ಬೆಂಗಳೂರಿನಿಂದ ಚೀನಾಗೆ ಶ್ರೀಗಂಧ ಸಪ್ಲೇ ಆಗುತ್ತಾ..? ಪೊಲೀಸರಿಗೆ ಲಾಕ್ ಆದ ಆಂಧ್ರ ಗ್ಯಾಂಗ್​​

ಪುಷ್ಪ ಫ್ಲವರ್​ ಅನ್ಕೊಂಡ್ರಾ ಫಯರ್​​, ಈ ಡೈಲಾಗ್​ ಎಲ್ಲರಿಗೂ ನೆನಪಿದೆ ಅಲ್ವಾ. ಹಾಗೇನೇ ಈ ಸಿನಿಮಾದಲ್ಲಿ ಹೇಗೆ ಶ್ರೀಗಂಧವನ್ನ ಕಳ್ಳಸಾಗಣೆ ಮಾಡ್ತಾರೆ ಅಂತಾನೂ ನೋಡಿರ್ತಿರಾ. ಬಟ್​ ಪುಷ್ಪನಾ ಮೀರಿಸೋ ಹಾಗೆ ಇಲ್ಲೊಂದು ಗ್ಯಾಂಗ್​ ಶ್ರೀಗಂಧವನ್ನ​ ಕಳ್ಳ ಸಾಗಾಟ ಮಾಡಲು ಮುಂದಾಗಿತ್ತು. ಆದ್ರೆ ಗ್ರಹಚಾರ ಕೆಟ್ಟು ಇವ್ರ ಈರುಳ್ಳಿ ತಂತ್ರ ಫ್ಲಾಪ್ ಆಗಿದೆ. 

ಹೊರಗಡೆಯಿಂದ ಹಾಲಿನ ಟ್ಯಾಂಕರ್‌, ಆದ್ರೆ ಅದ್ರೊಳಗಡೆ ಸ್ಯಾಂಡಲ್ವುಡ್. ಇದು ಪುಷ್ಪ ಸಿನಿಮಾದ ಕರಾಳ ಕಳ್ಳ ಸಾಗಣೆ ದಂಧೆಯ ಝಲಕ್​. ಆದ್ರೆ, ಇದೇ ಇದೇ ರೀಲ್ ಸೀನ್​ ರಿಯಲ್​ ಆಗಿ ಕಾಪಿಯಾಗಿದೆ. ಟೆಂಪೋ ತುಂಬಾ ಮೂಟೆ, ಮೂಟೆ ತುಂಬಾ ಈರುಳ್ಳಿ. ಓಪನ್​ ಮಾಡಿದ್ರೆ ನಿಮಗೆ ಕಾಣೋದೇ ಚಿನ್ನದ ಬೆಲೆಯ ಶ್ರೀಗಂಧ. ಇನ್ನೇನು ಪುಷ್ಪ ರೇಂಜ್​ನಲ್ಲಿ ಈ ಗ್ಯಾಂಗ್​ ಡೆಸ್ಟಿನೇಷನ್ ರೀಚ್ ಆಗಬೇಕು ಅಷ್ಟರಲ್ಲೇ ಪೊಲೀಸರ ಕೈನಲ್ಲಿ ಲಾಕ್​ ಆಗಿದ್ದಾರೆ. 

‘ಈರುಳ್ಳಿ’ ಮೂಟೆ ಕತೆ! 

• ಟೆಂಪೋದಲ್ಲಿ ಈರುಳ್ಳಿ ಮೂಟೆ ಅಂತಾ ಶ್ರೀಗಂಧದ ಮರಗಳ ಸಾಗಾಟ
• ಆಂಧ್ರದ ಕರ್ನೂಲ್​ನಿಂದ ಬೆಂಗಳೂರಿಗೆ ಶ್ರೀಗಂಧ ತಂದಿದ್ದ ಗ್ಯಾಂಗ್
• ಡೆಸ್ಟಿನೇಷನ್​ ರೀಚ್​ಗೂ ಮುನ್ನ ಪೊಲೀಸರಿಂದ ಮೂವರು ಅರೆಸ್ಟ್
• ತಪಾಸಣೆ ಮಾಡ್ತಿದ್ದ ಪೊಲೀಸ್ರಿಗೆ ಶ್ರೀಗಂಧದ ಮರಗಳ ಸಮೇತ ಲಾಕ್
• ಮೇಲಿನ ಮೂಟೆಗಳಲ್ಲಿ ಈರುಳ್ಳಿ, ಕೆಳಗಿನ ಮೂಟೆಗಳಲ್ಲಿ ಶ್ರೀಗಂಧದ ಮರ
• 18 ಶ್ರೀಗಂಧದ ಮರದ ತುಂಡುಗಳು ಬ್ಯಾಗ್​ನಲ್ಲಿರುವುದು ಜಪ್ತಿ ವೇಳೆ ಪತ್ತೆ
• 790 ಕೆ.ಜಿ ಶ್ರೀಗಂಧವನ್ನ ವಶಪಡಿಸಿಕೊಂಡ ಸಿದ್ದಾಪುರ ಪೊಲೀಸರು
• ಆಂಧ್ರದ ಸಿರಾಜ್ ಎಂಬಾತನಿಂದ ಅಕ್ರಮ ಸಾಗಾಣಿಕೆ ಬಗ್ಗೆ ಮಾಹಿತಿ
• ಆಂಧ್ರದಿಂದ ಬೆಂಗಳೂರು, ಬೆಂಗಳೂರಿಂದ ಚೀನಾಗೆ ಶ್ರೀಗಂಧ ಸಪ್ಲೈ ಶಂಕೆ

ಇದನ್ನೂ ಓದಿ: ಯಾವುದೇ ಕೆಲಸ ಇಲ್ಲ, ಆದರೂ ಹೆಂಡತಿಗೆ 37.54 ಲಕ್ಷ ರೂ ಸಂಬಳ ಕೊಡಿಸಿದ ಗಂಡ.. ಹೇಗೆ?

ಅದೇನೇ ಹೇಳಿ ಹೊರಗಡೆ ತಳುಕು ಬಳುಕು.. ಒಳಗೆ ಹುಳುಕು ಅನ್ನೋ ಹಾಗೆ  ಮೇಲೆಲ್ಲಾ ಈರುಳ್ಳಿ ಒಳಗೆ ಸ್ಯಾಂಡಲ್​ವುಡ್​ ಕಳ್ಳ ಸಾಗಣಿಕೆ ಪತ್ತೆಯಾಗಿದ್ದು, ನಿಜಕ್ಕೂ ಶಾಕಿಂಗ್​. ಈ ಕರಾಳ ದಂಧೆ ಹಿಂದೆ ಯಾರ ಕೈವಾಡ ಇದೆ. ಇದು ಮೊದಲನೇ ಪ್ರಯತ್ನಾನಾ ಅಥವಾ ಇದೇ ಈ ಮೂವರ ಚಾಳಿನಾ, ಇದ್ರಲ್ಲಿ ಕಾಣದ ಕೈಗಳೆಷ್ಟು ಎಲ್ಲವೂ ಪೊಲೀಸರ ತನಿಖೆಯಿಂದ ಆಚೆ ಬರಬೇಕಿದೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ