ಹೆಚ್ಚು​​ ಮೈಲೇಜ್​ ಕೊಡುವ ಮಾರುತಿ ಸುಜುಕಿ ಕಂಪನಿಯ​​ ಟಾಪ್- 5 ಕಾರುಗಳು

CNG ವಾಹನಗಳನ್ನು ಒಂದು ದಶಕದ ಹಿಂದೆ ಕೊಂಡುಕೊಳ್ಳೋರ ಸಂಖ್ಯೆ ತೀರಾ ಕಡಿಮೆ ಇತ್ತು. ಈ ಮಾದರಿಯನ್ನು ಕೇವಲ ಆಟೋಗಳಲ್ಲಿ ಹೆಚ್ಚಾಗಿ ಬಳಸ್ತಾ ಇದ್ದಿದ್ದು. ಆದ್ರೆ ಈಗ ನೋಡಿ, ಸಿಎನ್​ಜಿ ಗಾಡಿಗಳ ಟ್ರೆಂಡ್​ ದಿನೇ ದಿನೇ ಹೆಚ್ಚಾಗುತ್ತಿದೆ. ಕಾರಣ ಒಂದು, ದಿನೇ ದಿನೇ ಪೆಟ್ರೋಲ್ ಡೀಸೆಲ್ ಬೆಲೆ ಏರಿಕೆ ಆಗುತ್ತಿದೆ. ಮತ್ತೊಂದು ಆಟೋಮೊಬೈಲ್ ಕಂಪನಿಗಳು ತಮ್ಮ ಪೆಟ್ರೋಲ್​, ಡೀಸೆಲ್​ ಗಾಡಿಗಳಲ್ಲಿ ಸಿಎನ್​ಜಿ ಮಾದರಿಗಳನ್ನು ಹೊಸದಾಗಿ ಪರಿಚಯಿಸುತ್ತಿವೆ. ಸೋ ಎಷ್ಟೋ ಜನ ಈಗ ಸಿಎನ್​ಜಿ ಗಾಡಿಗಳ ಮೊರೆ ಹೋಗಿರೋದು ಸುಳ್ಳಲ್ಲ. ಹೇಳಬೇಕು ಅಂದ್ರೆ ಕಳೆದ 5 ವರ್ಷದಲ್ಲಿ ಈ ಗಾಡಿಗಳ ಮಾರಾಟ 3 ಪಟ್ಟು ಜಾಸ್ತಿ ಆಗಿದೆ. FY 2025 ನಲ್ಲಿ ಡೀಸೆಲ್​ ಗಾಡಿಗಳಿಗಿಂತ ಜಾಸ್ತಿ ಮಾರಾಟವಾಗಿದೆ.  

ಸೋ ನೀವೂ ಕೂಡ ಒಂದು ಸಿಎನ್​ಜಿ ವಾಹನ ಕೊಂಡುಕೊಳ್ಳಬೇಕು ಅಂತ ಯೋಚಿಸುತ್ತಾ ಇದ್ದರೆ, ಸದ್ಯಕ್ಕೆ ಬಜಾರ್​​ನಲ್ಲಿರೋ MARUTI SUZUKIಯ ಟಾಪ್- 5 ಮೈಲೇಜ್​ ಕೊಡೋ ಸಿಎನ್​ಜಿ ಕಾರ್​ಗಳನ್ನು ಹಾಗೂ ಅವುಗಳ ಬೆಲೆಗಳ ವಿವರ ಇಲ್ಲಿದೆ. 

ಟಾಪ್ 5- Maruti Suzuki Swift

ಟಾಪ್​ ನಾಚ್​ ಕ್ವಾಲಿಟಿ ಹಾಗೂ ಬೆಲೆಯೂ ಕಡಿಮೆ ಅಂತ ಹೇಳಬಹುದು. ಇದರ ಬೆಲೆ 8.20 ಲಕ್ಷದಿಂದ 9.20 ಲಕ್ಷ ರೂಪಾಯಿ ಇದೆ. ಇನ್ನು ಪರ್ಫಾಮೆನ್ಸ್​ ವಿಷ್ಯಕ್ಕೆ ಬರೋಹಾಗಿದ್ರೆ ಪ್ರತಿ ಕೆಜಿ ಸಿಎನ್​ಜಿಗೆ 32.85 ಕಿ.ಮೀ ಮೈಲೇಜ್ ನೀಡುತ್ತದೆ. 

ಟಾಪ್ 4- Maruti Suzuki Dzire

ಇದು Maruti Suzuki Swiftನ ಬೆಟರ್ ಅಪ್​ಗ್ರೇಡ್​​ ಅಂತ ಹೇಳಬಹುದು. ಇದರ ಮೈಲೇಜ್​ ಪ್ರತಿ ಕೆಜಿ ಸಿಎನ್​ಜಿಗೆ 33.73 ಕಿ.ಮೀ. ಹಾಗೂ ಇದರ ಬೆಲೆ ಶುರುವಾಗೋದು 8.79 ಲಕ್ಷ ರೂಪಾಯಿ ಹಾಗೂ ಟಾಪ್ ಎಂಡ್​ನ ಬೆಲೆ 9.89 ಲಕ್ಷ ರೂಪಾಯಿ. 

ಟಾಪ್ 3- Maruti Suzuki Alto K10

ಇದು ಮಾರುತಿ ಕಂಪನಿಯ ಆಲ್ಟೋ ಕಾರ್​ನ ಅಪ್​ಗ್ರೇಡೆಡ್​ ಹಾಗೂ ಅಡ್ವಾನ್ಸ್​​ ವರ್ಷನ್​. ಅಂದ್ರೆ ಪೆಟ್ರೋಲ್​ಗೆ ಸೀಮಿತವಾಗಿದ್ದ ಈ ಕಾರ್​ನ ಇದೀಗ ಹೊಸ ರೂಪದಲ್ಲಿ ಹಾಗೂ ಟೆಕ್ನಾಲಜಿಯಲ್ಲಿ ಬದಲಾವಣೆ ತಂದು ರಿಲೀಸ್ ಮಾಡಲಾಗಿದೆ. ಇದರ ಬೆಲೆ 5.9 ಲಕ್ಷ ರೂಪಾಯಿಗಳಿಂದ 6.21 ಲಕ್ಷ ರೂಪಾಯಿ ಆಗಿದೆ. ಪ್ರತಿ ಕೆಜಿ ಟಾಪ್​​ಗೆ 33.85 ಕಿ.ಮೀ ಮೈಲೇಜ್ ಇದೆ.

ಟಾಪ್ 2- Maruti Suzuki Wagon R

Wagon R ಹ್ಯಾಚ್​ಬ್ಯಾಕ್​​ ಇದ್ಯಲ್ಲಾ, ಇದನ್ನು ದೇಶದಲ್ಲೇ ಅತ್ಯಂತ FUEL EFFICIENT ಕಾರ್ ಎಂದು ಕರೆಯುತ್ತಾರೆ.​ ಇನ್ನೂ ಸಿಎನ್​ಜಿ ವಿಷ್ಯಕ್ಕೆ ಬಂದ್ರೆ, ಅದರ ಸ್ಥಾನವನ್ನು ಹಾಗೇ ಈ ಮಾರ್ಕೆಟ್​​​​ನಲ್ಲೂ ಉಳಿಸಿಕೊಂಡಿದೆ. ಪರ್ಫಾಮೆನ್ಸ್​ ವಿಷ್ಯಕ್ಕೆ ಬಂದ್ರೂ ಕೂಡ ಇದು ಎಲ್ಲರ ಬಾಪ್​. ಸೋ ಹಾಗಿದ್ರೆ, ಇದರ ಮೈಲೇಜ್​ ಎಷ್ಟು? ಪ್ರತಿ ಕೆಜಿ ಸಿಎನ್​ಜಿಗೆ 34.05 ಕಿ.ಮೀ. ಮೈಲೇಜ್ ಇದೆ. ಹಾಗೂ ಬೆಲೆ 6.66 ದಿಂದ 7.09 ಲಕ್ಷ ರೂಪಾಯಿದಷ್ಟಿದೆ.

ಇದನ್ನೂ ಓದಿ: ಕದ್ದಿದ್ದು ಒಂದೇ ಒಂದು ಮೊಬೈಲ್​.. ಕಳ್ಳನಿಗೆ 7 ವರ್ಷ ಜೈಲು ಶಿಕ್ಷೆ ವಿಧಿಸಿದ ನ್ಯಾಯಾಲಯ

ಟಾಪ್ 1- Maruti Suzuki Celerio

ಮಾರುತಿ ಸುಜುಕಿ ತಯಾರು ಮಾಡಿರೋ ಸಿಎನ್​ಜಿ ಕಾರ್​​ಗಳಲ್ಲೇ ಇದು ಮೈಲೇಜ್​ನ ವಿಷ್ಯದಲ್ಲಿ ನಂಬರ್ ಒನ್​ ಲೀಡರ್​. ಯಾಕಂದ್ರೆ ಎಷ್ಟೋ ಕಂಪನಿಗಳು ಎಸ್​ಯುವಿ ಕಾರ್​ಗಳಿಗೂ ಇದೀಗ ಸಿಎನ್​ಜಿ ಪರಿಚಯಿಸೋ ಕೆಲಸ ಮಾಡ್ತ ಇದೆ. ಆದರೂ ಅವುಗಳಿಗೂ ಠಕ್ಕರ್​ ಕೊಡುವ ರೇಂಜಿಗಿದೆ ಇದರ ಮೇಲೇಜ್​. ಪ್ರತಿ ಕೆಜಿ ಸಿಎನ್​ಜಿಗೆ 34.43 ಕಿ.ಮೀ ಸಾಗುತ್ತೆ ಹಾಗೂ ಇದರ ಬೆಲೆ ಶುರುವಾಗೋದು 6.90 ಲಕ್ಷದಿಂದ. ಅದು ಕೂಡ ಇದರ VXi ವೇರಿಯಂಟ್​​ಗೆ

ಮಾರುತಿ ಸುಜುಕಿ ನಮ್ಮ ದೇಶದ ಅತ್ಯಂತ ವಿಶ್ವಸಾರ್ಹ ಆಟೋಮೊಬೈಲ್​​​ಗಳಲ್ಲಿ ಒಂದು. ಹಾಗೂ ಈಗಿನ ಟ್ರೆಂಡ್ ಕೂಡ ಸಿಎನ್​ಜಿ ಕಾರ್​ಗಳೇ ಆಗಿರೋದ್ರಿಂದ ಮುಂದಿನ ದಿನಗಳಲ್ಲಿ ಈ ಕಾರ್​ಗಳ ಬೇಡಿಕೆ ಹಾಗೂ ಬೆಲೆ ಎರಡೂ ಹೆಚ್ಚಾಗೋದ್ರಲ್ಲಿ ಅನುಮಾನವೇ ಇಲ್ಲ. 

ವಿಶೇಷ ವರದಿ: ರಾಹುಲ್​ ದಯಾನ್, ನ್ಯೂಸ್ ಫಸ್ಟ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ