ವಿರಾಟ್ ಕೊಹ್ಲಿ ವಿರುದ್ಧ ದಕ್ಷಿಣ ಭಾರತೀಯರ ಆಕ್ರೋಶದ ಸುರಿಮಳೆ

ಬೆಳೆಯೋಕೆ ಫ್ಯಾನ್ಸ್​ ಬೇಕೆಂದು ವಿರಾಟ್ ವಿರುದ್ಧ ನೆಟ್ಟಿಗರು ಗರಂ

ಮೂರ್ಖತನದ ರೂಲ್ಸ್ ತೆಗೆದು ಹಾಕಿ ಎಂದು ನೆಟ್ಟಿಗರು ಛಾಟಿ

ಕಿಂಗ್ ಕೊಹ್ಲಿ ಅಂದ್ರೆ ಫ್ಯಾನ್ಸ್​ಗೆ ಪಂಚಪ್ರಾಣ. ಒಡಹುಟ್ಟಿದವರನ್ನ ಅಷ್ಟಾಗಿ ಪ್ರೀತಿಸಲ್ಲ. ಆದರೆ ಕೊಹ್ಲಿಯನ್ನು ಅದಕ್ಕಿಂತ ಹೆಚ್ಚಾಗಿ ಪ್ರೀತಿಸ್ತಾ, ಆರಾಧಿಸ್ತಾರೆ. ಇಂತಹ ಸೆಂಚುರಿ ಸಾಮ್ರಾಟ ದಕ್ಷಿಣ ಭಾರತೀಯರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ವಿರಾಟ್​​​​ ವಿ ಲವ್​​ ಅಂತಿದ್ದವರೇ, ವಿರಾಟ್​ ವಿ ಹೇಟ್​​ ಯು ಅಂತಿದ್ದಾರೆ.

ವರ್ಲ್ಡ್ ಸೂಪರ್ ಸ್ಟಾರ್​​​ ವಿರಾಟ್​ ಕೊಹ್ಲಿ ಒಡೆತನದ ಫ್ಯಾನ್ಸಿ ರೆಸ್ಟೋರೆಂಟ್​​. ಒನ್- 8 ಹೆಸರಿನ ರೆಸ್ಟೋರೆಂಟ್​​ ಇತ್ತೀಚೆಗಷ್ಟೇ ಓಪನ್ ಆಗಿತ್ತು. ​​​ಓಪನ್ ಆದ ಕೆಲ ಸಮಯದಲ್ಲೆ ಗ್ರಾಹಕರನ್ನ ಸೆಳೆಯುವಲ್ಲಿ ಯಶಸ್ವಿಯಾಗಿತ್ತು. ಸದ್ಯ ಇದೇ ರೆಸ್ಟೋರೆಂಟ್​ ಇಷ್ಟು ವರ್ಷಗಳ ಕಾಲ ಕಿಂಗ್ ಕೊಹ್ಲಿ ಕಾಪಾಡಿಕೊಂಡು ಬಂದಿದ್ದ ಗೌರವಕ್ಕೆ ದಕ್ಕೆ ತಂದಿದೆ.

ಕೊಹ್ಲಿ ವಿರುದ್ಧ ದಕ್ಷಿಣ ಭಾರತೀಯರು ಆಕ್ರೋಶದ ಸುರಿಮಳೆ..!

ಯಾವ ಕಿಂಗ್ ಕೊಹ್ಲಿಯನ್ನ ಅಪಾರವಾಗಿ ಪ್ರೀತಿಸ್ತಾರೋ, ಅದೇ ಫ್ಯಾನ್ಸ್​​​​ ವಿರಾಟ್ ವಿರುದ್ಧ ಸಿಡಿದೆದ್ದಿದ್ದಾರೆ. ಲವ್ ಯು ಕೊಹ್ಲಿ ಅಂತಿದ್ದವರು ಹೇಟ್​ ಯು ಕೊಹ್ಲಿ ಅಂತಿದ್ದಾರೆ. ಅಷ್ಟಕ್ಕೂ ಕೊಹ್ಲಿ ವಿರುದ್ಧ ಫ್ಯಾನ್ಸ್​ ಕೆಂಡಾಮಂಡಲವಾಗಿರಲು ಕಾರಣ ಅದೇ ಕೊಹ್ಲಿ ಮಾಲೀಕತ್ವದ ಒನ್​​​-8 ರೆಸ್ಟೋರೆಂಟ್​​​. ಹೌದು, ತಮಿಳಿನಾಡಿನ ವ್ಯಕ್ತಿಯೊಬ್ಬ ಕೊಹ್ಲಿ ರೆಸ್ಟೋರೆಂಟ್​ಗೆ ಭೇಟಿ ನೀಡಿದ್ದಾರೆ. ಈ ವೇಳೆ ಅವರನ್ನ ಒಳಗೆ ಬಿಡದೇ ಅವಮಾನಿಸಲಾಗಿದೆ.

ತುಂಬಾ ಉತ್ಸುಕದಲ್ಲಿದ್ದ ತಮಿಳುನಾಡಿನ ವ್ಯಕ್ತಿಯನ್ನ ಡೋರ್​ ಬಳಿಯಲ್ಲೇ ತಡೆದಿದ್ದಾರೆ. ನಿಮ್ಮ ಉಡುಪು ಸರಿ ಇಲ್ಲ. ಸಾಂಪ್ರದಾಯಿಕ ಡ್ರೆಸ್​​​ನವರಿಗೆ ಒಳಗೆ ಅವಕಾಶವಿಲ್ಲ ಎಂದು ಹೇಳಿ ನಿರಾಕರಿಸಿದ್ದಾರೆ. ಇದರಿಂದ ಬೇಸರಗೊಂಡ ಆತ ಕೊಹ್ಲಿ ವಿರುದ್ಧ ಬೇಸರ ವ್ಯಕ್ತಪಡಿಸಿದ್ದಾರೆ.

ಇದು ಮುಂಬೈನ ಜುಹುನಲ್ಲಿರೋ ವಿರಾಟ್ ಕೊಹ್ಲಿ ಅವರ ರೆಸ್ಟೋರೆಂಟ್​​. ಇಲ್ಲಿಗೆ ನಡೆದುಕೊಂಡೆ ಬಂದೆ. ವಾಸ್ತವ್ಯ ಹೂಡಿದ ಹೋಟೆಲ್​​ನಲ್ಲಿ ಏನೂ ತಿನ್ನದೇ ಇಲ್ಲಿಗೆ ಬಂದೆ. ಯಾಕಂದ್ರೆ one- 8 ಅನ್ನೋದು ಕ್ರಿಕೆಟಿಗ ಕೊಹ್ಲಿ ಅವರ ರೆಸ್ಟೋರೆಂಟ್​​. ಇದರ ಬಗ್ಗೆ ಹೇಳಲೇಬೇಕು. ನಾನು ರಾಮ್​ರಾಜ್​ನ ಹೊಸ ಬಟ್ಟೆ ಧರಿಸಿದ್ದೆ. ಇಷ್ಟಾದ್ರು ಇಲ್ಲಿನ ಸಿಬ್ಬಂದಿ ನಿಮ್ಮ ಉಡುಪು ಸರಿ ಇಲ್ಲ, ಈ ಡ್ರೆಸ್​ಕೋಡ್​ಗೆ ಅವಕಾಶವಿಲ್ಲ ಎಂದು ಹೇಳಿ ಒಳಗಡೆ ಬಿಡಲು ನಿರಾಕರಿಸಿದ್ರು. ತುಂಬಾ ಬೇಸರದಿಂದಲೇ ನಾನು ರೂಮ್​ಗೆ ಹೋಗುತ್ತಿದ್ದೇನೆ. ಇದಕ್ಕೆ ಕ್ರಮ ತೆಗೆದುಕೊಳ್ತಾರೋ, ಇಲ್ವೋ ಅನ್ನೋದು ಗೊತ್ತಿಲ್ಲ. ಆದರೆ ಇಂತಹ ಘಟನೆಗಳು ಮತ್ತೊಮ್ಮೆ ನಡೆಯಬಾರದು. ಯಾಕಂದ್ರೆ ನಾನು ಪಕ್ಕಾ ತಮಿಳುನಾಡಿನ ಸಾಂಪ್ರದಾಯಿಕ ಉಡುಪು ಧರಿಸಿ ಬಂದಿದ್ದೇನೆ. ಇಷ್ಟಾಗಿ ನನಗೆ ಅನುಮತಿ ನೀಡಿಲ್ಲ. ನಿಜಕ್ಕೂ ಅರಗಿಸಿಕೊಳ್ಳುವುದು ಕಷ್ಟವಾಗುತ್ತಿದೆ.

A person was not allowed to #ViratKohli𓃵’s restaurant for wearing DHOTI

People with shorts were allowed
Cats were allowed too

But wearing Dhoti not allowed 🚫
Isn’t this discrimination ?

pic.twitter.com/n965kk06Yo

— Vineeth K (@DealsDhamaka) December 2, 2023

ಬೆಳೆಯೋಕೆ ಫ್ಯಾನ್ಸ್​ ಬೇಕು.. ರೆಸ್ಟೋರೆಂಟ್​​ಗೆ ಬೇಡ್ವಾ..?

ತಮಿಳುನಾಡು ವ್ಯಕ್ತಿಗೆ ಕೊಹ್ಲಿ ರೆಸ್ಟೋರೆಂಟ್​​​ಗೆ ನೋ ಎಂಟ್ರಿ ಎಂದಿದ್ದೇ ತಡ ಕೊಹ್ಲಿ ವಿರುದ್ಧ ಆಕ್ರೋಶದ ಬಾಣ ಪ್ರಯೋಗಿಸಲಾಗ್ತಿದೆ. ನಮಗೆಲ್ಲಾ ನೀವು ಯಾರು ಅನ್ನೋದು ಗೊತ್ತು. ಹಾಗೇ ನಿಮ್ಮ ರೆಸ್ಟೋರೆಂಟ್​​​​ಗೆ ಬರುವ ಗ್ರಾಹಕರನ್ನ ಯಾರೆಂದು ತಿಳಿದುಕೊಳ್ಳಲು ಪ್ರಯತ್ನಿಸಿ. ಮೂರ್ಖತನದ ರೂಲ್ಸ್​ಗಳನ್ನ ತೆಗೆದು ಹಾಕಿ ಎಂದು ನೆಟ್ಟಿಗರು ಛಾಟಿ ಬೀಸಿದ್ದಾರೆ.

ಎಚ್ಚೆತ್ತುಕೊಳ್ಳಲಿ ಕೊಹ್ಲಿ.. ಬದಲಾಗಲಿ ರೂಲ್ಸ್​​​..

ಸಾಂಪ್ರದಾಯಿಕ ಉಡುಪು ಧರಿಸಿದ ಕಾರಣಕ್ಕೆ ವ್ಯಕ್ತಿಯೊಬ್ಬನಿಗೆ ರೆಸ್ಟೋರೆಂಟ್​ ಒಳಗೆ ಅವಕಾಶ ನೀಡದಿರೋದು ನಿಜಕ್ಕೂ ಒಪ್ಪುವಂತಹದ್ದಲ್ಲ. ರೆಸ್ಟೋರೆಂಟ್​ ಮ್ಯಾನೇಜರ್​ ಮೌನವಹಿಸಿದ್ದಾರೆ. ಮಾಲೀಕ ಕಿಂಗ್ ಕೊಹ್ಲಿ ಘಟನೆ ಬಗ್ಗೆ ಇಲ್ಲಿತನಕ ತುಟಿ ಬಿಚ್ಚಿಲ್ಲ. ಇನ್ನಾದ್ರೂ ವಿರಾಟ್ ಎಚ್ಚೆತ್ತುಕೊಳ್ಳಲಿ. ಮತ್ತೊಮ್ಮೆ ಇಂತಹ ಘಟನೆ ನಡೆಯದಂತೆ ಜಾಗರೂಕರಾಗಿರಲಿ. ಇಲ್ಲವಾದ್ದಲ್ಲಿ ದಕ್ಷಿಣ ಭಾರತೀಯರ ಕೆಂಗಣ್ಣಿಗೆ ಗುರಿಯಾಗಬೇಕಾದೀತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ