ಅನಂತ ಅಂಬಾನಿ 108 KG ತೂಕ ಇಳಿಸಿದ್ದು ಇವನೇ! ಈ ಫಿಟ್‌ನೆಸ್‌ ಎಕ್ಸ್‌ಪರ್ಟ್‌ ಫೀಜ್ ಎಷ್ಟು ದುಬಾರಿ ಗೊತ್ತಾ?

ಸೆಲೆಬ್ರೆಟಿಗಳು ಅಂದ್ರೆ ಅವರದೇ ಆದ ಒಂದು ಜೀವನ ಪದ್ಧತಿ ಇರುತ್ತದೆ. ಅವರು ಉಳಿದವರಂತೆ ಏನೇನೋ ತಿಂದು, ಏನೇನೋ ಕುಡಿದು ಹೇಗೇಗೋ ಬದುಕೋಕೆ ಆಗಲ್ಲ. ಒಂದು ವೇಳೆ ಹಾಗೆ ಬದುಕಿದ್ದೇ ಆದಲ್ಲಿ ಅವರ ವೃತ್ತಿಜೀವನಕ್ಕೆ ಅದು ಕಂಟಕ ಹೀಗಾಗಿ ಅವರು ತಮ್ಮ ಲೈಫ್​ಸ್ಟೈಲ್​ನ್ನು ಒಂದು ಸರಳರೇಖೆಯಲ್ಲಿಯೇ ನಡೆಸಿಕೊಂಡು ಹೋಗುತ್ತಿರುತ್ತಾರೆ. ಅವರ ಫಿಟ್​ನೆಸ್ ಕಾಯಲು ಅಂತಲೇ  ಕೋಚ್​ಗಳು ಇರುತ್ತಾರೆ. ಈ ರೀತಿಯ ಕೋಚ್​ ನೀಡುವಲ್ಲಿ ಭಾರತದಲ್ಲಿ ಅತಿದೊಡ್ಡ ಹೆಸರು ಮಾಡಿದ್ದು ಅಂದ್ರೆ ಅದು ವಿನೋದ್​ ಚನ್ನಾ.

ಇದನ್ನೂ ಓದಿ:108 KG ತೂಕ ಇಳಿಸಿಕೊಂಡಿದ್ದ ಅನಂತ್​​ ಅಂಬಾನಿ; ಮತ್ತೆ ದಪ್ಪ ಆಗಿದ್ದೇಕೆ..?

ಕೆಲವು ವರ್ಷಗಳ ಹಿಂದೆ ಮುಖೇಶ್ ಅಂಬಾನಿಯ ಪುತ್ರ ಅನಂತ್ ಅಂಬಾನಿ ತಮ್ಮ ತೂಕವನ್ನು ಇಳಿಸಿ ಅಪ್ಪಟ ಬಾಲಿವುಡ್​ ನಟನಂತೆ ಕಂಡಿದ್ದು ನಿಮಗೆಲ್ಲಾ ಗೊತ್ತೆ ಇದೆ. 18 ತಿಂಗಳಲ್ಲಿ ಅವರ ತೂಕವನ್ನು 108 ಕೆಜಿಯಷ್ಟು ಇಳಿಸಿದ ಖ್ಯಾತಿ ಇದೇ ವಿನೋದ್ ಚನ್ನಾಗೆ ಸಲ್ಲುತ್ತದೆ. ವಿನೋದ್​ ಚನ್ನಾ ಬಳಿಯೇ ಕೋಚ್​ ಪಡೆದುಕೊಂಡಿದ್ದ ಅನಂತ್ ಅಂಬಾನಿ ಅಂದು ತಮ್ಮ ತೂಕವನ್ನು ಇಳಿಸಿಕೊಂಡು ಹೀರೋ ಲುಕ್​​ಗೆ ಬಂದಿದ್ದರು. ವಿನೋದ ಖನ್ನಾಗೆ ಇರೋದೇ ಇಂತಹ ಕ್ಲೈಂಟ್​ಗಳು. ಇವತ್ತಿಗೂ ಇವರ ಸುತ್ತ ಕೋಟ್ಯಾಧಿಪತಿಗಳ ಕ್ಲೈಂಟ್​ಗಳೇ ಇರೋದು. ಅನಂತ್ ಅಂಬಾನಿಯವರನ್ನ ವಿನೋದ್​ ಚನ್ನಾ ನಿತ್ಯ 21 ಕಿಲೋ ಮೀಟರ್ ವಾಕಿಂಗ್​ ಮಾಡಿಸುತ್ತಿದ್ದರಂತೆ ವಿನೋದ್ ಚನ್ನಾ. ನಿತ್ಯ ಎರಡು ಗಂಟೆಗಳ ಕಾಲ ಯೋಗ ಮಾಡಿಸುತ್ತಿದ್ದರಂತೆ ಈ ಮೂಲಕ ಅನಂತ ಅಂಬಾನಿ ತಮ್ಮ ತೂಕವನ್ನು 108 ಕೆಜಿಯಷ್ಟು ಇಳಿಸಲು ಸಾಧ್ಯವಾಯ್ತು ಅಂತಾರೆ.

ಇದನ್ನೂ ಓದಿ: ಅನಂತ್ ಅಂಬಾನಿ ಕೂದಲು ಉದುರುವುದೇಕೆ? ಮಗನ ಕಾಯಿಲೆ ಬಗ್ಗೆ ನೀತಾ ಅಂಬಾನಿ ಹೇಳಿದ್ದೇನು?

ವಿನೋದ ಚನ್ನಾ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿಗೂ ಕೂಡ ಕೋಚ್ ನೀಡುತ್ತಾರೆ. ನಟ ಜಾನ್ ಅಬ್ರಾಹಂ, ಶಿಲ್ಪಾ ಶೆಟ್ಟಿ, ವಿವೇಕ್ ಒಬರಾಯ್​ ಸೇರಿದಂತೆ ಅನೇಕ ಬಾಲಿವುಡ್ ನಟರಿಗೆ ಫಿಟ್​​ನೆಸ್​ ಟ್ರೇನಿಂಗ್ ಕೊಡುವ ವಿನೋದ್​ ಚನ್ನಾ. ಆರಂಭದಲ್ಲಿ ತಾವು ಫಿಟ್​ನೆಸ್​ ಟ್ರೇನರ್ ಆಗ್ತೀನಿ ಅಂತ ಖುದ್ದು ಅವರೇ ನಂಬಿರಲಿಲ್ಲ. ಒಂದು ಕಾಲದಲ್ಲಿ ಹೊಟ್ಟೆಪಾಡಿಗಾಗಿ ಹೌಸ್​ಕೀಪಿಂಗ್, ಸೆಕ್ಯೂರಿಟಿ ಗಾರ್ಡ್​​ನಂತಹ ಕೆಲಸ ಮಾಡಿಕೊಂಡು ಬದುಕು ನೂಕುತ್ತಿದ್ದ ಚನ್ನಾ, ಈಗ ಕೋಟ್ಯಾಧೀಶರರಿಗೆಲ್ಲಾ ಫಿಟ್​​ನೆಸ್ ತರಬೇತಿ ನೀಡಿ ಕೋಟಿ ಕೋಟಿ ಹಣ ಗಳಿಸುತ್ತಿದ್ದಾರೆ.

ಸದ್ಯ ನೀತಾ ಅಂಬಾನಿ, ಶಿಲ್ಪಾ ಶೆಟ್ಟಿ, ಕುಮಾರ ಮಂಗಲಂ ಬಿರ್ಲಾ, ಅನನ್ಯಾ ಬಿರ್ಲಾ ಸೇರಿದಂತೆ ಹಲವು ಕೋಟ್ಯಾಧಿಪತಿಗಳ ಕುಟುಂಬಗಳ ಸದಸ್ಯರ ಜೊತೆಗೆ ಜಾನ್ ಅಬ್ರಾಹಂ, ಶಿಲ್ಪಾಶೆಟ್ಟಿ, ವಿವೇಕ್ ಒಬರಾಯ್​, ಹರ್ಷವರ್ದನ್ ರಾಣೆಯಂತ ನಟರಿಗೂ ಕೂಡ ವಿನೋದ್ ಚನ್ನಾ ಫಿಟ್​ನೆಸ್​ ತರಬೇತಿ ನೀಡುತ್ತಾರೆ. ಅವರು ಒಂದು ಟ್ರೇನಿಂಗ್ ಸೆಷನ್​ಗೆ 3.5 ಲಕ್ಷ ರೂಪಾಯಿಗಳಿಂದ 5 ಲಕ್ಷ ರೂಪಾಯಿವರೆಗೆ ಚಾರ್ಜ್ ಮಾಡುತ್ತಾರೆ. ಒಟ್ಟು 12 ದಿನಗಳ ಒಟ್ಟು ತರಬೇತಿಯನ್ನು ಒಂದು ಸೆಷನ್ ಎಂದು ಪರಿಗಣಿಸಲಾಗುತ್ತದೆ. ಈ 12 ದಿನಗಳಿಗೆ ವಿನೋದ್ ಚನ್ನಾ ಚಾರ್ಜ್​ ಮಾಡುವುದು 3.5 ಲಕ್ಷದಿಂದ 5 ಲಕ್ಷ ರೂಪಾಯಿಗಳವರೆಗೆ ಎಂದು ಹಲವು ಪತ್ರಿಕೆಗಳು ವರದಿ ಮಾಡಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ