ಮತ್ತೆ ದೇಶದ ಗಮನ ಸೆಳೆದ ಬೆಂಗಳೂರು ವಿಮಾನ ನಿಲ್ದಾಣ..!

ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವು ಇದೀಗ ದೇಶದ ಗಮನ ಸೆಳೆದಿದೆ. ಅತಿ ಹೆಚ್ಚು ದೇಶೀಯ ವಿಮಾನಗಳನ್ನು ನಿರ್ವಹಿಸುವ ಮೂಲಕ ಮುಂಬೈ ವಿಮಾನ ನಿಲ್ದಾಣವನ್ನ ಹಿಂದಿಕ್ಕಿದೆ. ಈ ಮೂಲಕ ಭಾರತದ ದೇಶೀಯ ವಿಮಾನ ಸಂಚಾರ ಶ್ರೇಯಾಂಕದಲ್ಲಿ ಛಾಪು ಮೂಡಿಸಿದೆ..

ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ.. ನಮ್ಮ ರಾಜ್ಯದ ಹೆಮ್ಮೆ ಅಂದರೂ ತಪ್ಪಾಗಲಾರದು.. ಇದೀಗ ಕೆಂಪೇಗೌಡ ಏರ್​ಪೋರ್ಟ್​ ಅಕ್ಟೋಬರ್ ತಿಂಗಳಲ್ಲಿ 279 ದೇಶೀಯ ವಿಮಾನಗಳನ್ನು ನಿರ್ವಹಿಸುವ ಮೂಲಕ, ಭಾರತದ ದೇಶೀಯ ವಿಮಾನ ಸಂಚಾರ ಶ್ರೇಯಾಂಕದಲ್ಲಿ ಮುಂಬೈ ವಿಮಾನ ನಿಲ್ದಾಣವನ್ನು ಮೂರನೇ ಸ್ಥಾನಕ್ಕೆ ಇಳಿಸಿದೆ. 

ಇದನ್ನೂ ಓದಿ: ಬಜೆಟ್‌ ನಂತ್ರ ಅಸಲಿ ಆಟ.. ಮತ್ತೆ ಶುರುವಾಗುತ್ತಾ ಗದ್ದುಗೆ ಗುದ್ದಾಟ..!

ಮುಂಬೈ ಹಿಂದಿಕ್ಕಿದ ಬೆಂಗಳೂರು!

ಅಕ್ಟೋಬರ್‌ ಒಂದೇ ತಿಂಗಳಲ್ಲಿ ಬೆಂಗಳೂರು ಏರ್​ಪೋರ್ಟ್​ನಿಂದ 20 ಸಾವಿರದ 819 ದೇಶೀಯ ವಿಮಾನಗಳು ಹಾರಾಟ ನಡೆಸಿದ್ರೆ, ಮುಂಬೈ ವಿಮಾನ ನಿಲ್ದಾಣದಿಂದ 20 ಸಾವಿರದ 540 ವಿಮಾನಗಳು ಹಾರಾಟ ನಡೆಸಿವೆ ಅಂತ ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರ ಅಂಕಿ ಅಂಶವನ್ನ ದೃಢಪಡಿಸಿದೆ.

ಸಾಮಾನ್ಯವಾಗಿ ಅಂತಾರಾಷ್ಟ್ರೀಯ ಸಂಚಾರದಿಂದಲೇ ಮುಂಬೈ ವಿಮಾನ ನಿಲ್ದಾಣ ಭಾರತದ 2ನೇ ಅತ್ಯಂತ ಜನನಿಬಿಡ ವಿಮಾನ ನಿಲ್ದಾಣ ಅಂತಲೇ ಹೆಸರು ಪಡೆದಿದೆ. ಮುಂಬೈ ವಿಮಾನ ನಿಲ್ದಾಣ ನಿರ್ವಹಿಸುವ ಒಟ್ಟು ವಿಮಾನ ಸಂಚಾರ ಬೆಂಗಳೂರು ವಿಮಾನ ನಿಲ್ದಾಣಕ್ಕಿಂತಲೂ ಹೆಚ್ಚಾಗಿದೆ. ಆದ್ರೆ, ಇದೀಗ ಅಕ್ಟೋಬರ್ ತಿಂಗಳಲ್ಲಿ ದೇಶೀಯ ವಿಮಾನಗಳ ಸಂಚಾರದಲ್ಲಿ ಮುಂಬೈ ವಿಮಾನ ನಿಲ್ದಾಣವನ್ನೇ ಬೆಂಗಳೂರು ಏರ್​ಪೋರ್ಟ್​ ಹಿಂದಿಕ್ಕಿರೋದು ರಾಜ್ಯಕ್ಕೆ ಹೆಮ್ಮೆ ತಂದಿದೆ.

ಇದನ್ನೂ ಓದಿ: ಅಶಿಕಾ ರಂಗನಾಥ್ ಅವರ ಮಾವನ ಮಗಳು ಹಠಾತ್ ನಿಧನ -ಅಸಲಿಗೆ ಆಗಿದ್ದೇನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ