ಕಿವಿಯಲ್ಲಿದ್ದಾಗಲೇ ಇಯರ್​ ಬಡ್​​ ಸ್ಫೋಟ.. ಶ್ರವಣ ನಷ್ಟ ಅನುಭವಿಸುತ್ತಿರೋ ಯುವತಿ

ಇತ್ತೀಚಿನ ದಿನಗಳಲ್ಲಿ ಇಯರ್​​ ಬಡ್ಸ್​ ​​ಗಳ ಗಾತ್ರ ಚಿಕ್ಕದಾಗುತ್ತಿವೆ. ಬ್ಲೂಟೂತ್​​ಗೆ ಮಾರ್ಪಾಡು ಆದ ಬಳಿಕ ಇಯರ್​​ ಬಡ್ಸ್​ಗಳ ಗಾತ್ರ ಮತ್ತು ವಿಧಗಳಲ್ಲಿ ಬದಲಾವಣೆ ಕಾಣಬಹುದಾಗಿದೆ. ವೈರ್​ ಇಯರ್​ ಫೋನ್​ ಬಳಿಕ ಬ್ಲೂಟೂತ್​ ನೆಕ್​ ಬ್ಯಾಂಡ್​ ಮಾರುಕಟ್ಟೆಗೆ ಬಂತು. ಸದ್ಯ ಇಯರ್​​ ಬಡ್ಸ್​ಗಳು ಟ್ರೆಂಡಿಂಗ್​ನಲ್ಲಿವೆ. ಆದರೆ ಯುವತಿಯೊಬ್ಬಳು ಇಯರ್​​ ಬಡ್​​ನಲ್ಲಿ ಹಾಡು ಆಲಿಸುತ್ತಿರುವಾಗ ಕಿವಿಯಲ್ಲಿಯೇ ಸ್ಫೋಟಗೊಂಡ ಘಟನೆಯೊಂದು ಬೆಳಕಿಗೆ ಬಂದಿದೆ.

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಬಡ್​​ ​ FE ಇದ್ದಕ್ಕಿದ್ದಂತೆಯೇ ಸ್ಫೋಟಗೊಂಡಿದೆ. ಟರ್ಕಿ ಮೂಲದ ವ್ಯಕ್ತಿ ಈ ಘಟನೆಯನ್ನು ಹಂಚಿಕೊಂಡಿದ್ದು, ಸ್ಫೋಟದಿಂದಾಗಿ ಯುವತಿ ಸಂಪೂರ್ಣವಾಗಿ ಶ್ರವಣದೋಷ ಅನುಭವಿಸುತ್ತಿದ್ದಾಳೆ.

ಇದನ್ನೂ ಓದಿ: ಐಫೋನ್​​ ಬಳಕೆದಾರರೇ ಕೂಡಲೇ ಅಪ್ಡೇಟ್​​ ಮಾಡಿ.. ಯಾಕೆ? ಏನಾಯ್ತು?

ಯುವತಿ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್​ಫೋನ್​ನೊಂದಿಗೆ ಬಳಸಲು ಹೊಸ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಬಡ್ಸ್​ FE ಖರೀದಿಸುತ್ತಾಳೆ. ಇಯರ್​ ಬಡ್​ 36%ಚಾರ್ಜ್​ನಲ್ಲಿತ್ತು. ಅದನ್ನು ಕಂಡು ಸ್ನೇಹಿತೆ ಬಳಿಯಿಂದ ಚಾರ್ಜ್​ ಮಾಡದೆ ಇರುವ ಇಯರ್​ಬಡ್​ ತೆಗೆದುಕೊಳ್ಳುತ್ತಾಳೆ ಬಳಿಕ ಬಳಕೆ ಮಾಡುತ್ತಾಳೆ.

ಇದನ್ನೂ ಓದಿ: ಆ್ಯಪಲ್​ ಪ್ರಿಯರಿಗೆ ಶಾಕ್​.. ಐಫೋನ್​​ 16 ಪ್ರೊದಲ್ಲಿ ಕಾಣಿಸಿಕೊಂಡ ಸಮಸ್ಯೆ!

ದುರಾದೃಷ್ಟಕರ ಸಂಗತಿ ಎಂದರೆ ಯುವತಿ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಬಡ್ಸ್​ FE ಇಯರ್​ ಬಡ್ಸ್​​ ಕಿವಿಯಲ್ಲಿ ಇರಿಸಿದ್ದಾಗ ಸ್ಫೋಟಗೊಂಡಿದೆ. ಇದರಿಂದ ಯುವತಿ ಶಾಶ್ವತ ಶ್ರವಣ ನಷ್ಟ ಅನುಭವಿಸುತ್ತಿದ್ದಾಳೆ. ಸದ್ಯ ಸ್ಫೋಟಗೊಂಡ ಇಯರ್​ ಬಡ್​​ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಘಟನೆಯ ಬಳಿಕ ಯುವತಿಯ ಕಡೆಯವರು ಸ್ಥಳೀಯ ಸ್ಯಾಮ್​​ಸಂಗ್ ಮಳಿಗೆಯನ್ನು ಸಂಪರ್ಕಿಸಿದರು. ಸ್ಫೋಟಗೊಂಡ ಇಯರ್​ಬಡ್​​ ಅನ್ನು ತೋರಿಸಿದರು. ಇದನ್ನು ಕಂಡೊಡನೆ ಅಚ್ಚರಿಗೊಂಡರು. ಜೊತೆಗೆ ಕ್ಷಮೆಯಾಚಿಸಿದರು. ಬಳಿಕ ಹೊಸ ಇಯರ್​ಬಡ್ಸ್​ ಕೊಟ್ಟರು ಎಂದು ಪೋಸ್ಟ್​ನಲ್ಲಿ ಬರೆದುಕೊಂಡಿದ್ದಾರೆ. ​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ