ಸ್ಮಾರ್ಟ್​ಫೋನ್​ ಪ್ರಿಯರಿಗೆ ತಲೆನೋವಾದ ಡಿಸ್​ಪ್ಲೇ ಮೇಲಿನ ಗ್ರೀನ್​ ಲೈನ್​.. ಈ ಸಮಸ್ಯೆಗೆ ಪರಿಹಾರಬೇಕೆ?

ಸ್ಮಾರ್ಟ್​ಫೋನ್​ ಪ್ರಿಯರಿಗೆ ಡಿಸ್​​ಪ್ಲೇ ಮೇಲೆ ಮೂಡುವ ಗ್ರೀನ್​ ಲೈನ್​ ಸಮಸ್ಯೆಯಾಗಿ ಪರಿಣಮಿಸಿದೆ. ಪ್ರಾರಂಭದಲ್ಲಿ ಒನ್​​ಪ್ಲಸ್, ಸ್ಯಾಮ್​​ಸಂಗ್​​ ಸ್ಮಾರ್ಟ್​ಫೋನ್​ ಬಳಕೆದಾರರು ಈ ಗ್ರೀನ್​ ಲೈನ್​ ಸಮಸ್ಯೆಯನ್ನು ಎದುರಿಸುತ್ತಿದ್ದರು. ಆದರೀಗ ಮೊಟೊರೊಲಾ, ವಿವೋ ಸೇರಿ ವಿವಿಧ ಬ್ರ್ಯಾಂಡ್​​ ಸ್ಮಾರ್ಟ್​ಫೋನ್​​ ಬಳಕೆದಾರರು ಈ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ.

ಸಾಮಾನ್ಯವಾಗಿ ಅಮೋಲ್ಡ್​​ ಡಿಸ್​ಪ್ಲೇಗಳಲ್ಲಿ ಗ್ರೀನ್​​​ ಲೈನ್​ ಕಾಣಿಸಿಕೊಳ್ಳುತ್ತಿದೆ. ಆದರೆ ಪ್ರಾರಂಭದಲ್ಲಿ ಇದರಿಂದ ಬಳಕೆದಾರರಿಗೆ ಯಾವುದೇ ತೊಂದರೆಯಾಗದಿದ್ದರೂ ಬರುಬರುತ್ತಾ ಇದರಿಂದ ಸಮಸ್ಯೆ ಅನುಭವಿಸುತ್ತಾರೆ.

ಸ್ಮಾರ್ಟ್​ಫೋನ್​ ಡಿಸ್​ಪ್ಲೇ ಮೇಲೆ ಮೂಡುವ ಗ್ರೀನ್​ ಲೈನ್​ ಬಗ್ಗೆ ನಿಖರ ಕಾರಣ ತಿಳಿದುಬಂದಿಲ್ಲ. ಯಾವುದೇ ಕಂಪನಿಗಳು ಇದರ ಬಗ್ಗೆ ಅಧಿಕೃತ ಕಾರಣವನ್ನು ಹೇಳಿಕೊಂಡಿಲ್ಲ. ಆದರೆ ಸಾಫ್ಟ್​​ವೇರ್​​ ನವೀಕರಣದ ಬಳಿಕ ಕಾಣಿಸಿಕೊಂಡ ಸಮಸ್ಯೆಯೆಂದು ಅನೇಕ ಬಳಕೆದಾರರು ಹೇಳಿದ್ದಾರೆ. ಇನ್ನು ಹಲವರು ಮದರ್​​ಬೋರ್ಡ್​​ ಅನ್ನು ಡಿಸ್​​ಪ್ಲೇಗೆ ಸಂಪರ್ಕಿಸವ ಕನೆಕ್ಟರ್​ ಮೇಲೆ ಹಾನಿಯಾದಾಗ ಈ ಸಮಸ್ಯೆ ಮೂಡುತ್ತಿದೆ ಎಂದು ಹೇಳಿದ್ದಾರೆ.

Hi @motorolaindia , I am getting this green line issue on my moto g52 #motog52#greenline
It's 17 months old phone and it's in good condition there is no physical damage on it.
Help Me Out @motorolaindia@Motopic.twitter.com/kMwaMN7xnE

— Nivin_369 ? (@Nivin369_) August 31, 2024

ಇದನ್ನೂ ಓದಿ: ಸರ್ಕಾರದಿಂದ ಮಹತ್ವದ ನಿರ್ಧಾರ.. 2 ವರ್ಷದೊಳಗಿನ ಮಕ್ಕಳು ​ಟಿವಿ, ಸ್ಮಾರ್ಟ್​ಫೋನ್​ ನೋಡುವುದು ನಿಷೇಧ

ಪ್ರಾರಂಭದಲ್ಲಿ ಒನ್​ಪ್ಲಸ್​ ಸ್ಮಾರ್ಟ್​ಫೋನ್​ಗಳ ಮೇಲೆ ಗ್ರೀನ್​ ಲೈನ್​ ಬೀಳುತ್ತಿತ್ತು. ಒನ್​ಪ್ಲಸ್​​ 8 ಪ್ರೊ, ಒನ್​ಪ್ಲಸ್​​ 8ಟಿ, ಒನ್​ಪ್ಲಸ್​​ 9, ಒನ್​ಪ್ಲಸ್​​ 9ಆರ್​ ಸ್ಮಾರ್ಟ್​ಫೋನ್​ಗಳ್ಲಿ ಗ್ರೀನ್​ ಲೈನ್​ ಕಾಣಿಸಿತು. ಈ ಸಮಸ್ಯೆ ಕಾಣಿಸಿಕೊಂಡತೆ ಕಂಪನಿ ಉಚಿತ ಸ್ಕ್ರೀನ್​​ ರಿಪ್ಲೇಸ್​​ಮೆಂಟ್​​ ಆಯ್ಕೆಯನ್ನು ಗ್ರಾಹಕರಿಗೆ ನೀಡಿದೆ. ಬಳಿಕ ಸ್ಯಾಮ್​​ಸಂಗ್​, ವಿವೋದ ಬಳಕೆದಾರರು ಈ ಸಮಸ್ಯೆ ಎದುರಿಸುತ್ತಾ ಬಂದಿದ್ದಾರೆ.

ಗ್ರೀನ್​ ಲೈನ್​ ಸಮಸ್ಯೆ ಸರಿಪಡಿಸುವುದು ಹೇಗೆ?

ಸ್ಮಾರ್ಟ್​ಫೋನ್​ನಲ್ಲಿ ಗ್ರೀನ್​ ಲೈನ್​ ಮೂಡಿದರೆ ರೀಸ್ಟಾರ್ಟ್​​ ಮಾಡಿ. ಹೊಸ ಆವೃತ್ತಿಗೆ ನವೀಕರಿಸಿ ಅಥವಾ ಸೇಫ್​​ ಮೋಡ್​​ಗೆ ಬೂಟ್​​ ಮಾಡುವಂತಹ ಸರಳ ಹಂತವನ್ನು ಪ್ರಯತ್ನಿಸಿ.

ಇತ್ತೀಚೆಗೆ ಪರಿಚಯಿಸಿರುವ ಕೆಲವು ಅಪ್ಲಿಕೇಶನ್​ನಿಂದ ಈ ಸಮಸ್ಯೆ ಹೋಗಲಾಡಿಸಬಹುದಾ ಎಂದು ನೋಡಿ. ಇವೆಲ್ಲದರಿಂದ ಗ್ರೀನ್​ ಲೈನ್​ ಹೋಗದಿದ್ದರೆ ಡಿಸ್​ಪ್ಲೇ ಬದಲಾಯಿಸುವುದೊಂದೇ ಪರಿಹಾರ.

ಇದನ್ನೂ ಓದಿ: ದರ್ಶನ್​ ತನಿಖೆಗಾಗಿ 6 ಲಕ್ಷಕ್ಕೂ ಅಧಿಕ ರೂಪಾಯಿ ಖರ್ಚು! ದುಬಾರಿ ಚಾರ್ಜ್​ಶೀಟ್​​ ಹಿಂದಿದೆ ಸಾಲು ಸಾಲು ಸಾಕ್ಷಿ

ಡಿಸ್​ಪ್ಲೇ ಬದಲಾಯಿಸುವ ಮುನ್ನ ಸ್ಮಾರ್ಟ್​ಫೋನ್​ ಕಂಪನಿಗೆ ಈ ಕುರಿತು ಮಾಹಿತಿ ಹಂಚಿಕೊಳ್ಳಿ. ಅಥವಾ ಹತ್ತಿರದ ಮೊಬೈಲ್​ ಸ್ಟೋರ್​ಗೆ ಹೋಗಿ ತಿಳಿಸಿ. ಏಕೆಂದರೆ ಕೆಲವು ಕಂಪನಿಗಳು ಉಚಿತವಾಗಿ ಡಿಸ್​​ಪ್ಲೇ ರಿಪ್ಲೇಸ್​ಮೆಂಟ್​​ ಸೇವೆ ನೀಡುತ್ತಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ