/newsfirstlive-kannada/media/media_files/2025/11/30/accident-2025-11-30-17-50-29.jpg)
ಬೆಂಗಳೂರಿನಲ್ಲಿ ಬೆಳಂಬೆಳಗ್ಗೆ ಸ್ಕೂಟಿ ಮತ್ತು ಕಂಟೇನರ್​ ಮಧ್ಯೆ ಭೀಕರ ರಸ್ತೆ ಅಪಘಾತ ಆಗಿದೆ. ತುಂತುರು ಮಳೆ ಮಧ್ಯೆ ಅಮ್ಮನನ್ನ ಡ್ರಾಪ್​ ಮಾಡಲು ಮನೆಯಿಂದ ಸ್ಕೂಟಿ ಏರಿದ್ದ ಮಗ, ಇಬ್ಬರು ರಸ್ತೆಯಲ್ಲೇ ಹೆಣವಾಗಿ ಹೋಗಿದ್ದಾರೆ.
ಹೆಸ್ರು ಅಭಿಲಾಷ್​​​... ವಯಸ್ಸು ಕೇವಲ 19 ವರ್ಷ.. ಇವ್ರು ಅಶ್ವಿನಿ 41 ವರ್ಷ.. ಇಬ್ಬರು ತಾಯಿ, ಮಗ, ಬದುಕಿ ಬಾಳಬೇಕಿದ್ದ ಜೀವ.. ಆದ್ರಿವತ್ತು ಹೆಲ್ಮೆಟ್​​ ಹಾಕದೇ ಬೈಕ್​ ಏರಿ ಜೀವವನ್ನೇ ಕಳೆದುಕೊಂಡಿದ್ದಾರೆ.
ಭೀಕರ ಅಪಘಾತ..
ಸಮಯ ಬೆಳಗ್ಗೆ 7 ಗಂಟೆ 40 ನಿಮಿಷ ತುಂತುರು ಮಳೆ.. ಮೈ ಕೊರೆಯೋ ಚಳಿ.. ಸ್ಥಳ ಮೈಸೂರು ರಸ್ತೆಯ ಗುಡ್ಡದಹಳ್ಳಿ.. ಶ್ರೀ ಲಕ್ಷ್ಮೀ ವೆಂಕಟೇಶ್ವರ ಪ್ರಸನ್ನ ಅನ್ನೋ ಹೆಸ್ರು ಬರೆದಿರೋ ಇದೇ ಬೈಕ್​​ ಬೈಕ್​ ಏರಿದ ತಾಯಿ, ಮಗ ಕಂಟೇನರ್​ಗೆ ಡಿಕ್ಕಿ ಹೊಡೆದು ರಸ್ತೆಯಲ್ಲಿ ಹೆಣವಾಗಿ ಹೋಗಿದ್ದಾರೆ. ಈ ಅಪಘಾತ ಕಣ್ಣಾರೆ ಕಂಡ ಪ್ರತ್ಯಕ್ಷದರ್ಶಿ, ಹೆಲ್ಮೆಟ್​​ ಹಾಕ್ತಿದ್ರೆ, ಇವತ್ತು ಇಬ್ಬರು ಬದುಕ್ತಿದ್ರು ಅಂದಿದ್ದಾರೆ.
ಇದನ್ನೂ ಓದಿ: ದಕ್ಷಿಣ ಆಫ್ರಿಕಾಗೆ ನೀರು ಕುಡಿಸಿದ RoKo, ರಾಹುಲ್..! ಸೂಪರ್ ಬ್ಯಾಟಿಂಗ್!
ಹೆಲ್ಮೆಟ್​ ಧರಿಸಿರಲಿಲ್ಲ.. ಹೋಯ್ತು ಜೀವ
ಅಂದಹಾಗೇ ಮೃತ ಅಶ್ವಿನಿ ಹಾಸ್ಪಿಟಲ್​ವೊಂದರಲ್ಲಿ ಸೆಕ್ಯೂರಿಟಿಯಾಗಿ ಕೆಲ್ಸ ಮಾಡ್ತಿದ್ರಂತೆ. ಹೀಗಾಗಿ ಇವತ್ತು ಬೆಳಗ್ಗೆ ಮಗ ಅಭಿಲಾಷ್​ ತಾಯಿನಾ ಡ್ರಾಪ್​ ಮಾಡೋದಕ್ಕಂತ ಬೈಕ್​ ಅಲ್ಲಿ ಕೂರಿಸಿಕೊಂಡು ಮೈಸೂರು ರಸ್ತೆಯಾಗಿ ಮಾರ್ಕೆಟ್​ ಕಡೆ ಹೋಗ್ತಿದ್ದ.. ಗ್ರಹಚಾರ ಅಂದ್ರೆ ಜೊತೆಯಲ್ಲೇ ಹೆಲ್ಮೆಟ್​​ ಇಡ್ಕೊಂಡು ಇದ್ರೂ ಇಬ್ರು ಹೆಲ್ಮೆಟ್​ ಧರಿಸಿರ್ಲಿಲ್ವಂತೆ.. ಹೀಗಿರುವಾಗ ಅಭಿಲಾಷ್​ ಕಾರು ಮತ್ತು ಕಂಟೇನರ್ ಮಧ್ಯದಲ್ಲಿ ಬೈಕ್ ರೈಡ್​ ಮಾಡೋಕೆ ಹೋಗಿದ್ದಾನೆ.
ಮೃತ ಅಭಿಲಾಷ್​ ಓವರ್​ ಸ್ಪೀಡ್​ನಲ್ಲಿದ್ದರಿಂದ ಬೈಕ್​​ ಕಂಟೇನರ್​ ಹಿಂಬದಿಗೆ ಡಿಕ್ಕಿ ಹೊಡೆದಿದೆ.. ಪರಿಣಾಮ ಇಬ್ಬರು ರಸ್ತೆಗೆ ಬಿದ್ದಿದ್ದು, ತಲೆಗೆ ಗಂಭೀರವಾದ ಪೆಟ್ಟಾದ ಹಿನ್ನೆಲೆ, ಸ್ಥಳದಲ್ಲೇ ಜೀವ ಬಿಟ್ಟಿದ್ದಾರೆ.. ಅತ್ತ ಕಂಟೇನರ್​​ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದು, ಸ್ಥಳಕ್ಕೆ ಬಂದು ಭೇಟಿ ನೀಡಿದ ಬ್ಯಾಟರಾಯನಪುರ ಸಂಚಾರ ಪೊಲೀಸರು ಗಾಡಿಯನ್ನ ವಶಕ್ಕೆ ಪಡೆದಿದ್ದಾರೆ..
ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಸದ್ಯ ಮೃತದೇಹಗಳನ್ನ ವಿಕ್ಟೋರಿಯಾದ ಶವಗಾರಕ್ಕೆ ರವಾಸಿಲಾಗಿದೆ.. ಇನ್ನೂ ಗಾಡಿ ಓವರ್​ ಸ್ಪೀಡ್​ನಲ್ಲಿದ್ದು, ಇಬ್ಬರು ಹೆಲ್ಮೆಟ್​ ಧರಿಸಿರಲಿಲ್ಲ ಅಂತ ಪ್ರತ್ಯಕ್ಷರ್ಶಿಯೊಬ್ಬರು ಹೇಳಿದ್ದಾರೆ. ಒಟ್ಟಾರೆ, ಕಂಟೇನರ್​ ಬಿಟ್ಟು ಚಾಲಕ ಸ್ಥಳದಿಂದ ಎಸ್ಕೇಪ್​ ಆಗಿದ್ದರಿಂದ ಅನುಮಾನ ಮೂಡ್ತಿದ್ರೆ, ಈತ ಬ್ರೇಕ್​ ಹಾಕಿದ್ರಿಂದ ಈ ಅಪಘಾತ ಆಯ್ತಾ? ಅಥವಾ ಬೈಕ್​ ಓಡಿಸ್ತಿದ್ದ ಅಭಿಲಾಷ್ ಓವರ್​ ಸ್ಪೀಡ್​​ನಲ್ಲಿದ್ನಾ? ಅನ್ನೋ ಪ್ರಶ್ನೆ ಉದ್ಭವಿಸಿದೆ.
ಸದ್ಯಚಾಲಕನಿಗಾಗಿ ಹುಡುಕಾಟ ಮುಂದುವರೆದಿದ್ದು, ತನಿಖೆ ಬಳಿಕಷ್ಟೇ ಸತ್ಯಾಸತ್ಯತೆ ಹೊರಬರಲಿದೆ.. ಏನೇಹೇಳಿ, ಗಾಡಿ ಓಡಿಸುವಾಗ ಹೆಲ್ಮೆಟ್​ ಧರಿಸಿ, ಅಪಾಯದಿಂದ ದೂರವಿರಿ..
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ
/newsfirstlive-kannada/media/agency_attachments/2025/07/28/2025-07-28t072019657z-newsfirst_banner_logo-2025-07-28-12-50-19.png)
Follow Us