ಫೋನ್ ಬ್ಯಾನ್, ಸ್ಟಾರ್ ನಟರಿಗಿಲ್ಲ ಆಹ್ವಾನ -ರಶ್ಮಿಕಾ ಮದುವೆ ರೂಲ್ಸ್ ಭಾರೀ ಚರ್ಚೆ..!

ಬಹುದಿನಗಳ ಊಹಾಪೋಹಗಳಿಗೆ ತೆರೆ ಬಿದ್ದಿದೆ. ಟಾಲಿವುಡ್‌ನ ಮೋಸ್ಟ್ ಲವಬಲ್ ಜೋಡಿ ವಿಜಯ್ ದೇವರಕೊಂಡ (Vijay Deverakonda) ಮತ್ತು ರಶ್ಮಿಕಾ ಮಂದಣ್ಣ (Rashmika Mandanna) ವೈವಾಹಿಕ ಜೀವನಕ್ಕೆ ಕಾಲಿಡಲು ದಿನಾಂಕ ನಿಗದಿಯಾಗಿದೆ. ಫೆಬ್ರವರಿ 26 ರಂದು ರಾಜಸ್ಥಾನದ ಐತಿಹಾಸಿಕ ನಗರಿ ಉದಯಪುರದಲ್ಲಿ (Udaipur) ಈ ಜೋಡಿ ಸಪ್ತಪದಿ ತುಳಿಯಲಿದ್ದಾರೆ.
ಮದುವೆಯ ಬಗ್ಗೆ ಲಭ್ಯವಾಗಿರುವ ಎಕ್ಸ್‌ಕ್ಲೂಸಿವ್ ಮಾಹಿತಿಗಳು ಇಲ್ಲಿವೆ:

ಫೆಬ್ರವರಿ 26ಕ್ಕೆ ಮುಹೂರ್ತ

ಮದುವೆ ಸಂಭ್ರಮ ಫೆಬ್ರವರಿ 24 ರಿಂದಲೇ ಆರಂಭವಾಗಲಿದ್ದು, ಫೆಬ್ರವರಿ 26 ರಂದು ವಿಜಯ್ ಮತ್ತು ರಶ್ಮಿಕಾ ಹಸೆಮಣೆ ಏರಲಿದ್ದಾರೆ. ಈಗಾಗಲೇ ಎರಡೂ ಕುಟುಂಬಗಳು ಪ್ರತ್ಯೇಕವಾಗಿ ಮದುವೆ ಪೂರ್ವ ಶಾಸ್ತ್ರಗಳನ್ನು ನೆರವೇರಿಸಿವೆ. ರಶ್ಮಿಕಾ ಅವರ ತವರು ಮನೆಯಲ್ಲಿ ಮತ್ತು ವಿಜಯ್ ಅವರ ಮನೆಯಲ್ಲಿ ಸಂಪ್ರದಾಯದಂತೆ ಪೂಜೆಗಳು ನಡೆದಿವೆ.

‘ನೋ ಫೋನ್’ ಪಾಲಿಸಿ 

ವಿರಾಟ್-ಅನುಷ್ಕಾ, ವಿಕಿ-ಕ್ಯಾಟ್ ಮದುವೆಯಂತೆ ಇವರ ಮದುವೆಯಲ್ಲೂ ‘ನೋ ಫೋನ್’ ನಿಯಮ (No Phone Policy) ಜಾರಿಯಲ್ಲಿದೆ. ಮದುವೆ ಸಮಾರಂಭದಲ್ಲಿ ಫೋಟೋ ಅಥವಾ ವಿಡಿಯೋ ಲೀಕ್ ಆಗದಂತೆ ತಡೆಯಲು ಮೊಬೈಲ್ ಫೋನ್‌ಗಳನ್ನು ನಿಷೇಧಿಸಲಾಗಿದೆ. ಅಷ್ಟೇ ಅಲ್ಲ, ಮದುವೆ ಚಿತ್ರೀಕರಿಸುವ ಫೋಟೋಗ್ರಾಫರ್ ಮತ್ತು ವಿಡಿಯೋಗ್ರಾಫರ್ ತಂಡದ ಜೊತೆ ಗೌಪ್ಯತಾ ಒಪ್ಪಂದಕ್ಕೆ ಸಹಿ ಹಾಕಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: 689 ರನ್​ಗಳ ಬೃಹತ್ ಮೊತ್ತ ಕಲೆಹಾಕಿದ ಕರ್ನಾಟಕ.. ರಣಜಿ ಪಂದ್ಯದ ಹೈಲೈಟ್ಸ್​..!

ಸ್ಟಾರ್ ನಟರಿಗಿಲ್ಲ ಆಹ್ವಾನ!

ಅಚ್ಚರಿಯ ಸಂಗತಿಯೆಂದರೆ, ಈ ಮದುವೆಗೆ ಚಿತ್ರರಂಗದ ಸಹೋದ್ಯೋಗಿಗಳು ಅಥವಾ ಸ್ಟಾರ್ ನಟ-ನಟಿಯರಿಗೆ ಆಹ್ವಾನ ನೀಡಿಲ್ಲ. ಕೇವಲ ಕುಟುಂಬದ ಸದಸ್ಯರು ಮತ್ತು ತೀರಾ ಹತ್ತಿರದ ಸ್ನೇಹಿತರ ಸಮ್ಮುಖದಲ್ಲಿ ಮದುವೆ ನಡೆಯಲಿದೆ. ಅತ್ಯಂತ ಖಾಸಗಿಯಾಗಿ ಮದುವೆ ಆಗಲು ಈ ಜೋಡಿ ನಿರ್ಧರಿಸಿದೆ.

ಕೈಬರಹದ ಪತ್ರ ಮತ್ತು ‘ನೋ ಗಿಫ್ಟ್’

ವಿಜಯ್ ಮತ್ತು ರಶ್ಮಿಕಾ ತಮ್ಮ ಆಪ್ತ ಸ್ನೇಹಿತರಿಗೆ ತಾವೇ ಸ್ವತಃ ಕೈಬರಹದ ಪತ್ರಗಳನ್ನು (Handwritten notes) ಬರೆದು ಕಳುಹಿಸಿದ್ದಾರೆ. ಅದರಲ್ಲಿ, ‘ನಮಗೆ ನಿಮ್ಮ ಆಶೀರ್ವಾದ ಸಾಕು, ಯಾವುದೇ ಉಡುಗೊರೆ ತರಬೇಡಿ’ ಎಂದು ವಿನಂತಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಇವತ್ತು ‘Ring of Fire’ ಸೂರ್ಯ ಗ್ರಹಣ: ಭಾರತದಲ್ಲಿ ಗೋಚರಿಸುತ್ತಾ? ವೈಜ್ಞಾನದ ಎಚ್ಚರಿಕೆ ಏನು?

ಹೈದರಾಬಾದ್‌ನಲ್ಲಿ ರಿಸೆಪ್ಷನ್

ಉದಯಪುರದಲ್ಲಿ ಖಾಸಗಿಯಾಗಿ ಮದುವೆ ಮುಗಿಸಿದ ನಂತರ, ಮಾರ್ಚ್ 4 ರಂದು ಹೈದರಾಬಾದ್‌ನಲ್ಲಿ ಅದ್ದೂರಿ ಆರತಕ್ಷತೆ (Reception) ನಡೆಯಲಿದೆ. ಅಲ್ಲಿ ಚಿತ್ರರಂಗದ ಗಣ್ಯರು, ಸ್ನೇಹಿತರು ಮತ್ತು ಸಹೋದ್ಯೋಗಿಗಳು ಭಾಗವಹಿಸಲಿದ್ದಾರೆ.

ಒಂದು ತಿಂಗಳು ಬ್ರೇಕ್

ಮದುವೆಯ ನಂತರ ಈ ಜೋಡಿ ಕೆಲಸದಿಂದ ಒಂದು ತಿಂಗಳ ಕಾಲ ಬ್ರೇಕ್ ತೆಗೆದುಕೊಳ್ಳಲು ನಿರ್ಧರಿಸಿದ್ದಾರೆ. ಹನಿಮೂನ್ ಮತ್ತು ಹೊಸ ಜೀವನಕ್ಕೆ ಹೊಂದಿಕೊಳ್ಳಲು ಸಮಯ ಮೀಸಲಿಟ್ಟಿದ್ದಾರೆ. ಒಟ್ಟಿನಲ್ಲಿ ‘ಗೀತ ಗೋವಿಂದಂ’ ಮತ್ತು ‘ಡಿಯರ್ ಕಾಮ್ರೇಡ್’ ಸಿನಿಮಾಗಳ ಮೂಲಕ ಮೋಡಿ ಮಾಡಿದ್ದ ಈ ಜೋಡಿ, ಈಗ ನಿಜ ಜೀವನದಲ್ಲೂ ಒಂದಾಗುತ್ತಿರುವುದು ಅಭಿಮಾನಿಗಳಿಗೆ ಹಬ್ಬದೂಟವಾಗಿದೆ.

ಇದನ್ನೂ ಓದಿ: ಇವತ್ತು ‘Ring of Fire’ ಸೂರ್ಯ ಗ್ರಹಣ: ಭಾರತದಲ್ಲಿ ಗೋಚರಿಸುತ್ತಾ? ವೈಜ್ಞಾನದ ಎಚ್ಚರಿಕೆ ಏನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.