ಫ್ಯಾನ್ಸ್​ಗೆ ಭರ್ಜರಿ ನ್ಯೂಸ್​​; ಆರ್​​​ಸಿಬಿ ತಂಡಕ್ಕೆ ಸ್ಟಾರ್​ ಆಲ್​ರೌಂಡರ್​ ರೀ ಎಂಟ್ರಿ

ಇಂಡಿಯನ್​ ಪ್ರೀಮಿಯರ್​ ಲೀಗ್​​ 2025ಕ್ಕೆ ಇನ್ನು ಹಲವು ತಿಂಗಳು ಬಾಕಿ ಇದೆ. ಇದೇ ತಿಂಗಳು 24 ಮತ್ತು 25ನೇ ತಾರೀಕು ಮೆಗಾ ಆಕ್ಷನ್​​ ನಡೆಯಲಿದ್ದು, ಎಲ್ಲರ ಚಿತ್ತ ಹರಾಜಿನತ್ತ ನೆಟ್ಟಿದೆ. ಈಗಾಗಲೇ ಎಲ್ಲಾ ತಂಡಗಳ​ ಮಾಲೀಕರು ರೀಟೈನ್​ ಲಿಸ್ಟ್​​​ ಬಿಸಿಸಿಐಗೆ ಸಲ್ಲಿಸಿವೆ.

ಕೊಹ್ಲಿ, ರಜತ್​ ಪಾಟಿದಾರ್​​, ಯಶ್​ ದಯಾಳ್​ ಅವರನ್ನು ಮಾತ್ರ ರೀಟೈನ್​ ಮಾಡಿಕೊಂಡಿರೋ ಆರ್​​ಸಿಬಿ ಉಳಿದವರನ್ನು ರಿಲೀಸ್​ ಮಾಡಿದೆ. ಹೇಗಾದ್ರೂ ಮಾಡಿ ಮುಂದಿನ ಸೀಸನ್​​ ಗೆಲ್ಲಲು ಬಲಿಷ್ಠ ತಂಡ ಕಟ್ಟಬೇಕಿದೆ. ಅದಕ್ಕಾಗಿ ಅಳೆದು ತೂಗಿ ಆಟಗಾರರಿಗೆ ಮಣೆ ಹಾಕಲು ಆರ್‌ಸಿಬಿ ನಿರ್ಧರಿಸಿದೆ. ಮೆಗಾ ಹರಾಜಿನಲ್ಲಿ ಯುವ ಆಟಗಾರರನ್ನೇ ಖರೀದಿ ಮಾಡಲು ಬೆಂಗಳೂರು ತಂಡ ಭರ್ಜರಿ ತಯಾರಿ ನಡೆಸಿಕೊಂಡಿದೆ.

ಸ್ಟಾರ್​ ಆಲ್​​ರೌಂಡರ್ಸ್​ ಮೇಲೆ ಆರ್​​​ಸಿಬಿ ಕಣ್ಣು

ಮೆಗಾ ಹರಾಜಿನಲ್ಲಿ ಆರ್​​​ಸಿಬಿ ಸ್ಟಾರ್​ ಆಲ್​ರೌಂಡರ್ಸ್​​ ಖರೀದಿ ಮಾಡಲು ಪ್ಲಾನ್​​ ಮಾಡಿಕೊಂಡಿದೆ. ಬ್ಯಾಟಿಂಗ್​ ಮತ್ತು ಬೌಲಿಂಗ್​​ನಲ್ಲೂ ತಂಡಕ್ಕೆ ಕೊಡುಗೆ ನೀಡೋರಿಗೆ ಮೊದಲ ಆದ್ಯತೆ. ಅದರಲ್ಲೂ ಆರ್​​ಸಿಬಿ ತಂಡದ ಮಾಜಿ ಆಲ್​ರೌಂಡರ್​​ ವಾಷಿಂಗ್ಟನ್‌ ಸುಂದರ್ ಕೇಳಿ ಬಂದಿದೆ.

ಬ್ಯಾಟಿಂಗ್‌ನಲ್ಲೂ ಆರ್​​​ಸಿಬಿಗೆ ನೆರವಾಗಬಲ್ಲರು

ವಾಷಿಂಗ್ಟನ್‌ ಸುಂದರ್‌ ಕೇವಲ ಸ್ಪಿನ್ ಬೌಲರ್ ಅಲ್ಲ, ಅತ್ಯುತ್ತಮ ಬ್ಯಾಟರ್​ ಕೂಡ ಹೌದು. ಇವರು ಆರ್‌ಸಿಬಿ ಸೇರಿದರೆ ತಂಡದ ಬ್ಯಾಟಿಂಗ್ ಲೈನ್‌ ಅಪ್‌ ಬೆಳೆಯುತ್ತದೆ. ವಿಶೇಷವಾಗಿ ಮಧ್ಯಮ ಕ್ರಮಾಂಕದಲ್ಲಿ ಆರ್​​ಸಿಬಿಗೆ ನೆರವಾಗಬಲ್ಲರು. ಇವರಿಗೆ ಈಗಾಗಲೇ ಆರ್‌ಸಿಬಿ ಪರ ಆಡಿರೋ ಅನುಭವ ಇದೆ.

ನ್ಯೂಜಿಲೆಂಡ್​ ವಿರುದ್ಧ ಅಬ್ಬರ

ಇತ್ತೀಚೆಗೆ ನಡೆದ ನ್ಯೂಜಿಲೆಂಡ್​ ವಿರುದ್ಧದ 2ನೇ ಟೆಸ್ಟ್​​ನಲ್ಲಿ ಭಾರತ ತಂಡದ ಪರ ವಾಷಿಂಗ್ಟನ್ ಸುಂದರ್‌ ಅಮೋಘ ಪ್ರದರ್ಶನ ನೀಡಿದರು. ಮೊದಲ ಇನಿಂಗ್ಸ್‌ನಲ್ಲಿ 7 ಹಾಗೂ 2ನೇ ಇನಿಂಗ್ಸ್‌ನಲ್ಲಿ 4 ವಿಕೆಟ್‌ ಕಬಳಿಸಿದ ಇವರು ಭಾರತ ಕ್ರಿಕೆಟ್​ ತಂಡದ ಸ್ಟಾರ್​​ ಆಗಿ ಹೊರಹೊಮ್ಮಿದ್ದಾರೆ.

ಇದನ್ನೂ ಓದಿ:ಆರ್​​​ಸಿಬಿ ತಂಡದ ಹೊಸ ರೀಟೈನ್​ ಲಿಸ್ಟ್​ ಔಟ್​​; ಮ್ಯಾಕ್ಸಿ ಸೇರಿ ಅಚ್ಚರಿ ಹೆಸರುಗಳು ರಿವೀಲ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ