ಕ್ಲೈಮ್ಯಾಕ್ಸ್‌ನಲ್ಲಿದೆ ರೋಚಕ ಟ್ವಿಸ್ಟ್‌.. ಪಟ್ಟಣಗೆರೆ ಶೆಡ್‌ ಚಕ್ರವ್ಯೂಹದಲ್ಲೇ ನಟ ದರ್ಶನ್‌ & ಗ್ಯಾಂಗ್‌ ಲಾಕ್‌?

ಬೆಂಗಳೂರು: ರೇಣುಕಾಸ್ವಾಮಿ ಹತ್ಯೆ ಪ್ರಕರಣ ಈಗ ಅಂತಿಮ ಘಟ್ಟಕ್ಕೆ ಬಂದು ತಲುಪಿದೆ. ತನಿಖೆಯ ಎಲ್ಲಾ ಆಯಾಮಗಳನ್ನು ಮುಗಿಸಿರುವ ಪೊಲೀಸರು ಸದ್ಯ ನ್ಯಾಯಾಲಯಕ್ಕೆ ಚಾರ್ಜ್​ಶೀಟ್​ ಸಲ್ಲಿಸಲು ಸಿದ್ಧತೆ ನಡೆಸಿದ್ದಾರೆ. ಬೆಂಗಳೂರಿನ FSL ಎಲ್ಲಾ ವರದಿಗಳು ಈಗಾಗಲೇ ಪೊಲೀಸ್ ಇಲಾಖೆಯ ಕೈ ಸೇರಿವೆ. ಪೂರಕವಾದ ಇನ್ನೂ ಕೆಲವು ಮಾಹಿತಿಗಳನ್ನು ಕಲೆ ಹಾಕ್ತಿದ್ದೇವೆ. ಹೈದ್ರಾಬಾದ್​ಗೆ ಕಳಿಸಿರೋ ವಸ್ತುಗಳ ಮಾಹಿತಿ ಬರಬೇಕಿದೆ ಎಂದು ಪೊಲೀಸ್ ಕಮಿಷನರ್ ಬಿ.ದಯಾನಂದ್​ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ:‘ಗಂಡನಿಂದ ತಿಂಗಳಿಗೆ 6 ಲಕ್ಷ ಕೊಡಿಸಿ’- ಮಹಿಳೆಯ ಬಟ್ಟೆ, ಊಟದ ಲೆಕ್ಕ ಕೇಳಿ ಶಾಕ್​ ಆದ ಹೈಕೋರ್ಟ್!​​

ಈಗಾಗಲೇ ಹತ್ಯೆ ನಡೆದ ಜಾಗ ಪಟ್ಟಣಗೆರೆ ಶೆಡ್ ನಕ್ಷೆ ರಿಪೋರ್ಟ್ ತನಿಖಾಧಿಕಾರಿಗಳ ಕೈ ಸೇರಿದೆ. ರೇಣುಕಾಸ್ವಾಮಿ ಕೊಲೆ ನಡೆಸಿದ ಜಾಗದ ನಕ್ಷೆಯ ವರದಿ ಲಭ್ಯವಾಗಿದ್ದು, ಲೋಕೋಪಯೋಗಿ ಇಲಾಖೆಯಿಂದ ಪೊಲೀಸರು ವರದಿ ಪಡೆದಿದ್ದಾರೆ. ಶೆಡ್ ಬಗ್ಗೆ ಹಲವು ಮಾಹಿತಿಯನ್ನು ವರದಿ ಒಳಗೊಂಡಿದ್ದು, ಚಾರ್ಜ್​ಶೀಟ್ ಸಲ್ಲಿಸುವ ಪ್ರಕ್ರಿಯೆ ಈಗ ಅಂತಿಮಘಟ್ಟಕ್ಕೆ ಬಂದು ತಲುಪಿದೆ. ಇಡೀ ಶೆಡ್ ಅಳತೆ ಸೇರಿದಂತೆ ಹಲವು ಮಾಹಿತಿಯನ್ನು ಪೊಲೀಸರು ಲೋಕೋಪಯೋಗಿ ಇಲಾಖೆಯನ್ನು ಕೇಳಿದ್ದರು. ಎಲ್ಲೆಲ್ಲಿ ಹಲ್ಲೆ ಆಗಿದೆ. ಶೆಡ್​ನ ಸಂಪೂರ್ಣ ವರದಿ ಸೇರಿದಂತೆ ಹಲವು ಪ್ರಶ್ನೆಗಳಿಗೆ ವರದಿ ನೀಡಲು ಕೋರಿದ್ದರು ಅದರಂತೆ ಈಗ ಲೊಕೋಪಯೋಗಿ ಇಲಾಖೆ ಪೊಲೀಸರಿಗೆ ವರದಿ ನೀಡಿದೆ.

ಇದನ್ನೂ ಓದಿ:ರೇಣುಕಾಸ್ವಾಮಿ ಪ್ರಜ್ಞೆ ತಪ್ಪಿ ಬಿದ್ದ ಮೇಲೂ ಕರೆಂಟ್‌ ಶಾಕ್? FSL ರಿಪೋರ್ಟ್‌ನಲ್ಲಿ ಸ್ಫೋಟಕ ಅಂಶಗಳು; ಏನದು?

ಇನ್ನು ಶೆಡ್ ನಕ್ಷೆಯಲ್ಲಿ ಏನಿದೆ ಅನ್ನೋದನ್ನ ನೋಡುವುದಾದ್ರೆ, ಎಲ್ಲಿ ಹಲ್ಲೆ ನಡೆಸಲಾಗಿತ್ತು. ಯಾವ ಜಾಗದಲ್ಲಿ ಹತ್ಯೆಯಾಗಿತ್ತು. ಯಾವ ಯಾವ ದಿಕ್ಕಿನಲ್ಲಿ ಏನೇನಿತ್ತು. ಪೂರ್ವ, ಪಶ್ಚಿಮ, ಉತ್ತರ ದಕ್ಷಿಣ ದಿಕ್ಕಿನ ಸಮೇತ ವರದಿ ಪೊಲೀಸರ ಕೈ ಸೇರಿದೆ.

ಆ ಎರಡು ವರದಿಗಾಗಿ ಕಾಯುತ್ತಿರುವ ತನಿಖಾಧಿಕಾರಿಗಳು
ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಹೈದ್ರಾಬಾದ್​ನ CFSL ತಂಡದಿಂದ ಇನ್ನೂ ವರದಿ ಬಂದಿಲ್ಲ. ಫಿಸಿಕಲ್ ಮತ್ತು ಆಡಿಯೋ ಅನಾಲಿಸಿಸ್​ ರಿಪೋರ್ಟ್ ಬರೋದು ಬಾಕಿ ಇದೆ. ಈ ಎರಡು ವರದಿ ತಮ್ಮ ಕೈಸೇರುವ ದಿನವನ್ನು ಪೊಲೀಸರು ಕಾಯುತ್ತಿದ್ದಾರೆ. ಚಾರ್ಜ್​ಶೀಟ್ ರೆಡಿ ಮಾಡಿ, ಹೈದ್ರಾಬಾದ್​ CFSL ​ನ ವರದಿಗಾಗಿ ಕಾಯುತ್ತಿದ್ದಾರೆ. ಈ ವಾರಾಂತ್ಯದಲ್ಲಿ ಅದು ಕೂಡ ಪೊಲೀಸರ ಕೈಸೇರಲಿದೆ. ಅಲ್ಲದೇ ಬೆಂಗಳೂರು ಎಫ್​ಎಸ್​ಎಲ್​ನಿಂದ ಇನ್ನೂ ಎರಡು ವರದಿಗಳು ಬರೋದು ಬಾಕಿ ಇದೆ. ಆ ಎರಡು ವರದಿಗಾಗಿ ಸದ್ಯ ಪೊಲೀಸರು ವೇಟ್ ಮಾಡುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ