T20 ಏಷ್ಯಾ ಕಪ್​ನಲ್ಲಿ ಬೆಸ್ಟ್​ ಸ್ಟ್ರೈಕ್ ​ರೇಟ್ ಹೊಂದಿರುವ ಟಾಪ್- 5 ಬ್ಯಾಟ್ಸ್​ಮನ್ಸ್​​​

ಟಿ20 ಏಷ್ಯಾ ಕಪ್ ಗೆಲ್ಲಲು ಈಗಾಗಲೇ ಎಂಟು ತಂಡಗಳು ಭರ್ಜರಿ ಯೋಜನೆ ಹಾಕಿಕೊಂಡಿವೆ. ಇದೇ ಸೆಪ್ಟೆಂಬರ್ 9 ರಿಂದ ಏಷ್ಯಾ ಕಪ್ ಆರಂಭವಾಗಲಿದ್ದು ಅಫ್ಘಾನಿಸ್ತಾನ್ ಹಾಗೂ ಹಾಂಗ್ ಕಾಂಗ್ ನಡುವೆ ಮೊದಲ ಪಂದ್ಯ ನಡೆಯಲಿದೆ. ಈ ಮಹತ್ವದ ಟ್ರೋಫಿಗಾಗಿ ಹಾಲಿ ಚಾಂಪಿಯನ್ ಟೀಮ್ ಇಂಡಿಯಾ ಕೂಡ ಬಿಗ್ ಪ್ಲಾನ್​ ರೂಪಿಸಿದೆ. ಇನ್ನು ಟಿ20 ಏಷ್ಯಾಕಪ್​ನಲ್ಲಿ ಬೆಸ್ಟ್​ ಸ್ಟ್ರೈಕ್​ರೇಟ್ ಹೊಂದಿದ ಐವರು ಭಾರತೀಯ ಬ್ಯಾಟ್ಸ್​ಮನ್​ಗಳೆಂದರೆ.. 

ಸೂರ್ಯಕುಮಾರ್ ಯಾದವ್; ಅತ್ಯುತ್ತಮ ಸ್ಟ್ರೈಕ್ ರೇಟ್ ಹೊಂದಿರುವರಲ್ಲಿ ಟೀಮ್ ಇಂಡಿಯಾದ ಕ್ಯಾಪ್ಟನ್ ಸೂರ್ಯಕುಮಾರ್ ಯಾದವ್ ಟಾಪ್​ನಲ್ಲಿದ್ದಾರೆ. 5 ಪಂದ್ಯಗಳಲ್ಲಿ ಬ್ಯಾಟ್ ಬೀಸಿದ್ದ ಸೂರ್ಯಕುಮಾರ್ 163.52 ಸ್ಟ್ರೈಕ್​ ರೇಟ್​​ನೊಂದಿಗೆ 139 ರನ್​ ಗಳಿಸಿದ್ದಾರೆ. 

ಹಾರ್ದಿಕ್ ಪಾಂಡ್ಯ; ಟೀಮ್ ಇಂಡಿಯಾದ ಆಲ್​ರೌಂಡರ್​ ಹಾರ್ದಿಕ್ ಪಾಂಡ್ಯ ದ್ವಿತೀಯ ಸ್ಥಾನದಲ್ಲಿದ್ದಾರೆ. ಸೂರ್ಯಕುಮಾರ್ ನಂತರ ಸ್ಥಾನ ಪಡೆದಿರುವ ಪಾಂಡ್ಯ 8 ಪಂದ್ಯಳಿಂದ 148.21 ಸ್ಟ್ರೈಕ್​ ರೇಟ್​ನಿಂದ 83 ರನ್​ ಬಾರಿಸಿದ್ದಾರೆ. 

ರೋಹಿತ್ ಶರ್ಮಾ; ಸದ್ಯ ಟಿ20 ಕ್ರಿಕೆಟ್​ಗೆ ವಿದಾಯ ಹೇಳಿರುವ ಹಿಟ್​ಮ್ಯಾನ್ ರೋಹಿತ್ ಶರ್ಮಾ ಈ ಪಟ್ಟಿಯಲ್ಲಿ 3ನೇ ಸ್ಥಾನ ಪಡೆದಿದ್ದಾರೆ. 9 ಮ್ಯಾಚ್​ಗಳಲ್ಲಿ ಅಬ್ಬರಿಸಿರುವ ಹಿಟ್​​ಮ್ಯಾನ್​ 141.14 ಸ್ಟ್ರೈಕ್​ ರೇಟ್​ನಲ್ಲಿ 271 ರನ್​ಗಳನ್ನು ಕಲೆ ಹಾಕಿದ್ದಾರೆ. 

ಇದನ್ನೂ ಓದಿ:ಕಿರುತೆರೆ ನಟ ಆಶಿಶ್​ನನ್ನು ಅರೆಸ್ಟ್ ಮಾಡಿದ ಪೊಲೀಸರು.. ಕಾರಣವೇನು?

ವಿರಾಟ್ ಕೊಹ್ಲಿ; ಟಿ20 ಕ್ರಿಕೆಟ್​ಗೆ ನಿವೃತ್ತಿ ಹೇಳಿರುವ ವಿರಾಟ್ ಕೊಹ್ಲಿ ತಮ್ಮ ಬೆಸ್ಟ್​ ಬ್ಯಾಟಿಂಗ್​ನಿಂದ ಸ್ಥಾನ ಕಲ್ಪಿಸಿಕೊಂಡಿದ್ದಾರೆ. ಕಿಂಗ್ ಕೊಹ್ಲಿ 10 ಪಂದ್ಯಗಳಲ್ಲಿ ಬ್ಯಾಟಿಂಗ್ ಮಾಡಿದ್ದು 132.00 ಸ್ಟ್ರೈಕ್​ರೇಟ್​ನಲ್ಲಿ 429 ರನ್ ಗಳಿಸಿ 4ನೇ ಸ್ಥಾನದಲ್ಲಿದ್ದಾರೆ.

ರಿಷಭ್ ಪಂತ್; ಟೀಮ್ ಇಂಡಿಯಾದ ವಿಕೆಟ್​ ಕೀಪರ್ ಕಮ್ ಬ್ಯಾಟ್ಸ್​ಮನ್ ಆಗಿರುವ ರಿಷಭ್ ಪಂತ್ ಅವರು ಸದ್ಯ ಇಂಜುರಿಗೆ ಒಳಗಾಗಿ ಏಷ್ಯಾಕಪ್​ ಮಿಸ್ ಮಾಡಿಕೊಂಡಿದ್ದಾರೆ. ಏಷ್ಯಾಕಪ್​ನಲ್ಲಿ ಬ್ಯಾಟ್ ಮಾಡಿರುವ ಪಂತ್, 4 ಪಂದ್ಯಗಳಲ್ಲಿ 124.39 ಸ್ಟ್ರೈಕ್​​ ರೇಟ್​ನಲ್ಲಿ 51 ರನ್​ ಗಳಿಸಿದ್ದಾರೆ. ಈ ಲಿಸ್ಟ್​ನಲ್ಲಿ 5ನೇ ಸ್ಥಾನ ಪಡೆದಿದ್ದಾರೆ.  

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ