ಡೆಪ್ಯುಟಿ ಕಲೆಕ್ಟರ್ ಹುದ್ದೆಯಲ್ಲಿದ್ಕೊಂಡೇ ದೇಶಕ್ಕೇ 2ನೇ ಱಂಕ್ -ಮಹಿಳಾ ಟಾಪರ್ ರಾಜೇಶ್ವರಿ ಯಾರು..?

ಕೇಂದ್ರ ಲೋಕಸೇವಾ ಆಯೋಗ (UPSC) ಇಂದು ಪ್ರಕಟಿಸಿದ 2025ನೇ ಸಾಲಿನ ನಾಗರಿಕ ಸೇವಾ ಪರೀಕ್ಷೆಯ ಅಂತಿಮ ಫಲಿತಾಂಶದಲ್ಲಿ ತಮಿಳುನಾಡು ಮೂಲದ ರಾಜೇಶ್ವರಿ ಸುವೆ ಎಂ. (Rajeshwari Suve M) ಅವರು ಇಡೀ ದೇಶಕ್ಕೇ ಎರಡನೇ ಱಂಕ್ ಪಡೆದು ಐತಿಹಾಸಿಕ ಸಾಧನೆ ಮಾಡಿದ್ದಾರೆ. ಇದರೊಂದಿಗೆ ಅವರು ಈ ಬಾರಿಯ ‘ಮಹಿಳಾ ಟಾಪರ್’ (Female Topper) ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ.

ರಾಜೇಶ್ವರಿ ಸುವೆ ಎಂ. ಅವರ ಸಂಕ್ಷಿಪ್ತ ಪರಿಚಯ

• ಹೆಸರು: ರಾಜೇಶ್ವರಿ ಸುವೆ ಎಂ. (Rajeshwari Suve M)
• ಱಂಕ್: ಅಖಿಲ ಭಾರತ ಮಟ್ಟದಲ್ಲಿ 2ನೇ ಱಂಕ್ (AIR 2, UPSC CSE 2025)
• ರೋಲ್ ನಂಬರ್: 4000040
• ಮೂಲ ರಾಜ್ಯ: ತಮಿಳುನಾಡು
• ಹಿಂದಿನ ಸಾಧನೆ: ಟಿಎನ್‌ಪಿಎಸ್‌ಸಿ (TNPSC) ಗ್ರೂಪ್ 1 ಟಾಪರ್ (ಪ್ರಸ್ತುತ ಡೆಪ್ಯುಟಿ ಕಲೆಕ್ಟರ್)

ಡೆಪ್ಯುಟಿ ಕಲೆಕ್ಟರ್ ಟು ಐಎಎಸ್ ಟಾಪರ್!

ರಾಜೇಶ್ವರಿ ಅವರ ಯಶೋಗಾಥೆ ವೃತ್ತಿಜೀವನ ಮತ್ತು ಉನ್ನತ ಕನಸುಗಳನ್ನು ಒಟ್ಟಿಗೆ ಸರಿದೂಗಿಸುವ ಪ್ರತಿಯೊಬ್ಬರಿಗೂ ಅತ್ಯುತ್ತಮ ಉದಾಹರಣೆಯಾಗಿದೆ. ತಮಿಳುನಾಡು ಲೋಕಸೇವಾ ಆಯೋಗದ (TNPSC) ಗ್ರೂಪ್ 1 ಪರೀಕ್ಷೆಯಲ್ಲಿ ಟಾಪರ್ ಆಗಿದ್ದ ಅವರು, ಪ್ರಸ್ತುತ ‘ಡೆಪ್ಯುಟಿ ಕಲೆಕ್ಟರ್’ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಇದನ್ನೂ ಓದಿ: ಯುದ್ಧದ ಸುಳಿಗೆ ಸಿಲುಕಿ ದುಬೈನಲ್ಲಿ ಲಾಕ್ ಆಗಿದ್ದ ಕನ್ನಡಿಗರು ಸೇಫ್.. ತವರಿಗೆ ವಾಪಸ್

ರಾಜ್ಯಮಟ್ಟದ ಅತ್ಯುನ್ನತ ಹುದ್ದೆಯಲ್ಲಿದ್ದರೂ ತಮ್ಮ ಗುರಿಯನ್ನು ಅಲ್ಲಿಗೇ ಸೀಮಿತಗೊಳಿಸಿಕೊಳ್ಳದ ಅವರು, ತಮ್ಮ ಕನಸನ್ನು ಮತ್ತಷ್ಟು ವಿಸ್ತರಿಸಿಕೊಂಡರು. ಆಡಳಿತಾತ್ಮಕ ಅಧ್ಯಯನದಲ್ಲಿ ತಮಗಿದ್ದ ಬಲವಾದ ತಳಹದಿಯನ್ನು ಬಳಸಿಕೊಂಡು, ಇದೀಗ ಭಾರತದ ಸ್ಪರ್ಧಾತ್ಮಕ ಪರೀಕ್ಷೆಗಳ ‘ಮೌಂಟ್ ಎವರೆಸ್ಟ್’ ಎನಿಸಿರುವ ಯುಪಿಎಸ್‌ಸಿಯನ್ನು ಯಶಸ್ವಿಯಾಗಿ ಏರಿದ್ದಾರೆ.

ದಕ್ಷಿಣ ಭಾರತದ ಆಕಾಂಕ್ಷಿಗಳಿಗೆ ದಾರಿದೀಪ

ಈ ಬಾರಿಯ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಒಟ್ಟು 958 ಅಭ್ಯರ್ಥಿಗಳು ವಿವಿಧ ಹುದ್ದೆಗಳಿಗೆ ಆಯ್ಕೆಯಾಗಿದ್ದಾರೆ. ರಾಜಸ್ಥಾನದ, ಏಮ್ಸ್ ವೈದ್ಯಕೀಯ ಪದವೀಧರ ಅನುಜ್ ಅಗ್ನಿಹೋತ್ರಿ ಪ್ರಥಮ ಱಂಕ್ (AIR 1) ಪಡೆದಿದ್ದರೆ, ರಾಜೇಶ್ವರಿ ಅವರು ದ್ವಿತೀಯ ಱಂಕ್ ಪಡೆಯುವ ಮೂಲಕ ಯಶಸ್ವಿ ಮಹಿಳಾ ಅಭ್ಯರ್ಥಿಗಳ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿದ್ದಾರೆ.

ತಮ್ಮ ಗುರಿಯನ್ನು ಉನ್ನತೀಕರಿಸಿಕೊಂಡು (Upgrading goals) ಸತತ ಶ್ರಮದಿಂದ ಐಎಎಸ್ (IAS) ಕನಸು ನನಸು ಮಾಡಿಕೊಂಡಿರುವ ರಾಜೇಶ್ವರಿ ಸುವೆ ಅವರ ಈ ಸಾಧನೆ, ದಕ್ಷಿಣ ಭಾರತದ ಅದರಲ್ಲೂ ವಿಶೇಷವಾಗಿ ತಮಿಳುನಾಡಿನ ಲಕ್ಷಾಂತರ ಯುಪಿಎಸ್‌ಸಿ ಆಕಾಂಕ್ಷಿಗಳಿಗೆ ದೊಡ್ಡ ಸ್ಫೂರ್ತಿಯಾಗಿದೆ.

ಇದನ್ನೂ ಓದಿ:ʻಕರ್ನಾಟಕ ಮಾನವ–ವನ್ಯಪ್ರಾಣಿ ಸಂಘರ್ಷ ನಿವಾರಣಾ ಕಾರ್ಯತಂತ್ರ ಯೋಜನೆಗೆ 269 ಕೋಟಿ ರೂ. ಮೀಸಲು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ