ಪ್ರೀತಿಸಿ, ಹುಡುಗಿ ಜೊತೆ ಸುತ್ತಾಡಿ.. ಪ್ರೇಮಿಗಳಿಗಾಗಿ ಎರಡು ದಿನ ಸಂಬಳ ಸಹಿತ ರಜೆ ಘೋಷಿಸಿದ ಕಂಪನಿ

ಸಾಕಷ್ಟು ಜನರು ತಮ್ಮ ಜೀವನ ನಡೆಸಲು ಕೆಲಸಕ್ಕೆ ಹೋಗ್ತಾರೆ. ಆದರೆ ಇದೇ ಕೆಲಸದಲ್ಲಿ ಬ್ಯುಸಿಯಾಗುತ್ತಾ ತಮ್ಮ ವೈಯಕ್ತಿಕ ಜೀವನಕ್ಕೆ ಟೈಮ್​ ಕೊಡೋದಕ್ಕೆ ಆಗದೇ ಒದಾಡುತ್ತಾ ಇರುತ್ತಾರೆ. ಅದರಲ್ಲೂ ಕೆಲಸದ ಒತ್ತಡದಲ್ಲಿ ಲವರ್ಸ್​ಗಳ ಜೊತೆಗೆ ಕಾಲ ಕಳೆಯೋದಕ್ಕೆ ಆಗದೇ ಬೇಸರ ಹೊರಹಾಕುತ್ತಾ ಇರುತ್ತಾರೆ.

ಇದನ್ನೂ ಓದಿ:10 ನಿಮಿಷದಲ್ಲಿ ಹೀಗೆ ಮೋದಕ ತಯಾರಿಸಿ! ಗಣೇಶನಿಗೆ ಮಾತ್ರವಲ್ಲ ನಿಮಗೂ ಇಷ್ಟವಾಗುತ್ತೆ ನೋಡಿ

ಆದರೆ ಇದೀಗ ಇಂಥವರಿಗಾಗಿಯೇ ಬಂಪರ್ ಆಫರ್​ ನೀಡಿದೆ ಈ ಕಂಪನಿ. ಹೌದು, ಇತ್ತೀಚೆಗೆ ನಮ್ಮ ದೇಶದಲ್ಲಿ ಡೇಟಿಂಗ್ ಸಂಸ್ಕೃತಿ ಹೆಚ್ಚಾಗಿದೆ ಎಂದು ಹೇಳಬಹುದು. ಆದರೆ ಈ ಡೇಟಿಂಗ್ ಸಂಸ್ಕೃತಿ ಭಾರತಕ್ಕಿಂತ ವಿದೇಶಗಳಲ್ಲಿ ಸಾಮಾನ್ಯವಾಗಿದೆ. ಅನೇಕರು ಕೆಲಸದಿಂದ ಸ್ವಲ್ಪ ಬಿಡುವಿನ ವೇಳೆಗೆ ತಮ್ಮ ಗೆಳತಿಯರೊಂದಿಗೆ ಡೇಟ್‌ಗೆ ಹೋಗುತ್ತಾರೆ. ಅದೇ ಸಮಯದಲ್ಲಿ ಡೇಟಿಂಗ್​ನಲ್ಲಿ ಬ್ಯುಸಿ ಆಗಿ ಕೆಲಸಕ್ಕೆ ರಜೆ ಹಾಕುವುದು ಉಂಟು. ಆದರೆ ಇನ್ಮುಂದೆ ಅದಕ್ಕೆ ತಲೆನೋವು ಇರೋದಿಲ್ಲ ಬಿಡಿ. ಥೈಲ್ಯಾಂಡ್‌ನ ಕಂಪನಿಯೊಂದು ತನ್ನ ಸಿಬ್ಬಂದಿಗಾಗಿಯೇ ವಿನೂತನವಾಗಿ ಪ್ಲಾನ್​ವೊಂದು ಜಾರಿ ಮಾಡಿದೆ.

ಥೈಲ್ಯಾಂಡ್ ಮೂಲದ ಮಾರ್ಕೆಟಿಂಗ್ ಏಜೆನ್ಸಿ ವೈಟ್‌ಲೈನ್ ಗ್ರೂಪ್ ತನ್ನ ಉದ್ಯೋಗಿಗಳಿಗೆ 'ಟಿಂಡರ್ ಲೀವ್' ಘೋಷಿಸಿದೆ. 6 ತಿಂಗಳೊಮ್ಮೆ ಉದ್ಯೋಗಿಗಳಿಗೆ ತಮ್ಮ ಗೆಳತಿಯರೊಂದಿಗೆ ಡೇಟ್ ಮಾಡಲು ವೇತನ ಸಹಿತ ರಜೆ ನೀಡಲಾಗುತ್ತಿದೆ ಎಂದು ಅದು ಹೇಳಿದೆ. ಉದ್ಯೋಗಿಗಳು ಜುಲೈ ಮತ್ತು ಡಿಸೆಂಬರ್ ನಡುವೆ ಯಾವುದೇ ಸಮಯದಲ್ಲಿ ಈ ರಜೆಗಳನ್ನು ಬಳಸಬಹುದು ಎಂದು ಕಂಪನಿ ಹೇಳಿದೆ.

ಇದನ್ನೂ ಓದಿ: ಗೌರಿ ಪೂಜೆಗೆ ಒಳ್ಳೆಯ ಮುಹೂರ್ತ ಯಾವ್ದು? ಸ್ವರ್ಣಗೌರಿ ವ್ರತದಿಂದ ಆಗುವ ಪ್ರಯೋಜನ ಏನು?

ನೌಕರರ ಕಲ್ಯಾಣಕ್ಕಾಗಿ ಈ ಹೊಸ ‘ಟಿಂಡರ್ ಲೀವ್’ ಜಾರಿ ಮಾಡಿದೆ. ಆದರೆ, ಟಿಂಡರ್ ಲೀವ್ ಹೆಸರಿನಲ್ಲಿ ಎಷ್ಟು ದಿನ ರಜೆ ನೀಡಲಾಗಿದೆ ಎಂಬುದನ್ನು ಕಂಪನಿ ಮಾಹಿತಿ ನೀಡಿಲ್ಲ. ಈ ರಜೆಗಾಗಿ ಅರ್ಜಿ ಸಲ್ಲಿಸುವ ನೌಕರರು ಒಂದು ವಾರ ಮುಂಚಿತವಾಗಿ ತಿಳಿಸಬೇಕು. ಸಂಸ್ಥೆಯು ಕೈಗೊಂಡಿರುವ ಈ ವಿನೂತನ ನಿರ್ಧಾರದಿಂದ ಉದ್ಯೋಗಿಗಳು ತಮ್ಮ ಕೆಲಸದಲ್ಲಿ ಚೆನ್ನಾಗಿ ಕೆಲಸ ಮಾಡಬೇಕು ಎಂದು ವ್ಯವಸ್ಥಾಪಕರು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ