ಐಪಿಎಲ್​ಗೆ ಮತ್ತೆ ಮರಳಲು ಸಜ್ಜಾದ ಯುವರಾಜ್​ ಸಿಂಗ್​! ಆರ್​ಸಿಬಿ ಮಾಜಿ ಆಟಗಾರನಿಗೆ ಬೆನ್ನು ಬಿದ್ದಿದೆ ಈ ತಂಡ!

ಭಾರತದ ಮಾಜಿ ಆಲ್​ರೌಂಡರ್​​ ಯುವರಾಜ್​ ಸಿಂಗ್​​​​ ಕುರಿತಾಗಿ ಅಚ್ಚರಿಯ ಸುದ್ದಿಯೊಂದು ಹರಿದಾಡುತ್ತಿದೆ. ಯುವಿ ಮತ್ತೆ ಐಪಿಎಲ್​ಗೆ ಮರಳಬಹುದು ಎಂದು ಹೇಳಲಾಗುತ್ತಿದೆ. ಆದರೆ ಈ ಬಾರಿ ಯುವರಾಜ್​ ಸಿಂಗ್​​ ವಿಭಿನ್ನ ನಿರ್ವಹಣೆಯನ್ನು ಹೊರಲಿದ್ದಾರೆ ಎನ್ನಲಾಗುತ್ತಿದೆ.

ಯುವರಾಜ್​ ಸಿಂಗ್​​​ 2019ರಲ್ಲಿ ತಮ್ಮ ಕೊನೆಯ ಐಪಿಎಲ್​ ಪಂದ್ಯವಾಡಿದರು. ಆ ಬಳಿಕ ಇಂಡಿಯನ್​ ಪ್ರೀಮಿಯರ್​ ಲೀಗ್​ನತ್ತ ಮುಖ ಮಾಡಿರಲಿಲ್ಲ. ಆದರೀಗ 2025ರ ಐಪಿಎಲ್​ನಲ್ಲಿ ಕೋಚ್​ ಆಗಿ ಯುವಿ ಪಾದಾರ್ಪಣೆ ಮಾಡಲಿದ್ದಾರೆ ಎನ್ನಲಾಗುತ್ತಿದೆ. ತಂಡವೊಂದನ್ನು ನಿರ್ವಹಿಸಲಿದ್ದಾರೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: ‘ನಮಗೆ ಈ ಆಟಗಾರರು ಬೇಕೇ ಬೇಕು’- ಮೆಗಾ ಆಕ್ಷನ್​​ ಮಾಸ್ಟರ್​ ಪ್ಲಾನ್​​ ಬಿಚ್ಚಿಟ್ಟ RCB ಕೋಚ್​

ಸದ್ಯ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ ಯುವರಾಜ್​ ಸಿಂಗ್​​ ದೆಹಲಿ ಕ್ಯಾಪಿಟಲ್ಸ್​ ತಂಡವನ್ನು ಮುನ್ನಡೆಸುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ಸದ್ಯ ಈ ಕುರಿತಾಗಿ ಮಾತುಕತೆ ನಡೆಯುತ್ತಿದೆ ಎಂಬ ಮಾತುಗಳು ಕೇಳಿಬಂದಿವೆ.

ಐಪಿಎಲ್​ನ ಕೊನೆಯ ಮೂರು ಸೀಸನ್​ನಲ್ಲಿ ಡೆಲ್ಲಿ ತಂಡ ಪ್ಲೇಆಫ್​ಗೆ ಹೋಗಲು ವಿಫಲವಾಯಿತು. ಕಳೆದ ತಿಂಗಳು ರಿಕಿ ಪಾಟಿಂಗ್​ ತಂಡದಿಂದ ಹೊರಹೋದರು. 7 ವರ್ಷಗಳ ಸಂಬಂಧವನ್ನು ಕೊನೆಗೊಳಿಸಿ ಹೊರನಡೆದರು. ಇದೀಗ ರಿಕಿ ಪಾಟಿಂಗ್​ ಹೋದ ಬಳಿಕ ಯುವರಾಜ್​ಸಿಂಗ್​ಗೆ ತಂಡವನ್ನು ಕೋಚ್​ ಆಗಿ ನಿರ್ವಹಿಸುವ ಜವಾಬ್ದಾರಿಯನ್ನು ನೀಡಲು  ಮುಂದಾಗಿದೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: IPL 2025: ಭಾರತದ T20 ಕ್ಯಾಪ್ಟನ್​ ಸೂರ್ಯಕುಮಾರ್​​ ಯಾದವ್​ಗೆ ಆರ್​​ಸಿಬಿಯಿಂದ ಬಿಗ್​ ಆಫರ್​​​​

ಯುವರಾಜ್​ ಸಿಂಗ್​​​ 2007ರ ಮತ್ತು 2011ರ ವಿಶ್ವಕಪ್​​ನಲ್ಲಿ ಭಾರತ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಐಪಿಎಲ್​ನಲ್ಲಿ ಸಾಧನೆ ಬರೆದು ಬಳಿಕ ನಿವೃತ್ತರಾದರು. 2019ರಲ್ಲಿ ಮುಂಬೈ ಇಂಡಿಯನ್ಸ್​​ ತಂಡದ ಭಾಗವಾಗಿದ್ದರು. ಅದೇ ವರ್ಷ ಸಿಎಸ್​​ಕೆ ತಂಡವನ್ನು ಸೋಲಿಸುವ ಮೂಲಕ ಫೈನಲ್​ನಲ್ಲಿ 4ನೇ ಪ್ರಶಸ್ತಿ ಪಡೆದರು.

ಇದನ್ನೂ ಓದಿ: ಸುನೀತಾ ವಿಲಿಯಮ್ಸ್​​ ವಾಪಾಸಾತಿ ಸದ್ಯ ಭಾರೀ ಅಪಾಯಕಾರಿ.. ನಾಸಾದಿಂದ ಅಚ್ಚರಿಯ ಹೇಳಿಕೆ!

ಐಪಿಎಲ್​ನಲ್ಲಿ 12 ವರ್ಷ ಯುವಿ ಹೆಜ್ಜೆ ಹಾಕಿದ್ದಾರೆ. ಪಂಜಾಬ್​ ಕಿಂಗ್ಸ್​​, ಪುಣೆ ವಾರಿಯರ್ಸ್ ಇಂಡಿಯಾ, ಡೆಲ್ಲಿ ಕ್ಯಾಪಿಟಲ್ಸ್​, ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು, ಸನ್​ರೈಸರ್ಸ್​​ ಹೈದರಾಬಾದ್​ ಮತ್ತು ಮುಂಬೈ ಇಂಡಿಯನ್ಸ್​ ತಂಡದಲ್ಲೂ ಆಡಿದ್ದಾರೆ. ​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ