ರೇಣುಕಾಸ್ವಾಮಿಯ ಡಿಲೀಟ್​ ಫೋಟೋ ಸಿಕ್ಕಿದ್ದೇಗೆ?

ವಿನಯ್​ ಮೊಬೈಲ್​ನಿಂದ ಡಿಲೀಟ್​​ ಫೋಟೋ ರಿಕವರಿ ಹೇಗಾಯ್ತು?

ಇದಕ್ಕಾಗಿ ಯಾವ ಸಾಫ್ಟ್​ವೇರ್​ ಬಳಸುತ್ತಾರೆ ಗೊತ್ತಾ? ಇಲ್ಲಿದೆ ಮಾಹಿತಿ

ಕಳೆದು ಹೋದ ಸಾಧನವನ್ನು ಹುಡುಕಬಹುದು. ಆದರೆ ಅಳಿಸಿ ಹೋದ ಫೈಲ್​ಗಳನ್ನು, ಡಾಕ್ಯುಮೆಂಟ್​​ಗಳನ್ನು ಪತ್ತೆಹಚ್ಚೋದು ಅಂದ್ರೆ ಸುಲಭದ ಮಾತಲ್ಲ. ಸದ್ಯ ದರ್ಶನ್​ ಮತ್ತು ಗ್ಯಾಂಗ್​​ ಕೈಯಾರೆ ಹತ್ಯೆಯಾದ ರೇಣುಕಾಸ್ವಾಮಿಯ ಫೋಟೋಗಳನ್ನು ಪೊಲೀಸರು ಆರೋಪಿಗಳ ಮೊಬೈಲ್​ನಿಂದ ರಿಟ್ರೀವ್​ ಮಾಡಿದ್ದಾರೆ. ಈಗಾಗಲೇ ಡಿಲೀಟ್​ ಮಾಡಿದ್ದ ಫೋಟೋಗಳನ್ನು ಮರಳಿ ಪಡೆದಿದ್ದಾರೆ. ಅದರೆ ಅದು ಹೇಗೆ ಸಾಧ್ಯವಾಯ್ತು ಎಂದು ತಿಳಿಯೋಣ.

ರಿಟ್ರೀವ್​ ಎಂದರೇನು?

ಮೊಬೈಲ್​ ರಿಕವರಿ ಅಥವಾ ರಿಟ್ರೀವ್ ಮಾಡೋದು ಎಂದರೆ ಕಳೆದು ಹೋದ, ಅಳಿಸಿದ ಅಥವಾ ಪ್ರವೇಶಿಸಲಾಗದ ಡೇಟಾವನ್ನು ಹಿಂಪಡೆಯುವುದಾಗಿದೆ. ಅಂದಹಾಗೆಯೇ ಪ್ರಮುಖವಾದ ಫೈಲ್​​, ಸಂಪರ್ಕ, ಸಂದೇಶ ಅಥವಾ ಇತರ ಮೌಲ್ಯಯುತ ಮಾಹಿತಿಯನ್ನು ಹಿಂಪಡೆಯುವ ಪ್ರಕ್ರಿಯೆ ಇದಾಗಿದೆ. ರಿಟ್ರೀವ್​ ಅಂದರೆ ಸುಲಭವ ಮಾತಲ್ಲ, ನುರಿತರಿಂದ ಅಥವಾ ವಿಶೇಷ ಸಾಫ್ಟ್​ವೇರ್​​ ಬಳಸಿ ಡೇಟಾವನ್ನು ಮರುಪಡೆಯುವುದಾಗಿದೆ. ಇದು ಸಾಧ್ಯವಾಗಬಹುದು. ಸಾಧ್ಯವಾಗದೇ ಇರಬಹುದು.

ಡಿಲೀಟ್​​ ಮಾಡಿದ ಫೋಟೋ ಮರಳಿ ಪಡೆಯಬಹುದೇ?

ಶಾಶ್ವತವಾಗಿ ಡಿಲೀಟ್​ ಮಾಡಿದ ಫೋಟೋಗಳನ್ನು ಮರಳಿ ಪಡೆಯಲು ವಿಶೇಷ ಸಾಫ್ಟ್​ವೇರ್​​ ಮೊರೆ ಹೋಗುವುದು ಅಗತ್ಯ. ದರ್ಶನ್​ ಕೇಸ್​ ವಿಚಾರದಲ್ಲೂ ಇದೇ ಆಗಿದೆ ಎನ್ನಲಾಗುತ್ತಿದೆ. ಆದರೆ ಸಾಮಾನ್ಯವಾಗಿ ಡಿಲೀಟ್​ ಆಗಿರುವ ಫೋಟೋವನ್ನು ಮರಳಿ ಪಡೆಯಲು ಗೂಗಲ್​ ಫೋಟೋ ಬ್ಯಾಕಪ್​ ಮೊರೆ ಹೋಗಬಹುದಾಗಿದೆ.

ಇದನ್ನೂ ಓದಿ: ಜಿಯೋ 8ನೇ ವಾರ್ಷಿಕೋತ್ಸವ; ಗ್ರಾಹಕರಿಗಾಗಿ 10GB ಡೇಟಾ ಮತ್ತು ಜೊಮ್ಯಾಟೊ ಗೋಲ್ಡ್​​ ಸದಸ್ಯತ್ವ ಉಚಿತ!

ಸಾಮಾನ್ಯವಾಗಿ ಗ್ಯಾಲರಿಯಿಂದ ಡಿಲೀಟ್​​ ಆಗಿರುವ ಫೋಟೋಗಳು ರಿಸೈಕಲ್​ ಬಿನ್​ನಲ್ಲಿ ಉಳಿದುಕೊಂಡಿರುತ್ತದೆ. ಒಂದು ವೇಳೆ ಅಲ್ಲಿಂದಲೂ ಡಿಲೀಸ್​ ಆಗಿದ್ದರೆ ವಿಶೇಷ ಸಾಫ್ಟ್​ವೇರ್​ ಮೊರೆ ಹೋಗುವುದು ಸೂಕ್ತ.

ಬಹುತೇಕರು ಸ್ಮಾರ್ಟ್​ಫೋನ್​ನಿಂದ ಡಿಲೀಟ್​​ ಆಗಿರೋ ಫೋಟೋ ರಿಕವರಿ ಮಾಡಲು ಕ್ಲೌಡ್​ ಬ್ಯಾಕಪ್​​ ಮೊರೆ ಹೋಗುತ್ತಾರೆ. ಮೆಮೊರಿ ಕಾರ್ಡ್​​ ತೆಗೆದು ವಿಂಡೋಸ್​ ಅಥವಾ ಮ್ಯಾಕ್​ಓಎಸ್​​ನಲ್ಲಿ ಫೋಟೋ ಮರುಪಡೆಯುವ ಸಾಫ್ಟ್​​ವೇರ್​ ಬಳಸಿ ಸ್ಕ್ಯಾನ್​ ಮಾಡುತ್ತಾರೆ. ಈ ವೇಳೆ ಅಳಿಸಿಹೋದ ಡಾಕ್ಯುಮೆಂಟ್​ ಅಥವಾ ಫೋಟೋ ಮರಳಿ ಸಿಗುತ್ತದೆ.

ಫೈಲ್​ ರಿಕವರಿಗಾಗಿ ಇರುವ ಸಾಫ್ಟ್​ವೇರ್​​ಗಳು

1. ರೆಕುವಾ
2. ಡಿಸ್ಕ್ ಡಿಗ್ಗರ್
3. ಡಾ.ಫೋನ್
4. ಡಿಸ್ಕ್ ಡ್ರಿಲ್
5. ಫೋನ್ ರೆಸ್ಕ್ಯೂ
6. ಇರೇಸ್​ಯುಎಸ್​ ಡೇಟಾ ರಿಕವರಿ ವಿಝಾರ್ಡ್
7. ಫೋಟೋ ರೆಕ್
8. ಸ್ಟೆಲ್ಲರ್​ ಫೋಟೋ ರಿಕವರಿ
9. ಅನ್​ಡಿಲೀಟರ್ ರಿಕವರಿ​ ಫೈಲ್‌ಗಳು ಮತ್ತು ಡೇಟಾ
10. ವಂಡರ್​ಶೇಟ್​​​ ಡೇಧಟಾ ರಿಕವರಿ ಮಾಕ್​ ಓಸ್​
11. ಡಿಸ್ಕ್ ಡಿಗ್ಗರ್ ಫೋಟೋ ರಿಕವರಿ
12. ಮಿನಿಟೂಲ್ ಪವರ್ ಡೇಟಾ ರಿಕವರಿ ಅಲ್ಟಿಮೇಟ್
13. ರೆಮೋ ರಿಕವರ್
14. ಆಲ್ಟ್​​ಡಾಟಾ ಆ್ಯಂಡ್ರಾಯ್ಡ್​ರಿಕವರಿ
15. ಕಾರ್ಡ್​​ ರಿಕವರಿ ಪ್ರೊ
16. ಡಿಗ್‌ಡೀಪ್ ಇಮೇಜ್ ರಿಕವರಿ
17. ಫೋನ್‌ಪಾವ್
18. ರಿಕವರಿ ಮೈ ಫೈಲ್ಸ್​
19. Sd ಕಾರ್ಡ್​ ಡಾಟಾ ರಿಕವರಿ ಫೋಟೋ ವಿಡಿಯೋ
20. ಇರೇಸ್​​ಯುಎಸ್​​ ಮೊಬಿಸೇವರ್​
21. ಫೈಲ್ ರಿಕವರಿ ಫೋಟೋ ರಿಕವರಿ
22. ಡಂಪ್ಸ್ಟರ್

ಡಿಲೀಟ್​​ ಆಗಿರುವ ಸಂದೇಶ ಸಿಗುತ್ತಾ?

ವಾಟ್ಸ್ಆ್ಯಪ್​ನಲ್ಲಿ ಡಿಲೀಟ್​ ಆಗಿರುವ ಸಂದೇಶಗಳು ಸಿಗುವುದು ಕಷ್ಟಕರ. ಏಕೆಂದರೆ ವಾಟ್ಸ್​ಆ್ಯಪ್​ ಎಂಡ್​-ಟು-ಎಂಡ್​​ ಎನ್​ಕ್ರಿಪ್ಟ್​ ಆಗಿದೆ. ಅಲ್ಲದೆ ವಾಟ್ಸ್​ಆ್ಯಪ್​ ತನ್ನ ಖಾಸಗಿ ತನದ ಹಕ್ಕನ್ನು ಹಂಚಿಕೊಳ್ಳುವುದಿಲ್ಲ ಎಂದು ಹೇಳುತ್ತಾ ಬಂದಿದೆ. ಹೀಗಾಗಿ ವಾಟ್ಸ್​ಆ್ಯಪ್​ ಯಾವುದೇ ಬಳಕೆದಾರನ ಮಾಹಿತಿಯನ್ನು ಹಂಚಿಕೊಳ್ಳುವುದಿಲ್ಲ.

ಇದನ್ನೂ ಓದಿ: ಏರ್​​ ಇಂಡಿಯಾ ಪ್ರಯಾಣಿಕರಿಗೆ ಸಿಹಿ ಸುದ್ದಿ! ಇನ್ಮುಂದೆ ಆಕಾಶದಲ್ಲೂ ವೈ-ಫೈ ಬಳಸಬಹುದು

ಒಂದು ವೇಳೆ ಸ್ಮಾರ್ಟ್​ಫೋನ್​ ಪಡೆದುಕೊಂಡು ಅದರಿಂದ ಡಿಲೀಟ್​​ ಆದ ಸಂದೇಶವನ್ನು ಪೊಲೀಸರು ರಿಟ್ರೀವ್​ ಮಾಡುವ ಸಾಧ್ಯತೆಯಿದೆ. ಇದಲ್ಲದೆ ಡಿಲೀಟ್​​ ಆದ ಸಂದೇಶ ಅಥವಾ ಫೋಟೋದ ಡೇಟಾ ಎಲ್ಲಿ ಸಂಗ್ರಹವಾಗಿದೆ ಎಂಬುದನ್ನು ಅರಿತುಕೊಂಡು ಹುಡುಕಬಹುದಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ