ಭೂಮಿಗೆ ಬರಲಿದೆ ಸುನೀತಾರನ್ನ ಹೊತ್ತುಕೊಂಡು ಹೋಗಿದ್ದ ಗಗನನೌಕೆ!

ಭೂಮಿಗೆ ಬರಲಿರುವ ಸ್ಟೇರ್​ಲೈನರ್, ಸುನೀತಾ ಬರೋದು ಯಾವಾಗ ಗೊತ್ತಾ?

ನಾಸಾ ವಿಜ್ಞಾನಿಗಳು ಈ ಬಗ್ಗೆ ವಿಭಿನ್ನ ಹೇಳಿಕೆಗಳನ್ನು ನೀಡುತ್ತಿರುವುದು ಏಕೆ?

ಸುನೀತಾ ವಿಲಿಯಮ್ಸ್ ಹಾಗೂ ಬಚ್​​ ವಿಲ್ಮೋರ್​ನ್ನು ಹೊತ್ತೊಯ್ದಿದ್ದ ಬಾಹ್ಯಾಕಾಶ ನೌಕೆ ಬೋಯಿಂಗ್ ಸ್ಟೇರ್​ಲೈನರ್ ಇಂದು ಖಾಲಿ, ಖಾಲಿಯಾಗಿ ಭೂಮಿಗೆ ಬಂದು ಇಳಿಯಲಿದೆ. ಅದು ಹೊತ್ತೊಯ್ದಿದ್ದ ಇಬ್ಬರೂ ಗಗನಯಾನಿಗಳಾದ ಸುನೀತಾ ವಿಲಿಯಮ್ಸ್ ಹಾಗೂ ಬಚ್ ವಿಲ್ಮೋರ್​ ಮಾತ್ರ ಇದರೊಂದಿಗೆ ಬರುವುದಿಲ್ಲ ಎಂದು ನಾಸಾ ಸ್ಪಷ್ಟಪಡಿಸಿದೆ. ಇಬ್ಬರು ಗಗನಯಾನಿಗಳನ್ನು ಮುಂದಿನ ವರ್ಷ ಅಂದ್ರೆ 2025 ಫೆಬ್ರವರಿಯಲ್ಲಿ ಸ್ಪೇಸ್ ಎಕ್ಸ್ ಕ್ರೀವ್ ಡ್ರ್ಯಾಗನ್ ಮೂಲಕ ಮರಳಿ ಭೂಮಿಗೆ ಕರೆತರಲಾಗುವುದು ಎಂದು ನಾಸಾ ವಿಜ್ಞಾನಿಗಳು ಹೇಳಿದ್ದಾರೆ.

ಇದನ್ನೂ ಓದಿ: ಭೂಮಿಯತ್ತ ನುಗ್ಗಿ ಬರುತ್ತಿದೆ ಅತಿ ದೊಡ್ಡ ಕ್ಷುದ್ರ ಗ್ರಹ.. ನಾಸಾ ನೀಡಿದ ಎಚ್ಚರಿಕೆ ಏನು? ಕಾದಿದ್ಯಾ ಕಂಟಕ?

ನಾಸಾದ ಹಲವು ಅಧಿಕಾರಿಗಳು ಈ ಬಗ್ಗೆ ಹಲವು ರೀತಿಯ ಅಭಿಪ್ರಾಯವನ್ನು ವ್ಯಕ್ತಪಡಿಸುತ್ತಿದ್ದಾರೆ. ನಾಸಾದ ಕೆನಡಿ ಸ್ಪೇಸ್​ ಸೆಂಟರ್​ನ ಕಮರ್ಷಿಯಲ್ ಕ್ರೀವ್​ ಪ್ರೋಗ್ರಾಮರ್ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿ ಇದೊಂದು ಅತ್ಯಂತ ಕ್ಷಿಷ್ಟಕರವಾದ ನಿರ್ಧಾರ. ಸದ್ಯ ಗಗನಯಾನಿಗಳು ಹೋಗಿರುವ ಗಗನಯಾನ ನೌಕೆ ಎರಡು ಭಾಗವಾಗಿದೆ. ಸ್ಪೇಸ್ ಎಕ್ಸ್​ ಕ್ರೀವ್ ಡ್ರ್ಯಾಗನ್​ನಲ್ಲಿ ಸುನೀತಾ ಹಾಗೂ ಬಚ್ ಉಳಿದುಕೊಂಡಿದ್ದಾರೆ. ಇಬ್ಬರನ್ನು ಮೊದಲು ವಾಪಸ್​ ಕರೆತರುವ ಬಗ್ಗೆ ದೊಡ್ಡ ಮಟ್ಟದ ತಾರಕಕ್ಕೇರಿದ ಚರ್ಚೆಯಾಗಿದೆ. ಆದ್ರೆ ಇದೊಂದು ಅರಚಾಟದ ಕಿರುಚಾಟದ ಸಭೆ ಎಂದು ನಾನು ಹೇಳಲಾರೆ. ಇದೊಂದು ಒತ್ತಡಯುಕ್ತ ತಾಂತ್ರಿಕ ಚರ್ಚೆಯಾಗಿತ್ತು ಎಂದು ಹೇಳಿದ್ದಾರೆ. ಈ ಎಲ್ಲದರ ಪರಿಣಾಮವಾಗಿ ಇಂದು ಸ್ಟೇರ್​ಲೈರ್ ಸ್ಪೇಸ್ ಕ್ಯಾಪ್ಸೂಲ್ ಹೊಸ ಮೆಕ್ಸಿಕೋದ ವೈಟ್ ಸ್ಯಾಂಡ್​ನಲ್ಲಿ ಬಂದಿಳಿಯಲಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಡ್ಯುಯೆಲ್​ ಸ್ಕ್ರೀನ್​ ಆಯ್ತು.. ಈಗ ಟ್ರಿಪಲ್​ ಸ್ಕ್ರೀನ್​​ ಪರ್ವ! ಮಾರುಕಟ್ಟೆಯಲ್ಲಿ ಮ್ಯಾಜಿಕ್​ ಮಾಡೋಕೆ ಹುವೈ​ ರೆಡಿ

ಸ್ಟೇರ್​ಲೈನರ್ ಬಾಹ್ಯಾಕಾಶ ನೌಕೆ ಹಲವು ರೀತಿಯ ಭೀಕರ ವೈಫಲ್ಯಗಳನ್ನು ಕಂಡಿದೆ. ಹಿಲೀಯಂ ಸೋರಿಕೆಯಿಂದ ಹಿಡಿದು ಅನೇಕ ರೀತಿಯ ತಾಂತ್ರಿಕ ದೋಷಗಳು ಗಗನಯಾನಿಗಳಿಗೆ ಆಪತ್ತ ತಂದೊಡ್ಡಿತ್ತು. ಇದರಿಂದ ಅವರನ್ನು ಕಾಪಾಡುವುದು ನಿಜಕ್ಕೂ ನಮಗೆ ದೊಡ್ಡ ಸವಾಲಾಗಿತ್ತು ಎಂದು ನಾಸಾದ ಐಎಸ್​​ಎಸ್ ಪ್ರೋಗ್ರಾಮ್ ಮ್ಯಾನೇಜರ್ ಡಾನಾ ವೇಗಲ್ ಹೇಳಿದ್ದಾರೆ.

ಈ ಬಗ್ಗೆ ಮಾತನಾಡಿದ ನಾಸಾದ ಇನ್ನೊಬ್ಬ ಅಧಿಕಾರಿ ಕೆನ್ ಬಾವೆರ್​ಸೋಕ್ಸ್ ಈ ರೀತಿಯ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಅಷ್ಟು ಸರಳವಲ್ಲ. ಆದ್ರೆ ನಾನು ನಾಸಾದ ಬೋಯಿಂಗ್​ ಟೀಮ್​​ಗೆ ಒಂದು ಮಾತನ್ನು ಹೇಳಲು ಇಷ್ಟಪಡುತ್ತೇನೆ ಅವರ ವಿಶ್ಲೇಷಣೆಗಳು ಪಾರದರ್ಶಕ ಚರ್ಚೆಗಳು ಆದಷ್ಟು ಬಾಹ್ಯಾಕಾಶ ನೌಕೆಯ ಸುರಕ್ಷತೆಗೆ ಪ್ರಾಮುಖ್ಯತೆಯುಳ್ಳ ಪರೀಕ್ಷೆಗಳನ್ನು ನಡೆಸಬೇಕು ಈ ಒಂದು ಗಗನಯಾನದ ಪ್ರಯಾಣದಲ್ಲಿ ನಾವೀಗಾಗಲೇ ಸಾಕಷ್ಟು ಪಾಠಗಳನ್ನು ಕಲಿತಿದ್ದೇವೆ. ಹೀಗಾಗಿ ಸ್ಟೇರ್​ಲೈನರ್​ ಬಾಹ್ಯಾಕಾಶ ನೌಕೆಯ ಬಗ್ಗೆ ಮತ್ತಷ್ಟು ಡಾಟಾಗಳನ್ನು ಕಲೆ ಹಾಕುವ ಮೂಲಕ ಮುಂದಿನ ಏರ್​ಕ್ರಾಪ್ಟ್​ ವಾಪಸ್ ಕರೆಸಿಕೊಳ್ಳುವಾಗ ಎದುರಾಗಬಹುದಾದ ಅಪಾಯಗಳನ್ನು ಈಗಲೇ ಗುರುತುಮಾಡಿಕೊಳ್ಳಬೇಕು ಮತ್ತು ಬೇಕಾದ ಸುಧಾರಣಾ ಕ್ರಮವನ್ನು ಇಂದಿನಿಂದಲೇ ತೆಗೆದುಕೊಳ್ಳಬೇಕು ಎಂದು ಹೇಳಿದ್ದಾರೆ.

ಒಂದು ಹಂತದಲ್ಲಿ ಗಗನಯಾನಕ್ಕೆ ಭೂಮಿಯಿಂದ ನೆಗೆದಿದ್ದ ಬೊಯಿಂಗ್​ ಸ್ಟೇರ್​ಲೈನರ್ ಇಂದು ಭೂಮಿಗೆ ವಾಪಸ್ ಬರಲಿದೆ. ಇದಾದ ಬಳಿಕ ಸುನೀತಾ ವಿಲಿಯಮ್ಸ್​ ಹಾಗೂ ಬಚ್ ವಿಲ್ಮೋರ್​ರನ್ನ ವಾಪಸ್ ಕರೆಸಿಕೊಳ್ಳುವ ಪ್ರಕ್ರಿಯೆಗೆ ಚುರುಕು ಮೂಡಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ