‘ಚಾಯ್​ವಾಲಾ ಅಂದ್ರೆ ಕೇವಲ ಮೋದಿಯಲ್ಲ’- ಟ್ರೋಲಿಗರಿಗೆ ಬುದ್ಧಿವಾದ ಹೇಳಿದ ನಟ ಪ್ರಕಾಶ್ ರಾಜ್

ಬಹುಭಾಷಾ ನಟ ಪ್ರಕಾಶ್ ರಾಜ್ ಸೋಷಿಯಲ್ ಮೀಡಿಯಾದಲ್ಲಿ ಒಂದಲ್ಲ ಒಂದು ವಿವಾದ ಸೃಷ್ಟಿ ಮಾಡುತ್ತಿರುತ್ತಾರೆ. ಮೊನ್ನೆ ಮೊನ್ನೆಯಷ್ಟೇ ಇಸ್ರೋದ ಮಾಜಿ ಅಧ್ಯಕ್ಷ ಕೆ.ಶಿವನ್ ಅವರು ಚಹಾ ಮಾಡುತ್ತಿರೋ ಫೋಟೋ ಹಾಕಿದ್ದಕ್ಕೆ ನೆಟ್ಟಿಗರು ಭಾರೀ ಆಕ್ರೋಶ ವ್ಯಕ್ತಪಡಿಸಿದ್ದರು. ಸದ್ಯ ಈ ಸಂಬಂಧ ಇವತ್ತು ತಮ್ಮ ಎಕ್ಸ್​ ಅಧಿಕೃತ ಜಾಲತಾಣದಲ್ಲಿ ಮತ್ತೊಂದು ಎಕ್ಸ್ ಪೋಸ್ಟ್ ಮಾಡಿ ಟ್ರೋಲಿಗರ ವಿರುದ್ಧ ಹರಿಹಾಯ್ದಿದ್ದಾರೆ.

ಇದನ್ನು ಓದಿ:ಚಂದ್ರಯಾನ-3 ಬಗ್ಗೆ ವ್ಯಂಗ್ಯ: ತನ್ನನ್ನು ಟ್ರೋಲ್​ ಮಾಡಿದವರಿಗೆ ಕೌಂಟರ್​ ಕೊಟ್ಟ ಪ್ರಕಾಶ್​ ರಾಜ್​​ ಏನಂದ್ರು?

ನಟ ಪ್ರಕಾಶ್ ರಾಜ್ ಶೇರ್ ಮಾಡಿರುವ ಎಕ್ಸ್​ನಲ್ಲಿ, ಕೇವಲ ಚಾಯ್​ವಾಲಾ ಅಂದರೆ ಪ್ರಧಾನಿ ಮೋದಿ ಮಾತ್ರ ಅಂತಾ ಅನ್​ಅಕಾಡೆಮಿ ಟ್ರೋಲಿಗರಿಗೆ ಗೊತ್ತಿರುವುದು. ಬೇರೆಯವರ ಬಗ್ಗೆ ತಿಳಿದುಕೊಂಡಿಲ್ಲ. ನಾವು ಹೆಮ್ಮೆ ಪಡುವಂತಹ 1960ರಲ್ಲಿ ನಮ್ಮ ದೇಶದವರೇ ಆದ ಮಲಯಾಳಂನ ಚಾಯ್​ವಾಲಾ ಒಬ್ಬರ ಸ್ಫೂರ್ತಿದಾಯಕ ಸ್ಟೋರಿ ಇದೆ. ನೀವು ಈ ಬಗ್ಗೆ ತಿಳಿದುಕೊಳ್ಳಲು ಬಯಸಿದರೆ ಪ್ಲೀಸ್​ ಇದನ್ನು ಓದಿ ಎಂದು ಟ್ರೋಲಿಗರಿಗೆ ತಿರುಗೇಟು ಕೊಟ್ಟಿದ್ದಾರೆ.

ATTENTION:-dear #Unacedemy trolls and #godimedia who know only one #Chaiwala .. proudly presenting .. the ever inspiring our own malayali chaiwala since 1960 s ..if you want to be educated please read #justaskinghttps://t.co/KGOnSIBmjq

— Prakash Raj (@prakashraaj) August 22, 2023

ಇದನ್ನು ಓದಿ:‘ಚಂದ್ರಯಾನ-3 ಬಿಜೆಪಿ ಪಕ್ಷದ ಯೋಜನೆಯಲ್ಲ’- ಟ್ರೋಲ್ ಆದ ನಟ ಪ್ರಕಾಶ್ ರಾಜ್‌ಗೆ ಹಿಗ್ಗಾಮುಗ್ಗ ತರಾಟೆ

ಭಾರತದ ಬಹುನಿರೀಕ್ಷಿತ ಚಂದ್ರಯಾನ-3 ಅನ್ನು ಜುಲೈ 14 ರಂದು ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿತ್ತು. ಆಂಧ್ರದ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಚಂದ್ರಯಾನ-3 ಮಿಷನ್ ಟೇಕಾಫ್ ಆಗಿತ್ತು. ಇದು ಕೇವಲ ವಿಜ್ಞಾನಿಗಳು ಮಾತ್ರವಲ್ಲ ಇಡೀ ಭಾರತೀಯರು ಹೆಮ್ಮೆಪಟ್ಟಿದ್ದರು. ಈಗಾಗಲೇ ಚಂದ್ರಯಾನ-3 ಅಂತಿಮಘಟ್ಟ ತಲುಪಿದ್ದು ನಾಳೆ ಸ್ಮೂತ್ ಲ್ಯಾಂಡಿಂಗ್ ಆಗಲಿದೆ. ಈ ಕ್ಷಣಕ್ಕಾಗಿ ಇಡೀ ದೇಶವೇ ಎದುರು ನೋಡುತ್ತಿದೆ.

ಈ ಮಧ್ಯೆ ನಟ ಪ್ರಕಾಶ್ ರಾಜ್ ಅವರು ಪ್ರಧಾನಿ ಮೋದಿ, ಇಸ್ರೋ ಬಗ್ಗೆ ಕೇವಲವಾಗಿ ಮಾತನಾಡಿದ್ದಕ್ಕೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದರು. ಸದ್ಯ ಇದಕ್ಕೆ ಪ್ರಕಾಶ್ ರಾಜ್​ ಎಕ್ಸ್​ನಲ್ಲಿ ಮಾಹಿತಿ ಶೇರ್ ಮಾಡುವ ಮೂಲಕ ಚಾಯ್​ವಾಲಾ ಅಂದರೇ ಟ್ರೋಲಿಗರಿಗೆ ಮೋದಿ ಅಂತಾ ಮಾತ್ರ ಗೊತ್ತು. ಈ ಸುದ್ದಿಯನ್ನು ಕೂಡ ತಿಳಿದುಕೊಳ್ಳಿ ಎಂದು ಒಂದು ಲಿಂಕ್​ ಶೇರ್ ಮಾಡಿ ತಿರುಗೇಟು ಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ