‘ಕೊಲ್ಹಾಪುರಿ ಚಪ್ಪಲಿ’ಗಳಿಗೆ ಗ್ಲೋಬಲ್ ಟಚ್.. ಈಗ ಒಂದು ಜೋಡಿಗೆ 84,000 ರೂಪಾಯಿ..!

ಇಟಾಲಿಯನ್ ಐಷಾರಾಮಿ ಬ್ರ್ಯಾಂಡ್ ಪ್ರಾಡಾ (PRADA) ಈಗ ಭಾರತೀಯ ‘ಕೊಲ್ಹಾಪುರಿ ಚಪ್ಪಲಿ’ (kolhapuri slippers)ಗಳನ್ನು ‘ಗ್ಲೋಬಲ್ ಫ್ಯಾಷನ್ ಹೈ ಸ್ಟ್ರೀಟ್‌’ಗೆ ಕೊಂಡೊಯ್ದಿದೆ. ಕಂಪನಿಯು ಮಹಾರಾಷ್ಟ್ರ ಮತ್ತು ಕರ್ನಾಟಕದ ಕುಶಲಕರ್ಮಿಗಳೊಂದಿಗೆ ಸೀಮಿತ ಆವೃತ್ತಿಯ ಕೊಲ್ಹಾಪುರಿ ಚಪ್ಪಲಿಗಳನ್ನು ತಯಾರಿಸುವ ಒಪ್ಪಂದಕ್ಕೆ ಸಹಿ ಹಾಕಿದೆ. ಈ ಚಪ್ಪಲಿಗಳ ಬೆಲೆ ಸುಮಾರು 800 ಯುರೋಗಳು (ಅಂದರೆ ಸುಮಾರು ರೂ. 84,000). ಇದು ವಿಶ್ವದಾದ್ಯಂತ ಚರ್ಚೆಯ ವಿಷಯವಾಗಿದೆ.

ಐಷಾರಾಮಿ ಸಂಪರ್ಕಕ್ಕಾಗಿ ಸಿದ್ಧತೆ..!

ಸಾಂಪ್ರದಾಯಿಕ ಶೈಲಿಯ ಈ ಚಪ್ಪಲಿಗಳಿಗೆ ‘ಮಾಡರ್ನ್​ ಟಚ್’ ಕೊಡುವ ಉದ್ದೇಶ ಪ್ರಾಡಾ ಕಂಪನಿಯದ್ದು. ಇದರರ್ಥ ಪ್ರಾಡಾ ನಮ್ಮ ಸಾಂಪ್ರದಾಯಿಕ ಟೆಕ್ನಿಕ್​ಗಳನ್ನು ಪ್ರೀಮಿಯಂ ಗುಣಮಟ್ಟ ಮತ್ತು ಆಧುನಿಕ ವಿನ್ಯಾಸದೊಂದಿಗೆ ಪ್ರಸ್ತುತಪಡಿಸುತ್ತದೆ. ಕುಶಲಕರ್ಮಿಗಳ ಪ್ರಕಾರ, ಕೊಲ್ಹಾಪುರಿ ಚಪ್ಪಲ್‌ಗಳ ಜಾಗತಿಕ ಮೌಲ್ಯವನ್ನು ಹೆಚ್ಚಿಸುವುದಲ್ಲದೆ, ಸ್ಥಳೀಯ ಕುಶಲಕರ್ಮಿಗಳು ತಮ್ಮ ಕರಕುಶಲತೆಯನ್ನು ಪ್ರದರ್ಶಿಸಲು ಮಹತ್ವದ ಅವಕಾಶ ಒದಗಿಸುತ್ತದೆ.

ಇದನ್ನೂ ಓದಿ: ತಾಳಿ ಕಟ್ಟುವ ಶುಭಗಳಿಗೆ.. ಮಂಟಪಕ್ಕೆ ನುಗ್ಗಿದ ಯುವತಿ.. ಮದ್ವೆ ನಿಲ್ಲಿಸುವಂತೆ ರಂಪಾಟ..!

ಪ್ರಾಡಾ ಕಂಪನಿಯು ಇಲ್ಲಿನ ಸ್ಥಳೀಯ ಕೈಗಾರಿಕಾ ಸಂಸ್ಥೆಗಳ ಸಹಯೋಗದೊಂದಿಗೆ ಕುಶಲಕರ್ಮಿಗಳಿಗೆ ತರಬೇತಿ ಕಾರ್ಯಕ್ರಮಗಳನ್ನು ನಡೆಸುತ್ತದೆ. ಈ ಚಪ್ಪಲಿಗಳು ಮುಂದಿನ ಫೆಬ್ರವರಿಗೆ ಪ್ರಾಡಾದ 40 ಅಂತರರಾಷ್ಟ್ರೀಯ ಮಳಿಗೆಗಳಲ್ಲಿ ಮತ್ತು ಅದರ ವೆಬ್‌ಸೈಟ್‌ನಲ್ಲಿ ಮಾರಾಟಕ್ಕೆ ಬರಲಿವೆ. 

ಇನ್ನು ಭಾರತದಲ್ಲಿ ಪ್ರಾಡಾ ಅಧಿಕೃತ ಫ್ಯಾಷನ್ ಅಂಗಡಿ ಹೊಂದಿಲ್ಲ. ಆದ್ದರಿಂದ ಗ್ರಾಹಕರು ಈ ವಿಶೇಷ ಚಪ್ಪಲ್‌ಗಳನ್ನು ಖರೀದಿಸಲು ವಿದೇಶಕ್ಕೆ ಹೋಗಬೇಕಾಗುತ್ತದೆ. ಮುಂಬರುವ ದಿನಗಳಲ್ಲಿ ಕೊಲ್ಹಾಪುರಿ ಚಪ್ಪಲಿಗಳನ್ನು 1 ಬಿಲಿಯನ್ ಡಾಲರ್‌ಗಳವರೆಗೆ ರಫ್ತು ಮಾಡುವ ಸಾಧ್ಯತೆಯಿದೆ ಎಂದು ವಾಣಿಜ್ಯ ಸಚಿವ ಪಿಯೂಷ್ ಗೋಯಲ್ ಹೇಳಿದ್ದಾರೆ.

ಕೊಲ್ಹಾಪುರಿ ಚಪ್ಪಲಿಗಳು ವಿನ್ಯಾಸ, ಬಾಳಿಕೆ ವಿಚಾರದಲ್ಲಿ ಹೆಸರುವಾಸಿ. ಈ ಚಪ್ಪಲಿಗಳನ್ನು ಕೊಲ್ಹಾಪುರ, ಮಹಾರಾಷ್ಟ್ರ ಮತ್ತು ಕರ್ನಾಟಕದ ಕೆಲವು ಭಾಗಗಳಲ್ಲಿ ತಲೆಮಾರುಗಳಿಂದ ತಯಾರಿಸಲಾಗುತ್ತಿದೆ. ಇತ್ತೀಚಿನ ವರ್ಷಗಳಲ್ಲಿ, ನಕಲಿ, ಯಂತ್ರ-ನಿರ್ಮಿತ ಚಪ್ಪಲಿಗಳ ಬರುತ್ತಿರೋದ್ರಿಂದ ಈ ಕಲೆ ನಿಧಾನವಾಗಿ ನಶಿಸುತ್ತಿದೆ. ಪ್ರಾಡಾದ ಈ ಪಾಲುದಾರಿಕೆಯು ಪ್ರಾಚೀನ ಕೌಶಲ್ಯವನ್ನು ಪುನರುಜ್ಜೀವನಗೊಳಿಸುತ್ತದೆ ಎಂದು ನಂಬಲಾಗಿದೆ. 

ಇದನ್ನೂ ಓದಿ:ಟೀಮ್ ಇಂಡಿಯಾ ನಾಯಕನಾದ್ರೆ ಸ್ಪೆಷಲ್ ರೂಲ್ಸ್.. ಅದಕ್ಕೆ ಸೂರ್ಯನೇ ಎಕ್ಸಾಂಪಲ್​..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ