ಒಂದು ಕೋಟಿ ನಷ್ಟ! ವಿಷಯ ಗೊತ್ತಾಗಿ ಶಾಕ್ ಆದ ನಿರ್ಮಾಪಕಿ.. ಜನ ಹಿಂಗೂ ಮೋಸ ಮಾಡ್ತಾರೆ!

ಬೆಂಗಳೂರು: 1980-90ರ ದಶಕದ ಸ್ಟಾರ್ ನಿರ್ಮಾಪಕಿ ಹಾಗು ಮಮತಾ ಮೂವೀಸ್ ಬ್ಯಾನರ್​ನ ಓನರ್ ಲಕ್ಷ್ಮಿ ವೆಂಕಟೇಶ್​ಗೆ ವಂಚಕರು ವಂಚಿಸಿದ್ದಾರೆ. ಲಕ್ಷ್ಮಿ ವೆಂಕಟೇಶ್ ಹೆಸರಿನಲ್ಲಿ ನಕಲಿ ವಿಳಾಸ, ನಕಲಿ ಚೆಕ್ ಸೃಷ್ಟಿಸಿ ವಂಚಕರು ಚಿತ್ರ ಮಾರಾಟ ಮಾಡಿದ್ದಾರೆ. ಈ ಕುರಿತು ತಮ್ಮದೇ ಚಿತ್ರವನ್ನು ಇಂಟರ್​ನೆಟ್​ನಲ್ಲಿ ನೋಡಿದ ನಿರ್ಮಾಪಕಿ ಶಾಕ್ ಆಗಿದ್ದಾರೆ. 

ಏನಿದು ಪ್ರಕರಣ..? 

ನಿರ್ಮಾಪಕಿ ತಮ್ಮ ಬ್ಯಾನರ್ ಅಡಿಯಲ್ಲಿ ಚಿತ್ರಗಳನ್ನ ಏಜೆಂಟರ ಮೂಲಕ ಮಾರಾಟ ಮಾಡಲು ಮುಂದಾದಾಗ ಈ ವಂಚನೆ ಬೆಳಕಿಗೆ ಬಂದಿದೆ. ಈ ಕುರಿತು ನೀವು ಈಗಾಗಲೆ ಚಿತ್ರಗಳನ್ನ ಮಾರಾಟ ಮಾಡಿದ್ದೀರಾ ಎಂದು ಏಜೆಂಟ್ ಹೇಳಿಕೆ ನಿರ್ಮಾಪಕಿ ಶಾಕ್ ಆಗಿದ್ದಾರೆ. ಕೂಡಲೇ ಸೋಷಿಯಲ್ ಪ್ಲಾಟ್ ಫಾರ್ಮ್ ನಲ್ಲಿ ಚೆಕ್ ಮಾಡಿದಾಗ ನಿರ್ಮಾಪಕಿಗೆ ಮೋಸ ಹೋಗಿರುವುದಾಗಿ ಅರಿವಿಗೆ ಬಂದಿದೆ.
ವಂಚನೆ ಕುರಿತು ಸದಾಶಿವ ನಗರ ಪೊಲೀಸ್ ಠಾಣೆಯಲ್ಲಿ 1 ಕೋಟಿ ನಷ್ಟ ಆಗಿರುವುದಾಗಿ ಪ್ರಕರಣ ದಾಖಲಿಸಿದ್ದಾರೆ. ಎ.ಎನ್ ಜಗದೀಶ್, ಪುರುಷೋತ್ತಮ್, ರಸೂಲ್ ಎಂಬ ವಂಚಕರಿಂದ ನಿರ್ಮಾಪಕಿ ಮೋಸ ಹೋಗಿದ್ದಾರೆ. 

ನಿರ್ಮಾಪಕಿ ಲಕ್ಷ್ಮಿ ವೆಂಕಟೇಶ್ ನಿರ್ಮಾಣದ ಸಿನಿಮಾಗಳು

ಡಾ.ವಿಷ್ಣುವರ್ಧನ್ ನಟನೆಯ 1983 ರ ಚಿತ್ರ ‘ಗಂಡುಗಲಿ ರಾಮ’. ಅಶೋಕ್ ಮತ್ತು ಆರತಿ ನಟನೆಯ ’ಗಣೇಶ ಮಹಿಮೆ’ ಹಾಗು ಜಯಂತಿ ನಟನೆಯ ಮಲ್ಲಿಗೆ-ಸಂಪಿಗೆ ಇನ್ನೂ ಮುಂತಾದ ಸಿನಿಮಾಗಳನ್ನು ನಿರ್ಮಿಸಿದ್ದಾರೆ. 

ಇದನ್ನೂ ಓದಿ:2500 ವಿಡಿಯೋ ಮಾಡ್ಕೊಂಡಿದ್ದ ಮ್ಯಾಥಿವ್​ನ ಸುಳಿವೇ ಇಲ್ಲ, ಆಘಾತಕ್ಕೆ ಒಳಗಾದ ಸಂತ್ರಸ್ತ ಗರ್ಭಿಣಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ..