ಕನಸಿನ ಮನೆಯೇ ದಂಪತಿಯ ಜೀವಕ್ಕೆ ಸಂಚಕಾರ ತಂದುಬಿಡ್ತು.. ಕೊನೆ ಉಸಿರಿನಲ್ಲೂ ಒಂದಾದ ಜೋಡಿ

ರಾಯಚೂರು: ಜೋಡಿಯೊಂದು ತಮ್ಮ ಭವಿಷ್ಯದ ಮನೆಯ ನಿರ್ಮಾಣದ ಕನಸು ಕಂಡಿದ್ದು, ಆಸರೆ ನೀಡಬೇಕಾಗಿದ್ದ ಮನೆಯೇ ಸಾವಿನ ಮನೆಗೆ ಕಳುಹಿಸಿದ ಶಾಕಿಂಗ್​ ಘಟನೆ ರಾಯಚೂರಿನಲ್ಲಿ ನಡೆದಿದೆ. ಮನೆ ನಿರ್ಮಿಸಲು ಹಗಲಿರುಳು ಪರಿಶ್ರಮಿಸುತ್ತಿದ್ದ ಈ ಜೋಡಿ ಮೇಲೆ ಮೆಟ್ಟಿಲುಗಳು  ಕುಸಿದು ಬಿದ್ದು ಸಾವಿನ ಮನೆ ಸೇರಿದ್ದಾರೆ. ಈ ದಾರುಣ ಸಾವು ಅವರ ಜೀವನದಲ್ಲಿ ಬರ ಸಿಡಿಲಿನಂತೆ ಅಪ್ಪಳಿಸಿದೆ. 

ಇದನ್ನೂ ಓದಿ: ವ್ಯಕ್ತಿಯ ಜೀವ ತೆಗೆದ ಷೇರು ಮಾರುಕಟ್ಟೆ ವ್ಯವಹಾರ.. ಅಷ್ಟಕ್ಕೂ ಆಗಿದ್ದೇನು..?

ಘಟನೆಯ ವಿವರ 

38 ವರ್ಷದ ದ್ಯಾವಪ್ಪ ಸೂಗುರು, ಆತನ‌ ಪತ್ನಿ ಶಿವಮ್ಮ ಮೃತ ದುರ್ದೈವಿಗಳು. ಇವರಿಬ್ಬರು ರಾಯಚೂರಿನ ಲಿಂಗಸುಗೂರು ತಾಲೂಕಿನ ಯಲಗಟ್ಟ ಗ್ರಾಮದಲ್ಲಿ ತಮ್ಮದೇ ಮನೆಯ ಗೌಂಡಿ ಕೆಲಸ ಮಾಡುತ್ತಿದ್ದರು. ಈ  ವೇಳೆ ಏಕಾಏಕಿ ಮೆಟ್ಟಿಲುಗಳು ಕುಸಿದು ಬಿದ್ದಿದ್ದು, ಪಿಲ್ಲರ್ ಇಲ್ಲದೆ ಅವೈಜ್ಞಾನಿಕವಾಗಿ ಮನೆ ನಿರ್ಮಿಸಿದ್ದರಿಂದ ಮೆಟ್ಟಿಲು ಕುಸಿತಗೊಂಡಿವೆ ಎನ್ನಲಾಗಿದೆ. ಮನೆಯ ಜೊತೆಗೆ ಕನಸುಗಳೂ ಕಮರಿಹೋಗಿದ್ದು ಈ ದಂಪತಿಯ ಬಾಳಲ್ಲಿ ದುರಾದೃಷ್ಟಕರ...

ಮೃತ ದೇಹಗಳನ್ನ ಲಿಂಗಸುಗೂರು ತಾಲೂಕು ಆಸ್ಪತ್ರೆಗೆ ರವಾನಿಸಲಾಗಿದ್ದು, ಹಟ್ಟಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ