8211km ಪ್ರಯಾಣ.. ಭಾರತಕ್ಕೆ ವಾಪಾಸ್ಸಾದ ವಿರಾಟ್​​ ಕೊಹ್ಲಿ

ಬಾಂಗ್ಲಾ ಟೆಸ್ಟ್​​ ಸರಣಿಗಾಗಿ ಓಡೋಡಿ ಬಂದ ಕಿಂಗ್​ ಕೊಹ್ಲಿ

ಕೊಹ್ಲಿ ಅಭ್ಯಾಸದ ಹಿಂದಿದೆ ಹಲವು ಲೆಕ್ಕಾಚಾರ

ಎಲ್ಲಿ ವಿರಾಟ್​ ಕೊಹ್ಲಿ ಇರ್ತಾರೋ ಅಲ್ಲಿ ಒಂದು ಸೆನ್ಸೇಷನ್​ ಇದ್ದೇ ಇರುತ್ತೆ. ಕಳೆದ 2 ತಿಂಗಳಿಂದ ವಿದೇಶದಲ್ಲಿ ನೆಲೆಸಿದ್ದ ಕೊಹ್ಲಿ ಕೊನೆಗೂ ಭಾರತಕ್ಕೆ ವಾಪಾಸ್ಸಾಗಿದ್ದಾರೆ. 18 ತಿಂಗಳ ಬಳಿಕ ಭಾರತದ ನೆಲದಲ್ಲಿ ಟೆಸ್ಟ್​​ ಕ್ರಿಕೆಟ್​ ಆಡಲು, ನಿನ್ನೆ ಬೆಳಗಿನ ಜಾವ 4 ಗಂಟೆಗೆ ಚೆನ್ನೈಗೆ ಬಂದಿಳಿದ್ರು. ಫೀಲ್ಡ್​ಗೆ ವಾಪಾಸ್ಸಾದ ಬೆನ್ನಲ್ಲೇ ಕ್ರಿಕೆಟ್​ ಲೋಕ ಕೊಹ್ಲಿಯನ್ನ ಕೊಂಡಾಡ್ತಿದೆ. ಕಿಂಗ್​ ಕೊಹ್ಲಿಯ ಕಮಿಟ್​ಮೆಂಟ್​​ಗೆ ಫ್ಯಾನ್ಸ್​ ಸಲಾಂ ಅಂತಿದ್ದಾರೆ. ಅಷ್ಟಕ್ಕೂ ಕೊಹ್ಲಿ ಮಾಡಿದ್ದೇನು?.

ಇಂಡೋ-ಬಾಂಗ್ಲಾ ಟೆಸ್ಟ್​ ಸರಣಿ ಆರಂಭಕ್ಕೆ ಕೌಂಟ್​​ಡೌನ್​ ಶುರುವಾಗಿದೆ. ಮೊದಲ ಟೆಸ್ಟ್​​ ಆರಂಭಕ್ಕೆ ಕೇವಲ 5 ದಿನಗಳು ಮಾತ್ರ ಬಾಕಿ. ಸಪ್ಟೆಂಬರ್​ 19ರಿಂದ ಚೆಪಾಕ್​​ನಲ್ಲಿ ಫಸ್ಟ್​ ಟೆಸ್ಟ್​ ಆರಂಭವಾಗಲಿದ್ದು, ಟೀಮ್​ ಇಂಡಿಯಾ ನಿನ್ನೆಯಿಂದ ಅಭ್ಯಾಸ ಆರಂಭಿಸಿದೆ. ಆಟಗಾರರು, ಸಪೋರ್ಟ್ಸ್​ ಸ್ಟಾಫ್ಸ್​​ ಚೆನ್ನೈಗೆ ಬಂದಿಳಿದಿದ್ದು, ಚೆಪಾಕ್​ನಲ್ಲಿ ನಿನ್ನೆಯಿಂದ ಅಭ್ಯಾಸ ಆರಂಭಿಸಿದ್ದಾರೆ.

ಮಿಷನ್​ WTC ಫೈನಲ್​.. ಚೆಪಾಕ್​ನಲ್ಲಿ ಸಿದ್ಧತೆ ಆರಂಭ.!

ಚೆಪಾಕ್​​ನಲ್ಲಿ ಆರಂಭವಾಗೋ ಮೊದಲ ಟೆಸ್ಟ್​ ಪಂದ್ಯದೊಂದಿಗೆ ಟೀಮ್​ ಇಂಡಿಯಾದ ಟೆಸ್ಟ್​ ಸೀಸನ್​ ಆರಂಭವಾಗಲಿದೆ. ಬರೋಬ್ಬರಿ 10 ಟೆಸ್ಟ್​ ಪಂದ್ಯಗಳ ಬ್ಯಾಕ್​ ಟು ಬ್ಯಾಕ್ ಸವಾಲು​ ಟೀಮ್​ ಇಂಡಿಯಾದ ಮುಂದಿದೆ. ಈ ಪಂದ್ಯಗಳಲ್ಲಿ ಅಬ್ಬರಿಸಿ WTC ಫೈನಲ್​ಗೆ ಎಂಟ್ರಿಕೊಡೋ ತವಕದಲ್ಲಿ ಟೀಮ್​ ಇಂಡಿಯಾ ಇದೆ. WTC ಫೈನಲ್ ಗುರಿಯಾಗಿಸಿಕೊಂಡು ನಿನ್ನೆಯಿಂದ ಚೆಪಾಕ್​ನಲ್ಲಿ ಸಿದ್ಧತೆ ಶುರುವಾಗಿದೆ. ರೋಹಿತ್​, ಬೂಮ್ರಾ, ಪಂತ್​​, ರಾಹುಲ್​ ಎಲ್ಲರೂ ತಂಡ ಕೂಡಿಕೊಂಡಿದ್ದು, ಅಭ್ಯಾಸ ಆರಂಭಿಸಿದ್ದಾರೆ. ಆದ್ರೆ, ಉಳಿದೆಲ್ಲರಿಗಿಂತ ಹೆಚ್ಚು ಗಮನ ಸೆಳೆದಿರೋದು ವಿರಾಟ್​ ಕೊಹ್ಲಿ.! ಹಾಗೂ ಕೊಹ್ಲಿಯ ಕಮಿಟ್​ಮೆಂಟ್​.!

Virat came directly to Chennai airport from London at 4 AM in the morning🤍#ViratKohli pic.twitter.com/KNkOriDX2K

— 𝙒𝙧𝙤𝙜𝙣🥂 (@wrognxvirat) September 13, 2024

8211 ಕಿಲೋ ಮೀಟರ್​​ ಪ್ರಯಾಣ ಮಾಡಿದ ಕೊಹ್ಲಿ

ಟೀಮ್​ ಇಂಡಿಯಾದ ಯಾವುದೇ ಸರಣಿ ಇರಲಿ, ಪಂದ್ಯ ಇರಲಿ, ಅಲ್ಲಿ ವಿರಾಟ್​​ ಕೊಹ್ಲಿ ಸೆಂಟರ್​ ಆಫ್​ ಅಟ್ರಾಕ್ಷನ್​ ಆಗಿರ್ತಾರೆ. ನಿನ್ನೆಯಿಂದ ಆರಂಭವಾದ ಟೀಮ್​ ಇಂಡಿಯಾದ ಪ್ರಾಕ್ಟಿಸ್​​ ಸೆಷನ್​ನಲ್ಲೂ ಕೊಹ್ಲಿಯೇ ಎಲ್ಲರ ಗಮನ ಸೆಳೆದಿದ್ದಾರೆ. ಕೊಹ್ಲಿಯ ಕಮಿಟ್​ಮೆಂಟ್​ಗೆ ಕ್ರಿಕೆಟ್​​ ಲೋಕವೇ ಉಘೇ ಉಘೇ ಅಂತಿದೆ.

ಇದನ್ನೂ ಓದಿ: KL​​ ರಾಹುಲ್ ಎಡ ತೋಳಿನ ಮೇಲಿದೆ ಲೈಟ್​​ಹೌಸ್​​ ಟ್ಯಾಟು! ಇದು ಏನನ್ನ ನೆನಪಿಸುತ್ತೆ ಗೊತ್ತಾ?

ಶ್ರೀಲಂಕಾ ಸರಣಿ ಅಂತ್ಯದ ಬಳಿಕ ಕೊಲಂಬೋದಿಂದ ನೇರವಾಗಿ ಲಂಡನ್​ಗೆ ಹಾರಿದ್ದ ಕೊಹ್ಲಿ, ಭಾರತಕ್ಕೆ ವಾಪಾಸ್ಸಾಗಿದ್ದು ನಿನ್ನೆ ಬೆಳಗಿನ ಜಾವ. ಸುಮಾರು 8211 ಕಿಲೋ ಮೀಟರ್​ ದೂರವನ್ನ ಕ್ರಮಿಸಿ ಬಂದ ಕೊಹ್ಲಿ, ಜರ್ನಿ ಮಾಡಿದ್ದು ಬರೋಬ್ಬರಿ 12 ಗಂಟೆ ಕಾಲ.! ಇಷ್ಟು ದೂರ, ಇಷ್ಟು ಸುದೀರ್ಘ ಅವಧಿಯ ಜರ್ನಿ ಮಾಡಿದ ಮೇಲೆ ಎಂತವರಾದ್ರೂ ಸ್ವಲ್ಪ ವಿಶ್ರಾಂತಿ​ ಬೇಕು ಅಂತಾರೆ. ಆದ್ರೆ, ಕೊಹ್ಲಿ ರೆಸ್ಟ್​ಗೆ ಕೊಕ್​ ಕೊಟ್ಟು, ಡೈರೆಕ್ಟ್​​​ ಪ್ರಾಕ್ಟಿಸ್​​ ಸೆಷನ್​ಗೆ ಹಾಜಾರಾಗಿದ್ದಾರೆ. ನೆಟ್ಸ್​​ನಲ್ಲಿ ಭರ್ಜರಿ ಬ್ಯಾಟಿಂಗ್​ ನಡೆಸಿದ್ದಾರೆ. ಕೊಹ್ಲಿಯ ಈ ಕಮಿಟ್​ಮೆಂಟ್​ಗೆ ಕ್ರಿಕೆಟ್​ ಲೋಕ ಫಿದಾ ಆಗಿದೆ.

2 ತಿಂಗಳಿಂದ ಮೈದಾನದಿಂದ ದೂರ ದೂರ..!

ಶ್ರೀಲಂಕಾ ಎದುರು 3 ಪಂದ್ಯಗಳ ಏಕದಿನ ಸರಣಿ ಆಡಿದ ಬಳಿಕ ಕೊಹ್ಲಿ, ಸಂಪೂರ್ಣವಾಗಿ ಮೈದಾನದಿಂದ ದೂರ ಉಳಿದಿದ್ದಾರೆ. ಕೊನೆಯದಾಗಿ ಟೆಸ್ಟ್​​ ಕ್ರಿಕೆಟ್​ ಆಡಿದ್ದು, ಈ ವರ್ಷ ಜನವರಿ 3ಕ್ಕೆ! 9 ತಿಂಗಳ ಬಳಿಕ ರೆಡ್​​ಬಾಲ್ ಕ್ರಿಕೆಟ್​ಗೆ ಕಮ್​ಬ್ಯಾಕ್​ ಮಾಡಿರೋ ಕೊಹ್ಲಿ, ಕಳೆದ 1 ತಿಂಗಳಿಂದ ಬ್ಯಾಟ್​ನ ಮುಟ್ಟೇಯಿಲ್ಲ. ಹೀಗಾಗಿ ಅಭ್ಯಾಸದ ಅಗತ್ಯತೆ ಹೆಚ್ಚಿದೆ. ಇದನ್ನ ಅರಿತೇ ನೋ ರೆಸ್ಟ್​ ಅಂದಿರೋ ಕೊಹ್ಲಿ ನೇರವಾಗಿ ಸಮಾರಾಭ್ಯಾಸದ ಅಖಾಡಕ್ಕೆ ಧುಮುಕಿದ್ದಾರೆ.

ರೆಡ್​​​ಬಾಲ್​ ಕ್ರಿಕೆಟ್​​ನಲ್ಲಿ ಕೊಹ್ಲಿಗೆ ಶತಕದ ಬರ.!

3 ವರ್ಷಗಳ ಕಾಲ ಶತಕದ ಬರ ಅನುಭವಿಸಿದ ಕೊಹ್ಲಿ, ವೈಟ್​ಬಾಲ್​ ಕ್ರಿಕೆಟ್​ನಲ್ಲಿ ಕೊನೆಗೂ ಹಳೆ ಖದರ್​ಗೆ ಮರಳಿದ್ರು. ಆದ್ರೆ, ರೆಡ್​​ಬಾಲ್​ ಕ್ರಿಕೆಟ್​​​ನಲ್ಲಿ ಹಳೆ ರಿಧಮ್ ಕಂಡುಕೊಂಡಿಲ್ಲ. 2019 ನವೆಂಬರ್​ ಬಳಿಕ ಟೆಸ್ಟ್​ ಕ್ರಿಕೆಟ್​ನಲ್ಲಿ ಕೊಹ್ಲಿ ಸಿಡಿಸಿರೋದು ಕೇವಲ 2 ಶತಕ ಮಾತ್ರ. ಕೊನೆಯ ಶತಕ ಸಿಡಿಸಿ 1 ವರ್ಷದ ಮೇಲಾಗಿದೆ. ರೆಡ್​ಬಾಲ್​ ಕ್ರಿಕೆಟ್​​​ನಲ್ಲಿ ರನ್​ಗಳಿಕೆಗೆ ಪರದಾಡ್ತಿರೋ ಕೊಹ್ಲಿ, ಈ ವೈಫಲ್ಯವನ್ನ ಮೆಟ್ಟಿ ನಿಲ್ಲೋ ಲೆಕ್ಕಾಚಾರದಲ್ಲಿ ಅಭ್ಯಾಸ ಆರಂಭಿಸಿದ್ದಾರೆ.

ಇದನ್ನೂ ಓದಿ: IPL 2025: ಕೆ.ಎಲ್​ ರಾಹುಲ್​​ ಅಲ್ಲ; ಆರ್​​​ಸಿಬಿ ತಂಡಕ್ಕೆ ಸ್ಟಾರ್​​ ಕನ್ನಡಿಗ ರಾಯಲ್​ ಎಂಟ್ರಿ!

ಬಾಂಗ್ಲಾ ಟೆಸ್ಟ್​​ ಸರಣಿಯಲ್ಲಿ ಕೊಹ್ಲಿಗೆ ಅಗ್ನಿಪರೀಕ್ಷೆ.!

ಒಂದೆಡೆ ಟೆಸ್ಟ್​ ಫಾರ್ಮೆಟ್​ನಲ್ಲಿ ರನ್​ಗಳಿಕೆಗೆ ಪರದಾಟ ನಡೆಸ್ತಿರೋ ಕೊಹ್ಲಿ ಪಾಲಿಗೆ ಸ್ಪಿನ್ನರ್​​ಗಳೇ ವಿಲನ್​ಗಳಾಗಿ ಕಾಡ್ತಿದ್ದಾರೆ. ಇನ್ನೊಂದೆಡೆ ಬಾಂಗ್ಲಾದೇಶ ತಂಡದಲ್ಲಿ ಸ್ಪಿನ್ನರ್​ಗಳೇ ಮ್ಯಾಚ್​ ವಿನ್ನರ್​ಗಳಾಗಿದ್ದಾರೆ. ಕಳೆದ ಪಾಕಿಸ್ತಾನ ಸರಣಿಯಲ್ಲಿ ಮಾಡಿದ ಮ್ಯಾಜಿಕನ್ನೇ ಮುಂದುವರೆಸೋ ಆತ್ಮವಿಶ್ವಾಸ ಬಾಂಗ್ಲಾ ಪಡೆಯಲ್ಲಿದೆ. ಹೀಗಾಗಿ ಸ್ಪಿನ್​ ಚಾಲೆಂಜ್​ನ ಕೊಹ್ಲಿ ಹೇಗೆ ಮೆಟ್ಟಿ ನಿಲ್ತಾರೆ ಅನ್ನೋದು ಸದ್ಯ ಕುತೂಹಲ ಮೂಡಿಸಿದೆ. ​

ಇದನ್ನೂ ಓದಿ: 4,4,4,4,4,4,4,4,4,4,4,4,4,4,4; ದುಲೀಪ್​​ ಟ್ರೋಫಿಯಲ್ಲಿ ಕೊಹ್ಲಿ ಆಪ್ತನ ಸಿಡಿಲಬ್ಬರದ ಬ್ಯಾಟಿಂಗ್​​!

ಒಟ್ಟಿನಲ್ಲಿ, ಭಾರತಕ್ಕೆ ವಾಪಾಸ್ಸಾಗ್ತಿದ್ದಂತೆ ಅಭ್ಯಾಸದ ಅಖಾಡಕ್ಕೆ ಧುಮುಕಿರೋ ಕೊಹ್ಲಿ, ತನ್ನ ಕಮಿಟ್​ಮೆಂಟ್​ ಏನು ಅನ್ನೋದನ್ನ ಮತ್ತೊಮ್ಮೆ ನಿರೂಪಿಸಿದ್ದಾರೆ. ಜೊತೆಗೆ ಕಳಪೆ ಫಾರ್ಮ್​ನಿಂದ ಎಚ್ಚೆತ್ತುಕೊಂಡು, ಅದರಿಂದ ಹೊರಬರಲು ಸಿದ್ಧತೆಯನ್ನೂ ಆರಂಭಿಸಿದ್ದಾರೆ. ಕಠಿಣ ಅಭ್ಯಾಸಕ್ಕೆ ಮುಂದಾಗಿರೋ ಕೊಹ್ಲಿ, ಅಸಲಿ ಅಖಾಡದಲ್ಲಿ ಬಾಂಗ್ಲಾ ಟೈಗರ್ಸ್​ನ ಬೇಟೆಯಾಡಲಿ ಅನ್ನೋದು ಫ್ಯಾನ್ಸ್​​ ಆಶಯವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ