CSK vs RCB: ಚಿನ್ನಸ್ವಾಮಿ ಮೈದಾನದಲ್ಲಿ ಹೆಚ್ಚು ಬಾರಿ ಗೆದ್ದು ಬೀಗಿದ ತಂಡ ಯಾವುದು?

ಮೇ 18ರ ಮೆಗಾಫೈಟ್​​ಗೂ ಮುನ್ನ ಆರ್​​ಸಿಬಿ ಕ್ಯಾಂಪ್​ನಲ್ಲಿ ಟೆನ್ಶನ್​ ಶುರುವಾಗಿದೆ. ಸತತ 5 ಪಂದ್ಯ ಗೆದ್ದ ಆತ್ಮವಿಶ್ವಾಸದ ಅಲೆಯಲ್ಲಿದ್ರೂ, ಚೆನ್ನೈ ಎದುರಿನ ಕದನ ಡುಪ್ಲೆಸಿ ಪಡೆಯಲ್ಲಿ ಆತಂಕ ಸೃಷ್ಟಿಸಿದೆ. ಇದಕ್ಕೆಲ್ಲಾ ಕಾರಣ ಇತಿಹಾಸ. ಈ ಪಂದ್ಯ ಗೆದ್ದು ಪ್ಲೇ ಆಫ್​​​ ಪ್ರವೇಶಿಸಬೇಕಂದ್ರೆ, ಡುಪ್ಲೆಸಿ ಪಡೆ ಇತಿಹಾಸವನ್ನೇ ಬದಲಿಸಬೇಕಿದೆ.

ಐಪಿಎಲ್​ ಇತಿಹಾಸದ ಮದಗಜಗಳ ನಡುವಿನ ಕಾದಾಟಕ್ಕೆ ಕೌಂಟ್​​​ಡೌನ್​ ಶುರುವಾಗಿದೆ. ಚಿನ್ನಸ್ವಾಮಿ ಅಂಗಳದಲ್ಲಿ ನಡೆಯೋ ಮಾಡು ಇಲ್ಲವೇ ಮಡಿ ಕದನದಲ್ಲಿ ರಾಯಲ್​ ಚಾಲೆಂಜರ್ಸ್​​​ ಬೆಂಗಳೂರು - ಚೆನ್ನೈ ಸೂಪರ್​ ಕಿಂಗ್ಸ್​​ ತಂಡಗಳು ಮುಖಾಮುಖಿಯಾಗ್ತಿವೆ. ಫಿನಿಕ್ಸ್​​ನಂತೆ ಎದ್ದು ಬಂದಿರುವ ಆರ್​​ಸಿಬಿ ಪ್ಲೇ ಆಫ್​ಗೆ ಎಂಟ್ರಿ ಕೊಡೋ ಕನವರಿಕೆಯಲ್ಲಿದ್ರೆ, ಆರ್​​​ಸಿಬಿ ಓಟಕ್ಕೆ ಬ್ರೇಕ್​ ಹಾಕಿ, ಪ್ಲೇ ಆಫ್​ ಪ್ರವೇಶಿಸೋ ಲೆಕ್ಕಾಚಾರ ಚೆನ್ನೈದ್ದಾಗಿದೆ.

ಇದನ್ನೂ ಓದಿ:ಪ್ಲೇ ಆಫ್​ಗೆ ಎಂಟ್ರಿಕೊಟ್ಟ SRH; ಸಿಎಸ್​​ಕೆ ವಿರುದ್ಧ ಭಾರೀ ಅಂತರದಿಂದ ಗೆದ್ದರೆ ಮಾತ್ರ ಆರ್​ಸಿಬಿಗೆ ಚಾನ್ಸ್​..!

ಮಾಡು ಇಲ್ಲವೇ ಮಡಿ ಕದನ.. ಒತ್ತಡದಲ್ಲಿ ಆರ್​​ಸಿಬಿ
ಈ ಸೀಸನ್​ ಐಪಿಎಲ್​ನಲ್ಲಿ ಸೋತು ಸುಣ್ಣವಾಗಿದ್ದ ಆರ್​​ಸಿಬಿ ಪಾಯಿಂಟ್ಸ್​ ಟೇಬಲ್​ನಲ್ಲಿ ಕೊನೇ ಸ್ಥಾನದಲ್ಲಿತ್ತು. ಆರ್​​ಸಿಬಿ ಕಥೆ ಖತಂ ಎಂದು ತೀರ್ಮಾನಿಸಲಾಗಿತ್ತು. ಎಲ್ಲಾ ಲೆಕ್ಕಾಚಾರಗಳನ್ನ ಸುಳ್ಳಾಗಿಸಿದ ಆರ್​​ಸಿಬಿ, ಯಾರೂ ನಿರೀಕ್ಷಿಸದ ರೀತಿಯಲ್ಲಿ ರಣರೋಚಕ ಕಮ್​ಬ್ಯಾಕ್​ ಮಾಡಿದೆ. ಆರ್​​ಸಿಬಿಯ ಆಟ ನೋಡಿ ಕ್ರಿಕೆಟ್​ ಲೋಕ ದಂಗಾಗಿದೆ. ​ಪರದಾಡ್ತಿದ್ದ ಆಟಗಾರರೆಲ್ಲಾ ಸಾಲಿಡ್​ ಫಾರ್ಮ್​ಗೆ ಮರಳಿದ್ದಾರೆ. ಆದ್ರೂ, ಡು ಆರ್​ ಡೈ ಕದನಕ್ಕೂ ಮುನ್ನ ತಂಡದಲ್ಲಿ ಟೆನ್ಶನ್​ ಹೆಚ್ಚಾಗಿದೆ. ಇದಕ್ಕೆ ಕಾರಣ ಇತಿಹಾಸ.

ಇತಿಹಾಸ ಬದಲಿಸಿದ್ರಷ್ಟೇ ಪ್ಲೇ ಆಫ್​ಗೆ ಎಂಟ್ರಿ
ಮೇ18ರಂದು ನಡೆಯೋ ಪಂದ್ಯದಲ್ಲಿ ಗೆಲುವು ಸಾಧಿಸಿದ್ರೆ ಸಾಕು ಚೆನ್ನೈ ಕ್ವಾಲಿಫೈ ಆಗಲಿದೆ. ಬೆಂಗಳೂರು ಕ್ವಾಲಿಫೈ ಆಗಬೇಕಂದ್ರೆ ಬಿಗ್​ ಮಾರ್ಜಿನ್​ ವಿಕ್ಟರಿ ಬೇಕಿದೆ. ತಂಡದ ಪ್ರಮುಖ ಆಟಗಾರ ವಿಲ್​ ಜಾಕ್ಸ್​ ಅಲಭ್ಯತೆ, ಪಂದ್ಯಕ್ಕಿರೋ ಮಳೆ ಭೀತಿಯ ಜೊತೆಗೆ ಇತಿಹಾಸ ಕೂಡ ಆರ್​​ಸಿಬಿ ಕ್ಯಾಂಪ್​ನಲ್ಲಿ ಟೆನ್ಶನ್​ ಹೆಚ್ಚಿಸಿದೆ.

ಇದನ್ನೂ ಓದಿ:ಮುಂಬೈ ಇಂಡಿಯನ್ಸ್​ನಲ್ಲಿ ಮತ್ತೆ ಬಿರುಕು; ರೋಹಿತ್-ಹಾರ್ದಿಕ್ ಮಧ್ಯೆ ಈಗ ಏನಾಯ್ತು..?

ಕಳೆದ 5 ಪಂದ್ಯದಲ್ಲಿ ಕೇವಲ 1ರಲ್ಲಿ ಮಾತ್ರ ಗೆಲುವು
ಈ ಸೀಸನ್​ನ​ ಮೊದಲ ಪಂದ್ಯ ಮಾತ್ರವಲ್ಲ. ಕಳೆದ 5 ಐಪಿಎಲ್​​ ಮುಖಾಮುಖಿಗಳಲ್ಲಿ ಆರ್​​ಸಿಬಿ, ಚೆನ್ನೈ ಎದುರು ಗೆದ್ದಿರೋದು ಕೇವಲ 1 ಪಂದ್ಯ ಮಾತ್ರ. ಉಳಿದ ಪಂದ್ಯಗಳಲ್ಲಿ ಆರ್​​ಸಿಬಿ ಸೋಲಿಗೆ ಶರಣಾಗಿದೆ. ಜೊತೆಗೆ ಒಟ್ಟಾರೆ ಐಪಿಎಲ್​ ಮುಖಾಮುಖಿಯಲ್ಲೂ ಚೆನ್ನೈ ಸೂಪರ್​ ಕಿಂಗ್ಸ್​ ದರ್ಬಾರ್​ ನಡೆಸಿದೆ. ಈ ಅಂಕಿ-ಅಂಶಗಳೇ ಆರ್​​​ಸಿಬಿ ಪಾಳಯದಲ್ಲಿ ಟೆನ್ಶನ್​ ಹೆಚ್ಚಿಸಿದೆ.

RCB vs CSK ಮುಖಾಮುಖಿ
ಐಪಿಎಲ್​ ಟೂರ್ನಿಯಲ್ಲಿ ಈವರೆಗೆ ಆರ್​​ಸಿಬಿ ಹಾಗೂ ಸಿಎಸ್​ಕೆ 32 ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ಈ ಪೈಕಿ ಸಿಎಸ್​​ಕೆ 21 ಪಂದ್ಯ ಗೆದ್ದಿದ್ರೆ, ಆರ್​​ಸಿಬಿ 10 ಪಂದ್ಯ ಜಯಿಸಿದೆ. 1 ಪಂದ್ಯ ಫಲಿತಾಂಶವಿಲ್ಲದೇ ಅಂತ್ಯಕಂಡಿದೆ.

ಚಿನ್ನಸ್ವಾಮಿಯಲ್ಲಿ ದರ್ಬಾರ್​ ನಡೆಸಿರೋ ಚೆನ್ನೈ
ಒಟ್ಟಾರೆಯಾಗಿ ಮಾತ್ರವಲ್ಲ.. ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ತಂಡದ ಹೋಮ್​ಗ್ರೌಂಡ್​ ಚಿನ್ನಸ್ವಾಮಿ ಮೈದಾನದಲ್ಲೂ ಚೆನ್ನೈ ಸೂಪರ್ ಆಟವಾಡಿದೆ. ಆರ್​​ಸಿಬಿಗೆ ಟಕ್ಕರ್​ ಕೊಟ್ಟು ಚೆನ್ನೈ ಮೇಲುಗೈ ಸಾಧಿಸಿದೆ. ರೆಕಾರ್ಡ್ಸ್​ ನೋಡಿದ್ರೆ, ಇದು ಬೆಂಗಳೂರು ಹೋಮ್​ಗ್ರೌಂಡಾ​.? ಚೆನ್ನೈನದ್ದಾ.? ಅನ್ನೋ ಡೌಟ್​ ಬರದೇ ಇರಲ್ಲ. ಚಿನ್ನಸ್ವಾಮಿ ಮೈದಾನದಲ್ಲಿ ಈವರೆಗೆ 10 ಪಂದ್ಯಗಳಲ್ಲಿ ಸಿಎಸ್​ಕೆ ಹಾಗೂ ಆರ್​​ಸಿಬಿ ಮುಖಾಮುಖಿಯಾಗಿವೆ. ಸಿಎಸ್​​ಕೆ 5 ಪಂದ್ಯ ಗೆದ್ದಿದ್ರೆ, ಆರ್​​ಸಿಬಿ 4 ಪಂದ್ಯ ಗೆದ್ದಿದೆ. 1 ಪಂದ್ಯದಲ್ಲಿ ಫಲಿತಾಂಶ ಬಂದಿಲ್ಲ.

ಇದನ್ನೂ ಓದಿ:ಟಿಕೆಟ್ ತೋರಿಸಿ ಎಂದಿದ್ಕೆ ಚಾಕು ಹಾಕೇ ಬಿಟ್ಟ.. ಚಾಲುಕ್ಯ ರೈಲಿನಲ್ಲಿ ನಡೀತು ಬರ್ಬರ ಕೊಲೆ

ಇತಿಹಾಸದ ಲೆಕ್ಕಾಚಾರದಲ್ಲಿ ಆರ್​​ಸಿಬಿ ಎದುರು ಚೆನ್ನೈ ಸೂಪರ್​ ಕಿಂಗ್ಸ್​​ ದರ್ಬಾರ್​ ನಡೆಸಿದೆ ಅನ್ನೋದನ್ನ ಅಂಕಿ-ಅಂಶಗಳು ಸಾರಿ ಸಾರಿ ಹೇಳ್ತಿವೆ. ಈ ಸೀಸನ್​ನಲ್ಲಿ ಆರಂಭದಲ್ಲಿ ಸೋಲಿನ ಸುಳಿಗೆ ಸಿಲುಕಿದ್ದ ಆರ್​​ಸಿಬಿ, ರಣರೋಚಕ ರೀತಿಯಲ್ಲಿ ಕಮ್​ಬ್ಯಾಕ್​ ಮಾಡಿರೋದನ್ನ ನೋಡಿದ್ರೆ ಇತಿಹಾಸವನ್ನೇ ಬದಲಿಸೋ ಎಲ್ಲಾ ಲಕ್ಷಣಗಳು ಕಾಣ್ತಿವೆ. ಅದೃಷ್ಟ ದೇವತೆ ಕೂಡ ಆರ್​​ಸಿಬಿ ಪರವೇ ಇರೋದ್ರಿಂದ ಗೆಲುವಿನ ಸಾಧ್ಯತೆ ಹೆಚ್ಚಿದೆ. ಅಭಿಮಾನಿಗಳ ಕುತೂಹಲ ಕೂಡ ದುಪ್ಪಟ್ಟಾಗಿದ್ದು, ಆರ್​​ಸಿಬಿಯ ಆಟ ಹೇಗಿರುತ್ತೆ ಕಾದು ನೋಡೋಣ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ