2026ರಲ್ಲಿ ನಿಮ್ಮ ಕೆಲಸ ಅಪಾಯದಲ್ಲಿದೆ -AI ಎಚ್ಚರಿಕೆ ಗಂಟೆ..!

AI ಎಷ್ಟು ವೇಗವಾಗಿ ಮುಂದುವರಿಯುತ್ತಿದೆ ಎಂದರೆ 2026ರ ವೇಳೆಗೆ ಅನೇಕ ಉದ್ಯೋಗಗಳು ಅಪಾಯದಲ್ಲಿವೆ ಎಂದು AIನ ಗಾಡ್‌ಫಾದರ್ ಎಂದೇ ಪರಿಗಣಿಸಲ್ಪಟ್ಟ ಜೆಫ್ರಿ ಹಿಂಟನ್ (Geoffrey Hinton) ಎಚ್ಚರಿಕೆ ನೀಡಿದ್ದಾರೆ.

ಕೃತಕ ಬುದ್ಧಿಮತ್ತೆ (AI) ಯಿಂದ ಉದ್ಯೋಗ ನಷ್ಟವಾಗುವ ಭಯ ಹೊಸದಲ್ಲ. ಆದರೂ, ಎಐನಿಂದ ಕೆಲಸ ಕೆಳೆದುಕೊಳ್ಳುವ ಬೆದರಿಕೆ ಹೊಸ ವರ್ಷಕ್ಕೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ದಟ್ಟವಾಗಿದೆ. AIಯಲ್ಲಿನ ಸುಧಾರಣೆಯ ವೇಗ, ವಿಶೇಷವಾಗಿ ತಾರ್ಕಿಕತೆ ಮತ್ತು ಕಾರ್ಯ ಪೂರ್ಣಗೊಳಿಸುವಿಕೆಯ ವಿಷಯದಲ್ಲಿ ನಿರೀಕ್ಷೆಗಳನ್ನೂ ಮೀರಿದೆ. 2025 ರಲ್ಲಿ ಒಂದು ಪ್ರಮುಖ ತಿರುವು ಸಂಭವಿಸಿತು. ಮತ್ತು ಮುಂದಿನ ವರ್ಷದಲ್ಲಿ AI ವ್ಯವಸ್ಥೆಗಳು ಇನ್ನಷ್ಟು ಸಮರ್ಥವಾಗುತ್ತವೆ ಎಂದು ಅವರು ಹೇಳಿದ್ದಾರೆ. 

ಇದನ್ನೂ ಓದಿ:ಕೋಗಿಲು ಬಡಾವಣೆಯಲ್ಲಿ ಸೂರು ಕಳೆದುಕೊಂಡ ಅರ್ಹರಿಗೆ 11.20 ಲಕ್ಷ ವೆಚ್ಚದಲ್ಲಿ ಮನೆ -ಸಿದ್ದರಾಮಯ್ಯ ಭರವಸೆ

ಸುಲಭದಿಂದ ಕಷ್ಟಕರವಾದ ಎಲ್ಲಾ ಕೆಲಸಗಳು ಅಪಾಯದಲ್ಲಿವೆ 

AI ಸರಳದಿಂದ ಸಂಕೀರ್ಣದವರೆಗೆ ಎಲ್ಲಾ ಉದ್ಯೋಗಗಳಿಗೆ ಬೆದರಿಕೆ ಹಾಕುತ್ತಿದೆ. ಇದು ಈಗಾಗಲೇ ಕಾಲ್ ಸೆಂಟರ್ ಕೆಲಸಗಾರರನ್ನು ಬದಲಾಯಿಸಬಲ್ಲದು. ಅದರ ವ್ಯಾಪ್ತಿಯು ನಿರಂತರವಾಗಿ ವಿಸ್ತರಿಸುತ್ತಿದೆ. ಹಿಂದೆ ಎಐನಿಂದ ಒಂದು ನಿಮಿಷ ತೆಗೆದುಕೊಳ್ಳುವ ಕೆಲಸಗಳನ್ನು ನಿರ್ವಹಿಸಬಹುದಿತ್ತು. ಆದರೆ ಈಗ ಅದು ಗಂಟೆಗಳನ್ನು ತೆಗೆದುಕೊಳ್ಳುವ ಕೆಲಸಗಳನ್ನೂ ನಿರ್ವಹಿಸಬಲ್ಲದು. ಸರಿಸುಮಾರು ಪ್ರತಿ ಏಳು ತಿಂಗಳಿಗೊಮ್ಮೆ, AI ಮೊದಲಿಗಿಂತ ಎರಡು ಪಟ್ಟು ಹೆಚ್ಚು ಕಾರ್ಯಗಳನ್ನು ಪೂರ್ಣಗೊಳಿಸುವ ಸಾಮರ್ಥ್ಯವನ್ನು ಪಡೆಯುತ್ತಿದೆ. ಮುಂದಿನ ಕೆಲವು ವರ್ಷಗಳಲ್ಲಿ ತಿಂಗಳುಗಳನ್ನು ತೆಗೆದುಕೊಳ್ಳುವ ಸಾಫ್ಟ್‌ವೇರ್ ಎಂಜಿನಿಯರಿಂಗ್ ಪ್ಲಾನ್‌ಗಳನ್ನೂ ಸಹ ನಿರ್ವಹಿಸಬಹುದು ಎಂದಿದ್ದಾರೆ. ಇದರಿಂದ ಕೆಲಸಕ್ಕೆ ಕಡಿಮೆ ಜನರ ಅಗತ್ಯವಿರುವ ಸಮಯ ಬರುತ್ತದೆ ಎಂದಿದ್ದಾರೆ. 

ವೈಟ್-ಕಾಲರ್ ಉದ್ಯೋಗಗಳು ಸಹ ಅಪಾಯದಲ್ಲಿವೆ

AI ಯುಗ ಹೊಸ ಕ್ರಾಂತಿಯನ್ನು ಹುಟ್ಟು ಹಾಕಿದೆ. ದೈಹಿಕ ಶ್ರಮದ ಪ್ರಾಮುಖ್ಯತೆ ಕಡಿಮೆಯಾಗಿದ್ದರೂ, ಬೌದ್ಧಿಕ ಕೆಲಸದಲ್ಲೂ ಅದೇ ಆಗುತ್ತಿದೆ. ಇದು ವೈಟ್-ಕಾಲರ್ ಉದ್ಯೋಗಗಳಿಗೆ ಅತಿದೊಡ್ಡ ಬೆದರಿಕೆಯನ್ನು ಒಡ್ಡುತ್ತದೆ. 2026 ರಲ್ಲಿ ನಿರುದ್ಯೋಗ ಉತ್ಕರ್ಷ ಸಂಭವಿಸಬಹುದು. ಇದರರ್ಥ ಪ್ರತಿಯೊಂದು ವಲಯದಲ್ಲೂ ಉತ್ಪಾದಕತೆ ಹೆಚ್ಚಾಗುತ್ತದೆ. ಆದರೆ ಉದ್ಯೋಗಾವಕಾಶಗಳು ಸೃಷ್ಟಿಯಾಗುವುದಿಲ್ಲ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಚಿಗಟೇರಿ ಗ್ರಾಮದಲ್ಲಿ ನಟಿ ನಂದಿನಿ ಅಂತ್ಯಕ್ರಿಯೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ