ಲಗೇಜ್ ಸಮೇತ ಮೆಟ್ರೋದಲ್ಲಿ ಪ್ರಯಾಣಿಸುವವರೆ ಗಮನಿಸಿ.. BMRCL​ ನಡೆ ವಿರುದ್ಧ ಪ್ರಯಾಣಿಕ ಬೇಸರ​..!

ಬೆಂಗಳೂರು: ಮೆಟ್ರೋ ಪ್ರಯಾಣಿಕರೇ ದಯವಿಟ್ಟು ಗಮನಿಸಿ. ಇನ್ಮುಂದೆ ಮೆಟ್ರೋದಲ್ಲಿ ಪ್ರಯಾಣ ಮಾಡ್ತಿದ್ದೀರಾ ಅಂದ್ರೆ ಈ ಒಂದು ಅಂಶ ಚೆನ್ನಾಗಿ ನೆನಪಿರಲಿ. ಅದರಲ್ಲೂ ಏನಾದರೂ ಲಗೇಜ್ ಸಮೇತ ಪ್ರಯಾಣ ಮಾಡೋರು ಇದ್ದರೇ ಈ ಸ್ಟೋರಿ ಓದಲೇಬೇಕು.

ಇದನ್ನೂ ಓದಿ: ಪ್ರೇಯಸಿ ಗರ್ಭಿಣಿ, ಮದುವೆ ಆಗು ಎಂದಿದ್ದಕ್ಕೆ ಸುಟ್ಟೇ ಬಿಟ್ಟ ಪ್ರೇಮಿ

‘ನಮ್ಮ ಮೆಟ್ರೋ’ ಸಿಟಿ ಜನರ ಮೊದಲ ಸಲೆಕ್ಷನ್​. ಬಿಎಂಟಿಸಿ ಬಸ್ಸಿನಲ್ಲೊ ಜನ ಜಾಸ್ತಿ, ಆಟೋ ಕ್ಯಾಬ್​ಗಳಲ್ಲಿ ದುಡ್ಡು ಜಾಸ್ತಿ. ಸ್ವಂತ ವಾಹನದಲ್ಲಿ ಹೋದ್ರೆ ಟ್ರಾಫಿಕ್​ ಟೆನ್ಷನ್​ ಅಂದಾಗ ಬಹಳಷ್ಟು ಜನರ ಮೊದಲ ಆಯ್ಕೆಯೇ ನಮ್ಮ ಮೆಟ್ರೋ. ಟಿಕೆಟ್​ ದರ ಹೆಚ್ಚಿದ್ರೂ ಅನಿವಾರ್ಯ ಅಂತ ಜನ ಓಡಾಡ್ತಾರೆ, ಆದ್ರೀಗ ಲಗೇಜ್​​​​ಗೂ ಪ್ರತ್ಯೇಕ ಟಿಕೆಟ್ ಕೊಡಬೇಕಾ ಅನ್ನೋ ವಿಚಾರ ಚರ್ಚೆಗೆ ಕಾರಣ ಆಗಿದೆ. ಹೌದು, ಕೇಳೋಕೆ ಶಾಕ್ ಅನಿಸಿದ್ರೂ ಇದು ನಿಜ. ಇಲ್ಲೊಬ್ಬ ವ್ಯಕ್ತಿ ನಮ್ಮ ಮೆಟ್ರೋದಲ್ಲಿ ಪ್ರಯಾಣಿಸಿ ಬಿಎಂಆರ್​ಸಿಎಲ್​ ವಿರುದ್ಧ ಕಿಡಿಕಾರಿದ್ದಾನೆ. ಬೆಂಗಳೂರು ಮೆಟ್ರೋ ದೇಶದಲ್ಲೇ ಅತ್ಯಂತ ದುಬಾರಿ ಅಂತ ಪೋಸ್ಟ್​ ಮಾಡಿದ್ದಾನೆ. 

I am absolutely stunned that I had to pay 30rs in the Bangalore metro for this bag. The Bangalore metro is already the most expensive in the country, and this just adds to the burden.
This is just another example of how the @OfficialBMRCL is excluding people from accessing metro. pic.twitter.com/syJX8elbhh

— Avinash Chanchal (@avinashchanchl) August 16, 2025

ಈ ಬ್ಯಾಗ್‌ಗಾಗಿ ಬೆಂಗಳೂರು ಮೆಟ್ರೋದಲ್ಲಿ ನಾನು 30 ರೂಪಾಯಿ ಪಾವತಿಸಬೇಕಾಗಿ ಬಂದಿದ್ದು, ನನಗೆ ನಿಜಕ್ಕೂ ತುಂಬಾ ಆಶ್ಚರ್ಯ ಆಗಿದೆ. ಬೆಂಗಳೂರು ಮೆಟ್ರೋ ಈಗಾಗಲೇ ದೇಶದಲ್ಲೇ ಅತ್ಯಂತ ದುಬಾರಿಯಾಗಿದೆ. ಅದರಲ್ಲಿ ಇದು ಮತ್ತಷ್ಟು ಹೊರೆ ಹೆಚ್ಚಿಸ್ತಿದೆ. ಜನರು ಮೆಟ್ರೋ ಪ್ರವೇಶಿಸೋದನ್ನ ಬಿಎಂಆರ್​ಸಿಎಲ್​ ಅಧಿಕಾರಿಗಳೇ ಹೇಗೆ ಹೊರಗಡೆ ಇಡ್ತಿದ್ದಾರೆ ಅನ್ನೋದನ್ನ ಇದೇ ಉತ್ತಮ ಉದಾಹರಣೆ. 

-ಅವಿನಾಶ್, ಮೆಟ್ರೋ ಪ್ರಯಾಣಿಕ

ಅವಿನಾಶ್​ ಹಾಕಿರೋ ಇದೇ ಪೋಸ್ಟ್​ ಈಗ ಚರ್ಚೆಯ ವಿಷಯವಾಗಿದ್ದು, ಲಗೇಜ್​ ನಿಯಮ ಗೊತ್ತಿಲ್ಲದವರು ಪರ-ವಿರೋಧ ಚರ್ಚೆ ಮಾಡ್ತಿದ್ದಾರೆ. ಮೆಟ್ರೋ ಟಿಕೆಟ್ ರೇಟ್ ಮಾಡಿ ಜನರನ್ನ ವಸೂಲಿ ಮಾಡ್ತಿದೆ, ಈಗ ಲಗೇಜ್​​ಗೂ ಟಿಕೆಟಾ ಅಂತ ಟೀಕೆ ಮಾಡ್ತಿದ್ದಾರೆ. ಬಟ್, ನಿಜ ಏನಪ್ಪಾ ಅಂದ್ರೆ ಮೆಟ್ರೋದಲ್ಲಿ ಲಗೇಜ್​​​ಗೆ ಪ್ರತ್ಯೇಕ ಟಿಕೆಟ್ ಇದೆ. ಒಬ್ಬ ವ್ಯಕ್ತಿ 60cm ಉದ್ದ 45cm ಅಗಲ 25cm ಎತ್ತರದವರೆಗೂ ಲಗೇಜ್​ ಹೊತ್ತು ಹೋಗಬಹುದು. ಇದನ್ನ ಮೀರಿ ಲಗೇಜ್​​​ ಹೊತ್ತುಕೊಂಡು ಹೋದ್ರೆ 30 ರೂಪಾಯಿ ಟಿಕೆಟ್ ಕೊಡಬೇಕಿದೆ. ನಮ್ಮ ಮೆಟ್ರೋ ಟಿಕೆಟ್ ರೇಟ್ ಏರಿಸಿದ್ದು ಸಾಕಷ್ಟು ವಿರೋಧಕ್ಕೆ ಕಾರಣವಾಗಿದೆ. ಈ ನಡುವೆ ಲಗೇಜ್​​ ದರವೂ ಚರ್ಚೆಗೆ ಬಂದಿದ್ದು, ಜನ ಗೊಂದಲಕ್ಕೆ ಬಿದ್ದಿರೋದಂತು ಸುಳ್ಳಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ