ಸಂಸದ ಡಾ.ಕೆ ಸುಧಾಕರ್​ಗೆ ಸೇರಿದ ಕಾಲೇಜ್ ಹಾಸ್ಟೆಲ್​ನಲ್ಲಿ ಜೀವ ಬಿಟ್ಟ ವಿದ್ಯಾರ್ಥಿ

ಚಿಕ್ಕಬಳ್ಳಾಪುರ: ಸಂಸದ ಡಾ.ಕೆ ಸುಧಾಕರ್ ಅವರಿಗೆ ಸೇರಿದ ಕಾಲೇಜ್ ಹಾಸ್ಟೆಲ್​ನಲ್ಲಿ ವಿದ್ಯಾರ್ಥಿಯೊಬ್ಬ ನೇಣು ಬಿಗಿದುಕೊಂಡು ಜೀವ ಕಳೆದುಕೊಂಡಿದ್ದಾನೆ. ಈ ಘಟನೆಯು ಪೆರೇಸಂದ್ರ ಕ್ರಾಸ್​ನಲ್ಲಿರುವ ಶಾಂತಾ ಗ್ರೂಪ್ ಆಪ್ ಇನ್​ಸ್ಟಿಟ್ಯೂಟ್​ನಲ್ಲಿ ನಡೆದಿದೆ. 

ಕೇರಳ ಮೂಲದ ಮೊಹಮ್ಮದ್ ಶಬೀರ್ (26) ಜೀವ ಕಳೆದುಕೊಂಡ ವಿದ್ಯಾರ್ಥಿ. ಸಂಸದ ಡಾ.ಕೆ ಸುಧಾಕರ್ ಅವರಿಗೆ ಸೇರಿದ ಪೆರೇಸಂದ್ರ ಕ್ರಾಸ್​ನಲ್ಲಿರುವ ಶಾಂತಾ ಗ್ರೂಪ್ ಆಪ್ ಇನ್​ಸ್ಟಿಟ್ಯೂಟ್​ನಲ್ಲಿ ವಿದ್ಯಾರ್ಥಿ ವ್ಯಾಸಂಗ ಮಾಡುತ್ತಿದ್ದನು. ಅಲ್ಲೇ ಹಾಸ್ಟೆಲ್ ಕೂಡ ಇತ್ತು. ಈ ಹಾಸ್ಟೆಲ್​ನಲ್ಲಿನ ರೂಮ್​ನ ಕಿಟಕಿಗೆ ವಿದ್ಯಾರ್ಥಿ ನೇಣು ಬಿಗಿದುಕೊಂಡು ಜೀವ ಬಿಟ್ಟಿದ್ದಾನೆ. 

ಇದನ್ನೂ ಓದಿ: Asia Cup; ಹದ್ದಿನ ಕಣ್ಣಿಟ್ಟ ಸೂರ್ಯಕುಮಾರ್ ಸೇನೆ.. ಭರ್ಜರಿ ಬ್ಯಾಟಿಂಗ್, ಬೌಲಿಂಗ್ ಸಮರಾಭ್ಯಾಸ

ಚಿಕ್ಕಬಳ್ಳಾಪುರ ತಾಲೂಕಿನ ಪೆರೇಸಂದ್ರ ಡಾ.ಕೆ ಸುಧಾಕರ್ ಅವರ ಸ್ವಂತ ಊರು ಆಗಿದೆ. ಈ ಊರು ಕ್ರಾಸ್​​ನಲ್ಲಿ ಶಾಂತಾ ಸಮೂಹ ಸಂಸ್ಥೆ ಇದೆ. ಇನ್ನು ಮಾಹಿತಿ ತಿಳಿಯುತ್ತಿದ್ದಂತೆ ಘಟನಾ ಸ್ಥಳಕ್ಕೆ ಪೆರೇಸಂದ್ರ ಠಾಣೆಯ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಶಾಂತಾ ನರ್ಸಿಂಗ್ ಕಾಲೇಜಿನಲ್ಲಿ ಟೆಕ್ನಿಷಿಯನ್ ಕೋರ್ಸ್​ ಅನ್ನು ವಿದ್ಯಾರ್ಥಿ ವ್ಯಾಸಂಗ ಮಾಡುತ್ತಿದ್ದನು. ಪ್ರೇಮ ವೈಫಲ್ಯದಿಂದ ಈ ದಾರಿ ಹಿಡಿದ ಎಂದು ಅನುಮಾನ ವ್ಯಕ್ತಪಡಿಸಲಾಗಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ