ಕಿಂಗ್ ಕೊಹ್ಲಿ ಫ್ಯಾನ್ಸ್​ಗೆ ಗುಡ್​ನ್ಯೂಸ್​.. ವರ್ಲ್ಡ್​​ಕಪ್ ಟೂರ್ನಿವರೆಗೆ ವಿರಾಟ್​ ದರ್ಶನ ಗ್ಯಾರಂಟಿ!

ವಿರಾಟ್​ ಕೊಹ್ಲಿ ಭವಿಷ್ಯ ಮುಂದೇನು ಎಂಬ ಗೊಂದಲದಲ್ಲಿದ್ದ ಫ್ಯಾನ್ಸ್​ಗೆ ಗುಡ್​ನ್ಯೂಸ್ ಸಿಕ್ಕಿದೆ. ವಿರಾಟ್ ಗುಡ್ ಬೈ ಹೇಳ್ತಾರಾ, 2027ರ ಏಕದಿನ ವಿಶ್ವಕಪ್ ಆಡಲ್ವಾ? ಇಂಥದ್ದೆಲ್ಲ ಪ್ರಶ್ನೆ ಹಾಗೂ ಗೊಂದಲಗಳಿಗೆ ಉತ್ತರ ಇಲ್ಲಿದೆ. 

ವಿಶ್ವ ಕ್ರಿಕೆಟ್ ಲೋಕದ ಹಾಟ್​ & ಟ್ರೆಂಡಿಂಗ್ ಟಾಪಿಕ್​​. ವಿರಾಟ್​ ಕೊಹ್ಲಿ ಭವಿಷ್ಯ ದಿನದಿಂದ ದಿನಕ್ಕೆ ವಿರಾಟ್ ಕೊಹ್ಲಿಯ ಮುಂದಿನ ಭವಿಷ್ಯ ಏನು ಎಂಬ ಪ್ರಶ್ನೆ ಗಿರಕಿ ಹೋಡೀತಾನೆ ಇದೆ. ಇದೀಗ ಇದಕ್ಕೆ ವಿರಾಟ್​, ಒನ್​ ಪಿಕ್ ಅನ್ಸರ್ ನೀಡಿದ್ದಾರೆ. ಅಷ್ಟೇ ಅಲ್ಲ, ಮುಂದೇನು ಎಂಬ ಗೊಂದಲದಲ್ಲಿದ್ದ ಫ್ಯಾನ್ಸ್​ಗೆ ಗುಡ್​ ನ್ಯೂಸ್ ಕೊಟ್ಟಿದ್ದಾರೆ.

ಲಂಡನ್​​ನಲ್ಲಿ ಅಭ್ಯಾಸದ ಅಖಾಡಕ್ಕಿಳಿದ ವಿರಾಟ್​ ಕೊಹ್ಲಿ..!

ಸೀಸನ್​​-18ರ ಐಪಿಎಲ್ ಮುಕ್ತಾಯಗೊಂಡಿದ್ದೆ ತಡ. ಕಿಂಗ್ ಕೊಹ್ಲಿ ಲಂಡನ್​ಗೆ ಹಾರಿದ್ದರು. ವಿಂಬಲ್ಡನ್ ಹಾಗೂ youwecan ಚಾರೀಟಿ ಕಾರ್ಯಕ್ರಮದಲ್ಲಿ ಬಿಟ್ರೆ, ಕಾಣಿಸಿಕೊಂಡಿದ್ದೇ ಇಲ್ಲ. ಕಾಣಿಸಿಕೊಂಡಿದ್ದಿರಲಿ, ಒಂದೇ ಒಂದು ಫೋಟೋ ಸಹ ರಿವೀಲ್ ಆಗಿರಲಿಲ್ಲ. ಆದ್ರೆ, ಲಂಡನ್​​ನಲ್ಲಿ ಅಜ್ಞಾತವಾಸದಲ್ಲಿದ್ದ ವಿರಾಟ್, ಈಗ ಅಭ್ಯಾಸದ ಅಖಾಡಕ್ಕೆ ಧುಮುಕಿಸಿದ್ದಾರೆ. 

ಲಂಡನ್​ನಲ್ಲಿ ಗುಜರಾತ್ ಟೈಟನ್ಸ್ ಅಸಿಸ್ಟೆಂಟ್​ ಕೋಚ್​ ನಯೀಮ್ ಅಮಿನ್, ಅಂಡರ್​​​ನಲ್ಲಿ ಬ್ಯಾಟಿಂಗ್​​ ಅಭ್ಯಾಸ ನಡೆಸಿರುವ ವಿರಾಟ್​​ ಕೊಹ್ಲಿ ಇನ್​ಸ್ಟಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ಅಷ್ಟೇ ಅಲ್ಲ, ಬ್ಯಾಟಿಂಗ್‌ ಅಭ್ಯಾಸಕ್ಕೆ ಸಹಾಯ ಮಾಡಿದ್ದಕ್ಕಾಗಿ ಧನ್ಯವಾದ ತಿಳಿಸಿದ್ದಾರೆ. ಆದ್ರೆ, ಈ ಒಂದೇ ಒಂದು ಪೋಸ್ಟ್​, ಕೇವಲ ಫೋಸ್ಟ್ ಆಗಿರಲಿಲ್ಲ. ವಿಶ್ವ ಕ್ರಿಕೆಟ್​ ಲೋಕಕ್ಕೆ ವಿರಾಟ್​ ನೀಡಿದ ಸಂದೇಶವೇ ಆಗಿತ್ತು. ರಿಟೈರ್ಮೆಂಟ್ ಕಥೆಗಳಿಗೆ ನೀಡಿದ ಕ್ಲಾರಿಟಿಯಾಗಿತ್ತು.

ಏಕದಿನ ನಿವೃತ್ತಿಯ ಕಥೆಗಳಿಗೆ ವಿರಾಟ್ ಕೊಹ್ಲಿ ನೀಡಿದ್ರಾ ಉತ್ತರ..?

ಬಹು ದಿನಗಳಿಂದ ವಿರಾಟ್ ಏಕದಿನ ಕ್ರಿಕೆಟ್​ಗೆ ನಿವೃತ್ತಿ ಹೇಳ್ತಾರಾ ಎಂಬ ಪ್ರಶ್ನೆ ಅರಿದಾಡುತ್ತಲೇ ಇತ್ತು. ಬಿಸಿಸಿಐ ಮೂಲಗಳಿಂದಲೇ 36ರ ವಿರಾಟ್​ ಕೊಹ್ಲಿ​ಗೆ ಆಫ್ರಿಕಾ ಟಿಕೆಟ್ ಡೌಟ್ ಎನ್ನಲಾಗಿತ್ತು. ಅಷ್ಟೇ ಅಲ್ಲ, ಈ ನಿಟ್ಟಿನಲ್ಲೇ ಮುಂಬರುವ ಆಸ್ಟ್ರೇಲಿಯಾ ಪ್ರವಾಸದಿಂದ ಹೊಸ​ ಟೀಮ್ ಕಟ್ಟುವ ಚಿಂತನೆ ನಡೆಸಿದೆ. ಹೀಗಾಗಿ ವಿರಾಟ್​, ಆಸ್ಟ್ರೇಲಿಯಾ ಪ್ರವಾಸ ಆಡುವ ಕುರಿತೇ ಅನುಮಾನ ಕಾಡಿತ್ತು. ಇದೀಗ ವಿರಾಟ್​ ಕೊಹ್ಲಿ ಬ್ಯಾಟಿಂಗ್ ಅಭ್ಯಾಸಕ್ಕಿಳಿಯುವ ಮೂಲಕ ನಿವೃತ್ತಿಯ ಊಹಾಪೋಹದ ಕಥೆಗಳಿಗೆ ಉತ್ತರ ನೀಡಿದ್ದಾರೆ. ಗೊಂದಲದಲ್ಲಿದ್ದ ಅಭಿಮಾನಿಗಳಿಗೂ ಗುಡ್​ ನ್ಯೂಸ್ ನೀಡಿದ್ದಾರೆ. 

ಡೋಂಟ್​ವರಿ ವಿರಾಟ್​ ಆಡ್ತಾರೆ 2027ರ  ಏಕದಿನ ವಿಶ್ವಕಪ್..!

ಹೌದು! 36 ವರ್ಷದ ವಿರಾಟ್​, 2027ರ ಏಕದಿನ ವಿಶ್ವಕಪ್ ಆಡುವುದು ಅನುಮಾನ ಎನ್ನಲಾಗಿತ್ತು. ವಯಸ್ಸಿನ ಕಾರಣಕ್ಕೆ ವಿರಾಟ್​, ಏಕದಿನ ಕ್ರಿಕೆಟ್​ ಭವಿಷ್ಯದ ಮೇಲೆ ತೂಗುಗತ್ತಿ ನೇತಾಡಿತ್ತು. ಆದ್ರೆ, ಈಗ ಏಕದಿನ ವಿಶ್ವಕಪ್ ಟೂರ್ನಿಯನ್ನಾಡಲು ಪಣ ತೊಟ್ಟಿರುವ ವಿರಾಟ್​, ಮತ್ತೆ ಫಿಟ್ನೆಸ್​ನತ್ತ ದೃಷ್ಟಿ ನೆಟ್ಟಿದ್ದಾರೆ. ಬ್ಯಾಟಿಂಗ್​ನತ್ತ ದೃಷ್ಟಿನೆಟ್ಟಿದ್ದಾರೆ. ಆ ಮೂಲಕ ಸ್ಟ್ರಾಂಗ್ ಕಮ್​ಬ್ಯಾಕ್ ಮಾಡಲು ಸಜ್ಜಾಗಿರುವ ವಿರಾಟ್​, ಆಸ್ಟ್ರೇಲಿಯಾ ಪ್ರವಾಸದ ಅಗ್ನಿಪರೀಕ್ಷೆಯಲ್ಲಿ ಎಲ್ಲಕ್ಕೂ ಬ್ಯಾಟ್​ನಿಂದ ಉತ್ತರ ನೀಡುವ ಲೆಕ್ಕಾಚಾರದಲ್ಲಿದ್ದಾರೆ. 

ಇದನ್ನೂ ಓದಿ:ವಿಶ್ವದ ನಂ​- 1 ಶ್ರೀಮಂತ ಕ್ರಿಕೆಟರ್ ಯಾರು..? ಭಾರತೀಯರೇ, ಆದ್ರೆ ಕೊಹ್ಲಿ, ಧೋನಿ ಅಲ್ಲವೇ ಅಲ್ಲ!

ವಿರಾಟ್ ಪಾಲಿಗೆ ಆಸ್ಟ್ರೇಲಿಯಾ ಪ್ರವಾಸ ಕ್ರೂಶಿಯಲ್..!

ಕೊಹ್ಲಿ ಲೆಜೆಂಡರಿ ಬ್ಯಾಟರ್ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಆದ್ರೆ, ಬರೋಬ್ಬರಿ 7 ತಿಂಗಳ ಬಳಿಕ ವಿರಾಟ್, ಏಕದಿನ ಅಖಾಡಕ್ಕಿಳಿಯಲಿದ್ದಾರೆ. ಐಪಿಎಲ್ ಬಿಟ್ರೆ, ಇನ್ಯಾವ ಸರಣಿಗಳನ್ನಾಡದ ವಿರಾಟ್​​, ಏಕಾಏಕಿ ಆಸ್ಟ್ರೇಲಿಯಾ ಕಂಡೀಷನ್ಸ್​ನಲ್ಲಿ ಆಡೋದು ಅಂದುಕೊಂಡಷ್ಟು ಸುಲಭವಲ್ಲ. ಹೀಗಾಗಿಯೇ ಅಕ್ಟೋಬರ್​ 19ರಿಂದ ಆರಂಭವಾಗಲಿರುವ ಮಹತ್ವದ ಸರಣಿಗೆ ಈಗಿನಿಂದಲೇ ಸಜ್ಜಾಗ್ತಿದ್ದಾರೆ. ವಯಸ್ಸಾಗಿದೆ ಎಂಬ ಪ್ರಶ್ನೆಗೆ ಏಜ್ ಇಸ್ ಜಸ್ಟ್ ಎ ನಂಬರ್​ ಎಂಬ ಸಂದೇಶ ನೀಡಲು ಪಣತೊಟ್ಟಿದ್ದಾರೆ. ವಿರಾಟ್​ ಲಾಂಗ್​ ರನ್​ಗೆ ಈ ಸರಣಿಯೇ ಮೋಸ್ಟ್ ಇಂಪಾರ್ಟೆಂಟ್. ಹೀಗಾಗಿ ಆಸಿಸ್ ಪ್ರವಾಸದಲ್ಲಿ ರನ್ ಗಳಿಸಬೇಕಾದ ಅಗತ್ಯತೆ ಕೊಹ್ಲಿಗೆ ಇದೆ. ಇಲ್ಲ ಸಂಕಷ್ಟ ಎದುರುವಾಗುವುದು ಫಿಕ್ಸ್.

ವಿರಾಟ್ ಆಡ್ತಾರಾ..? ಇಲ್ವಾ ಎಂಬ ಊಹಾಪೋಹಗಳಿಗೆ ಅಭ್ಯಾಸದ ಅಖಾಡಕ್ಕಿಳಿದು ಅನ್ಸರ್ ಕೊಟ್ಟಿರುವ ವಿರಾಟ್​ ಕೊಹ್ಲಿ, ಆಸ್ಟ್ರೇಲಿಯಾ ಪ್ರವಾಸದಲ್ಲಿ ರೌದ್ರವತಾರಾ ಪ್ರದರ್ಶಿಸಲಿ, ಆ ಮೂಲಕ ಭವಿಷ್ಯದ ಪ್ರಶ್ನೆ ಎತ್ತಿದವರ ಬಾಯಿ ಮುಚ್ಚಿಸಲಿ ಅನ್ನೋದೆ ಕೋಟ್ಯಾಂತರ ಅಭಿಮಾನಿಗಳ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ