ಹಾರ್ದಿಕ್​ ಪಾಂಡ್ಯಗೆ ಇಬ್ಬರು ಕೈಕೊಟ್ಟು ಹೋದ್ರೂ.. ಈಗ ಆಲ್​​ರೌಂಡರ್​ಗೆ ಇವರೇ ಪ್ರಪಂಚ..!

ಟೀಮ್​ ಇಂಡಿಯಾ ಆಲ್​​ರೌಂಡರ್​ ಹಾರ್ದಿಕ್​ ಪಾಂಡ್ಯ ವೈಯಕ್ತಿಕ ಜೀವನ ಮತ್ತೆ ಹಳಿ ತಪ್ಪಿದೆ. ಹೊಸ ಲವ್​​ ಆದಷ್ಟೇ ವೇಗವಾಗಿ ಬ್ರೇಕ್​ಅಪ್​ ಆಗಿದೆ. ವಿರಹ ವೇದನೆಯಲ್ಲಿರೋ ಹಾರ್ದಿಕ್​ ಪಾಲೀಗಿಗ ಮಗನೇ ಧೈರ್ಯ. ಮಾನಸಿಕವಾಗಿ ಕುಸಿದ ಹಾರ್ದಿಕ್​ ಜೀವನಕ್ಕೆ ಮಗ ಅಗಸ್ತ್ಯ ಸ್ಪೂರ್ತಿಯ ಚಿಲುಮೆಯಾಗಿದ್ದಾನೆ.  

ಟೀಮ್​ ಇಂಡಿಯಾ ಆಲ್​​ರೌಂಡರ್​​ ಹಾರ್ದಿಕ್​ ಪಾಂಡ್ಯ ಹಣೆ ಬರಹವೇ ಸರಿ ಇಲ್ವೋ.? ಅಥವಾ ಟೈಮ್​ ಸರಿ ಇಲ್ವೋ.? ಗೊತ್ತಿಲ್ಲ. ಎಲ್ಲಾ ಸರಿಯಾಯ್ತು ಅನ್ನುವಾಗಲೇ ಮತ್ತೊಂದು ಸಮಸ್ಯೆ ಹಾರ್ದಿಕ್​ ಪಾಂಡ್ಯಗೆ ಎದುರಾಗ್ತಿದೆ. ನತಾಶ ಜೊತೆಗಿನ ಡಿವೋರ್ಸ್​​ ಬಳಿಕ ಜಾಸ್ಮಿನ್​ ವಾಲಿಯಾ ಪ್ರೀತಿಯ ಬಲೆಯಲ್ಲಿ ಹಾರ್ದಿಕ್​ ಬಿದ್ದಿದ್ದು, ನಿಮಗೆ ಗೊತ್ತಿರಬಹುದು. ಆದ್ರೆ, ಈ ಲವ್​​ ಆದಷ್ಟೇ ವೇಗವಾಗಿ, ಬ್ರೇಕ್​​​ಅಪ್​ ಆಗಿದೆ. 

ಬಾಳಲ್ಲಿ ಬಿರುಗಾಳಿ, ಹಾರ್ದಿಕ್​ ಮತ್ತೆ ಏಕಾಂಗಿ.!

ನತಾಶ ಜೊತೆಗಿನ ಡಿವೋರ್ಸ್​ ಆದ ಕೆಲವೇ ತಿಂಗಳಲ್ಲಿ ಬ್ರಿಟಿಷ್​ ಬ್ಯೂಟಿ ಜಾಸ್ಮಿನ್​ ವಾಲಿಯಾ ಜೊತೆಗೆ ಹಾರ್ದಿಕ್​ ಹೆಸರು ಕೇಳಿ ಬಂದಿತ್ತು. ಅದಾದ ಬಳಿಕ ಇಬ್ಬರ ಪ್ರವಾಸಗಳು ಡೇಟಿಂಗ್​ ಗಾಸಿಪ್​ನ ಕನ್​ಫರ್ಮ್​ ಆಗಿದ್ವು. ಒಂಟಿಯಾಗಿದ್ದ ಹಾರ್ದಿಕ್​ ಮತ್ತೆ ಜಂಟಿಯಾಗೋಕೆ ರೆಡಿಯಾಗಿದ್ದರು. ಆದ್ರೆ, ಅದೇನಾಯ್ತೋ ಗೊತ್ತಿಲ್ಲ. ಪ್ರೀತಿ ಹುಟ್ಟಿದಷ್ಟೇ ವೇಗವಾಗಿ ಬಿರುಕು ಮೂಡಿ ಹಾರ್ದಿಕ್​-ಜಾಸ್ಮಿನ್​ ದೂರಾಗಿದ್ದಾರೆ. 

ವಿರಹ ವೇದನೆಯಲ್ಲಿರೋ ಪಾಂಡ್ಯಗೆ ಮಗನೇ ಧೈರ್ಯ.!

ಏಕಾಂಗಿಯಾಗಿರೋ ಹಾರ್ದಿಕ್​ ಪಾಂಡ್ಯ ಸದ್ಯ ವಿರಹ ವೇದನೆಯಲ್ಲಿದ್ದಾರೆ. ಮೊದಲು ಡಿವೋರ್ಸ್​, ಈಗ ಬ್ರೇಕ್​ಅಪ್​ನಿಂದ ಬೇಸರಗೊಂಡಿರೋ ಹಾರ್ದಿಕ್​ಗೆ ಮಾನಸಿಕವಾಗಿ ಕುಗ್ಗಿದ್ದಾರೆ. ಮಾನಸಿಕ ಸ್ಥೈರ್ಯ ಕಳೆದುಕೊಂಡಿರೋ ಹಾರ್ದಿಕ್​ಗೆ ಈಗ ಮಗನೇ ಧೈರ್ಯ. 

ಮಗನೇ ಸರ್ವಸ್ವ.. ಜೀವನಕ್ಕೆ ಚೇತನ..!

ಹಾರ್ದಿಕ್ ಜೀವನ ಹಳ್ಳ ಹಿಡಿದಿದೆ. ಆದ್ರೆ, ಇದ್ಯಾವುದಕ್ಕೂ ಕೇರ್ ಮಾಡದೆ ಕಾಲಾಯ ತಸ್ಮೈ ನಮಃ ಎನ್ನುತ್ತಲೇ ಹೆಜ್ಜೆ ಹಾಕ್ತಿದ್ದಾರೆ. ಹಾರ್ದಿಕ್​ ದೃಡದ ಹೆಜ್ಜೆಗೆ ಸ್ಪೂರ್ತಿಯೇ ಮಗ ಅಗಸ್ತ್ಯ. ಕುಸಿದಿರೋ ಹಾರ್ದಿಕ್​, ಮಗನೊಂದಿಗೆ ಹೆಚ್ಚು ಟೈಮ್​ ಸ್ಪೆಂಡ್​ ಮಾಡ್ತಾ ನೋವನ್ನ ಮರೆಯೋ ಯತ್ನದಲ್ಲಿದ್ದಾರೆ. 
 
ಸದ್ಯ ಹಾರ್ದಿಕ್​​​​​ ಪಾಂಡ್ಯ ಗುರಿ ಭವಿಷ್ಯದ ಕಡೆಗಿದೆ. ಇದಕ್ಕೆಲ್ಲ ಕಾರಣ ಪುತ್ರ ಅಗಸ್ತ್ಯ ಮೇಲಿನ ಪ್ರೀತಿ. ಹಳಿತಪ್ಪಿದ ಜೀವನವನ್ನ ರೈಟ್​ ಟ್ರ್ಯಾಕ್​​ಗೆ ತರೋ ಯತ್ನದಲ್ಲಿರೋ ಹಾರ್ದಿಕ್​​ಗೆ ಪುತ್ರನೇ ಸ್ಪೂರ್ತಿಯ ಸೆಲೆಯಾಗಿದ್ದಾರೆ. 

ಅಭ್ಯಾಸದಲ್ಲೂ ಮಗನೇ ಹಾರ್ದಿಕ್​ ಜೊತೆಗಾರ.!

ಸದ್ಯ ಹಾರ್ದಿಕ್​ ಪಾಂಡ್ಯ ಅಭ್ಯಾಸದ ಕಣಕ್ಕೆ ಮರಳಿದ್ದಾರೆ. ಐಪಿಎಲ್​ ಬಳಿಕ ಸುದೀರ್ಘ ಬ್ರೇಕ್​​ ತೆಗೆದುಕೊಂಡು ಮೈದಾನಕ್ಕೆ ಮರಳಿರೋ ಹಾರ್ದಿಕ್​​ಗೆ ಇಲ್ಲೂ ಮಗನೇ ಜೊತೆಗಾರನಾಗಿದ್ದಾನೆ.   

ಇದನ್ನೂ ಓದಿ:ಧರ್ಮಸ್ಥಳದಲ್ಲಿ ಪಾನ್​ ಕಾರ್ಡ್​​, ATM ಕಾರ್ಡ್​ ಪತ್ತೆ ಕೇಸ್​; ಮಗನ ಬಗ್ಗೆ ನೆಲಮಂಗಲದ ತಂದೆ, ತಾಯಿ ಏನಂದ್ರು?

ಮಗನಿಗೆ ಹೀರೋ ಆಗಬೇಕು ಅನ್ನೋದೇ ಪಾಂಡ್ಯ ಬಯಕೆ..!

ಮಗನ ಪಾಲಿಗೆ ಹೀರೋ ಆಗಿ ಕಾಣಬೇಕು ಅನ್ನೋದು ಪ್ರತಿಯೊಬ್ಬ ತಂದೆಯ ಕನಸು. ಅದೇ ಕನಸು ಹಾರ್ದಿಕ್ ಪಾಂಡ್ಯಗೂ ಇದೆ. ಮಗನ ಪಾಲಿಗೆ ಹೀರೋ ಆಗಲು ಏನಾದರೂ ಮಾಡಬೇಕೆಂಬ ತುಡಿತ, ಹಸಿವು ಹಾರ್ದಿಕ್​ರಲ್ಲಿದೆ. ಪದೇ ಪದೇ ಜೀವನದಲ್ಲಿ ಎಡವಿಬಿದ್ರೂ, ಮತ್ತೆ ಎದ್ದು ನಿಂತು ಹೋರಾಡ್ತಿರೋದ್ರ ಹಿಂದಿನ ಸೀಕ್ರೆಟ್​ ಇದೆ. 

ನನ್ನ ಮಗನೇ ನನ್ನ ಜೀವನದ ಬಿಗ್ಗೆಸ್ಟ್​​ ಮೋಟಿವೇಷನ್​ ಎಂದು ಈ ಹಿಂದೆಯೇ ಹಾರ್ದಿಕ್​ ಹೇಳಿಕೊಂಡಿದ್ರು. ಅದಕ್ಕೆ ತಕ್ಕಂತೆ ಮಗ ಈಗ ಹಾರ್ದಿಕ್​ ಪಾಲಿನ ಸ್ಪೂರ್ತಿಯ ಚಿಲುಮೆಯಾಗಿದ್ದಾನೆ. ಆದಷ್ಟು ಬೇಗ ವಿರಹವೇದನೆಯಿಂದ ಹೊರಬಂದು ಅಂದುಕೊಂಡಂತೆ ಮಗನ ಪಾಲಿಗೆ ಹಾರ್ದಿಕ್​ ಹೀರೋ ಆಗಲಿ ಅನ್ನೋದೇ ಎಲ್ಲರ ಆಶಯ. 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ