ಬೌಂಡರಿ-ಸಿಕ್ಸರ್​​ ಅಬ್ಬರ ಅಭಿಮಾನಿಗಳಿಗೆ ಹಬ್ಬದೂಟ

ಮುಂಬೈ ಬೌಲರ್​​ಗಳ ಮೇಲೆ ಹೈದ್ರಾಬಾದ್​ ಬ್ಯಾಟರ್ಸ್​ ಸವಾರಿ

20 ಓವರ್, 3 ವಿಕೆಟ್​​, ಬರೋಬ್ಬರಿ 277 ರನ್​ ಚಚ್ಚಿದ SRH

38 ಸಿಕ್ಸ್​.. 33 ಬೌಂಡರಿ.. 523 ರನ್​​..! ಅಬ್ಬಬ್ಬಾ..! ನಿನ್ನೆ ಹೈದ್ರಾಬಾದ್​ ಗ್ರೌಂಡ್​ನಲ್ಲಿ ಬೌಲರ್​​ಗಳ ಮೇಲೆ ಬ್ಯಾಟ್ಸ್​​ಮನ್​ಗಳು ಅಕ್ಷರಶಃ ಸವಾರಿ ಮಾಡಿದ್ರು. ಬ್ಯಾಟ್ಸ್​​ಮನ್​ಗಳ ಬೌಂಡರಿ, ಸಿಕ್ಸರ್​​ಗಳ ಸುರಿಮಳೆ ಸುರಿಸ್ತಿದ್ರೆ ಫ್ಯಾನ್ಸ್​ ಹುಚ್ಚೆದ್ದು ಕಣೀತಿದ್ರು. ಒಂದೇ ಮಾತಲ್ಲಿ ಹೇಳಬೇಕಂದ್ರೆ ನಿನ್ನೆ ಫ್ಯಾನ್ಸ್​ಗೆ ಸಿಕ್ಕಿದ್ದು, ಪೈಸಾ ವಸೂಲ್​ ಟ್ರೀಟ್​​ಮೆಂಟ್​.

ರನ್​​.. ರನ್​.. ರನ್​​.. ಹೈದ್ರಾಬಾದ್​ನಲ್ಲಿ ನಿನ್ನೆ ರನ್​ ಮಳೆಯೇ ಸುರಿದು ಬಿಡ್ತು. ಬೌಂಡರಿಗಳ ಭರಾಟೆ, ಸಿಕ್ಸರ್​​ಗಳ ಅಬ್ಬರ.. ಫೀಲ್ಡ್​​ನಲ್ಲಿ SRH ಬ್ಯಾಟ್ಸ್​ಮನ್​ಗಳು ರುಬ್ತಾ ಇದ್ರೆ, ಸ್ಟ್ಯಾಂಡ್​​ನಲ್ಲಿದ್ದ ಓನರ್​​ ಕಾವ್ಯಾ ಮಾರನ್​​​ ಒನ್​ ಮೋರ್​ ಒನ್​ ಮೋರ್​ ಅಂತಿದ್ದರು.

ಆರಂಭದಲ್ಲೇ ಮುಂಬೈ ಇಂಡಿಯನ್ಸ್​ಗೆ ‘ಹೆಡ್ಡೇಕ್​​’

ಟಾಸ್​​ ಗೆದ್ದು ಬೌಲಿಂಗ್​ಗಿಳಿದ ಮುಂಬೈ ಇಂಡಿಯನ್ಸ್​ ಆರಂಭದಲ್ಲೇ ಮಯಾಂಕ್​ ಅಗರ್​ವಾಲ್​ ವಿಕೆಟ್​ ಕಬಳಿಸ್ತು. 2ನೇ ಓವರ್​ನ ಮೊದಲ ಎಸೆತದಲ್ಲೇ ಟ್ರಾವಿಡ್​​ ಹೆಡ್​ ಕ್ಯಾಚ್​​ ಡ್ರಾಪ್​ ದೊಡ್ಡ ಯಡವಟ್ಟು ಮಾಡ್ತು. ಜೀವದಾನ ಪಡೆ ಹೆಡ್​​ ಮುಂಬೈ ಬೌಲರ್​​ಗಳ ಮಾರಣ ಹೋಮ ನಡೆಸಿದರು. ಕೇವಲ 24 ಎಸೆತಗಳಲ್ಲಿ 9 ಬೌಂಡರಿ, 3 ಸಿಕ್ಸರ್​ ಸಹಿತ 62 ರನ್​ ಚಚ್ಚಿದರು.

ಬೊಂಬಾಟ ಆಟವಾಡಿದ ಅಭಿಷೇಕ್​​ ಶರ್ಮಾ

ಹೆಡ್​ ಜೊತೆ ಜೊತೆಗೆ ಅಭಿಷೇಕ್​​ ಶರ್ಮಾ ಕೂಡ ಡೇರ್​​ ಡೆವಿಲ್​ ಆಟವಾಡಿದ್ರು. 7 ಸಿಕ್ಸರ್​​, 3 ಬೌಂಡರಿ ಸಿಡಿಸಿದ ಯಂಗ್​ ಬ್ಯಾಟ್ಸ್​ಮನ್​ ಜಸ್ಟ್​ 23 ಎಸೆತಗಳಲ್ಲಿ 63 ರನ್​ ಸಿಡಿಸಿದರು. ಅಭಿಷೇಕ್​​​ ಶರ್ಮಾ, ಟ್ರಾವಿಸ್​ ಹೆಡ್​ ಪತನದ ಬಳಿಕ ಕಣಕ್ಕಿಳಿದ ಹೆನ್ರಿಚ್​ ಕ್ಲಾಸೆನ್​ ಮುಂಬೈ ಬೌಲರ್​​​ಗಳ ಮೇಲೆ ಸವಾರಿ ನಡೆಸಿದ್ರು. ಬೌಂಡರಿ-ಸಿಕ್ಸರ್​​ಗಳಲ್ಲೇ ರನ್​ ಡೀಲ್​ ಮಾಡಿದ ಕ್ಲಾಸೆನ್​ 235.29ರ ಸ್ಟ್ರೈಕ್​ರೇಟ್​​ನಲ್ಲಿ ಬ್ಯಾಟ್​ ಬೀಸಿದ್ರು. 7 ಸಿಕ್ಸರ್​​, 4 ಬೌಂಡರಿ ಸಹಿತ 34 ಎಸೆತಗಳಲ್ಲಿ ಅಜೇಯ 80 ರನ್​ ಚಚ್ಚಿದ್ರು. ಕ್ಲಾಸೆನ್​ಗೆ ಸಾಥ್​ ನೀಡಿದ ಮರ್ಕರಮ್​ ಅಜೇಯ 42 ರನ್​ ಸಿಡಿಸಿದ್ರು. ಮರ್ಕರಮ್​ ಇನ್ನಿಂಗ್ಸ್​ನಲ್ಲೂ 2 ಬೌಂಡರಿ, 1 ಸಿಕ್ಸರ್​​ಗಳಿದ್ವು.

20 ಓವರ್, 3 ವಿಕೆಟ್​​, ಬರೋಬ್ಬರಿ 277 ರನ್​

ಪರಿಣಾಮ 20 ಓವರ್​​ಗಳ ಅಂತ್ಯಕ್ಕೆ ಕೇವಲ 3 ವಿಕೆಟ್​ ಕಳೆದುಕೊಂಡ ಹೈದ್ರಾಬಾದ್​ 277 ರನ್​ ಸಿಡಿಸಿತು. ಈ ಮೂಲಕ ಆರ್​​ಸಿಬಿ ಹೆಸರಲ್ಲಿದ್ದ ಅತಿ ಹೆಚ್ಚು ರನ್​ ದಾಖಲೆಯನ್ನ ಉಡೀಸ್​ ಮಾಡಿತು.

ಇದನ್ನೂ ಓದಿ: ಕೊನೆಗೂ ಖುಷಿಪಟ್ಟ ಕಾವ್ಯ ಮಾರನ್; SRH ಬ್ಯಾಟಿಂಗ್ ನೋಡಿ ಕುಣಿದು ಕುಪ್ಪಳಿಸಿದ ವಿಡಿಯೋ

 278 ರನ್​ಗಳ ಬಿಗ್​ ಟಾರ್ಗೆಟ್​ ಬೆನ್ನತ್ತಿದ ಮುಂಬೈ ಇಂಡಿಯನ್ಸ್​​ ಸುಲಭಕ್ಕೆ ಸೋಲೊಪ್ಪಿಕೊಳ್ಳಲಿಲ್ಲ. ರಣರಂಗದಲ್ಲಿ ಗೆಲುವಿಗಾಗಿ ಇನ್ನಿಲ್ಲಿದ ಕಸರತ್ತು ನಡೆಸ್ತು. 278 ರನ್​ಗಳ ಬಿಗ್​ ಟಾರ್ಗೆಟ್​ ನೀಡಿದ ಸನ್​​ರೈಸರ್ಸ್​ ಹೈದ್ರಾಬಾದ್​​, ಮುಂಬೈ ಇಂತಾ ಫೈಟ್​ ಕೊಡುತ್ತೆ ಅಂತಾ ಕನಿಷ್ಟ ಊಹಿಸಿಯೂ ಇರಲಿಲ್ಲ. ಆದ್ರೆ ಮುಂಬೈನ ಹೋರಾಟ ನೋಡಿ ಹೈದ್ರಾಬಾದ್​ ಪಡೆ ಒಂದು ಕ್ಷಣ ಬೆಚ್ಚಿಬಿತ್ತು.

ಮುಂಬೈ ಇಂಡಿಯನ್ಸ್​ ಅಬ್ಬರದ ಆರಂಭ..!

ಬೆಟ್ಟದಂಥ ಟಾರ್ಗೆಟ್​ ಬೆನ್ನತ್ತಿದ ಮುಂಬೈ ಅಬ್ಬರದ ಆರಂಭ ಪಡೆಯಿತು. ರೋಹಿತ್​ ಶರ್ಮಾ, ಇಶಾನ್​ ಕಿಶನ್​ ಘರ್ಜಿಸಿದ್ರು. ಕೇವಲ 3 ಓವರ್​​ಗಳಲ್ಲೇ ತಂಡ 50 ರನ್​ ಗಡಿ ದಾಟಿತು. ಇಶಾನ್​ ಕಿಶನ್​ 13 ಎಸೆತಗಳಲ್ಲಿ 2 ಬೌಂಡರಿ, 4 ಸಿಕ್ಸರ್​ ಸಹಿತ 34 ರನ್​ ಚಚ್ಚಿದ್ರು. ರೋಹಿತ್​ ಶರ್ಮಾ 12 ಎಸೆತಗಳಲ್ಲಿ 26 ರನ್​ ಸಿಡಿಸಿ ಔಟ್ ಆದರು.

ತಿಲಕ್​​ ವರ್ಮಾ-ನಮನ್​ಧಿರ್​ ಸೂಪರ್ ಜೊತೆಯಾಟ

ಬಳಿಕ ಜೊತೆಯಾದ ತಿಲಕ್​ ವರ್ಮಾ, ನಮನ್​​ ಧಿರ್​ ಕೂಡ ಬೌಂಡರಿ-ಸಿಕ್ಸರ್​​ಗಳಲ್ಲೇ ರನ್​ ಡೀಲ್​ ಮಾಡಿದರು. ಹೈದ್ರಾಬಾದ್​ ಬೌಲರ್​​ಗಳ ಮೇಲೆ ಸವಾರಿ ಮಾಡಿ ಜಸ್ಟ್​​ 7.3 ಓವರ್​​ಗಳಲ್ಲೇ ತಂಡವನ್ನು 100ರ ಗಡಿ ದಾಟಿಸಿದ್ರು. 14 ಎಸೆತಗಳಲ್ಲಿ 30 ರನ್​ ಸಿಡಿಸಿ ನಮನ್​ ಔಟ್ ಆದರು.

ಹೋಮ್​​ಗ್ರೌಂಡ್​​ನಲ್ಲಿ ತಿಲಕ್​ ವರ್ಮಾ ಆರ್ಭಟ..!
ಹೋಮ್​ಗ್ರೌಂಡ್​ನಲ್ಲಿ ಮುಂಬೈ ಬ್ಯಾಟರ್​​ ತಿಲಕ್​ ವರ್ಮಾ ಅಬ್ಬರಿಸಿದ್ರು. ಸನ್​ರೈಸರ್ಸ್​​ ಬೌಲರ್ಸ್​​ಗಳನ್ನ ದಿಟ್ಟವಾಗಿ ಎದುರಿಸಿದ ತಿಲಕ್​, ಬೌಂಡರಿ ಸಿಕ್ಸರ್​​ ಸುರಿಮಳೆಗೈದ್ರು. ಕೇವಲ 24 ಎಸೆತಗಳಲ್ಲೇ ಹಾಫ್​ ಸೆಂಚುರಿ ಸಿಡಿಸಿ ಸಂಭ್ರಮಿಸಿದರು. ಬರೋಬ್ಬರಿ 6 ಸಿಕ್ಸರ್​​, 2 ಬೌಂಡರಿ ಸಿಡಿಸಿದ ತಿಲಕ್​ ವರ್ಮಾ, ಮಯಾಂಕ್​ ಅಗರ್​ವಾಲ್​ ಹಿಡಿದ ಅದ್ಭುತ ಕ್ಯಾಚ್​ಗೆ ಬಲಿಯಾದರು. ಇದರೊಂದಿಗೆ ಮುಂಬೈ ಇಂಡಿಯನ್ಸ್​ ಸೋಲಿನ ಹಾದಿ ತುಳಿಯಿತು.

5ನೇ ವಿಕೆಟ್​ಗೆ ಕ್ರಿಸ್​ನಲ್ಲಿ ಜೊತೆಯಾದ ಟಿಮ್​ ಡೇವಿಡ್​-ಹಾರ್ದಿಕ್​ ಪಾಂಡ್ಯ ಕೂಡ ದೊಡ್ಡ ಹೊಡೆತಗಳನ್ನ ಸಿಡಿಸಿದ್ರು. ರನ್​ಗಳಿಕೆಯ ವೇಗ ಕಡಿಮೆಯಾಯ್ತು. ಸನ್​ರೈಸರ್ಸ್​ ಬೌಲರ್ಸ್​ ಪಂದ್ಯದ ಮೇಲೆ ಹಿಡಿತ ಸಾಧಿಸಿದ್ರು. ಹಾರ್ದಿಕ್​ ಪಾಂಡ್ಯ 24 ರನ್​ಗಳಿಸಿ ಔಟಾದ್ರೆ, ಟಿಮ್​ ಡೇವಿಡ್​ ಕೊನೆವರೆಗೂ ಹೋರಾಟ ನಡೆಸಿದರು. ಅಂತಿಮವಾಗಿ 20 ಓವರ್​​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡ ಮುಂಬೈ ಇಂಡಿಯನ್ಸ್​​ 246 ರನ್​ ಕಲೆ ಹಾಕಿತು. ಬಿಗ್​ ಮ್ಯಾಚ್​ನಲ್ಲಿ ಹೈದ್ರಾಬಾದ್​​ 32 ರನ್​ಗಳ ಗೆಲುವು ದಾಖಲಿಸಿತು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್