ಸೆಪ್ಟೆಂಬರ್​​ 5 ರಿಂದ ದುಲೀಪ್​ ಟ್ರೋಫಿ ಹಂಗಾಮ

ದೇಶಿ ಟೂರ್ನಿಯಿಂದ ಮೊಹಮ್ಮದ್ ಸಿರಾಜ್ ಔಟ್​

ಅನಾರೋಗ್ಯದ ಕಾರಣದಿಂದ ಹಿಂದೆ ಸರಿದ ಸ್ಟಾರ್ ವೇಗಿ

ಬಿಸಿಸಿಐ ಬಾಸ್​​ ಜಯ್ ಶಾ ದುಲೀಪ್ ಟ್ರೋಫಿ ಆಡಬೇಕೆಂದು ಕಟ್ಟಪ್ಪಣೆ ಮಾಡಿದ್ರು. ಅವರ ಆಜ್ಞೆಗೆ ಟೂರ್ನಿ ಶುರುವಿಗೂ ಮುನ್ನವೇ ದೊಡ್ಡ ಹಿನ್ನಡೆಯಾಗಿದೆ. ದೇಶಿ ಕ್ರಿಕೆಟ್​​ನಿಂದ ಟೀಮ್ ಇಂಡಿಯಾದ ಇಬ್ಬರು ಸ್ಟಾರ್​ ಪ್ಲೇಯರ್ಸ್​ ಹೊರಬಿದ್ದಿದ್ದಾರೆ. ಮುಂಬರೋ ಬಾಂಗ್ಲಾ ಸರಣಿಗೂ ಅವರ ಲಭ್ಯತೆ ಬಗ್ಗೆ ಪ್ರಶ್ನೆ ಎದ್ದಿದೆ.

63 ವರ್ಷಗಳ ಇತಿಹಾಸವಿರೋ ದುಲೀಪ್ ಟ್ರೋಫಿಗೆ ಕೌಂಟ್​ಡೌನ್​ ಶುರುವಾಗಿದೆ. ಮೊದಲ ಬಾರಿ ಈ ಪಂದ್ಯಾವಳಿ ಹಿಂದೆಂದೂ ಇರದಷ್ಟು ಸುದ್ದಿಯಲ್ಲಿದೆ. ಅದಕ್ಕೆ ಕಾರಣ ಬಿಸಿಸಿಐನ ಖಡಕ್ ನಿರ್ಧಾರ. ಕೇಂದ್ರ ಗುತ್ತಿಗೆಯಲ್ಲಿ ಸ್ಥಾನ ಪಡೆದಿರೋ ಪ್ರತಿಯೊಬ್ಬ ಆಟಗಾರ ಬಿಡುವಿನ ವೇಳೆ ಡೊಮೆಸ್ಟಿಕ್ ಕ್ರಿಕೆಟ್​​​​​ ಆಡಬೇಕೆಂದು ಕಾರ್ಯದರ್ಶಿ ಜಯ್ ಶಾ ಖಡಕ್​ ಆಗಿ ಸೂಚಿಸಿದ್ರು. ಅದರ ಪರಿಣಾಮವೇ ಮುಂಬರೋ ಬಾಂಗ್ಲಾದೇಶ ಎದುರಿನ ಟೆಸ್ಟ್​ ಸರಣಿಯಲ್ಲಿ ಕಾಣಿಸಿಕೊಳ್ಳುವ ಬಹುತೇಕ ಆಟಗಾರರು ದುಲೀಪ್​ ಟ್ರೋಫಿಯಲ್ಲಿ ಆಡಲಿದ್ದಾರೆ. ಅದಕ್ಕೂ ಮುನ್ನವೇ ಸ್ಟಾರ್​ ವೇಗಿ ಪಂದ್ಯಾವಳಿಯಿಂದ ಹೊರಬಿದ್ದಿದ್ದಾರೆ.

ಇದನ್ನೂ ಓದಿ:ಕೊಹ್ಲಿ, ರೋಹಿತ್​​ಗೆ ಎಚ್ಚರಿಕೆ.. ಬೂಮ್ರಾ ವಿಶ್ರಾಂತಿ ಹಿಂದಿನ ಸಿಕ್ರೇಟ್ ರಿವೀಲ್..!

ದುಲೀಪ್​ ಟ್ರೋಫಿಯಿಂದ ಮೊಹಮ್ಮದ್​ ಸಿರಾಜ್​ ಔಟ್​​​..!
ಸೆಪ್ಟೆಂಬರ್​​ 5 ರಿಂದ ದುಲೀಪ್​ ಟ್ರೋಫಿ ಆರಂಭಗೊಳ್ಳಲಿದೆ. ಈಗಾಗಲೇ ಎಲ್ಲಾ ಆಟಗಾರರು ಭರ್ಜರಿ ಸಿದ್ಧತೆ ಆರಂಭಿಸಿದ್ದಾರೆ. ಟೂರ್ನಿ ಆರಂಭಕ್ಕೆ ಒಂದು ವಾರ ಬಾಕಿ ಇರುವಾಗ್ಲೇ ಸ್ಟಾರ್​ ವೇಗಿ ಮೊಹಮ್ಮದ್ ಸಿರಾಜ್​​​ ಹೊರಬಿದ್ದಿದ್ದಾರೆ. ಅವರು ಅನಾರೋಗ್ಯಕ್ಕೆ ತುತ್ತಾಗಿದ್ದು, ದುಲೀಪ್ ಟ್ರೋಫಿ ಆಡುತ್ತಿಲ್ಲ ಎಂದು ಬಿಸಿಸಿಐ ಸ್ಪಷ್ಟಪಡಿಸಿದೆ. ಮ್ಯಾಚ್ ವಿನ್ನರ್ ಸಿರಾಜ್​​​ ಇಂಡಿಯಾ ಬಿ ತಂಡದಲ್ಲಿ ಸ್ಥಾನ ಪಡೆದಿದ್ರು. ಇವರ ಬದಲಿಗೆ ನವ್​ದೀಪ್ ಸೈನಿ ಸ್ಥಾನ ಪಡೆದಿದ್ದಾರೆ.

ಬಾಂಗ್ಲಾ ಎದುರಿನ ಟೆಸ್ಟ್​ ಸರಣಿ ಆಡುವುದು ಅನುಮಾನ
ಅನಾರೋಗ್ಯದ ಕಾರಣದಿಂದ ಮೊಹಮ್ಮದ್​ ಸಿರಾಜ್​​ರನ್ನ ಬಿಸಿಸಿಐ ದುಲೀಪ್​ ಟ್ರೋಫಿಯಿಂದ ಕೈಬಿಟ್ಟಿದೆ. ಆದ್ರೆ ಏನಾಗಿದೆ ಅನ್ನೋದನ್ನ ಬಿಸಿಸಿಐ ಹೇಳಿಲ್ಲ. ಸಿರಾಜ್ ಟೆಸ್ಟ್​​ ತಂಡದ ಖಾಯಂ ಬೌಲರ್​. ಸದ್ಯ ಅನಾರೋಗ್ಯ ಅಭಿಮಾನಿಗಳನ್ನ ಚಿಂತೆಗೀಡು ಮಾಡಿದೆ. ಸೆಪ್ಟೆಂಬರ್​ 19 ರಿಂದ ಭಾರತ-ಬಾಂಗ್ಲಾ ಸಿರೀಸ್​​ ಆರಂಭಗೊಳ್ಳಲಿದೆ. ಆ ವೇಳೆಗೆ ಸಿರಾಜ್ ಚೇತರಿಸಿಕೊಳ್ಳುವುದು ಕಷ್ಟ ಎಂದು ಹೇಳಲಾಗ್ತಿದ್ದು, ಬಾಂಗ್ಲಾ ಟೆಸ್ಟ್​​ ಸರಣಿ ಆಡುವುದು ಅನುಮಾನವಾಗಿದೆ.

ಇದನ್ನೂ ಓದಿ:ಕೊಹ್ಲಿ, ರೋಹಿತ್​​ಗೆ ಮಾತ್ರ ವಾರ್ನಿಂಗ್.. ಬುಮ್ರಾ ವಿಚಾರದಲ್ಲಿ ಸೈಲೆಂಟ್.. BCCI ಅಸಲಿ ಕತೆ ರಿವೀಲ್..!

ತ್ರಿಮೂರ್ತಿ ಸ್ಟಾರ್​ ಬೌಲರ್ಸ್​ ಬಾಂಗ್ಲಾ ಸರಣಿಗೆ ಅಲಭ್ಯ..?
ಒಂದು ವೇಳೆ ಸಿರಾಜ್ ದುಲೀಪ್ ಟ್ರೋಫಿಗೆ ಅಲಭ್ಯರಾಗಿದ್ದೆ ಆದಲ್ಲಿ ಟೀಮ್ ಇಂಡಿಯಾಗೆ ದೊಡ್ಡ ಹಿನ್ನಡೆಯಾಗಲಿದೆ.ಯಾಕಂದ್ರೆ ಯಾರ್ಕರ್ ಸ್ಪೆಶಲಿಸ್ಟ್​​​ ಜಸ್​ಪ್ರೀತ್ ಬೂಮ್ರಾ ಕೂಡ ಈ ಸರಣಿ ಆಡುವುದಿಲ್ಲ. ಇಂಜುರಿ ಫ್ರೀ ಆಗಿ ಇರಿಸಲು ರೆಸ್ಟ್​ ನೀಡಲು ಚಿಂತನೆ ನಡೆಸಿದೆ. ಇನ್ನೊಂದೆಡೆ ಗಾಯದಿಂದ ಚೇತರಿಸಿಕೊಳ್ತಿರೋ ಸ್ವಿಂಗ್​​ ಮಾಸ್ಟರ್​​​ ಮೊಹಮ್ಮದ್ ಶಮಿ ಕೂಡ ಬಾಂಗ್ಲಾ ಸರಣಿಯಿಂದ ಹೊರಗುಳಿಯಲಿದ್ದಾರೆ ಎಂದು ವರದಿಯಾಗಿದೆ. ಈ ತ್ರಿಮೂರ್ತಿ ಸ್ಟಾರ್​​ ವೇಗಿಗಳು ಅಲಭ್ಯತೆಯಲ್ಲಿ ರೋಹಿತ್ ಪಡೆ ಕಣಕ್ಕಿಳಿದಿದ್ದೆ ಆದಲ್ಲಿ ಬಿಗ್ ಸೆಟ್​​​ಬ್ಯಾಕ್ ಆಗಲಿದೆ.

ಮುಂದೆ ಟೀಮ್ ಇಂಡಿಯಾಗೆ ಪ್ರಮುಖ ಟೆಸ್ಟ್​ ಸರಣಿಗಳಿವೆ. ವಿಶ್ವಟೆಸ್ಟ್​ ಚಾಂಪಿಯನ್​​ಶಿಪ್​ ದೃಷ್ಟಿಯಿಂದ ​​​ಭಾರತಕ್ಕೆ ಪ್ರತಿ ಪಂದ್ಯವು ಇಂಪಾರ್ಟೆಂಟ್​​​​​. ಫೈನಲ್​​ರೇಸ್​ನಲ್ಲಿ ಉಳಿದುಕೊಳ್ಳಬೇಕಾದ್ರೆ ಗೆಲ್ಲುವುದು ಅನಿವಾರ್ಯವಾಗಿದೆ. ಈಗಿರುವಾಗ್ಲೇ ಮೊಹಮ್ಮದ್​ ಸಿರಾಜ್​​, ಮೊಹಮ್ಮದ್​​ ಶಮಿ ಹಾಗೂ ಜಸ್​ಪ್ರೀತ್​ ಬೂಮ್ರಾ ಬಾಂಗ್ಲಾ ಸರಣಿ ಆಡದಿರುವುದು, ಟೆನ್ಷನ್ ತಂದೊಡ್ಡಿದೆ. ಈಗಾಗ್ಲೇ ಮೊದಲ ಟೆಸ್ಟ್​​ನಲ್ಲಿ ಬಾಂಗ್ಲಾ, ಪಾಕ್​ಗೆ ಮಣ್ಣು ಮುಕ್ಕಿಸಿದೆ. ಒಂದು ವೇಳೆ ಭಾರತದ ಫಾಸ್ಟ್ ಬೌಲಿಂಗ್ ವೀಕ್ ಆಗಿದ್ದೆ ಆದ್ರೆ ಬಾಂಗ್ಲಾಗೆ ನೆರವಾಗಲಿದೆ.

ದೇಶಿ ಟೂರ್ನಿಯಿಂದ ಜಡೇಜಾಗೆ ರೆಸ್ಟ್​​​..!
ಬರೀ ಮೊಹಮ್ಮದ್ ಸಿರಾಜ್ ಅಷ್ಟೇ ಅಲ್ಲ. ಸ್ಟಾರ್​ ಆಲ್​ರೌಂಡರ್ ರವೀಂದ್ರ ಜಡೇಜಾ ಕೂಡ ದುಲೀಪ್ ಟ್ರೋಫಿಯಿಂದ ಔಟ್ ಆಗಿದ್ದಾರೆ. 27 ರಂದು ಬಿಸಿಸಿಐ ಪ್ರಕಟಿಸಿದ ದುಲೀಪ್ ಟ್ರೋಫಿ​​ ತಂಡದಲ್ಲಿ ಸ್ಥಾನ ಪಡೆದಿದ್ದ ಜಡೇಜಾರನ್ನ ನಿನ್ನೆ ಕೈಬಿಡಲಾಗಿದೆ. ಆದರೆ ಯಾವ ಕಾರಣಕ್ಕಾಗಿ ಜಡೇಜಾ ಹೆಸರನ್ನ ಡ್ರಾಪ್ ಮಾಡಲಾಗಿದೆ ಎಂಬುದುನ್ನ ಬಿಸಿಸಿಐ ಬಹಿರಂಗಗೊಳಿಸಿಲ್ಲ. ಜಡ್ಡು ಇಂಡಿಯಾ ಬಿ ತಂಡದಲ್ಲಿ ಸ್ಥಾನ ಪಡೆದಿದ್ರು. ಜಡೇಜಾ ಟಿ20 ವಿಶ್ವಕಪ್​​ ಬಳಿಕ ಸ್ಪರ್ಧಾತ್ಮಕ ಕ್ರಿಕೆಟ್ ಆಡಿಲ್ಲ. ಶ್ರೀಲಂಕಾ ಸರಣಿಯಿಂದ ರೆಸ್ಟ್​​​ ನೀಡಲಾಗಿತ್ತು. ಟೆಸ್ಟ್​ ಆಡದೇ 5 ತಿಂಗಳಾಗಿದೆ. ಸತತ ಕ್ರಿಕೆಟ್ ಆಡದ ಜಡ್ಡುಗೆ ದುಲೀಪ್ ಟ್ರೋಫಿಯಿಂದ ರೆಸ್ಟ್​ ನೀಡುವ ಅಗತ್ಯವಿತ್ತಾ ಅನ್ನೋ ಪ್ರಶ್ನೆ ತಲೆದೂರಿದೆ.

ಇದನ್ನೂ ಓದಿ:KL ರಾಹುಲ್ ಆರ್ಭಟದ ಮುಂದೆ ಮಂಕಾಗಿದ್ದ ಧವನ್; ‘ರಾಹುಲ್​​ ವಿಲನ್ ಆದರು’ ಎಂದ ಫ್ಯಾನ್ಸ್..!

ನೇರವಾಗಿ ಟೆಸ್ಟ್​ ಅಖಾಡಕ್ಕೆ ಎಂಟ್ರಿ ಕೊಡ್ತಾರಾ ಜಡ್ಡು?
ದುಲೀಪ್ ಟ್ರೋಫಿಯಿಂದ ವಿಶ್ರಾಂತಿ ಪಡೆದಿರೋ ಜಡೇಜಾ ನೇರವಾಗಿ ಬಾಂಗ್ಲಾ ಟೆಸ್ಟ್​ ಸರಣಿಗೆ ಧುಮುಕುವ ಸಾಧ್ಯತೆ ಇದೆ. ಡೊಮೆಸ್ಟಿಕ್​ ಆಡದೇ ಫಿಟ್ನೆಸ್​​ ಪ್ರೂವ್​​​​ ಮಾಡದೇ ಇರುವವರನ್ನ ತಂಡಕ್ಕೆ ಸೆಲೆಕ್ಟ್ ಮಾಡಲ್ಲ ಎಂದು ಬಿಸಿಸಿಐ ಹೇಳಿದೆ. ಹಾಗೊಂದು ವೇಳೆ ಜಡೇಜಾ ಕೀ ಪ್ಲೇಯರ್ ಎಂದು ಆಯ್ಕೆ ಮಾಡಿದ್ರು ಹನ್ನೊಂದರ ಬಳಗದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಕಮ್ಮಿ. ಯಾಕಂದ್ರೆ ಇವರ ಸ್ಥಾನದ ಮೇಲೆ ಆಲ್​ರೌಂಡರ್ ಅಕ್ಷರ್ ಪಟೇಲ್​​, ವಾಷಿಂಗ್ಟನ್ ಸುಂದರ್​​​ ಕಣ್ಣಿಟ್ಟಿದ್ದಾರೆ. ಅಲ್ಲದೇ ಚೈನಾಮ್ಯಾನ್​ ಕುಲ್ದೀಪ್​​​ ಕೂಡ ರೇಸ್​​​ನಲ್ಲಿದ್ದಾರೆ. ಈ ತ್ರಿಮೂರ್ತಿಗಳ ಜೊತೆಗಿನ ಸ್ಪರ್ಧೆಯಲ್ಲಿ ಜಡೇಜಾ ಗೆದ್ದು ಬೀಗ್ತಾರಾ, ಇಲ್ವಾ ಅನ್ನೋದನ್ನ ಕಾದು ನೋಡೋಣ.

ಇದನ್ನೂ ಓದಿ:ರೋಹಿತ್ ಮುಂದೆ ನಡೆಯದ ಕೊಹ್ಲಿ ಆಟ.. ಹಿಟ್​ಮ್ಯಾನ್ ದಶಕದ ಕನಸು ನನಸು..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್