರದ ಅತ್ಯಂತ ನಿಧಾನವಾದ ಅರ್ಧಶತಕವಾಗಿದೆ. ರೋಹಿತ್ ವೃತ್ತಿ ಜೀವನದ 59ನೇ ಅರ್ಧಶತಕವಾಗಿದೆ. 97 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 2 ಸಿಕ್ಸರ್​ಗಳಿಂದ 73 ರನ್ ಗಳಿಸಿ ಆಡುವಾಗ ರೋಹಿತ್, ಹ್ಯಾಜಲ್​ವುಡ್​ಗೆ ಕ್ಯಾಚ್ ಕೊಟ್ಟರು. 

ಶ್ರೇಯಸ್ ಅಯ್ಯರ್ 67 ಬಾಲ್​ಗಳನ್ನು ಎದುರಿಸಿ 5 ಬೌಂಡರಿಗಳಿಂದ ಅರ್ಧಶತಕ ಬಾರಿಸಿದ್ದಾರೆ. ಇದು ಅವರ 23ನೇ ಹಾಫ್​​ಸೆಂಚುರಿ ಆಗಿದೆ. ಈ ಪಂದ್ಯದಲ್ಲಿ ಅಯ್ಯರ್ ಒಟ್ಟು 61 ರನ್​ ಗಳಿಸಿ ಔಟ್ ಆದರು. ಅಕ್ಷರ್ ಪಟೇಲ್ ಅತ್ಯುತ್ತಮ ಆಲ್​ರೌಂಡರ್ ಬ್ಯಾಟಿಂಗ್ ಪ್ರದರ್ಶಿಸಿ 41 ಎಸೆತದಲ್ಲಿ 5 ಬೌಂಡರಿಗಳಿಂದ 44 ರನ್​ ಗಳಿಸಿದರು. ಇನ್ನುಳಿದಂತೆ ಕೆ.ಎಲ್ ರಾಹುಲ್​ 11, ಸುಂದರ್ 12, ನಿತೀಶ್ ಕುಮಾರ್ 8, ಅರ್ಷ್​ದೀಪ್ ಸಿಂಗ್ 13, ಹರ್ಷಿತಾ ರಾಣಾ ಅಜೇಯ 24 ರನ್​, ಈ ಎಲ್ಲ ಬ್ಯಾಟ್ಸ್​ಮನ್​ಗಳ ನೆರವಿನಿಂದ ಟೀಮ್ ಇಂಡಿಯಾ 50 ಓವರ್​ಗಳಲ್ಲಿ 9 ವಿಕೆಟ್​ ನಷ್ಟಕ್ಕೆ 265 ರನ್​ಗಳ ಟಾರ್ಗೆಟ್​ ಅನ್ನು ಆಸ್ಟ್ರೇಲಿಯಾಗೆ ನೀಡಿದೆ. 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ