ನ್ಯೂಸ್ ಫಸ್ಟ್ ಬಿಗ್ ಇಂಪ್ಯಾಕ್ಟ್; 20 ವಿದ್ಯಾರ್ಥಿಗಳು ಜಸ್ಟ್​ ಮಿಸ್​.. ರಸ್ತೆ ಕೆಲಸ ಆರಂಭಿಸಿದ GBA

ಬೆಂಗಳೂರು: 20 ವಿದ್ಯಾರ್ಥಿಗಳಿದ್ದ ಶಾಲಾ ಬಸ್​ವೊಂದು ರಸ್ತೆ ಪಕ್ಕದ ಚರಂಡಿಗೆ ವಾಲಿದ್ದು ದೊಡ್ಡ ಅನಾಹುತ ಜಸ್ಟ್ ಮಿಸ್ ಆಗಿದೆ. ಈ ಎಲ್ಲ ಎಕ್ಸ್ ಕ್ಲೂಸಿವ್ ದೃಶ್ಯಗಳು ನ್ಯೂಸ್​ಫಸ್ಟ್​​ನಲ್ಲಿ ಪ್ರಕಟವಾಗುತ್ತಿದ್ದಂತೆ ಪಣತ್ತೂರಲ್ಲಿ ರಸ್ತೆಯನ್ನು ಜೆಸಿಬಿ ಮೂಲಕ ಸರಿ ಪಡಿಸಲಾಗುತ್ತಿದೆ.

ಬೆಳಗೆರೆ- ಪಣತ್ತೂರು ರಸ್ತೆಯಲ್ಲಿ ಇಂದು ಬೆಳಗ್ಗೆ ನೀರು ನಿಂತಿದ್ದರಿಂದ ವಾಹನಗಳೆಲ್ಲ ನಿಧಾನವಾಗಿ ಚಲಿಸುತ್ತಿದ್ದವು. ಇದೇ ವೇಳೆ ಶಾಲಾ ಬಸ್​ ಕೂಡ ಚಲಿಸುತ್ತಿರುವಾಗ ರಸ್ತೆ ಪಕ್ಕದ ಚರಂಡಿಗೆ ವಾಲಿದೆ. ರಸ್ತೆಯಲ್ಲಿ ಅಧಿಕ ಮಟ್ಟದ ನೀರು ಇದ್ದಿದ್ದರಿಂದ ಚಾಲಕನಿಗೆ ಮುಂದಿರುವುದು ಏನು ಗೊತ್ತಾಗಿಲ್ಲ. ಹೀಗಾಗಿ ಬಸ್​ ಚಾಲನೆಯಲ್ಲಿರುವಾಗಲೇ ರಸ್ತೆ ಪಕ್ಕದ ಚರಂಡಿಗೆ ವಾಲಿದೆ.

ಇದನ್ನೂ ಓದಿ:ಇವತ್ತು ಮನೆಯೇ ಇಲ್ಲ, ಸಮೀರ್ MD ಅಂದ್ರೆ ಬಾಡಿಗೆಗೆ ಮನೆ ಕೊಡ್ತಿಲ್ಲ -ಮೊದಲ ಪ್ರತಿಕ್ರಿಯೆ

ಬಸ್ ಸಂಪೂರ್ಣವಾಗಿ ವಾಲುತ್ತಿದ್ದಂತೆ ಕೆಲ ಕಾಲ ಭಯದ ವಾತಾವರಣ ಸೃಷ್ಟಿಯಾಗಿತ್ತು. ಬಸ್ ಉರುಳಿ ಬೀಳುವ ಸಾಧ್ಯತೆ ಇದ್ದ ಕಾರಣ ಬಸ್​ ಅನ್ನು ಸ್ಟಾಪ್ ಮಾಡಿ ಎಲ್ಲಾ ಮಕ್ಕಳನ್ನ ತುರ್ತು ನಿರ್ಗಮನದ ದ್ವಾರದ ಮೂಲಕ ಚಾಲಕ ಇಳಿಸಿದ್ದಾನೆ. ಇದರಿಂದ ಯಾವುದೇ ಮಗುವಿಗೆ ಹಾನಿಯಾಗಿಲ್ಲ. ಎಲ್ಲರೂ ಸುರಕ್ಷಿತವಾಗಿದ್ದಾರೆ. ಬೆಳಗ್ಗೆ 7:54 ರ ಸುಮಾರಿಗೆ ಬಸ್ ವಾಲುತ್ತಿರುವ ಎಕ್ಸ್ ಕ್ಲೂಸಿವ್ ದೃಶ್ಯ ನ್ಯೂಸ್​ಫಸ್ಟ್​ಗೆ ಲಭ್ಯವಾಗಿತ್ತು. ಈ ಸುದ್ದಿ ಪ್ರಕಟವಾಗುತ್ತಿದ್ದಂತೆ ಜಿಬಿಎಯಿಂದ ರಸ್ತೆಯ ಕೆಲಸ ಮಾಡಲಾಗುತ್ತಿದೆ. 

ಪಣತ್ತೂರಲ್ಲಿ ರೋಡ್ ಅನ್ನು ಜೆಸಿಬಿ ಮೂಲಕ ಕೆಲಸ ಶುರು ಮಾಡಲಾಗಿದೆ. ರಸ್ತೆಯಲ್ಲಿ ನೀರು ನಿಂತಿದ್ದರಿಂದ ಈ ಅವಘಡ ಸಂಭವಿಸಿತ್ತು. ಇದೀಗ ನೀರು ಸರಾಗವಾಗಿ ಹರಿದು ಹೋಗಲು ವ್ಯವಸ್ಥೆ ಮಾಡಲಾಗುತ್ತಿದೆ. ಗುಂಡಿಗಳಿಗೆ ಆರಂಭದಲ್ಲಿ ಮಣ್ಣು ಹಾಕಿ ಸಿಬ್ಬಂದಿ ಮುಚ್ಚಿದ್ದಾರೆ. ಅದೇ ಜಾಗದಲ್ಲಿ ಗೂಡ್ಸ್ ಆಟೋ ಪಲ್ಟಿಯಾಗೋದು ಜಸ್ಟ್ ಮಿಸ್ ಆಗಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ