ಮಣ್ಣಲ್ಲಿ ಮಣ್ಣಾದ ಹಿರಿಯ ನಟ ಉಮೇಶ್.. ಬಡವಾದ ಚಂದನವನ..

ಇದು ಕನ್ನಡ ಚಿತ್ರರಂಗಕ್ಕೆ ಮತ್ತೊಂದು ಆಘಾತ.. ಕ್ಯಾನ್ಸರ್​ಗೆ ತುತ್ತಾದ ಹಿರಿಯ ಹಾಸ್ಯ ನಟ ಉಮೇಶ್​, ಕೊನೆಯುಸಿರೆಳೆದಿದ್ದಾರೆ. ಉಮೇಶ್​ ನಿಧನದಿಂದ ಸ್ಯಾಂಡಲ್​ವುಡ್ ಮತ್ತೊಬ್ಬ ಹಿರಿಯ ಕಲಾವಿದನನ್ನು ಕಳೆದುಕೊಂಡು ಬಡವಾಗಿದೆ. ಅಗಲಿದ ಉಮೇಶ್​ ನೆನೆದು ಇಡೀ ಚಿತ್ರರಂಗ ಕಣ್ಣೀರಿಟ್ಟಿದೆ.

ಎಮ್​.ಎಸ್​.ಉಮೇಶ್​. 1945ರ ಏಪ್ರಿಲ್​ನಲ್ಲಿ ಮೈಸೂರಿನಲ್ಲಿ ಜನಿಸಿದ ಉಮೇಶ್​, ಚಿಕ್ಕ ವಯಸ್ಸಿನಲ್ಲೇ ರಂಗ ಭೂಮಿ ಪ್ರವೇಶ ಮಾಡಿದ್ರು. ಗುಬ್ಬಿ ವೀರಣ್ಣ ನಾಟಕ ಕಂಪನಿಯಲ್ಲಿ ಬಾಲನಟನಾಗಿ ನಟಿಸಿದ್ದ ಉಮೇಶ್​ ಆ್ಯಕ್ಟಿಂಗ್​ ನೋಡಿ, ಪುಟ್ಟಣ್ಣ ಕಣಗಾಲ್ ಅವರು ಬಿ.ಆರ್‌.ಪಂತಲು ಸಿನಿಮಾಗೆ ಅಪ್ರೋಚ್ ಮಾಡಿದ್ರಂತೆ.. ಹೀಗೆ 1960ರಲ್ಲಿ ಮಕ್ಕಳ ರಾಜ್ಯ ಸಿನಿಮಾದಲ್ಲಿ ಮೊದಲ ಬಾರಿಗೆ ಬಣ್ಣ ಹಚ್ಚಿದ್ದ ಉಮೇಶ್, 6 ದಶಕದಲ್ಲಿ 350ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ..  

ಇದನ್ನೂ ಓದಿ: ಸ್ಯಾಂಡಲ್ವುಡ್ ಸ್ಟಾರ್​ ಶ್ರೀ ಮಹದೇವ್ ಮದುವೆ.. ಹುಡುಗಿ ಯಾರು?

ನಾಗರಹೊಳೆ, ಗುರು-ಶಿಷ್ಯರು, ಕಾಮಮಬಿಲ್ಲು, ಅಪೂರ್ವ ಸಂಗಮ, ಶ್ರುತಿ ಸೇರಿದಾಗ, ಮಲಯ ಮಾರುತ, ಡೇರ್‌ಡೆವಿಲ್ ಮುಸ್ತಫಾ ಹೀಗೆ ಹಲವು ಹಿಟ್ ಸಿನಿಮಾಗಳಲ್ಲಿ, ಡಾ.ರಾಜ್​ಕುಮಾರ್, ವಿಷ್ಣುವರ್ಧನ್, ಅಂಬರೀಶ್​ರಂತಹ ದಿಗ್ಗಜರ ಜೊತೆ ನಟಿಸಿ ಸೈ ಎನಿಸಿಕೊಂಡಿದ್ದ ಹಾಸ್ಯ ನಟ ಉಮೇಶ್​, ಕ್ಯಾನ್ಸ್​ರ್​ಗೆ ತುತ್ತಾಗಿದ್ರು.. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಉಮೇಶ್​, ಇಂದು ಬೆಳಗ್ಗೆ ಚಿಕಿತ್ಸೆ ಫಲಕಾರಿಯಾಗದೆ ಆಸ್ಪತ್ರೆಯಲ್ಲೇ ನಿಧನರಾದರು.. 

ಇದನ್ನೂ ಓದಿ:ಬಿಗ್​ ಬಾಸ್​ನಿಂದ ಹೊರ ಹೋಗಲು ನಿರ್ಧರಿಸಿದ ಧ್ರುವಂತ್.. ಕಿಚ್ಚನ ಎದುರು ಹೈಡ್ರಾಮಾ..! VIDEO

ಹಿರಿಯ ಜೀವವನ್ನು ಕಳೆದುಕೊಂಡ ಕುಟುಂಬ ಅನಾಥವಾಗಿದೆ.. 6 ದಶಕಗಳ ಕಲಾ ಸೇವೆ ಸಲ್ಲಿಸಿದ್ದ ಮಹಾನ್ ಕಲಾವಿದನಿಗೆ ಚಿತ್ರರಂಗದ ಗಣ್ಯರು ಅಂತಿಮ ನಮನ ಸಲ್ಲಿಸಿದ್ದಾರೆ.. ಇನ್ನು, ಪತಿಯ ಸಾವಿನಿಂದ ಆಘಾತಗೊಂಡಿರೋ ಉಮೇಶ್​ ಪತ್ನಿ, ನನಗೆ ಯಾವ ಆಸ್ತಿಯೂ ಬೇಡ.. ನನಗೆ ನನ್ನ ಗಂಡನೇ ಆಸ್ತಿ ಅಂತ ಕಣ್ಣೀರು ಇಟ್ಟಿದ್ದಾರೆ. 

ಸಿಎಂ ಸಿದ್ದರಾಮಯ್ಯ ಕೂಡ ಹಿರಿಯ ನಟ ಉಮೇಶ್​ರ​ ಅಂತಿಮ ದರ್ಶನ ಪಡೆದು ಸಂತಾಪ ಸೂಚಿಸಿದ್ರು. 

ನಗುಮುಖದ ಉಮೇಶ್​ ಅಭಿನಯದ ಹಾಸ್ಯ ಪಾತ್ರಗಳು ಇಂದಿಗೂ ಜನಪ್ರಿಯ.. 2023ರಲ್ಲಿ ನಟಿಸಿದ ಡೇರ್‌ಡೆವಿಲ್ ಮುಸ್ತಫಾ ಉಮೇಶ್​ ನಟನೆಯ ಕೊನೆಯ ಸಿನಿಮಾವಾಗಿದ್ದು,  ‘ಕಥಾ ಸಂಗಮ’ ಚಿತ್ರದಲ್ಲಿ ನಟನೆಗಾಗಿ ಕರ್ನಾಟಕ ರಾಜ್ಯ ಪ್ರಶಸ್ತಿ ಲಭಿಸಿದೆ.. ಬ್ರಾಹ್ಮಣ ಸಂಪ್ರದಾಯದ ಪ್ರಕಾರ ಬನಶಂಕರಿ ಚಿತಾಗಾರದಲ್ಲಿ ನಟ ಉಮೇಶ್​ ಅಂತ್ಯಕ್ರಿಯೆ ನೆರವೇರಿಸಲಾಗಿದ್ದು, ಚಿತ್ರರಂಗ ಹಾಗೂ ಕುಟುಂಬ ಕಣ್ಣೀರ ವಿದಾಯ ಹೇಳಿದೆ.

ಇದನ್ನೂ ಓದಿ:ದಕ್ಷಿಣ ಆಫ್ರಿಕಾಗೆ ನೀರು ಕುಡಿಸಿದ RoKo, ರಾಹುಲ್..! ಸೂಪರ್ ಬ್ಯಾಟಿಂಗ್!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ