ಇಂಡೋ - ಬಾಂಗ್ಲಾ ಟೆಸ್ಟ್​ ಸರಣಿಗೆ ಕೌಂಟ್​​ಡೌನ್​

ಬಾಂಗ್ಲಾ ಟೈಗರ್ಸ್​ ಬೇಟೆಗೆ ಭಾರತದ ಸಿದ್ಧತೆ ಆರಂಭ

ಹೆಡ್​ಕೋಚ್​​ ಮುಂದಿರೋ ಅಗ್ನಿಪರೀಕ್ಷೆ ಏನು..?

ಬಾಂಗ್ಲಾ ಟೈಗರ್ಸ್​​ ಬೇಟೆಗೆ ಟೀಮ್​ ಇಂಡಿಯಾದ ಸಮರಾಭ್ಯಾಸ ಶುರುವಾಗಿದೆ. ಚೆಪಾಕ್​ ಅಂಗಳದಲ್ಲಿ ಟೀಮ್​ ಇಂಡಿಯಾದ ಕ್ಯಾಂಪ್​​ ಒಂದೆಡೆ ಆರಂಭವಾಗಿದ್ರೆ, ಇನ್ನೊಂದೆಡೆ ಹೆಡ್ ​ಕೋಚ್​​ ಗೌತಮ್​ ಗಂಭೀರ್​ ಎದೆಯಲ್ಲಿ ಢವ ಢವ ಶುರುವಾಗಿದೆ. ಕೇಳಿದ್ದನ್ನೆಲ್ಲಾ ಪಡೆದು ಟೀಮ್​ ಇಂಡಿಯಾದ ಪವರ್​​ ಫುಲ್​ ಹುದ್ದೆಗೇರಿರುವ ಗಂಭೀರ್​​ಗೆ ಈಗ ರಿಯಲ್​ ಟೆಸ್ಟ್​ ಆರಂಭವಾಗಿದೆ. 10 ತಿಂಗಳು, 1 ಟ್ರೋಫಿ, ಪಾಸಾದ್ರೆ ಓಕೆ. ಫೇಲಾದ್ರೆ, ಗುರು ಗಂಭೀರ್​ ಭವಿಷ್ಯ ಅತಂತ್ರಕ್ಕೆ ಸಿಲುಕಲಿದೆ.

ಇಂಡೋ- ಬಾಂಗ್ಲಾ ಟೆಸ್ಟ್​ ಸರಣಿ ಆರಂಭಕ್ಕೆ ಕೌಂಟ್​​ಡೌನ್​ ಶುರುವಾಗಿದೆ. ಸಪ್ಟೆಂಬರ್​ 19ರಿಂದ ಮೊದಲ ಟೆಸ್ಟ್​​ ಪಂದ್ಯ ಆರಂಭವಾಗಿದ್ದು, ಚೆಪಾಕ್​ನಲ್ಲಿ ಟೀಮ್​ ಇಂಡಿಯಾದ ಶಸ್ತ್ರಾಭ್ಯಾಸ ಶುರುವಾಗಿದೆ. ಮೊದಲೇ ನಿಗದಿಯಾದಂತೆ ನಿನ್ನೆಯಿಂದ ಟೀಮ್​ ಇಂಡಿಯಾದ ಸ್ಪೆಷಲ್​ ಕ್ಯಾಂಪ್​ ಆರಂಭವಾಗಿದ್ದು, ಆಟಗಾರರೆಲ್ಲಾ ಅಭ್ಯಾಸದ ಅಖಾಡಕ್ಕೆ ಮರಳಿದ್ದಾರೆ. ಹೆಡ್ ​​ಕೋಚ್​​ ಗೌತಮ್​ ಗಂಭೀರ್​ & ಸಪೋರ್ಟ್​ ಸ್ಟಾಫ್​​ ಟೀಂ ಅಭ್ಯಾಸದ ಮೇಲೆ ಹದ್ದಿನ ಕಣ್ಣಿಟ್ಟಿದ್ದಾರೆ.

10 ತಿಂಗಳಲ್ಲಿ ಭವಿಷ್ಯ ನಿರ್ಧಾರ.. ಗುರು ಗಂಭೀರ್​​​ಗೆ ಟೆನ್ಶನ್​..!

ಕಳೆದ ಜೂನ್​ನಲ್ಲಿ ಟೀಮ್​ ಇಂಡಿಯಾದ ಹೆಡ್​ ಕೋಚ್​ ಆಗಿ ಅಧಿಕಾರ ವಹಿಸಿಕೊಂಡ ಗೌತಮ್​ ಗಂಭೀರ್​ಗೆ ಮುಂದೆ ಈಗ ಬಿಗ್​ ಟಾಸ್ಕ್​​ಯಿದೆ. ಬಾಂಗ್ಲಾ ಸರಣಿ ಆರಂಭದೊಂದಿಗೆ ಅಸಲಿ ಅಗ್ನಿಪರೀಕ್ಷೆ ಆರಂಭವಾಗಲಿದೆ. ಮುಂದಿನ ಕೆಲ ತಿಂಗಳಲ್ಲಿ 10 ಟೆಸ್ಟ್​ ಪಂದ್ಯಗಳನ್ನ ಟೀಮ್​ ಇಂಡಿಯಾ ಆಡಲಿದ್ದು, ಇವುಗಳಲ್ಲಿ ಗೆಲುವು ಅನಿವಾರ್ಯವಾಗಿದೆ. ಇಲ್ಲದಿದ್ರೆ 10 ತಿಂಗಳ ಬಳಿಕ ಮುಂದಿನ ವರ್ಷ ಜೂನ್​ನಲ್ಲಿ ನಡೆಯೋ WTC ಫೈನಲ್​ ಎಂಟ್ರಿಯ ಕನಸು ಭಗ್ನವಾಗಲಿದೆ. ಹಾಗೇನಾದ್ರೂ ಆದ್ರೆ, ಗಂಭೀರ್​ ಭವಿಷ್ಯ ಅತಂತ್ರಕ್ಕೆ ಸಿಲುಕಲಿದೆ.

ಗಂಭೀರ್​ ಕೇಳಿದ್ದಕ್ಕೆಲ್ಲಾ ಅಸ್ತು ಎಂದ ಬಿಸಿಸಿಐ.!

ಗಂಭೀರ್​​ ಕೋಚ್​ ಪಟ್ಟವೇರಿದ ಬಳಿಕ ಟೀಮ್​ ಇಂಡಿಯಾದಲ್ಲಿ ಸಾಕಷ್ಟು ಬದಲಾವಣೆಯಾಗಿದೆ. ಗಂಭೀರ್​ ಕೇಳಿದ್ದಕ್ಕೆಲ್ಲಾ ಬಿಸಿಸಿಐ ಬಾಸ್​ಗಳು ಅಸ್ತು ಎಂದಿದ್ದಾರೆ. ಗಂಭೀರ್​ ಬೇಡಿಕೆಯಂತೆ ಅಸಿಸ್ಟೆಂಟ್​​ ಕೋಚ್​ಗಳಾಗಿ ರಾಯನ್​ ಟೆನ್​ ಡೆಶ್ಕಾಟೆ, ಅಭಿಶೇಕ್​ ನಾಯರ್​ ಮಣೆ ಹಾಕಲಾಗಿದೆ. ಮಾರ್ನೆ ಮಾರ್ಕೆಲ್​ನ ಬೌಲಿಂಗ್​ ಕೋಚ್​ ಆಗಿ ನೀಡಲಾಗಿದೆ.

ಇದನ್ನೂ ಓದಿ: ಕೊಹ್ಲಿ ಕಮಿಟ್​ಮೆಂಟ್​​ಗೆ ಹ್ಯಾಂಡ್ಸ್ ​ಅಪ್​​.. ನೋ ರೆಸ್ಟ್​, 9 ತಿಂಗಳ ಬಳಿಕ ಟೆಸ್ಟ್​ ಕ್ರಿಕೆಟ್​ಗೆ ಕಮ್​ಬ್ಯಾಕ್

ಸಪೋರ್ಟ್​​ ಸ್ಟಾಫ್​​ ಆಯ್ಕೆ ಮಾತ್ರವಲ್ಲ. ಟೀಮ್​ ಸೆಲೆಕ್ಷನ್​ ವಿಚಾರದಲ್ಲೂ ಗಂಭೀರ್​ ಮಾತುಗಳಿಗೆ ಮನ್ನಣೆ ನೀಡಲಾಗಿದೆ. ಸೂರ್ಯಕುಮಾರ್​​ಗೆ ಟಿ20 ನಾಯಕತ್ವ ನೀಡಿದ್ದು, ಹರ್ಷಿತ್​ ರಾಣಾ, ಯಶ್​​ ದಯಾಳ್​​ ಸೇರಿದಂತೆ ಹಲ ಯುವ ಆಟಗಾರರು ಟೀಮ್​ ಇಂಡಿಯಾಗೆ ಎಂಟ್ರಿ ನೀಡಿದ್ರ ಹಿಂದೆ ಗಂಭೀರ್​ ಶಿಫಾರಸ್ಸು ಕೆಲಸ ಮಾಡಿದೆ. ಜೊತೆಗೆ ಕೆಲ ಆಟಗಾರರನ್ನ ಒಂದೊಂದೆ ಫಾರ್ಮೆಟ್​ಗೆ ಸೀಮಿತಗೊಳಿಸಿರೋದ್ರ ಹಿಂದೆಯೂ ಗಂಭೀರ್​​ ಪಾತ್ರವಿದೆ. ಒಂದೇ ಮಾತಲ್ಲಿ ಹೇಳೋದಾದ್ರೆ, ಹಿಂದೆ ಯಾವ ಕೋಚ್​ಗೂ ಸಿಗದ ಅಧಿಕಾರ, ಹಾಲಿ ತಂಡದ ನಾಯಕನಿಗೂ ಇರದ ಪವರ್​ ಸದ್ಯ ಗಂಭೀರ್​ಗೆ ಸಿಕ್ಕಿದೆ. ಇಷ್ಟೆಲ್ಲಾ ಕೊಟ್ಟು ಪರ್ಫಾಮೆನ್ಸ್​ ಬರಲಿಲ್ಲ ಅಂದ್ರೆ ಬಿಸಿಸಿಐ ಬಾಸ್​​ಗಳು ಸುಮ್ಮನಿರ್ತಾರಾ.?

ಲಂಕಾ ಸರಣಿ ಸೋಲು.. ಗಂಭೀರ್​ಗೆ ಅದೇ ತಲೆಬಿಸಿ​​.!

ಕೋಚ್​ ಪಟ್ಟವೇರಿದ ಮೊದಲ ಟಾಸ್ಕ್​​ನಲ್ಲಿ ಶ್ರೀಲಂಕಾ ಎದುರು ಟಿ20 ಸರಣಿ ಗೆದ್ದ ಗಂಭೀರ್​ಗೆ​, ಬಳಿಕ ನಡೆದ ಏಕದಿನ ಸರಣಿಯಲ್ಲಿ ಹೀನಾಯ ಸೋಲಿನ ದರ್ಶನವಾಯ್ತು. ಟೀಮ್​ ಇಂಡಿಯಾದ ಪರ್ಫಾಮೆನ್ಸ್​ ಬಗ್ಗೆ ಸಾಕಷ್ಟು ಟೀಕೆ ವ್ಯಕ್ತವಾದ್ವು. ಕಳಪೆ ಬ್ಯಾಟಿಂಗ್​, ಸ್ಪಿನ್​​ ದಾಳಿ ಎದುರಿಸುವಲ್ಲಿ ಸ್ಟಾರ್​​ಗಳು ಎಡವಿದ್ದು ಎಲ್ಲವೂ ಚರ್ಚೆಯಾಯ್ತು. ಇದೀಗ ಮುಂಬರುವ ಸರಣಿಗಳಲ್ಲಿ ಈ ಹಿಂದಾದ ಎಲ್ಲಾ ವೈಫಲ್ಯಗಳನ್ನ ಮೆಟ್ಟಿ ನಿಲ್ಲಬೇಕಿದೆ.

ಇದನ್ನೂ ಓದಿ: KL​​ ರಾಹುಲ್ ಎಡ ತೋಳಿನ ಮೇಲಿದೆ ಲೈಟ್​​ಹೌಸ್​​ ಟ್ಯಾಟು! ಇದು ಏನನ್ನ ನೆನಪಿಸುತ್ತೆ ಗೊತ್ತಾ?

ಬಾಂಗ್ಲಾ ವಿರುದ್ಧದ 2 ಪಂದ್ಯಗಳ ಟೆಸ್ಟ್​​ ಸರಣಿ ಮಾತ್ರವಲ್ಲ.. ಆ ಬಳಿಕ ನ್ಯೂಜಿಲೆಂಡ್​​ ವಿರುದ್ಧ 3 ಟೆಸ್ಟ್​​, ನಂತರ ಆಸ್ಟ್ರೇಲಿಯಾ ಆಸಿಸ್​ ವಿರುದ್ಧ 5 ಟೆಸ್ಟ್​ ಪಂದ್ಯಗಳ ಸರಣಿಯನ್ನ ಟೀಮ್​ ಇಂಡಿಯಾ ಆಡಲಿದೆ. ಈ 10 ಪಂದ್ಯಗಳ ರಿಸಲ್ಟ್​ ಆಧಾರದಲ್ಲಿ ಟೀಮ್​ ಇಂಡಿಯಾದ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​​ನ ಎಂಟ್ರಿ ನಿರ್ಧಾರವಾಗಲಿದೆ. ಜೊತೆಗೆ ಬಿಗ್​ಬಾಸ್​ ಮುಂದೆ ಬೇಡಿಕೆಯನ್ನಿಟ್ಟು ಕೇಳಿದ್ದನ್ನೆಲ್ಲಾ ಪಡೆದಿರೋ ಗಂಭೀರ್​ ಭವಿಷ್ಯವೂ ನಿರ್ಧಾರವಾಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ