ಅಭಿಷೇಕ್, ಸಂಗಕ್ಕಾರ ಮಧ್ಯೆ ರೇಸ್​​.. ಈ IPL ತಂಡದ ಹೆಡ್​ ಕೋಚ್ ಯಾರು ಆಗ್ತಾರೆ?

ಐಪಿಎಲ್​ಗೂ ಮುನ್ನ ಕೊಲ್ಕತ್ತಾ ನೈಟ್​​ ರೈಡರ್ಸ್​ ಫ್ರಾಂಚೈಸಿ ಸಿದ್ಧತೆ ಜೋರಾಗಿದೆ. ಒಂದ್ಕಡೆ ಆಟಗಾರರನ್ನು ಸೆಳೆಯುವ ಯತ್ನದಲ್ಲಿರುವ ಕೊಲ್ಕತ್ತಾ ನೈಟ್​ ರೈಸರ್ಸ್​ ತಂಡದಲ್ಲಿ, ಈಗ ಮುಂದಿನ ಹೆಡ್ ಕೋಚ್ ಯಾರು ಆಗುತ್ತಾರೆ ಎಂಬ ಪ್ರಶ್ನೆ ಎದುರಾಗಿದೆ. ಇದಕ್ಕಾಗಿ ಇಬ್ಬರ ನಡುವೆ ಟಫ್ ಫೈಟ್ ನಡೀತಿದೆ.

ಸೀಸನ್​​-19ರ ಐಪಿಎಲ್​​ಗೆ ಈಗಿನಿಂದಲೇ ಅಖಾಡಕ್ಕಿಳಿದಿರುವ ಕೊಲ್ಕತ್ತಾ ನೈಟ್ ರೈಡರ್ಸ್​, ಹೆಡ್ ಕೋಚ್ ಚಂದ್ರಕಾಂತ್ ಪಂಡಿತ್​ಗೆ ಕೊಕ್ ಕೊಟ್ಟು ದಿನಗಳೇ ಕಳೆದಿವೆ. ಆದ್ರೀಗ ಹೊಸ ಹೆಡ್ ಕೋಚ್ ಹುಡುಕಾಟದಲ್ಲಿರುವ ಕೊಲ್ಕತ್ತಾ ನೈಟ್ ರೈಡರ್ಸ್​, ಇಬ್ಬರಲ್ಲಿ ಒಬ್ಬರಿಗೆ ಹೆಡ್ ಕೋಚ್ ಪಟ್ಟ ಕಟ್ಟುವ ಲೆಕ್ಕಾಚಾರದಲ್ಲಿದೆ. 

ಯಾರ್​ ಆಗ್ತಾರೆ ಕೊಲ್ಕತ್ತಾ ನೈಟ್​ ರೈಡರ್ಸ್​ ಹೆಡ್ ಕೋಚ್..?

ರಾಜಸ್ಥಾನ್​ ರಾಯಲ್ಸ್​ನ ತೊರೆಯಲು ಮುಂದಾಗಿರೋ ಸಂಗಾಕ್ಕರ ಕೊಲ್ಕತ್ತಾ ನೈಟ್​​ ರೈಡರ್ಸ್​ ಸೇರ್ತಾರೆ ಎಂಬ ಸುದ್ದಿ ಹರಿದಾಡ್ತಿದೆ. ಕೆಲ ದಿನಗಳ ಹಿಂದಷ್ಟೇ ಚಂದ್ರಕಾಂತ್​ ಪಂಡಿತ್​ಗೆ ಕೊಕ್​ ನೀಡಿರುವ ಕೆಕೆಆರ್​​​ ಹೊಸ ಹೆಡ್​ಕೋಚ್​ಗಾಗಿ ಹುಡುಕಾಟ ನಡೆಸ್ತಿದೆ. ಶಾರೂಖ್​ ಖಾನ್​​ ಫ್ರಾಂಚೈಸಿಯ ಕಣ್ಣು ಸಂಗಾಕ್ಕರ ಮೇಲೆ ಬಿದ್ದಿದ್ದು, ಈಗಾಗಲೇ ಅಪ್ರೋಚ್​ ಮಾಡಲಾಗಿದೆ ಎನ್ನಲಾಗ್ತಿದೆ. ಆದ್ರೆ, ಇತ್ತ ಕೋಚಿಂಗ್ ಟೀಮ್​ನಲ್ಲಿ ಅಭಿಷೇಕ್ ನಾಯರ್ ಇದ್ದಾರೆ. ಹೀಗಾಗಿ ಇಬ್ಬರಲ್ಲಿ ಯಾರಿಗೆ ಕೊಲ್ಕತ್ತಾ ಮಣೆಹಾಕುತ್ತೆ ಎಂಬ ಕ್ಯೂರಿಯಾಸಿಟಿ ಎಲ್ಲರಲ್ಲೂ ಮಾಡಿದೆ. 

ಕೊಲ್ಕತ್ತಾ ಸಕ್ಸಸ್​​ನಲ್ಲಿ ಅಭಿಷೇಕ್ ನಾಯರ್​ ಪಾತ್ರ ಅಪಾರ..! 

ಕೊಲ್ಕತ್ತಾ ನೈಟ್​ ರೈಡರ್ಸ್​.. ಇಂಡಿಯನ್ ಪ್ರೀಮಿಯರ್ ಲೀಗ್​ನ ಸಕ್ಸಸ್​ ಫುಲ್​ ಟೀಮ್​ನಲ್ಲಿ ಒಂದು. ಆದ್ರೆ, ಇದೇ ಫ್ರಾಂಚೈಸಿ ಪರ 2018ರಿಂದ ದುಡಿಯುತ್ತಿದ್ದಾರೆ. 2021ರಲ್ಲಿ ರನ್ನರ ಆಫ್ ಆಗಿದ್ದು, 2024ರಲ್ಲಿ ಕೊಲ್ಕತ್ತಾ ಚಾಂಪಿಯನ್ ಆಗಿ ಮರೆದಾಡಿದ ಹಿಂದೆ ಅಭಿಷೇಕ್ ನಾಯರ್ ಪಾತ್ರವಿದೆ. 

ಅಭಿಷೇಕ್ ನಾಯರ್ ಅನುಭವ ಏನು..?​

• ದೇಶಿ ಕ್ರಿಕೆಟ್​ನ ಸಕ್ಸಸ್​ಫುಲ್ ಆಲ್​ರೌಂಡರ್ ಅಭಿಷೇಕ್​​
• ಮುಂಬೈ 2 ಬಾರಿ ರಣಜಿ ಗೆಲುವಿನಲ್ಲಿ ಮಹತ್ವದ ಪಾತ್ರ 
• IPL​ನಲ್ಲಿ ಮುಂಬೈ, ಪಂಜಾಬ್, ರಾಜಸ್ಥಾನ್, ಪುಣೆ ಪರ ಆಟ
• 2018ರಿಂದ 24 ತನಕ ಕೆಕೆಆರ್​ ಸಹಾಯಕ​ ಕೋಚ್ ಆಗಿ ಕೆಲಸ
• ಕೆರಿಬಿಯನ್ ಲೀಗ್​ನಲ್ಲಿ ಟ್ರಿಬ್ಯಾಗೋ ನೈಟ್ ರೈಡರ್ಸ್ ಪರ ಕಾರ್ಯ
• ಕೆಕೆಆರ್ ಯುವ ಆಟಗಾರರ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ
• ಟೀಮ್ ಇಂಡಿಯಾ ಸಹಾಯಕ ಕೋಚ್ ಆಗಿ ಕಾರ್ಯ
• ಕೊಲ್ಕತ್ತಾದ ಸಹಾಯಕ ಕೋಚ್ ಆಗಿ ಮತ್ತೆ ಸೇರ್ಪಡೆ
• ಕೊಲ್ಕತ್ತಾ ಆಟಗಾರರ ಜೊತೆ ಉತ್ತಮ ಅನುಬಂಧ 

ಲೆಜೆಂಡರಿ ಕುಮಾರ ಸಂಗಕ್ಕಾರಗೆ ಕಟ್ಟುತ್ತಾ ಪಟ್ಟ..? 

ಅಭಿಷೇಕ್ ನಾಯರ್ ಕನಸಿಗೆ ಕುಮಾರ ಸಂಗಕ್ಕಾರ ಮುಳ್ಳಾದರು ಅಚ್ಚರಿ ಇಲ್ಲ. ಯಾಕಂದ್ರೆ, ಈಗಾಗಲೇ ಆರ್​ಆರ್​ ತೊರೆಯಲು ಸಜ್ಜಾಗಿರುವ ಕುಮಾರ ಸಂಗಕ್ಕಾರ, ಲೆಜೆಂಡರಿ ಕ್ರಿಕೆಟರ್. ಅಪಾರ ಅಂತರಾಷ್ಟ್ರೀಯ ಪಂದ್ಯಗಳನ್ನಾಡಿರುವ ಅನುಭವದ ಜೊತೆ ಆರ್​ಆರ್​ ತಂಡದ ಕೋಚ್ ಆಗಿ ಯಶಸ್ಸು ಕಂಡಿದ್ದಾರೆ. ಹೀಗಾಗಿ ಲಂಕಾ ಲೆಜೆಂಡ್​ ಹೆಡ್ ಕೋಚ್ ಹುದ್ದೆಯ ಫೇವರಿಟ್ ಅನ್ನೋದ್ರಲ್ಲಿ ಡೌಟೇ ಇಲ್ಲ.

ಇದನ್ನೂ ಓದಿ:ಭಾರತ ತಂಡದ ಓಪನರ್ ಸ್ಲಾಟ್​ಗೆ ಬಿಗ್​ ರೇಸ್​..​ ಏಷ್ಯಾಕಪ್​ನಲ್ಲಿ ಆ ಅದೃಷ್ಟ ಸಿಗೋದು ಯಾರಿಗೆ?

ಕುಮಾರ ಸಂಗಕ್ಕಾರ ಅನುಭವ ಏನು..?

• ಅಪಾರ ಅಂತರಾಷ್ಟ್ರೀಯ ಕ್ರಿಕೆಟ್ ಆಡಿದ ಅನುಭವ
• 2021ರಿಂದ ಆರ್​ಆರ್​ ಕೋಚ್ & ಡೈರೆಕ್ಟರ್ ಆಗಿ​ ಕಾರ್ಯ
• 2022ರ ಐಪಿಎಲ್​​ನಲ್ಲಿ ರಾಜಸ್ಥಾನ್ ರನ್ನರ್ ಆಪ್​
• ಸ್ಟ್ರಾಂಗ್ ಕಮ್ಯುನಿಕೇಟರ್ & ಆಟಗಾರರಿಗೆ ಪ್ರೋತ್ಸಾಹ
• ಸ್ಟ್ರಾಟೆಜಿಸ್ಟ್​, ವರ್ಕ್​ ಎಥಿಕ್ಸ್​ ಹೊಂದಿರುವ ಸಂಗಕ್ಕಾರ
• ಲೀಡರ್​ಶಿಫ್​ & ಮ್ಯಾನ್ ಮ್ಯಾನೇಜ್​​​ಮೆಂಟ್ ಸ್ಕಿಲ್ಸ್​​   

ಹೀಗಾಗಿ ಕುಮಾರ ಸಂಗಕ್ಕಾರ, ಅಭಿಷೇಕ್ ನಾಯರ್​​ನ ಹಿಂದಿಕ್ಕಿದರು ಅಚ್ಚರಿ ಇಲ್ಲ. ಆದ್ರೆ, ಕಳೆದ ಕೆಲ ವರ್ಷಗಳಿಂದ ಕೊಲ್ಕತ್ತಾ ನೈಟ್​ ರೈಡರ್ಸ್ ತಂಡದ ನಂಬಿಕಸ್ಥ ಬಂಟನಾಗಿರುವ ಅಭಿಷೇಕ್ ನಾಯರ್, ತಂಡಕ್ಕಾಗಿ ದುಡಿದಿದ್ದಾರೆ. ಆಪ್ತರೂ ಆಗಿದ್ದಾರೆ. ಈ ಕಾರಣಕ್ಕೆ ಲಂಕಾ ಲೆಜೆಂಡ್​ ಸಂಗಕ್ಕಾರರನ್ನ ಕರೆತಂದು ಪಟ್ಟ ಕಟ್ಟೋದಾ..? ಇಲ್ಲ ತಂಡದಲ್ಲೇ ಇರುವ ಅಭಿಷೇಕ್​​ ನಾಯರ್​​ಗೆ ಬಡ್ತಿ ನೀಡುವುದಾ..? ಅನ್ನೋದು ಕೊಲ್ಕತ್ತಾ ಮುಂದಿರುವ ಬಿಗೆಸ್ಟ್ ಕ್ವಷನ್.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ