ದುಲೀಪ್ ಟ್ರೋಫಿ, ಬಾಂಗ್ಲಾ ಟೆಸ್ಟ್​​ನಲ್ಲೂ ಮಿಂಚಿಂಗ್ ಈ ಆಟಗಾರ

ಟೆಸ್ಟ್​ನಲ್ಲಿ ಟೀಂ ಇಂಡಿಯಾದ ಬೆನ್ನೆಲುಬಾಗಿ ಆಡ್ತಿರುವ ಯಂಗ್ ಗನ್

ಬೌಲಿಂಗ್ ಒಂದೇ ಅಲ್ಲ, ಬ್ಯಾಟಿಂಗ್​​ನಲ್ಲೂ ಸೈ ಎಂದ ಈತ, ಯಾರು?

ಐಪಿಎಲ್ ಮೆಗಾ ಹರಾಜಿಗೆ ಫ್ರಾಂಚೈಸಿಗಳು ಲೆಕ್ಕಾಚಾರ ಶುರುಮಾಡಿವೆ. ಯಾರನ್ನು ರಿಟೈನ್ ಮಾಡಿಕೊಳ್ಳಬೇಕು, ಯಾರೆಲ್ಲ ಹರಾಜಿನಲ್ಲಿ ಖರೀದಿ ಮಾಡಬೇಕು ಅನ್ನೋ ಚಿಂತನೆ ನಡೆಸಿವೆ. ಅದರಲ್ಲಿ ಆರ್​ಸಿಬಿ ಕೂಡ ಹೊರತಾಗಿಲ್ಲ.

ಸದ್ಯ ಭಾರತ ತಂಡವು ಬಾಂಗ್ಲಾದೇಶದ ವಿರುದ್ಧ ಟೆಸ್ಟ್ ಸರಣಿ ಆಡ್ತಿದೆ. ವಿಶೇಷ ಅಂದರೆ ಈ ಪಂದ್ಯದಲ್ಲಿ ಆರ್​ಸಿಬಿಯ ನಾಲ್ವರು ಆಟಗಾರರು ತಂಡದಲ್ಲಿದ್ದಾರೆ. ಮೂವರು ಪ್ಲೇಯಿಂಗ್-11ನಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. ಅದರಲ್ಲೂ, ಯಂಗ್ ಬೌಲರ್​ ಆಕಾಶ್ ದೀಪ್ ತುಂಬಾನೇ ಇಂಪ್ರೆಸೀವ್ ಆಗಿದ್ದಾರೆ.

ಇದನ್ನೂ ಓದಿ:ಭಾವುಕ ಕ್ಷಣಗಳಿಗೆ ಸಾಕ್ಷಿಯಾದ ಅಶ್ವಿನ್ ಶತಕ ವೈಭವ.. ಬಾಂಗ್ಲಾಗೆ ಚೆಕ್​​ಮೇಟ್ ಇಟ್ಟ ಕ್ಷಣ ಹೇಗಿತ್ತು..!

ದುಲೀಪ್ ಟ್ರೋಫಿಯಲ್ಲಿ ಭರ್ಜರಿ ಪ್ರದರ್ಶನ ನೀಡಿ, ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆದಿರುವ ಆಕಾಶ್ ದೀಪ್ ಮೊದಲ ಇನ್ನಿಂಗ್ಸ್​ನಲ್ಲಿ 17 ರನ್​ಗಳಿಸಿ 2 ವಿಕೆಟ್ ಪಡೆದು ಮಿಂಚಿದ್ದಾರೆ. ಆಕಾಶ್​ ದೀಪ್ ಶೈನ್ ಆಗ್ತಿರುವ ಹಿನ್ನೆಲೆಯಲ್ಲಿ ಆರ್​ಸಿಬಿ ಹರಾಜಿನಲ್ಲಿ ಖರೀದಿಸುವ ಲೆಕ್ಕಾಚಾರದಲ್ಲಿದೆ. ಪ್ರತಿ ಬಾರಿ ಕೂಡ ಆರ್​ಸಿಬಿ ಬೌಲಿಂಗ್​ ಸೆಲೆಕ್ಷನ್​​ನಲ್ಲಿ ಫೇಲ್ ಆಗಿದ್ದೇ ಹೆಚ್ಚು. ಈ ಬಾರಿ ತಪ್ಪು ಮಾಡಬಾರದು ಅನ್ಕೊಂಡಿರುವ ಬೆಂಗಳೂರು ತಂಡ, ಟೀಂ ಇಂಡಿಯಾದ ಸ್ಟಾರ್ ಬೌಲರ್​​ಗಳನ್ನೇ ಹುಡುಕಿ ತರುವ ಲೆಕ್ಕಾಚಾರದಲ್ಲಿದೆ. ಅವರಲ್ಲಿ ಆಕಾಶ್ ದೀಪ್ ಕೂಡ ಒಬ್ಬರು ಎಂದು ಹೇಳಲಾಗಿದೆ.

ಇನ್ನು, ಆಕಾಶ್ ದೀಪ್ ಅವರ ಮಿಂಚಿಂಗು ಆರ್​ಸಿಬಿಯ ಹಿರಿಯ ಆಟಗಾರ, ಟೀಂ ಇಂಡಿಯಾದ ವೇಗಿ ಸಿರಾಜ್​ ಅವರ ತಲೆನೋವಿಗೂ ಕಾರಣವಾಗಿದೆ. ಸಿರಾಜ್​​ಗೆ ಆಕಾಶ್ ದೀಪ್ ಟಫ್ ಕಾಂಪಿಟೇಟರ್ ಆಗೋದ್ರಲ್ಲಿ ಯಾವುದೇ ಡೌಟ್ ಇಲ್ಲ. ಆರ್​ಸಿಬಿಯಲ್ಲಿ ಸಿರಾಜ್​ಗೆ ಇರುವ ಸ್ಥಾನವನ್ನು ಆಕಾಶ್ ದೀಪ್ ಅಲಂಕರಿಸಿದರೂ ಅಚ್ಚರಿ ಇಲ್ಲ. ಕೆಲವು ಮಾಹಿತಿಗಳ ಪ್ರಕಾರ, ಸಿರಾಜ್ ಬದಲಿಗೆ ಆಕಾಶ್ ದೀಪ್ ಅವರನ್ನೇ ಆರ್​ಸಿಬಿ ರಿಟೈನ್ ಮಾಡಿಕೊಳ್ಳಲಿದೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ:IND vs ENG; ಟೆಸ್ಟ್‌ ತಂಡಕ್ಕೆ ಎಂಟ್ರಿ ಕೊಟ್ಟ ಆಕಾಶ್​​ ದೀಪ್.. ಈ RCB ಪ್ಲೇಯರ್ ಕ್ರಿಕೆಟ್ ಎಂಟ್ರಿಯೇ ರೋಚಕ!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್