Subscribe
ad_close_btn

Powered by :

ಟಾಪ್ ನ್ಯೂಸ್ ಟೆಕ್

ಸುನೀತಾ ವಿಲಿಯಮ್ಸ್​​ ಇರೋ ನೌಕೆಯಲ್ಲಿ ಕೇಳಿ ಬರ್ತಿದೆ ನಿಗೂಢ ಶಬ್ಧ! ಭಯ ಹುಟ್ಟಿಸುತ್ತಿದೆ ಆ ಕರ್ಕಶ ಸೌಂಡ್​​

author-image
AS Harshith
Updated On
ಬಾಹ್ಯಾಕಾಶಕ್ಕೆ ಹೋದ ಸುನೀತಾ ವಿಲಿಯಮ್ಸ್​ ಜೀವಕ್ಕಿದೆ ಅಪಾಯ.. ಭಯಾನಕ ಸತ್ಯ ಬಿಚ್ಚಿಟ್ಟ ಮಾಜಿ ಕಮಾಂಡರ್!
Advertisment
  • ಬಾಹ್ಯಾಕಾಶದಲ್ಲೇ ಬಾಕಿಯಾದ ಸುನಿತಾ ವಿಲಿಯಮ್ಸ್​
  • ತಾಂತ್ರಿಕ ಸಮಸ್ಯೆ.. 3 ತಿಂಗಳಿನಿಂದ ನಭದಲ್ಲೇ ಇಬ್ಬರು ಬಾಕಿ
  • ಗಗನಯಾತ್ರಿಗಳು ಸುರಕ್ಷಿತವಾಗಿ ಭೂಮಿಗೆ ಬರಲೆಂದು ಎಲ್ಲರ ಪ್ರಾರ್ಥನೆ

ಭಾರತೀಯ ಮೂಲದ ಗಗನಯಾತ್ರಿ ಸುನೀತಾ ವಿಲಿಯಮ್ಸ್​ ಭೂಮಿಗೆ ಯಾವಾಗ ಬರುತ್ತಾರೆ ಎಂಬ ಕುತೂಹಲತೆ ಎಲ್ಲರಲ್ಲಿ ಮನೆ ಮಾಡಿದೆ. ಅನೇಕರು ಸುನೀತಾ ವಿಲಿಯಮ್ಸ್​ ಮತ್ತು ಬಚ್​ ವಿಲ್ಮೋರ್​ ಸುರಕ್ಷಿತವಾಗಿ ಭೂಮಿಗೆ ಬರಲಿ ಎಂದು ಪ್ರಾರ್ಥಿಸುತ್ತಿದ್ದಾರೆ. ಬೋಯಿಂಗ್​ ಸ್ಟಾರ್​ಲೈನರ್​ ಸ್ಪೇಸ್​ ಕ್ಯಾಪ್ಸುಲ್​​ನಲ್ಲಿ ಕಾಣಿಸಿಕೊಂಡ ತಾಂತ್ರಿಕ ದೋಷದಿಂದ ಅವರು ಭೂಮಿಗೆ ಹಿಂತಿರುಗುವುದು ವಿಳಂಬವಾಗುತ್ತಿದೆ. ಆದರೆ ಇದರ ನಡುವೆ ಬಾಹ್ಯಾಕಾಶದಲ್ಲಿ ಅಚ್ಚರಿಯ ಘಟನೆಯೊಂದು ನಡೆದಿದೆ, ಸುನೀತಾ ವಿಲಿಯಮ್ಸ್​ ಇರುವ ಸ್ಟಾರ್​ಲೈನರ್​ನಲ್ಲಿ ನಿಗೂಢ ಶಬ್ಧವೊಂದು ಕೇಳಿಬಂದಿದೆ. ಅದು ಎಲ್ಲರನ್ನು ಬೆರಗುಗೊಳಿಸುವಂತೆ ಮಾಡಿದೆ.

ಸುನೀತಾ ವಿಲಿಯಮ್ಸ್​ ಮತ್ತು ಬುಚ್​ ವಿಲ್ಮೋರ್​ ಒಂದು ವಾರದ ಕಾಲ ಬಾಹ್ಯಾಕಾಶಕ್ಕೆ ತೆರಳಿದ್ದರು. ಆದರೆ ತಾಂತ್ರಿಕ ದೋಷದಿಂದಾಗಿ ಸದ್ಯ ಇಬ್ಬರು ಅಲ್ಲೇ ಉಳಿದುಕೊಂಡಿದ್ದಾರೆ. ನಾಸಾ ಅವರನ್ನು ನಿರಂತರವಾಗಿ ಸಂಪರ್ಕಿಸುತ್ತಿದೆ. ಹೀಗೆ ಬುಚ್​ ವಿಲ್ಮೋರ್​​ ಜೊತೆಗೆ ನಾಸಾ ಸಂಪರ್ಕದಲ್ಲಿರುವಾಗ ವಿಚಿತ್ರ ಹಾಗೂ ನಿಗೂಢ ಶಬ್ಧವೊಂದು ಕೇಳಿಸಿದೆ. ಸದ್ಯ ಈ ಘಟನೆಯ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.


">September 1, 2024

ಇದನ್ನೂ ಓದಿ: ‘0001’ ವಿಐಪಿ ನಂಬರ್​ಗಾಗಿ 6 ಲಕ್ಷ ಪಾವತಿಸಿ.. ಫ್ಯಾನ್ಸಿ ನಂಬರ್​ಗಳ ಬೆಲೆ ಏರಿಸಿಕೊಂಡ ಸರ್ಕಾರ

ಇನ್ನು ಈ ವಿಚಿತ್ರ ಶಬ್ಧದ ಕುರಿತು ವಿಲ್ಮೋರ್​​​ ಇದು ಜಲಾಂತರ್ಗಾಮಿ ಸೋನಾರ್​ ಅಥವಾ ಬಾಹ್ಯಾಕಾಶ ನೌಕೆಯ ಹೊರಗಿನಿಂದ ಟ್ಯಾಪಿಂಗ್​ ಮಾಡುತ್ತಿರುವ ಧ್ವನಿ ಎಂದು ವಿವರಿಸಿದ್ದಾರೆ. ನಾಸಾದ ಮಿಷನ್​ ಕಂಟ್ರೋಲ್​​ ಈ ಧ್ವನಿಯನ್ನು ಪತ್ತೆಹಚ್ಚಿದ್ದು, ಇದು ಸೋನಾರ್​ ಶಬ್ಧ ಎಂದು ಹೇಳಿದೆ.

ಇದನ್ನೂ ಓದಿ: ಹಳೆಯ ಚಾಟ್​​​ ಸುಲಭವಾಗಿ ಹುಡುಕಬಹುದು.. ವಾಟ್ಸ್​ಆ್ಯಪ್​ ಪರಿಚಯಿಸಲು ಸಜ್ಜಾಗಿದೆ ಚಾಟ್​​ ಫಿಲ್ಟರ್​ ವೈಶಿಷ್ಟ್ಯ

ಸದ್ಯ ಸುನೀತಾ ವಿಲಿಯಮ್ಸ್​ ಮತ್ತು ವಿಲ್ಮೋರ್​​ ಬಾಹ್ಯಾಕಾಶದಲ್ಲಿ ಬಾಕಿಯಾಗಿ 3 ತಿಂಗಳೂ ಕಳೆದಿದೆ. ಅವರನ್ನು ಭೂಮಿಗೆ ಕರೆತರಲು ನಾಸಾ ಹೋರಾಡುತ್ತಿದೆ. ಎಲಾನ್​ ಮಸ್ಕ್​ ಅವರ ಸ್ಪೇಸ್​ ಎಕ್ಸ್​ ಮೂಲಕ ನಾಸಾ ಅವರನ್ನು ಕರೆತರಲು ಮುಂದಾಗಿದೆ. ಅಂದಹಾಗೆಯೇ ಮುಂದಿನ ವರ್ಷ ಈ ಇಬ್ಬರು ಗಗನಯಾತ್ರಿಗಳು ಭೂಮಿಗೆ ಬರುವ ನಿರೀಕ್ಷೆಯಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

Advertisment