ಪಾಕ್​​ನ 5 F-16 ಫೈಟರ್ ಜೆಟ್​, 1 ದೊಡ್ಡ ವಿಮಾನ ಹೊಡೆದುರುಳಿಸಿದ್ದೇವೆ- ಏರ್​ಚೀಫ್ ಮಾರ್ಷಲ್

ಬೆಂಗಳೂರು: ಆಪರೇಷನ್ ಸಿಂಧೂರ ವೇಳೆ ಪಾಕಿಸ್ತಾನದ 5 ಎಫ್- 16 ಫೈಟರ್ ಜೆಟ್​ಗಳನ್ನು ಹಾಗೂ ಒಂದು ದೊಡ್ಡ ವಿಮಾನವನ್ನು ನಾಶಗೊಳಿಸಲಾಗಿದೆ ಎಂದು ಭಾರತೀಯ ವಾಯುಪಡೆ (ಐಎಎಫ್​) ಯ ಏರ್​ಚೀಫ್ ಮಾರ್ಷಲ್​ ಎಪಿ ಸಿಂಗ್ ಅವರು ಹೇಳಿದ್ದಾರೆ. ಬೆಂಗಳೂರಿನಲ್ಲಿ ನಡೆದ ಏರ್​ ಮಾರ್ಷಲ್​ ಕತ್ರೆ ವಾರ್ಷಿಕ ಉಪನ್ಯಾಸದಲ್ಲಿ ಪಾಕ್​ ಮೇಲಿನ ದಾಳಿಯ ಭೀಕರತೆಯ ಬಗ್ಗೆ ಅವರು ಹೇಳಿದ್ದಾರೆ. 

ಐಎಎಫ್​ ಏರ್​ಚೀಫ್ ಮಾರ್ಷಲ್​ ಎಪಿ ಸಿಂಗ್ ಅವರು ಮಾತನಾಡಿ, ಪಾಕಿಸ್ತಾನದ ಜಾಕೊಬಾದ್​ನ ಶಹ್ಬಾಜ್​ ಏರ್​ಬೇಸ್​ನಲ್ಲಿ ನಿಲ್ಲಿಸಲಾಗಿದ್ದ 5 ಎಫ್-16 ಫೈಟರ್​ ಜೆಟ್​ಗಳನ್ನು ನಾಶಗೊಳಿಸಲಾಗಿದೆ. ಇದರ ಜೊತೆಗೆ ಮುರಿದ್ ಮತ್ತು ಚಕ್ಲಾಲಾ ಪ್ರದೇಶಗಳಲ್ಲಿ ಇದ್ದ ಕಮಾಂಡ್ ಹಾಗೂ ಕಟ್ರೋಲ್ ಕೇಂದ್ರಗಳು ಆಪರೇಷನ್ ಸಿಂಧೂರ್ ಸಮಯದಲ್ಲಿ ಹಾನಿಗೆ ಒಳಗಾಗಿವೆ. ಇದರಿಂದ ಪಾಕಿಸ್ತಾನ ದೊಡ್ಡ ನಷ್ಟ ಅನುಭವಿಸಿದೆ ಎಂದು ಹೇಳಿದ್ದಾರೆ. 

ELINT ಏರ್​ಕ್ರಾಫ್ಟ್​ ಅಥವಾ AWACS (Airborne Warning and Control System) ಸೇರಿದ ದೊಡ್ಡ ವಿಮಾನವನ್ನು ಕೇವಲ 300 ಕಿಲೋ ಮೀಟರ್​​ ದೂರದಿಂದಲೇ ಹೊಡೆದುರುಳಿಸಲಾಗಿದೆ. ಭೂಮಿಯಿಂದ ಗಾಳಿಯಲ್ಲಿ ಹೊಡೆದುರಳಿಸಿದಂತಹ ದೊಡ್ಡ ವಿಮಾನ ಅಂತ ಇದು ದಾಖಲಾಗಿದೆ ಎಂದು ಏರ್​ಚೀಫ್ ಮಾರ್ಷಲ್​ ಎಪಿ ಸಿಂಗ್ ಹೇಳಿದ್ದಾರೆ.   

ಇದನ್ನೂ ಓದಿ:‘ಜೀವ ಇಲ್ಲದಿದ್ದವರು ವೋಟ್ ಹಾಕಿದ್ರೆ ಜವಾಬ್ದಾರರು ಯಾರು?’- ಸಿಎಂ ಸಿದ್ದರಾಮಯ್ಯ

ಆಪರೇಷನ್ ಸಿಂಧೂರನಲ್ಲಿ ಭಾರತದ ಆರ್ಮಿಯಲ್ಲಿ ಎಸ್​-400 ಡಿಫೆನ್ಸ್​ ಸಿಸ್ಟಮ್​ ಅತ್ಯುತ್ತಮ ಕೆಲಸ ಮಾಡಿದೆ. ಹೀಗಾಗಿಯೇ ಎಸ್​-400 ಡಿಫೆನ್ಸ್​ ಸಿಸ್ಟಮ್ ಅನ್ನು ಸೇನೆಯಲ್ಲಿ ಗೇಮ್ ಚೈಂಜರ್ ಎನ್ನಲಾಗುತ್ತಿದೆ. ಪಾಕಿಸ್ತಾನದವರು ಯಾವುದೇ ಬಾಂಬ್​ಗಳನ್ನು ಬಳಸುವುದಕ್ಕೆ ಸಾಧ್ಯವಾಗಿಲ್ಲ. ನಮ್ಮ ಸೇನೆಯ ಬಲ ಭೇದಿಸಲು ಸಾಧ್ಯವಾಗದ ಕಾರಣ ಯಾವುದನ್ನು ಅವರು ಬಳಕೆ ಮಾಡಲಿಲ್ಲ ಎಂದು ಹೇಳಿದ್ದಾರೆ. 

ನಾವು ದಾಳಿ ಮಾಡುವಾಗ ಪಾಕಿಸ್ತಾನದ ಮುರಿಡ್ಕೆಯಲ್ಲಿರುವ ಲಷ್ಕರ್​-ಇ-ತೊಯ್ಬಾದ ಕೇಂದ್ರ ಕಚೇರಿ ಮೇಲೆ ಅಟ್ಯಾಕ್ ಮಾಡಲಾಗಿದೆ. ನಾವು ಕೇವಲ ಸ್ಯಾಟಲೈಟ್​ ಫೋಟೋಗಳನ್ನು ತೋರಿಸುತ್ತಿಲ್ಲ. ಅಲ್ಲಿನ ಸ್ಥಳೀಯ ಮಾಧ್ಯಗಳ ಮೇಲೆ ಗಮನ ಹರಿಸಿದರೆ ಎಲ್ಲ ಮಾಹಿತಿ ಸಿಗುತ್ತವೆ. ಇನ್ನು ಇದೇ ವೇಳೆ ಲಷ್ಕರ್​-ಇ-ತೊಯ್ಬಾದ ಕೇಂದ್ರ ಕಚೇರಿ ಮೇಲೆ ಅಟ್ಯಾಕ್ ಮಾಡಿರುವ ಫೋಟೋವನ್ನು ಕೂಡ ಏರ್​ಚೀಫ್ ಮಾರ್ಷಲ್​ ಎಪಿ ಸಿಂಗ್ ತೋರಿಸಿದರು ಎನ್ನಲಾಗಿದೆ.          

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ