ಅಶ್ವಿನ್ ಶತಕ ವೈಭವಕ್ಕೆ ರಿಷಬ್ ಪಂತ್ ಮಾಡಿದ ಪಾಠ ಕಾರಣ..! ಸತ್ಯ ಬಿಚ್ಚಿಟ್ಟ ಸ್ಟಾರ್..!

ಚೆನ್ನೈ ಟೆಸ್ಟ್​​ನಲ್ಲಿ ರೋಚಕ ಹೋರಾಟ ನಡೆಸಿದ ಆರ್​​.ಅಶ್ವಿನ್​ ಸೆಂಚುರಿ ಸಿಡಿಸಿ ಮಿಂಚಿದ್ರು. ಅಶ್ವಿನ್​ರ ಈ ಶತಕಕ್ಕೆ ರಿಷಬ್​ ಪಂತ್​ ಪಾಠ ಕಾರಣವಂತೆ.

ಚೆಪಾಕ್​ ಟೆಸ್ಟ್​ನಲ್ಲಿ ಟೀಮ್​ ಇಂಡಿಯಾ ದಿಗ್ವಿಜಯ ಸಾಧಿಸಿದೆ. ಈ ದಿಗ್ವಿಜಯಕ್ಕೆ ಮುನ್ನುಡಿ ಬರೆದಿದ್ದು R ಅಶ್ವಿನ್​. ಪಂದ್ಯದಲ್ಲಿ ಟಾಸ್​​ ಸೋತು ಬ್ಯಾಟಿಂಗ್​ಗಿಳಿದ ಭಾರತ ತಂಡ ಸಂಕಷ್ಟಕ್ಕೆ ಸಿಲುಕಿತ್ತು. ಫಸ್ಟ್​ ಇನ್ನಿಂಗ್ಸ್​ನಲ್ಲಿ 144 ರನ್​ಗಳಿಗೆ 6 ವಿಕೆಟ್​​ಗಳನ್ನ ಕಳೆದುಕೊಂಡು ಟೀಮ್​ ಇಂಡಿಯಾ ಮಂಕಾಗಿತ್ತು. ಈ ವೇಳೆ ಬ್ಯಾಟ್​ ಹಿಡಿದು ಅಬ್ಬರಿಸಿದ ಆರ್​. ಅಶ್ವಿನ್​ ಶತಕ ಸಿಡಿಸಿ ತಂಡಕ್ಕೆ ಆಸರೆಯಾದ್ರು.

ಇದನ್ನೂ ಓದಿ:ಬರೋಬ್ಬರಿ 750 ವಿಕೆಟ್​ ಪಡೆದ ಸ್ಟಾರ್​​ ಆಲ್​ರೌಂಡರ್; ತನ್ನ ಯಶಸ್ಸಿನ ಗುಟ್ಟು ಬಿಚ್ಚಿಟ್ಟ R ಅಶ್ವಿನ್​​..!

ತಂಡ ಸಂಕಷ್ಟಕ್ಕೆ ಸಿಲುಕಿದ ಸಂದರ್ಭದಲ್ಲಿ ತಾಳ್ಮೆಯ ಬದಲಾಗಿ ಅಗ್ರೆಸ್ಸಿವ್​ ಆಟವಾಡಿದ್ರು. ಟೆಸ್ಟ್​ ಕ್ರಿಕೆಟ್​​ನಲ್ಲಿ ಒನ್​ ಡೇ ಫಾರ್ಮೆಟ್​ನಂತೆ ಬ್ಯಾಟ್ ಬೀಸಿದ ಅಶ್ವಿನ್​, 108 ಎಸೆತಗಳಲ್ಲಿ ಸೆಂಚುರಿ ಪೂರೈಸಿದ್ರು. ಯಾರೊಬ್ಬರೂ ಅಶ್ವಿನ್​ ಇಷ್ಟು ಅಗ್ರೆಸ್ಸಿವ್​ ಆಗಿ ಬ್ಯಾಟ್​ ಬೀಸಿರೋದನ್ನ ನೋಡೇ ಇರಲಿಲ್ಲ. ಈ ಇನ್ನಿಂಗ್ಸ್​ ನೋಡಿದ ಎಲ್ಲರಿಗೂ ಆಶ್ಚರ್ಯವಾಗಿದ್ದು ಸುಳ್ಳಲ್ಲ. ಈ ಅಗ್ರೆಸ್ಸಿವ್​ ಆಟಕ್ಕೆ ಕಾರಣ ರಿಷಭ್​ ಪಂತ್​.. ತಂಡ ಸಂಕಷ್ಟಕ್ಕೆ ಸಿಲುಕಿದಾಗ ಕಣಕ್ಕಿಳಿದ ಅಶ್ವಿನ್​, ಪಂತ್​ನ ಸ್ಫೂರ್ತಿಯಾಗಿ ತೆಗೆದುಕೊಂಡ್ರಂತೆ.

ಪಿಚ್​ನ ವರ್ತನೆಯನ್ನ ಗಮನಿಸಿದ ಅಶ್ವಿನ್​, ಪಂತ್​​ರಂತೆ ಅಗ್ರೆಸ್ಸಿವ್​ ಆಟವಾಡಿದ್ರೆ ಮಾತ್ರ ರನ್​ಗಳಿಸೋಕೆ ಸಾಧ್ಯ. ಜೊತೆಗೆ ಎದುರಾಳಿ ತಂಡವನ್ನೂ ಒತ್ತಡಕ್ಕೆ ಸಿಲುಕಿಸಬಹುದು ಅನ್ನೋದನ್ನ ಅರ್ಥಮಾಡಿಕೊಂಡು ಅಬ್ಬರದ ಆಟವಾಡಿದ್ರಂತೆ. ಹೀಗೆ ಸೆಂಚುರಿ ಇನ್ನಿಂಗ್ಸ್​ಗೆ ಪಂತ್​​ ಸ್ಫೂರ್ತಿಯಾದ ಕಥೆಯನ್ನ ಸ್ವತಃ ಆರ್​.ಅಶ್ವಿನ್​ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ:ಭಾರತ ಟೆಸ್ಟ್ ತಂಡದ ಮೋಸ್ಟ್​ ಡೆಡ್ಲಿ ಕಾಂಬಿನೇಷನ್​ ಇದು.. ದಶಕಗಳಿಂದ ಇವರಿಬ್ಬರದ್ದೇ ಜಾದೂ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್