ನಿಮಗೆ ಗೊತ್ತಾ..? ಮೊದಲು ‘New Year’ ಆಚರಿಸುವ ದೇಶ ಯಾವುದು? ನ್ಯೂಜಿಲೆಂಡ್ ಅಲ್ಲ!

ಜಗತ್ತು 2025ಕ್ಕೆ ಗುಡ್​ಬೈ ಹೇಳಿ 2026ಕ್ಕೆ ವೆಲ್​ಕಮ್ ಹೇಳಲು ಎಕ್ಸೈಟ್ ಆಗಿದೆ. ಇನ್ನೇನು ಕೆಲವೇ ಗಂಟೆಗಳಲ್ಲಿ ‘ನ್ಯೂ ಇಯರ್’​​ ಸೆಲೆಬ್ರೇಷನ್ ಶುರುವಾಗಲಿದೆ. ಡಿಸೆಂಬರ್ 31 ರಂದು ಮಧ್ಯರಾತ್ರಿ ಹೊಸ ವರ್ಷಕ್ಕೆ ಸ್ವಾಗತ ನೀಡಲಾಗುತ್ತದೆ. ಈ ಆಚರಣೆಯ ಸಮಯವು ಸ್ಥಳಗಳ ಮೇಲೆ ಅವಲಂಬಿತವಾಗಿರುತ್ತದೆ. 

ನಾವು ಭಾರತದಲ್ಲಿ ಹೊಸ ವರ್ಷ ಆಚರಿಸುತ್ತಿದ್ದರೂ ಅದು ಭೂಮಿ ಮೇಲೆ ಬೇರೆ ಬೇರೆ ಕಡೆ 9-10 ಗಂಟೆಗಳ ಮೊದಲೇ ಬರಬಹುದು. ನಮ್ಮ ನೆರೆಯ ರಾಷ್ಟ್ರಗಳು 15-20 ನಿಮಿಷಗಳ ಮೊದಲು ಆಚರಿಸಬಹುದು. ಅಥವಾ ಲೇಟಾಗಿಯೂ ಸಂಭ್ರಮಿಸಬಹುದು. 

ನಿಮಗೆ ಗೊತ್ತಾ..?

ಹೊಸ ವರ್ಷಕ್ಕೆ ವೆಲ್​​ಕಮ್ ಹೇಳುವ ಮೊದಲ ದೇಶ ಯಾವುದು ಅಂತಾ ನೊಡೋದಾದರೆ ಕಿರಿಬಾಟಿ ದ್ವೀಪಗಳು (Kiribati Islands). ಪೆಸಿಫಿಕ್ ಮಹಾಸಾಗರದಲ್ಲಿರುವ ಈ ದ್ವೀಪದಲ್ಲಿ ಸೂರ್ಯ ಮೊದಲು ಉದಯಿಸುತ್ತಾನೆ. ವಿಶ್ವ ಜನಸಂಖ್ಯೆ ವಿಮರ್ಶೆ ಪ್ರಕಾರ, ಅಂತಾರಾಷ್ಟ್ರೀಯ ದಿನಾಂಕ ರೇಖೆಯು ಪೂರ್ವದಿಂದ ಪಶ್ಚಿಮಕ್ಕೆ ಚಲಿಸುತ್ತದೆ. ಭೂಮಿಯು ಸೂರ್ಯನನ್ನು ಮೊದಲು ಎದುರಿಸುವ ಭಾಗದಲ್ಲಿ ಸೂರ್ಯ ಉದಯಿಸುತ್ತಾನೆ. ಅದು ನಮ್ಮ ಸಮಯ ವಲಯಗಳನ್ನು ನಿರ್ಧರಿಸುತ್ತದೆ. 

ಇದನ್ನೂ ಓದಿ: ನಾಳೆಯಿಂದ 6 ದೊಡ್ಡ ಬದಲಾವಣೆ.. WhatsApp, ಇನ್‌ಸ್ಟಾ, ಟೆಲಿಗ್ರಾಮ್‌ ಬಳಸೋರು ಕೂಡ ಓದಲೇಬೇಕು..!

ಅಂತೆಯೇ ಕಿರಿಬಾಟಿ ದ್ವೀಪ, ನಂತರ ಸಮೋವಾ ಮತ್ತು ಟೋಂಗಾ ದ್ವೀಪ ರಾಷ್ಟ್ರಗಳು ಮೊದಲು ಹೊಸ ವರ್ಷವನ್ನು ಸ್ವಾಗತ ಮಾಡುತ್ತವೆ. ಕಿರಿಬಾಟಿ ದ್ವೀಪದಲ್ಲಿ ಹೊಸ ವರ್ಷ ಆಚರಿಸಿದ 9 ಗಂಟೆಗಳ ನಂತರ ಭಾರತದಲ್ಲಿ ಹೊಸ ವರ್ಷವನ್ನು ಸಂಭ್ರಮಿಸುತ್ತೇವೆ. ಡಿಸೆಂಬರ್ 31 ರಂದು ಕಿರಿಬಾಟಿಯಲ್ಲಿ ಗಡಿಯಾರದ ಮುಳ್ಳುಗಳು 12 ಗಂಟೆ ದಾಟಿ ಜನವರಿ 1 ಬಂದಾಗ ಭಾರತದಲ್ಲಿ ಅದು ಡಿಸೆಂಬರ್ 31, ಸಂಜೆ 3.30 ಆಗಿರುತ್ತದೆ. 

ಹೊಸ ವರ್ಷ ಯಾವ ದೇಶ ಬೇಗ ಆಚರಿಸುತ್ತಾರೆ..? (ಭಾರತೀಯ ಕಾಲಮಾನಕ್ಕೆ ಹೋಲಿಸಿದರೆ)

1. ಕಿರಿಬಾಟಿ ಮಧ್ಯಾಹ್ನ 3.30ಕ್ಕೆ
2. ನ್ಯೂಜಿಲೆಂಡ್ ಮಧ್ಯಾಹ್ನ 4.30ಕ್ಕೆ
3. ಫಿಜಿ ಸಂಜೆ 5.30ಕ್ಕೆ
4. ಆಸ್ಟ್ರೇಲಿಯಾ ಸಂಜೆ 6.30ಕ್ಕೆ
5. ಜಪಾನ್ ರಾತ್ರಿ 8.30ಕ್ಕೆ
6. ಚೀನಾ ರಾತ್ರಿ 9.30ಕ್ಕೆ
7. ಥೈಲ್ಯಾಂಡ್ ರಾತ್ರಿ 10.30ಕ್ಕೆ
8. ಬಾಂಗ್ಲಾದೇಶ ರಾತ್ರಿ 11.30ಕ್ಕೆ
9. ನೇಪಾಳ ರಾತ್ರಿ 11.45ಕ್ಕೆ
10. ಭಾರತ ಮತ್ತು ಶ್ರೀಲಂಕಾ ಮಧ್ಯರಾತ್ರಿ 12 ಗಂಟೆಗೆ  

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಎಣ್ಣೆಪ್ರಿಯರಿಗೆ ಇಂದು ರಾಜಾತಿಥ್ಯ! ಎಣ್ಣೆ ಪ್ರಿಯರಿಗೆ ಇಂದು ಏನೇನು ಸೌಲಭ್ಯ ಇವೆ ಗೊತ್ತಾ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ