14 ವರ್ಷದ ಬಳಿಕ ಭಾರತಕ್ಕೆ ಬರುತ್ತಿರೋ ಫುಟ್ಬಾಲ್ ಸ್ಟಾರ್ ಲಿಯೋನಲ್​ ಮೆಸ್ಸಿ.. ಕಾರಣವೇನು?

ಇದು ಕ್ರೀಡಾಲೋಕದ ಅತಿದೊಡ್ಡ ಸಮಾಗಮ. ಹಿಂದೆಂದೂ ಆಗಿಲ್ಲ, ಪ್ರಯತ್ನವೂ ನಡೆದಿಲ್ಲ. ಟೀಮ್​ ಇಂಡಿಯಾದ ಸೂಪರ್​​​ ಸ್ಟಾರ್​​​ಗಳು- ಫುಟ್ಬಾಲ್​ ಜಗತ್ತಿನ ಮಾಂತ್ರಿಕ ಲಿಯೋನಲ್​ ಮೆಸ್ಸಿ ಸಮಾಗಮವಾಗ್ತಿದೆ. ಇದ್ಯಾವುದೋ ಇವೆಂಟ್​ ಅನ್ಕೋಬೇಡಿ, ಐಕಾನಿಕ್​ ವಾಂಖೆಡೆ ಅಂಗಳದಲ್ಲಿ ಕ್ರಿಕೆಟ್​ ಕದನದಲ್ಲಿ ದಿಗ್ಗಜರ ಮುಖಾಮುಖಿ ಆಗ್ತಿದ್ದಾರೆ. ಏನಿದು ಕಥೆ ಅಂತೀರಾ?. 

ಕ್ರಿಕೆಟ್​​ & ಫುಟ್ಬಾಲ್​ ವಿಶ್ವ ಕ್ರೀಡಾಲೋಕವನ್ನ ಆಳ್ತಿರೋ ಎರಡು ಬಿಗ್ಗೆಸ್ಟ್​ ಸ್ಟೋರ್ಟ್ಸ್​​​. ಭಾರತದಲ್ಲಂತೂ ಕ್ರಿಕೆಟ್​ ಅನ್ನೋದು ಒಂದು ಧರ್ಮ, ಕ್ರಿಕೆಟಿಗರು ಅಂದ್ರೆ ದೇವರಂತೆ ಆರಾಧನೆ ನಡೀತಿದೆ. ವಿಶ್ವದಲ್ಲಿ ಫುಟ್ಬಾಲ್​ ಎಷ್ಟು ಫೇಮಸ್​​ ಅನ್ನೋದನ್ನ ಬಿಡಿಸಿ ಹೇಳಬೇಕಿಲ್ಲ. ಭಾರತದಲ್ಲೂ ಅಷ್ಟೇ ಫುಟ್ಬಾಲ್​​ಗೆ ಕ್ರೇಜ್​ ಹೆಚ್ಚಾಗ್ತಿದೆ. ಈ ಕ್ರಿಕೆಟ್​​ ಮತ್ತು ಫುಟ್ಬಾಲ್​​ ಫ್ಯಾನ್ಸ್​ಗೆ ಗುಡ್​​ನ್ಯೂಸ್ ಹೊರಬಿದ್ದಿದೆ.

ಲಿಯೋನಲ್​ ಮೆಸ್ಸಿ VS ಸಚಿನ್​, ಧೋನಿ, ಕೊಹ್ಲಿ, ರೋಹಿತ್​.!
 ​   
ಐಕಾನಿಕ್​ ವಾಂಖೆಡೆ ಮೈದಾನದಲ್ಲಿ ದಿಗ್ಗಜರ ಸಮಾಗಮವಾಗಲಿದೆ. ಫುಟ್ಬಾಲ್​​ ಮಾಂತ್ರಿಕ, ಅರ್ಜೆಂಟೀನಾದ ಆಟಗಾರ, ದಿಗ್ಗಜ ಲಿಯೋನಲ್​ ಮೆಸ್ಸಿ ಹಾಗೂ ಟೀಮ್​ ಇಂಡಿಯಾ ಆಟಗಾರರ ಸಮಾಗಮಕ್ಕೆ ವೇದಿಕೆ ಸಜ್ಜಾಗಿದೆ. ಮಾಸ್ಟರ್​ ಬ್ಲಾಸ್ಟರ್​ ಸಚಿನ್​ ತೆಂಡುಲ್ಕರ್, ಕಿಂಗ್​ ವಿರಾಟ್​ ಕೊಹ್ಲಿ, ಕೂಲ್​ ಕ್ಯಾಪ್ಟನ್​ MS ಧೋನಿ, ಹಿಟ್​ಮ್ಯಾನ್​ ರೋಹಿತ್​ ಶರ್ಮಾರನ್ನ ಮೆಸ್ಸಿ ಮೀಟ್​ ಮಾಡಲಿದ್ದಾರೆ. ಅಂದ್ಹಾಗೆ ಇದೊಂದು ಮೀಟ್​ AND ಗ್ರೀಟ್​ ಇವೆಂಟ್​ ಮಾತ್ರವಲ್ಲ, ಇವ್ರ ನಡುವೆ ಆನ್​ಫೀಲ್ಡ್​ ಕಾದಾಟವೂ ನಡೆಯಲಿದೆ. 

ವಾಂಖೆಡೆಯಲ್ಲಿ ಫುಟ್ಬಾಲ್​​ ಸ್ಟಾರ್​​ VS ಕ್ರಿಕೆಟ್​​ ಸ್ಟಾರ್ಸ್​​.!

ವಾಂಖೆಡೆ ಮೈದಾನದಲ್ಲಿ ಫುಟ್ಬಾಲ್​ ತಾರೆ ಲಿಯೋನಲ್​ ಮೆಸ್ಸಿ ಹಾಗೂ ಟೀಮ್​ ಇಂಡಿಯಾ ಸೂಪರ್​ ಸ್ಟಾರ್​ಗಳ ನಡುವೆ ಕ್ರಿಕೆಟ್​ ಬ್ಯಾಟಲ್​ ನಡೆಯಲಿದೆ. 7 ಸೈಡ್ ಕ್ರಿಕೆಟ್​​​ ಮ್ಯಾಚ್​​ಗೆ ಪ್ಲಾನ್​ ರೂಪಿಸಲಾಗಿದೆ. ಸಚಿನ್, ಧೋನಿ, ಕೊಹ್ಲಿ, ರೋಹಿತ್​​ ಸೇರಿದಂತೆ ಟೀಮ್​ ಇಂಡಿಯಾ ಹಲವು ಅಟಗಾರರ ಜೊತೆಗೆ ಮೆಸ್ಸಿ ವಾಂಖೆಡೆ ಮೈದಾನದಲ್ಲಿ ಕ್ರಿಕೆಟ್​ ಆಡಲಿದ್ದಾರಂತೆ. ಈ ಸಮಾಗಮ ಕಣ್ತುಂಬಿಕೊಳ್ಳಲು ಫ್ಯಾನ್ಸ್​​​ಗೂ​ ಅವಕಾಶವಿದೆ. 

ಮುಂಬೈ ಕ್ರಿಕೆಟ್​​​ ಅಸೋಸಿಯೇಶನ್​ಗೆ ಆಯೋಜಕರಿಂದ ಮನವಿ

ಲಿಯೋನಲ್​ ಮೆಸ್ಸಿ ಡಿಸೆಂಬರ್​ನಲ್ಲಿ ಭಾರತಕ್ಕೆ ಬರಲು ಸಜ್ಜಾಗಿದ್ದಾರೆ. ಮೆಸ್ಸಿಯ ಭಾರತ ಪ್ರವಾಸವನ್ನ ಇವೆಂಟ್​ ಮ್ಯಾನೇಜ್​ಮೆಂಟ್​ ಕಂಪನಿಯೊಂದು ನಿಭಾಯಿಸ್ತಿದೆ. ಈ ಕಂಪನಿಯಿಂದ ಸದ್ಯ ಮುಂಬೈ ಕ್ರಿಕೆಟ್ ಅಸೋಸಿಯೇಷನ್​​​ಗೆ ಮನವಿ ಬಂದಿದೆಯಂತೆ. ಡಿಸೆಂಬರ್​​ 14ರಂದು ಸ್ಟೇಡಿಯಂ ಬಿಟ್ಟುಕೊಡಿ ಎಂದು ಕಂಪನಿ ಮನವಿ ಮಾಡಿದೆಯಂತೆ.

ಮೆಸ್ಸಿ ವಾಂಖೆಡೆ ಸ್ಟೇಡಿಯಂಗೆ ಮೆಸ್ಸಿ

ಸ್ಪೇಡಿಯಂಗಾಗಿ ಆಯೋಜಕರಿಂದ ಮನವಿ ಬಂದಿದೆ. ಡಿಸೆಂಬರ್​ 14ರಂದು ಮೆಸ್ಸಿ ವಾಂಖೆಡೆ ಸ್ಟೇಡಿಯಂಗೆ ಬರಲಿದ್ದಾರೆ. ಭಾರತದ ಮಾಜಿ ಹಾಗೂ ಹಾಲಿ ಆಟಗಾರರೊಂದಿಗೆ ಕ್ರಿಕೆಟ್​ ಪಂದ್ಯವನ್ನಾಡಲಿದ್ದಾರೆ. ಆಯೋಜಕರು ಎಲ್ಲವೂ ಅಂತ್ಯವಾದ ಬಳಿಕ ಅಂತಿಮ ವೇಳಾಪಟ್ಟಿಯೊಂದಿಗೆ ಬಂದು ಭೇಟಿ ಮಾಡಲಿದ್ದಾರೆ.

MCA ಅಧಿಕಾರಿ 

ಇದನ್ನೂ ಓದಿ:ಪ್ರಜ್ವಲ್​ ರೇವಣ್ಣಗೆ ಶಿಕ್ಷೆ; BSY, ಅಶೋಕ್, ಸಿಟಿ ರವಿ ಯಾಕೆ ಮಾತಾಡ್ತಿಲ್ಲ?- ಡಿ.ಕೆ ಶಿವಕುಮಾರ್

14 ವರ್ಷಗಳ ಬಳಿಕ ಭಾರತಕ್ಕೆ ಫುಟ್ಬಾಲ್​ ತಾರೆ.!

ಡಿಸೆಂಬರ್​​ 13ರಿಂದ 15 ಅಂದ್ರೆ, 3 ದಿನಗಳ ಕಾಲ ಮೆಸ್ಸಿ ಭಾರತದಲ್ಲಿ ಇರಲಿದ್ದಾರೆ. ಈ 3 ದಿನಗಳ ಪ್ರವಾಸದಲ್ಲಿ ಮುಂಬೈ, ಡೆಲ್ಲಿ ಹಾಗೂ ಕೊಲ್ಕತ್ತಾಗೆ ಭೇಟಿ ನೀಡಲಿದ್ದಾರೆ. ವಿವಿಧ ಇವೆಂಟ್​ಗಳಲ್ಲಿ ಭಾಗಿಯಾಗಲಿದ್ದಾರೆ. ಅಂದ್ಹಾಗೆ, ಭಾರತಕ್ಕೆ ಮೆಸ್ಸಿ ಬರ್ತಾ ಇರೋದು ಇದು 2ನೇ ಬಾರಿ. 14 ವರ್ಷಗಳ ಹಿಂದೆ ಮೆಸ್ಸಿ ಭಾರತಕ್ಕೆ ಬಂದಿದ್ರು. 2011ರಲ್ಲಿ ಕೊಲ್ಕತ್ತಾಗೆ ಭೇಟಿ ನೀಡಿದ್ದ ಮೆಸ್ಸಿ, ಸಾಲ್ಟ್​ಲೇಕ್​ ಸ್ಟೇಡಿಯಂನಲ್ಲಿ ಫ್ರೆಂಡ್ಲಿ ಪಂದ್ಯವೊಂದನ್ನ ಆಡಿದ್ರು. 

ಮೆಸ್ಸಿ ಹಾಗೂ ಟೀಮ್​ ಇಂಡಿಯಾ ಕ್ರಿಕೆಟರ್ಸ್​​​ ಮುಖಾಮುಖಿ ಕ್ರಿಕೆಟ್​ ಫ್ಯಾನ್ಸ್​ ಹಾಗೂ ಫುಟ್ಬಾಲ್​ ಫ್ಯಾನ್ಸ್​​ಗಂತೂ​ ಸ್ಪೆಷಲ್​ ಟ್ರೀಟ್​ ಸಿಗಲಿದೆ. ಕ್ರಿಕೆಟ್​​ ಲೋಕದ ಸ್ಟಾರ್ಸ್​ VS ಫುಟ್ಬಾಲ್​ ದಿಗ್ಗಜನ ನಡುವಿನ ಬ್ಯಾಟಲ್​ ಏಂಜಾಯ್​​ ಮಾಡೋಕೆ ನೀವೂ ರೆಡಿಯಾಗಿ.! 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ