ಭಾರತ-ಬಾಂಗ್ಲಾ ನಡುವಿನ ಮೊದಲ ಟೆಸ್ಟ್ ಆರಂಭ ಆಗಿದೆ

ಟಾಸ್​ ಗೆದ್ದು ಆರಂಭಿಕ ಯಶಸ್ಸು ಕಂಡ ಬಾಂಗ್ಲಾದೇಶ

ಟೀಂ ಇಂಡಿಯಾಗೆ ಜಡೇಜಾ, ಅಶ್ವಿನ್ ಆಸರೆ ಆಗಿದೆ

ಭಾರತ ಮತ್ತು ಬಾಂಗ್ಲಾದೇಶ ನಡುವೆ ಟೆಸ್ಟ್ ಸರಣಿಯು ನಿನ್ನೆಯಿಂದ ಆರಂಭವಾಗಿದೆ. ಮೊದಲು ಬ್ಯಾಟ್ ಮಾಡಿದ ಭಾರತ, ಮೊದಲ ದಿನವೇ ಏರಿಳಿತಗಳನ್ನ ಕಂಡಿದೆ. ದಿನದ ಅಂತ್ಯದ ವೇಳೆಗೆ ರವೀಂದ್ರ ಜಡೇಜಾ ಮತ್ತು ರವಿಚಂದ್ರನ್ ಅಶ್ವಿನ್ ನೆರವಿನಿಂದ ಭಾರತ ಉತ್ತಮ ಸ್ಥಿತಿಯಲ್ಲಿದೆ. ಆದರೆ ಆರಂಭದಲ್ಲಿ ಟೀಮ್ ಇಂಡಿಯಾ ಒತ್ತಡಕ್ಕೆ ಸಿಲುಕಿತ್ತು.

ಬಾಂಗ್ಲಾದೇಶದ ಆರಂಭಿಕ ಯಶಸ್ಸಿಗೆ ಪ್ರಮುಖ ಕಾರಣವೆಂದರೆ ಟಾಸ್ ಗೆದ್ದು ಬೌಲಿಂಗ್ ಮಾಡಿದ್ದು. ಆ ಮೂಲಕ ಅವರು ಪಿಚ್‌ನ ಸಂಪೂರ್ಣ ಪ್ರಯೋಜನ ಪಡೆದರು. ಬಾಂಗ್ಲಾದೇಶದ ಬೌಲರ್‌ಗಳು ಇಂಡಿಯಾ ವಿರುದ್ಧ ಮಾರಕ ಬೌಲಿಂಗ್ ದಾಳಿ ನಡೆಸಿದರು. ಹಸನ್ ಮಹಮೂದ್ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದರು. ಟೀಂ ಇಂಡಿಯಾ ಫೇಲ್ ಆಗಿದ್ದೇಲ್ಲಿ..?

ಇದನ್ನೂ ಓದಿ:ಕೊಹ್ಲಿ, ಗಿಲ್, ರೋಹಿತ್ ಠುಸ್​.. ಭಾರತಕ್ಕೆ ಬಿಗ್ ಶಾಕ್ ಕೊಟ್ಟ ಬಾಂಗ್ಲಾ ತಂಡ..!

ರೋಹಿತ್ ಶರ್ಮಾ ವೀಕ್ನೆಸ್

ರೋಹಿತ್ ಶರ್ಮಾ ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ಆಕ್ರಮಣಕಾರಿ ಬ್ಯಾಟಿಂಗ್‌ಗೆ ಹೆಸರುವಾಸಿ. ಆದರೆ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅವರ ನಿಧಾನಗತಿಯ ಆರಂಭ ತಂಡಕ್ಕೆ ಚಿಂತೆಯ ವಿಷಯವಾಗಿದೆ. ನಿನ್ನೆಯ ಪಂದ್ಯದಲ್ಲೂ ರೋಹಿತ್ ಎಚ್ಚರಿಕೆಯಿಂದ ಬ್ಯಾಟಿಂಗ್ ಮಾಡಿ ಪಿಚ್​ನಲ್ಲಿ ಕಾಲ ಕಳೆದರೂ ರನ್ ರೇಟ್ ನಿಧಾನಗತಿಯಲ್ಲಿ ಸಾಗಿತ್ತು. ಕಳೆದ ಎರಡು ವರ್ಷಗಳಿಂದ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅವರ ಸ್ಟ್ರೈಕ್ ರೇಟ್ ಸರಾಸರಿ 60 ಆಗಿದೆ. ಇಂದಿನ ವೇಗದ ಆಟದಲ್ಲಿ ಅವರ ರನ್​ ರೇಟ್​ ಕಡಿಮೆ ಆಗಿದೆ. ರೋಹಿತ್ ಸ್ವಲ್ಪ ಆಕ್ರಮಣಕಾರಿಯಾಗಿ ಆಡಿದ್ದರೆ ಬಹುಶಃ ಭಾರತಕ್ಕೆ ಉತ್ತಮ ಆರಂಭ ಸಿಗಬಹುದಿತ್ತು. ರೋಹಿತ್ ಶರ್ಮಾ ಮುಂದಿನ ಟೆಸ್ಟ್​ ಪಂದ್ಯಗಳನ್ನು ಆಕ್ರಮಣಕಾರಿಯಾಗಿ ಆಡಿದರೆ ಒಳ್ಳೆಯದು.

ಗಿಲ್ ಸಂಯಮದ ಕೊರತೆ
ಶುಭಮನ್ ಗಿಲ್ ಭಾರತದ ಟೆಸ್ಟ್ ಕ್ರಿಕೆಟ್‌ನ ಭವಿಷ್ಯದ ತಾರೆ. ಆದರೆ ನಿನ್ನೆಯ ಪಂದ್ಯದಲ್ಲಿ ಅನಗತ್ಯವಾಗಿ ವಿಕೆಟ್ ಒಪ್ಪಿಸಿದರು. ಅನಗತ್ಯ ಹೊಡೆತಗಳನ್ನು ಆಡುವ ಮೂಲಕ ಗಿಲ್ ವಿಕೆಟ್ ಕಳೆದುಕೊಂಡರು. ಇದು ಅವರ ಅನುಭವ ಮತ್ತು ತಾಳ್ಮೆಯ ಕೊರತೆಯನ್ನು ತೋರಿಸುತ್ತದೆ. ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುವಾಗ ಗಿಲ್ ಹೆಚ್ಚು ತಾಳ್ಮೆಯನ್ನು ತೋರಿಸಬೇಕಾಗಿದೆ. ಟೆಸ್ಟ್ ಕ್ರಿಕೆಟ್‌ನಂತಹ ದೀರ್ಘ ಸ್ವರೂಪದಲ್ಲಿ ಪ್ರತಿ ರನ್​ಗೂ ಲೆಕ್ಕವಿದೆ.

ಇದನ್ನೂ ಓದಿ:ಭಾರತ-ಬಾಂಗ್ಲಾ ಮೊದಲ ಟೆಸ್ಟ್​; ಟೀಂ ಇಂಡಿಯಾ ಮುಂದಿರುವ ಹೊಸ ಭರವಸೆಗಳು ಇಲ್ಲಿವೆ..!

ವಿರಾಟ್ ಕೊಹ್ಲಿ ಸಮಸ್ಯೆ
ವಿರಾಟ್ ಕೊಹ್ಲಿ ಟೆಸ್ಟ್​ ಕ್ರಿಕೆಟ್​ನಲ್ಲಿ ಒಳ್ಳೆಯ ದಾಖಲೆಗಳನ್ನು ಹೊಂದಿರಬಹುದು. ಆದರೆ ಹಸನ್ ಮಹಮೂದ್ ವಿರುದ್ಧ ಅವರ ಹಳೆಯ ದೌರ್ಬಲ್ಯ ಮುಂದುವರಿದಿದೆ. ಆಫ್ ಸ್ಟಂಪ್‌ನ ಹೊರಗೆ ಬಾಲ್‌ಗಳಲ್ಲಿ ಡ್ರೈವ್‌ ಮಾಡಲು ಹೋಗಿ ಆಗಾಗ ವಿಕೆಟ್ ಕಳೆದುಕೊಳ್ಳುತ್ತಾರೆ. ನಿನ್ನೆಯ ಪಂದ್ಯದಲ್ಲೂ ಅದೇ ಸಂಭವಿಸಿದೆ. ಮುಂಬರುವ ಆಸ್ಟ್ರೇಲಿಯಾ ವಿರುದ್ಧದ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲೂ ಅವರಿಗೆ ಈ ಸಮಸ್ಯೆ ಕಾಡಬಹುದು. ಕೊಹ್ಲಿ ತಮ್ಮ ಈ ಹಳೆಯ ವೀಕ್ನೆಸ್​ನತ್ತ ಗಮನ ಹರಿಸಬೇಕಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್